صباح يوم كان عادي بالنسبة للعاطليين وحافل بالاشغال للمداومين..
فتحت باب غرفتها بكل هدوء تمشي في ممرات البيت تتطمن على اولادها متكأة بعكازتها ولها ريحتها الخاصة دقت باب الغرفة: عبدالرحمن يمههه قوم يا حبيبيي صلاة الفجر ووانا امك
ايمان فتحت باب الغرفة بشويش وهي تقول: اهلا خالتي..صباح الخييير, عبدالرحمن راح للمسجد من خمس دقايق
عائشة: زيين وانا امك نزلي معي تحت نزهب الريوق على بال ما يجون
ايمان: انشاءالله خالتي بس اجهز رائد للمدرسة ونازلة وراك
عائشة: تمام حبيبتي الله يقويك
راحت وهي تحمد ربها على ايمان اللي اطيب منها مافيييه اتجهت لغرفة فيصل بما انها اقرب وحدة لغرفة عبدالرحمن وهي كل ما تتقرب تسمع صوت فيصصل يعلى..
فيصل: كم مره قلت لك تعلمي وشلون تجهزين اغراضي ماصارت ععاد تعبت انا ترا وش فايدتك متزوجه دام انك ما تعرفين تراعين زوجك وما معك مسؤولية ابدا!!
حياة: يافيصل شوف انا سويته بالزييين والله ما كان قصدي احرقه تراه بالغلط
فيصل بغضب: بالغلط هاه؟؟ وييييييين اصرفها انا ذي فهمييينيي؟!!
عائشة وهي تدق الباب بأسى من حالة فيصل وحياة: حياة وانا امك افتحي الباب يا بنتي..
حياة وهي تناظر لفيصل بتساؤل: فيصل افتح الباب ولا بتقعد تهاوش؟
فيصل باستغراب منها: افتحييي الله يقلع بليسك امي عند الباب تنتظر!!
راحت حياة تفتح الباب بهداوة.. عائشة: شهالازعاج انتي وهو ما صارت ترا لكم كم سنة متزوجين وبعدكم على حالكم هذا كانكم هذاك الكرتون شسمه؟؟ عائشة وهي تفكر نطقت بدالها حياة تقول: تقصدين توم وجيري خالتي صح؟
فيصل اللي ما يعرف وين يودي نفسه رد عليها: ولا مفتخرة بنفسك!!
حياة: ترا ما سويت شيء انا!!
عائشة: بس انت وهيه الحين اقوول للخدامه تكوي لك شماغك تعبت من المناقر انا.. انتوا شلون متحملين؟!!
ردو عليها الاثنين بنفس الوقت: نتطلق.. صار لحظة صمت عطتهم الاثنين نظرات تحرقهم من فوق لتحت انا اشك انتوا صاحين قالت وهي تسحب حياة معها: يالله انزلي قدامي تحت عن اخليكم سوا وتصير ملحمة هنا
ابتسمت حياة بخفة وهي تنزل وتشمق ف فيصل اللي استغرب منها هي غلطانة ويحملوه هو الغلط...
قالت عائشة لحياة: نزلي تحت ساعدي العاملة وانا بروح اشوف نايف وينه
ردت حياة: خالتي نايف مو هنا راح للبيت الثاني كنت اصلي الفجر في الصالة ولقيته في المطبخ قالي اسكر الباب من وراه.
أنت تقرأ
انا فيك حيل طماع.. ابيك كلك حتى كلامك❤
Romanceحسابي في منصة اكس: 8rill_on حبيتك وربي الشاهد على كلامي.. م ظنيت اني ف يوم ممكن اخسرك حبيتك بكل م فيني ولكن بلحظه كل شيء بيننا يبدأ ينهدم من سواها وكيف كانت الايام بتكشفها لي انتي لي وانا لك وعمرنا م بنكون لغيرنا احبك حب والله يعلم به انا فيك حييي...
