#بقلم_هاندا
1
⚜️⚜️⚜️
............قاعدة ف سبيطار نبكي عينيا يحرقو من الدخان توالي إيناس ساندة راسها عليا ومن ماريا متكية راسها على كتف عمتي ، نبكي خايفة لا نفقدهم خايفة من اليتم خايفة وخايفة ، شفت راجل عمتي يهدر مع وحد الطبيب وطول وهو معاه بغيت نروح نسمع واش راهم يقولو باسكو باينة الحالة متعجبش سبيطار معمر نسمع غير ف العياط والبكاء لداخل الناس محروقة وكاين لي قشهم محروق لومبيلونس رايحة جاية قلبك يوجعك منظر الله لا يشوف فيه مومن ، نطقت ليا إيناس وهزت راسها-كاميليا زعما بابا يموت-بعيد الشر بركاي متفاولي وانا لداخل عندي نفس التساؤلات برك حبيت نبقا قوية قدامهم مهما يكون نبقا انا الكبيرة وهما صغار ، شوية وجا راجل عمتي اسمو (وهاب) شاف معايا وقعد توالنا جيت نسقسيه وش قالو الطبيب سبقنا قاطعني صوت طبيب واحد آخر كي قاعد يعيط على لافامي تاعنا رفعت راسي ختي قتلها اصبري هذا راه يعيط علينا وقيل نروح توالو ناض راجل عمتي سبقني لعندو رحت نتبع فيه وصلنا لتم قالو وين راهم عايلة المريض لفلاني قصدو على بابا نطق راجل عمتي قالو حنا هما وهاذي بنتو ومرتو راهي كومة تاني-شاف معايا وتنهد وقالي بنتي باباك رب يرحمو مقدرنا نديرولو والو كان محروق ومقيوس بزاااف في راسو ادعيلو بنتي ، آخر الكلمات لي كان يقول فيهم مسمعتهمش مليح من الصدمة طحت وحتكمت في سروال راجل عمتي حتى نوضني وليت نبكي ونقولو وقيل مش هو كي عاد محروق في وجهو بلاك غلطتو زيدو تأكدو مليح تعيشو ، ولات جات عمتي سندتني ليها ولا خبرها راجلها ،راح الطبيب ولات عمتي تبكي وتندب مبيها لعمرها مبيها لينا ، دورت راسي شفت خواتي واقفين شغل فهمو ومفهموش يشوفو معايا ملقيت وش نقولهم حركتهم راسي ولات وحدة طاحت تبكي في الأرض ولخرى شادة تنوض فيها وحالتي انا منهدرش، جات توالي وحد المرا بقات تواسي فينا ب الواحد قاتلي هذا نهار لحق وهادي حكمة الله اكي تشوفي نص لي هنا فقدو حبابهم بصح كلامها مقدرش يكالميني ، نشوف مع لي تم لي يبكو كثر ملي ساكتين كل شوية يدخلو زوج ثلاثة محروقين ...نطق راجل عمتي قالي يالله تروحو متبقاوش هنا قتلو ادي لبنات انا نقعد هنا مع ماما ملازمش نخليها وحدها قالي مكنش منها نخليك هنا وحدك مكيش تشوفي ف الهول هذا هنا -قتلك منرووووحش خليني هنا وليت نعيط جات عمتي -هيا بنتي مديريش هكذا وش تبقاي دير هنا خلينا نروحو -عمتي اتهلاي في خواتي تعيشي انا نبقا هنا حتى تفطن ماما ، كي ملقاو بواش يقنعوني راحو وانا قعدت تم بكيت بكيت حتى دخت مبعد نضت نحوس على الجناح تاع الإنعاش وين جا حتى حبستني وحد الفرملية بقيت انا وياها هدرة بهدرة قاتلي احكمي بلاصتك مناش لاهينلك قريب ضربتها ، سونا تلفوني لقيتها عمتي قاتلي اسمعي راه جاي وهاب ارجعي معاه تعيشي بنتي متخشنيش راسك ارواحي معاه -كوبيت عليها في نص كلامها منيش جايبة خبر لعمري محوسة غير نشوف ماما برك -هاندا ريفالدا للقصص- ....وحد الساعة لحق راجل عمتي شفتو يحوس من ومن رحت توالو قالي يالله تروحي عمك راه جاي ف الطريق هذا وين سمع -عمي وهاب تعيش شوف كيفاش تقدر تخليهم يدخلوني عند ماما عيشك-يا بنتي وانا نقدر ميخلوكش راهي كومة هيا تروحي متعطلينيش راني لاهي لهيه .....#بقلم_هاندا
#بقلم_هاندا
2
⚜️⚜️⚜️
