أول ما سمعت الخبر وانه اختها صار معها علم ما قدرت تجلس مكانها بدون لا تروح وتسندها واتجهت على طوول لبيت اهلها معا زوجها دخلت للبيت وشافت الكل متجمع في الصاله رجعت خطوتين على ورا وتغطت لف محمد بإستغغراب لها وقال: لييش رجعتي وغطيتي وجهش؟؟
ايان بهمس: خف صووتك!! زوج ريم داخل وتعرف عاداتهم يعني ما لازم نحرجهم!!
محمد ابتسم بخفة لها ودخلوا مع بعض سلموا على المتواجدين وقالت ايان: ريم وينها؟؟
حبيبة: في غرفتها قالت بترتاح... سيري شوفيها صارلها مده عاد..
استئذنت ايان من عندهم ودخلت غرفة ريم كانت الغرفة بااارده تدور ريم بعيونها وما لقتها بعد ثواني طلعت ريم من الحمام وشعرها مبلووول ولابسه ملابس خفيفه مررهه اللي بمقابل بروده الغرفة ولا شيء!! اتجهت عندها وغطتها بالمنشفة قالت لها بعتب: باغية تمرضي ما عارفه كييف؟؟
ريم بتعب وواضح عليها الانهيار قالت: ايان ما فيني بارض اللي فيني مكفيني ترا!!
ايان: ريم الشيء اللي تسويه غلط ليش تهملي نفسش على شيء مصيره كان بيوقع دام اهل الطفل عايشين... انتي ما قصرتي سويتي اللي عليش من باب الاحسان والرحمه عليه وعارفه كيف انتي متعلقه فيه بس الطفل مرده حال امه وانتي ما محرم حاله فهميني يمكن زوجش الحين ساكت عادي لأنه طفل صغير بس لو كبر مستحيل بيسكت وخصوصا اذا صار عنده بنات فاهمه ويش اقصد؟؟
اقتنعت ريم نوعا ما بكلام ايان وعارفه انه كلامها صح ميه بالميه وعارفه نايف كيف هيه غيرته وايش ممكن تسوي قالت: زين ايان.. نايف وينه؟؟
ايان: ترا بتجننيني امه بعدين تجييبه!!
ضحكت ريم بخفة وقالت: لا!! اقصد نايف زوجي!!
ايان ابتسمت وقالت: والله ما بقيتي لي عقل!! تحت جالس وشكله متضايق واجد الصراحه!!
عرفت ريم سبب ضيقته وما حبت تفصح لأيان عن اي شيء مهما يكون هذي خصوصيتهم هو وهي لاحظت ايان شرود ريم عنها وقالت لها بخوف وشك: صاير شيء بينكم؟؟
ابتسمت ريم بتسليك وقالت: لا ما صاير شيء.. رحتي شفتي حياة في المستشفى؟؟
ايان: ياربيي نسييت!! بشوف الوسن نروح انا وهي قبل المغرب نشوفهم...
نزلوا تحت بعد ما هدت ريم شويه ونوعا ما تقبلت الحقيقه جلست بهدووء جنب نايف وما استغرب هو هدوئها ولفت تقول لأمها: متى بيوصلوا؟؟
خليفة: لا حول الله!!! قلنا لش في الليل اووييين!!
نايف: يا عمي هدي ما صاير شيء بإذن الله... لف يناظر ريم وقال لها: تعالي معاي ابيك في موضوع...
قامت معاه بهدووء وبدون ولا كلمه وصلوا للحوش تكتفت هيه وقالت: مو تبغا؟؟
تنهد نايف بضيق وقال: انا آسف... آسف عن اللي صار في المستشفى وعن اللي صار في السياره واتمنى انك تسامحيني...
أنت تقرأ
انا فيك حيل طماع.. ابيك كلك حتى كلامك❤
Romanceحسابي في منصة اكس: 8rill_on حبيتك وربي الشاهد على كلامي.. م ظنيت اني ف يوم ممكن اخسرك حبيتك بكل م فيني ولكن بلحظه كل شيء بيننا يبدأ ينهدم من سواها وكيف كانت الايام بتكشفها لي انتي لي وانا لك وعمرنا م بنكون لغيرنا احبك حب والله يعلم به انا فيك حييي...
