انا فيك حيل طماع.. ابيك كلك حتى كلامك❤

البارت8

طلعت حنين من مع ريم ودخل سعود: اووه اوووهه اشوف نيووف البطل قايم

نايف الصغير: بابا ليش مخليني هنا ما احب انا كذاك

سعود: يا عيووون بابا والله.. شفت الابطال لما تخلص طاقتهم لازم يعبوها وانته خلصت طاقتك وجبتك هنا نعبي طاقتك

نايف الصغير: بس هذا يعور(يألم)

سعود: لالا الابطال يقولوا ععاديي ما يقولوا يعور صح؟؟

نايف الصغير: صح..

التفت سعود لريم وقال: اقولش رحت خلصت اوراقه وقالوا اليوم بيطلع..

ريم: الحمدلله احسسسن عجب بقوم اجهز اغراضه عشان نطلع على طووول...

__________________________________________

في السيارة عند حنين ونايف...

نايف كان يبي يتطمن على ريم وعلى نايف بس ما عرف كيف وقال: هااا حنيين كيف الطفل الحين؟؟

حنين ابتسمت: الحمدلله بخيير والحين قبل ما اطلع بشوي كان صاحي من نومه..

نايف: الله يحفظه لهم..

حنيين بعد تفكير: ااا ناايف..

نايف: سمي...

حنين: اخت سعود تعرفها صح؟؟!

نايف: اييه..

حنين: زين تقول انه اعذرها على اساس انك كنت طوول الليل عندها وانها تعبتك ومن ذا الكلام وقالت اوصل اعتذارها لك

نايف: لا شهذا الكلام بالعكس اعدها نفسك( يعني قصده انه قدرها وغلاها نفس حنين عنده) يعني اللي سويته شيء ععادييي وبسيييط

حنين: قلت لها بس هي اصرت

نايف في نفسه يقول( ذربه واخلاق يا نايف وش تبي بعد اخطبها واضمنها لك..)

حنين شافته سرحان وقالت: خيير نايف ويين وصلت

نايف: قريب قريب.. الا حنين قولي لي لو تقدم لك واحد بيتزوجك بتوافقيين؟؟!

حنين شكت بسؤاله وكانت خايفه من شيء وردت بسرعه والخوف اعتلى قلبها: اكييييد لا

نايف استغرب منها وقال: لييييييه؟؟ مو انتي بعمر الزواج شلون ترفضيين؟؟

حنين برجفة واضحة في صوتها: يا نايف سكر ذا الموضوع بالله عليك ما هو وقته!!

التزم نايف الصمت وحب انه يطيع رغبتها وخصوصا انه حنين كتووومههه ومحد يعرف وش فيها صح شك بالموضوع بس ما حب يضغط علييهاا...

_______________________________________

الرياض..

فيصل: حياة قلبي هاتي الشماغ...

حياة: يالله جاييهه

تقدمت حياة تعطيه الشماغ ولبسه وهو يناظرها بنظرات الهيام واللي خلاص توضح انه فيصل انتهى منها