اللهم اني تمنيت الكثير وكل الكثير بيدك يارب فرحه قريبه تغير فيها مجرى حياتي للأبد
صلوا علىٰ الحبيب المصطفى. ♥️
مر الليل بكل ما به من أحداث حتىٰ اشرقت الشمس بنورها المشع واستيقظ جميع أبطالنا منهم الذي اتخذ قراره ومنهم الذي يشعر بالألم، في غرفة "ظافر" كان يجلس ممسكًا بيده فنجان قهوة وأمامه والده يُمسك بجريدة ما حتىٰ قطع الصمت قول "ظافر":- أنا موافق.
نظر له "مازن" بهدوء يخالف الفرحة الداخلية التي يشعر بها، وقال:- كويس انك فكرت كويس ومخيبتش ظني فيك وفي تفكيرك أنا كُنت عارف إنك هتوافق، الدكتور "أنيس" بلغني إن ميعاد العملية هيكون بعد بكرة، أنهاردة هيتعبك شوية بس علشان التحاليل اللي عملها يتأكد منها تاني.
أومأ "ظافر" برأسه عدت مرات لوالده ثم اخذ يدعوا بداخله إن يتم الأمر علىٰ خير.
تحدث والده مرةً أُخرىٰ قائلًا:- مش عايزك تكون قلقان أنا متأكد إن بإذن الله ومشيئته هترجع تشوف من تاني وتقف علىٰ رجلك وتعرف إن كل حاجة زي ما ليها بداية ليها نهاية، خلي أملك في ربنا كبير، المهم أنا هكلم والدتك أنهاردة أعرفها إن عمليتك هتكون بعد بكرة لأن لحد الأن ومحدش في البيت يعرف بإللي حصل اضطريت أكذب وأقولهم إنك في سفرية تبع الشغل، بالنسبة لموضوع "أرجوان" فأنا هكلمها انهاردة وبكرة هيكون كتب الكتاب أنا عارف إني قولتلك بعد العملية لكن مفيش داعي للتأجيل يا حبيبي.
قال "ظافر" بهدوء:- إللي حضرتك شايفه يا والدي اعمله أنا بثق في كلام حضرتك وبثق في كل شيء بتعمله بيكون فيه مصلحة لينا، ربنا يحفظك لينا ويديم وجودك معانا دايمًا.
ربت "مازن" علىٰ كتف "ظافر" وهو يشعر بفخر علىٰ رده هذا ثم قال:- طيب يا حبيبي أنا هسيبك دلوقتي لدكتور "أنيس" علشان التحاليل وهروح لـ "أرجوان" علشان أتكلم معاها، خلي املك في ربنا كبير وخليك واثق إن ربنا بيختبرك علشان يشوف إيمانك وصبرك يلا السلام عليكم يا حبيبي استودعك الله الذي لا تضيع ودائعه.
رد "ظافر" بإبتسامة:- ونعمة بالله العلي العظيم، عليكم السلام مع سلامة الله يا حبيبي، خلي بالك من نفسك.
خرج "مازن" وأمسك هاتفه ثم ضغط علىٰ شاشته عدة مرات ثم وضعه علىٰ أُذنه منتظرًا الرد وما هي سوىٰ لحظات قليلة حتىٰ أتاه صوت "أرجوان" الناعس وقولها:- السلام عليكم يا دكتور "مازن" خير إن شاء الله
طمني علىٰ حضرتك وعلىٰ "ظافر"؟
أجابها "مازن" بهدوء وابتسامه:- عليكم السلام ورحمة الله وبركاته، إحنا بخير يا بنتي الحمد لله على كل حال، شكلي صحيتك من النوم فوقي كدا وإجهزي علشان عايزك في موضوع مهم، هستناكِ في كافتيريا المستشفىٰ.
نهضت" أرجوان" عن فراشها وهي تجيبه قائلة:- حاضر في خِلال ربع ساعة هكون قدام حضرتك، مع السلامة.
أنت تقرأ
أرجوان..زهرتي الحمراء بقلمي:- بسملة حمزة
Roman d'amourلقد أصبح الأمر مُرهق عندما تشعر وكأن العالم بأكمله قد أصبح ضدك، وكأنك تبدلت من زهرة برائحتها الخلابة ولونها الزاهي إلىٰ أشواك تجرح كل من يقترب منها، ماذا ستفعل عندما تشعر بأنك وحيد والعالم بأكمله ضدك، عالمها الوحيد وقدوتها في الحياة أصبح عدوها اللدو...
