#بقلم_هاندا
50
⚜️⚜️⚜️
نقرأ ف الميساج ونضحك ...رقدت وبايتة نعاود فواش صرا اليوم نفطن ونعاود نغفى بايتة وحدي ف الشمبرة ماريا وايناس راحو يرقدو مع جدة كنت درتلهم سرير تم لكل وحدة فيهم هما يرقدو بكري وانا نسهر لا خدمة لا والو ...صباح الخير-امم -كاميليا نوضيييي-هزيت راسي -وش تحوسي صباح ربي تاني-نحتاج سوارد للمشروع انا وماريا-روحي شوفي ف ساك ،راحت جاباتولي مديتلهم تعجبني فيهم حاجة ميتلاحوش بلا ميديو الإذن سواءا ف سوارد ولا حاجة اخرى ،عطيتهم خمسين خمسين سمعت جدة تعيطلهم نضت انا لقيتهم ف الكوزينة واقفين توالها شفتها مدتلهم ميتالف -جدة احكمي سواردك مديتلهم -هاي ناضت العود وش دخلك نتي ...هما خرجو وانا قلتلها جدة سوارد لي بزاااف يفسدو مكيش تشوفي فيهم ف مرحلة حساسة وولاد الحرام راهم بزاااف ...رحت غسلت وجهي هزيت حبة تفاح كليتها ودرت للشغل كي كملت بش شربت حليبي ،خرجت للبالكو نشرت القش ومنها نقرعج هزيت راسي لفوق مكنش يكون مزال راقد-هاندا ريفالدا للقصص- (وشبيك كاميليا وقيل طحتي على راسك)-ضيقة الروح تقتل اكره حاجة عندي كي نبقى ف الدار لا شغلة ولا عملة ، جاوني حوالي رحت للكوزينة شفت مع دوك المواعين لميتهم كامل في باسينة وخرجتهم للحوش جات جدة -وش رايحة ديري -كما تشوفي هادو قدم عفتهم دك نشريو جدد هيا تخرجي معايا ....بعد مقنعتها خرجنا رحنا بعدنا شوي لنص لافيل خيرت ماعين كما يحب الخاطر وجدة تسلك جاونا قريب 5ملاين ،عيطت لمول التاكسي جا توالنا رفدهم معانا وروحنا للدار ..غير دخلنا لقيت خالي لداخل ف الدار -ايما ما خلعت نحسب فيه سراق سلمنا عليه ، شاف مع الكراطن قالي-وش هذا وين كنتو-كنا نشريو ،،خليتوا مع جدة ورحت كش مندير غدا للبنات مبقاش ويوصلو ..نقلي ف البطاطا ونسمع فيه يقولها -ارجعو للدار علاه عليكم هاد التمرميد قاتلو -انتم لي حبيتو هكذا -انا مقتلكم والو انتي لي راكي تمشي في هواها دك تزيدو شهر شهرين وتكرهو هنا وتولو وحدكم ملي جات البزة هاذي وانتي تاخذيلها ف الراي خليتوا ايكاج فيه 300مترا فارغ وجيتو هنا قاتلو اني فاهمة وش في رأسك تحسب منيش فايقتلك الدار هاذي تبقى للزمان والله متنباع ........سمعت كامل وش هدرو ،كنت داخلة عندو نقولو الا حبيت نزيد نخرج من مش مشكل مبعد ستغفرت كملت الغدا طحت معاهم قدقد جاو التوام تغداو كي عادو خارجبن جا يمدلهم سوارد قتلو عندهم قالي شدي هادو مشيو بيهم حوالكم محبيتش نحكم تشنف وخرج جات ليا جدة -انتي متحشميش ولا خالك كبير عليك علاه متحكميش عليه-وقيل نسيتي بلي بسبتو رانا هنا ومنسيتش وش قالي ديك المرة وزيد اني سمعت وش كان يقولك مقبيل صح قلبي مفيه والو من جيهتو وخالي كي بكري كي زمان بصح انا لي يجرحني صعيب بش ننسى -هاندا ريفالدا للقصص- وقصة السوارد هاذي منزيدش نهدر فيها نوكل الحجر ومنمدش يدي للناس والحمد لله بابا خلانا برك ظروف مؤقتة -يااااا فمك هذا يجيبلك البلا ا بنتي حطي من روحك شوي مشي هكذا يماك مكانتش كما نتي عاقلة وتاخد الراي عمرها ترد الهدرة يا تصيلة باباك -هيه قلتيها تاصيلة بابا وافتخر وجدة تعيشي متزيديش تقولي هكذا نزعف كلشي ولا تسمعيلي الهدرة تعرفيني خفيفة ليه ليه نهز الخاطر وهاكي تشربي دواك ...عطيتها دواها ورحت نكتأب وحدي سكرت على روحي كل منقول راني نتجاوب مع الوضع يجي لي يردني للصفر منعرف علاه محبوش يتقبلو عقليتي ولا المشكل راه فيا يا ترى ....#بقلم_هاندا
51
⚜️⚜️⚜️
