#بقلم_هاندا
6
⚜️⚜️⚜️
وصلت لصالون الحلاقة جات شافت شعري بقات حالة فمها -مدموزال راكي متأكدة رايحة تشونجي لاكولار تاعه شفت فيها بكا ثقة -وي بقات تخزر مع لي معاها ولخرى تان تقولها لوكان جا شعري كما تاعها نحرم عليه الصبايغ شوفي شوفي كيفاش ارطب وطويل وداك كولار ،شفت فيها تاع راني سمعتك ولات تبسمتلي وبدات في خدمتهم نعتولي كاتالوغ شفت مبعد قتلها كيفاش ديرولي -داكور مدموزال تفاهمنا ع البري وبداو في خدمتهم منكدبش لوكان نقول مجانيش الندم بصح هكذا مقررة ......3سوايع وهما مع شعري كانو دي كليونت تم كل وحدة واش تشايخ كل وحدة عندها حكايتها كانت وحدة تم عروس ف الاول مركزتش معاها بصح مبعد كي بداو يدورو بيها وحدة تصور وحدة تزغرت نضت انا طليت عليها شفتها كيفاش مشطتلها وكيفاش فرحانة غست فيها لثواني مبعد فقت مع روحي لقيت دمعة هبطتلي مسحتها ورحت حكمت بلاصتي ...بعد شوي جات طلت على شعري قاتلي سي بون راه خرج كما حبيتي غير داتني غسلتو ولفتولي كانو لاتيين مع ديك العروسة حتى جاو داوها وجات عندي نحاتلي فوطة فوق راسي وهبط داك السعر على وجهي اصفر زي الشمس بصراحة أنا ومعرفتش روحي لهاد الدرجة لون الشعر يغير بقيت نلعب بيه وهما يشوفو معايا قاتلي منكدبش مقبيل كي قلتي رايحة نصبغو مكنتش نوافقك الراي بصح كي شفتو جاك هكذا بدلت رايي جيتي تهبلي نزيد نخدملك حواجبك برك -نو متمسيش فيهم انا منلقطش -لا جيست نصبغهم برك -ااا اوكي.... لفيت خماري و خرجت من تم وحدة جديدة ديراكسيون للدار ..دخلت كانو مقيلين بلاك باسكو السكاااات حتى انا مدرتش الحس ديراكت دخل شفت شمبرة فارغة نحيت خماري وقشي لبست روب قصيرة رحت نحوس عليهم لقيتهم ف الصالو -سلاااام -هزو ريسانهم بقاو مشوكيين فيا نطقت جدة هي لولى -بسم الله وش درتي لشعرك-هههه بدلت اللوك-وش هو اللوك هذا -جدة صبغت شعري شفت مع طاطا نضيرة ناضت عندي قاتلي صبغتيه بصح علاه كان شعرك يسخف مزلتي صغيرة على هاد كولار- هكذا حبيت جاني شباب ياخي-ايه جاك يسخف بصح -خلاص طاطا قالك بدل اللوك يحبوك -معليش المهم راكي قانعة -صحيتي شوفي شوفي جدة بقات مشوكية هههههه كانت دوح في راسها عطيتها بوسة ف الهوا ورحت نشوف كش منوكل كنت ميتة بالجوع ....بعد مكليت رحت توالهم كانو يتفرجو قاعدة معاهم وعقلي مشي معاهم تايهة نتفرج ف لايف تاع كارولين حت لقيت خالي ياسين عيطلي حكيت معاه توالهم قالي وش نبعتلك عندي صاحبي هابط للبلاد هاد السمانة قتلو نخمم ونردلك هاي جدة تحكي معاك ، خممت قلت ماكياج معنديش ، قتلها الا كملتي معاه قوليلو ميكوبيش عاودت هدرت معاه -ها خممتي-ايه دك نبعتلك وحد لي فوطو تاع ماكياج وبعتلي كيفهم .....وليت حوست عل لي مارك لملاح وبعتهوملو قاتلي جدة جات حوست عليك شهرة وملقاتكش قتلها مين جي قوليلها ميش هنا -علاه ا بنتي كانت متحيرة عليك حبت تشوفك برك-حبيت نبدللها الموضوع قتلها جدة لعشية نروحو للشط وجدو رواحكم .....#بقلم_هاندا
7
⚜️⚜️⚜️
