#بقلم_هاندا
71
⚜️⚜️⚜️
راح سكندر وخلاني شاعلة وراه ،اليوم جاز سامط يقتل ملي ديمارا وانا نعيطلو حتى لحق وقالي رايح نرقد شوي العشوة خدام ودرت لشغل الدار الكوزينة مرونة البارح تالمو عييت مقدرتش ننضفها مش من عوايدي الفرينة مطايشة سايحة في لرض البيض السكر شوكولا منحكيش هاذا اكل في جرة القاطو لي غير داقتو جدة قاتلي الكلاب ميدوقوهش ايه باسكو نسيت نحطلو لافاني وزيد الحبات لي بقات شوي شوي ف الديكور معجبهاش قاتلك تاع مرت عبد الرزاق خير قتلها منا وجاي عيطيلها ديرلك القاطو حق ربي منزيد نحط يدي فيه كملت فرزت ديك الكوزينة للوحدة تاع النهار البنات راحو وجاو كلاو وش بقا من العشا سخنتو ف ميكرو اوند ...كملت واخيرا زدت رحت لباقي لي شومبر عقبت خفيف خفيف غير بش نقتل الوقت جدة سمعتها تهدر مع خالي قالها عقبيهالي نهدر معاها جابتلي التلفون -هالاو هاواريو اونكل يو فاين-ههه صباح الخير يا مهبولة لباس-والله بخير شوية يماك راهي تتالب فيا ..هدرت معاه شي نص ساعة ولا خبرني على حوالو تم يبان عاجبو الحال عاللخر ..... رحت شفت الساعة كانت الربعة طيبت حليب شربت وخليت للبنات يجيو اما جدة تحب القهوة طلعتلعا براس وديتلها شربت عينيا غير ع التلفون وقتاش يعيطلي مجبيتش نعيط بلاك يكون راقد ..جا الليل تعشينا صليت صلاتي وحكمت فراشي عيطلي هزيت عليه-الو-الو الو وشراهي البوبية تاعي -لباس وانت -لباس حمد لله وكي نسمع صوتك نزيد نرتاح -عههه راك توكل-وي ف القاطو لي خدماتولي وحد البوبية يسخف عمري راه ق يب يخلاص-بصحتك -الله يسلم دوك اليدين - بلا مزية -توحشتك كن صبت راكي معايا نروح نلقاك تستناي فيا بصح مبقاش نجي ونفراها تم تم -كيفاش -وشي لي كيفاش نجي نخطبك ونديرو عرس سمانة منزيدكش -سمااانة ميكفيش الوقت-وش من وقت تهدري عليه انا اصلا ضيعت بزااف لوقت كاميليا قتلك نجي نخطب ونهز من غير هكذا منفهمش -انا مزلت منيش واجدة -راكي واجدة وش خصك غير تكوني عندي والباقي عليا -اييي انت فاش راك تخمم وانا فواش متنساش عندي خواتي البنات لازم نديرلهم حل ونطمن علبهم قالي خواتاتك هما بناتي منا وجاي يعيشو عندنا حاجا متخصهم راني مخمم ف هاد الحاجة وراح نكون مسؤول عليهم قدام ربي وقدام الناس والا حبو خوالك يفهمو تولي الهدرة ليك وش تقولي اني معاك بصح ديري حاجة في بالك بلي في مقام بناتي وعلى راسي من فوق ،غير قالي هكذا عدت نبكي -كاميليا وشبيك عمري-ااا والو -راكي تبكي-والو مبيا والو يعطيك الصحة كلامك طمني تعرف بلي معندهمش من غيري وهادي الحاجة كانت دايرتلي عائق بينهم وبين حياتي الخاصة تعرف كنت منحية فكرة الزواج من راسي نهائيا قلت يكبرو نزوجهم مبعد نشوف الا كتبلي ربي نتزوج ساهل الحال كنت دايرتهم من أولوياتي وناسيا روحي أهم حاجة عندي هي راحتهم ومستقبل تاعهم-يا عمريييي زدتي كبرتي في عيني كي نشوفك بهاد اللاج صغيرة وهازة هاد الهموم بصح نوعدك عمري كامل هاد الهم والشقا لي راكي فيه رايحة تنسايه-ان شاء الله -هيا خلينا دك من البكا حاب نسمع من عندك شوي عسل -ههههه -........ كملنا كلامنا الحلو حتى نعسني رقدت ديراكت ....#بقلم_هاندا
72
⚜️⚜️⚜️
