لقى سلطان شغله زينه بس انها ب الدمام واحتار مايدري يقعد او يروح ورجع البيت سلطان واهو ضايع ب أفكاره
راح السطح يبي يشوف غرام
غرام مسكت وجه سلطان وقالت: وش فيك وجهك تعبان
سلطان تكلم وقال انه في شغله ب الدمام ردت عليه غرام
غرام: ليه محتار طيب روح و سافر واشتغل مو انت تبي نتزوج
نزل راسه وماتكلم بعدها ودع غرام وراح ينام
الصباح صحى سلطان مبكر عشان يودع غرام ويسافر
شاف غرام ومسك يدها وقال: أنا مسافر يانور عيني مستعد اضحي ل كل شي بس عشان تصيرين حلالي
ابتسمت غرام ل كلامه وقالت: استودعتك الله ياضي عيني توصل ب السلامه و اوعدك ماراح اكون ل غيرك
باس راسها سلطان و ودعها وراح وركب تكسي ومسك خط ل الدمام وكان طول الطريقه يهوجس ب غرام وصل الدمام
وراح على طول ل المكان الي بيشتغل فيه مايبي سلطان يفوت يوم واحد يبي يخلص بسرعه ويرجع ل الرياض
بدأ يشتغل سلطان وكل مايتعب يتذكر غرام ويرجع يشتغل ويكافح لجل عيونه
وكان سلطان يتامل القمر ويبتسم يتخيله غرام
كان سلطان ماخذ رقم التلفون حق البيت من فهد و في مرا تشجع ودق على بيت غرام
غرام كانت ب الصاله مع هيام وكانو يسولفون ودق التلفون وردت هيام
هيام: الو مين معي؟
سلطان انصدم يحسبها غرام
سلطان: هلا هيام أنا سلطان غرام عندك
هيام ابتسمت وغمزت ل غرام و غرام مافهمت وش قصدها وصارت تهمس هيام وتقول انه سلطان فزت غرام على طول وخذت السماعه منها
غرام: الو
سلطان: يلبى ذا الصوت ياروح روحي
غرام استحت و ماعرفت تتكلم وهيام قاعده تضحك عليها
سلطان: الو غرام وش فيك
غرام: هلا سلطان شخبارك
سلطان: بخير انتي شخبارك
غرام: أنا بخير دامك بخير
سلطان: ياكثر الشوق ياغرام
قعد سلطان يتغزل ف غرام وغرام استحت وقالت
غرام: مع السلامه سلطان امي جت
سلطان قعد يضحك يدري انها تكذب
هيام: ويع كئنكم مسلسل كويتي وشذي الرومنسيه الخايسه
غرام : مالك دخل انتي
سلطان سكر السماعه وهو مبسوط اخيرا سمع صوتها
الصباح
كانو هيام و غرام و امهم ينظفون الحوش وفجأه
هيام تصرخ وتقول: غرام انتبهي
