#بقلم_هاندا
41
⚜️⚜️⚜️
يقولو بدل المراح تستراح وصح هذا غير ساعتين تم قدرت نميز الفرق بين هنا وليه ، ديجا بعد مسمعت جدة هدرت معاه كما هاك تأكدت بلي راهي في صفي باسكو هذا شي زاد طمني وريحني بقات حاجة لازم نعيط لعمتي وخالي لازم يعلمو ،...كاميلاااا-وييي جدة -ارواحي خالك ياسين حب يهدر معاك ،رحت عندها مدتلي تلفون حكيت معاه قالي وش هاد الرحلة منين خرجت -هاندا ريفالدا للقصص --اصبر ا خالي نفهمك مش كما راك فاهم خالي عثمان قال لجدة بلي يرجع نسيبو هنا وانا موحال نبقى هنا واك عارف -يسما هكذا استنا حتى رحت ودار عليكم -خليك منو والله لوكان كنت نعرف بداركم القديمة قبل نروح ديراكت لتم هيا متقلقش روحك رانا ملاح حمد لله تعرفني جدعة هههه-....كوبيت عليه بقاتلي عمتي لليل نخبرها....كنت نلم في قشنا هزيت كلشي وجدة واقفة عند راسي -ها لعوينة شردتك معايا هههه-قاتلي نروح علاه نقعد هنا وحدي كي راح ياسين مبقالي قعدة هنا وعبد الرزاق دايما غايب كي هو كي مرتو نقعد مع هاد الغولة هنا كلاتلي راسي -الحمد لله واخيرا قنعتي ،نضت بستها قتلها متحيريش روحك لي فيها لخير يجيبها ربي .....غدوة عيطت لواحد عندو طاكسي و قتلهم يالله إلى الأمام قبل منخرجو سكرنا الغاز والباب تاع ليطاج وخرجنا ..وصلنا شتا تقطر شوي ونهار مغيم هبطنا القش سلكت مول التاكسي طالعين ف الدروج وايناس تحسب شحال من درجة -يا ودي دك تحفظيهم -دخلنا بسم الله ريحة الجافيل من الباب -يالله حطو الفاليزات ف ديك الشمبرة وشمرو معايا جدة روحي اتكاي لهيه وغطي ب كوات دك تدفاي قاتلي لازم تشعلي لاشوديار بش يسخنو الشنابر-جدة انا منتلاحش لهاد الأمور باسكو انا يدي فلتانة ونخرب بزااف اليوم نشعلكم الدار نطقت ايناس -كاميليا نخرج نشوف كاش راجل كبير يجي يشعلهانا-عاودي عاودي مسمعتش تخطي خطوة برا الباب نكسرك والله مليحة هادي هزي ديك الشكارة دخليها يالله ، فتحت التيق والبالكوات كاين زوج برك والدار باردة بصح ضاوية تسخف باسكو جاية عندها 3واجهات مهيش مغمومة ،جات عيني على ديك الفيلا يا حناني ترد الروح فيها دو ايطاج من تحت وإيطاج لفوقاني جاي مخدوم زي تاع الشناوة وفيه شغل حوش ولا بالكو كبيييير الحواف تاعهه ب الزجاج ترونسبارو طليت من تم الكااالم غير جهة المدخل تاعهم بورتاي كبير ف النوار مفتوح تهت والله ،جات جدة قاتلي علاه راكي طلي البرد سكري علينا -جدة روحي احكمي بلاصة دك تدفاي ،دخلت وسكرت غير زجاج برك سمعت ماريا وايناس يتهاوشو ع فروطوار شكون لي تسيق -وشي عدتو هنا رية وسكينة وحدة تراغي ولخرى تجبد ب فروطوار وهي فرات علاه ديرو ف الحس ،خرجت رحت للدوش فتحتو شفت مع روحي ف المرايا نحيت خماري كنت لابسة بيجامة ومع البرد محبيتش نعري ... كانت الدار شبه نظيفة وزدنا عاودنالها حتى لي بلافو خرجت تشعل برك المابل خرجتو للبالكو حتى ننفضو تم -ايييي البرد يقرس عندها الحق جدة والله هذا وين حسيت رحت طليت عليها لقيتها رقدت قربت منها-جدة -امم-هههه اكي حية مليح أرقدي ارقدي-هاتيلي تلفون نعيط لخالك-علاه تاني-هاتي نقولو يجي يشعل علينا شوديار-هاندا ريفالدا للقصص- - مديتلها تلفون عيطتلو وطولت معاه ف الهدرة منعرف وش كان يقولها بعد نص ساعة لقيتو جا عندو المفاتيح فتح وحدو ودخل لقيتو فوق راسي -وانتي مبردتيش حتى درتي لي في راسك-مهدرتش معاه ،فات للكوزينة بقا يخرب تم شي ساعة ولا اكثر حتى شعلها زاد راح تفقد الريزارفوار وانا نتبع فيه بلا هدرة لازم بش نولي نعرف كيفاش يعمروه ودوك الأمور.....#بقلم_هاندا
42
⚜️⚜️⚜️
