انا فيك حيل طماع.. ابيك كلك حتى كلامك❤

البارت35

#ليت_الليالي_كلها_شوفك_ولقياك

صباح جدييد يشرق على ناسنا بصوت زقزقة العصافير وريحة ريوق قدييم متعودين علييه من زمان... ناس تنتظر متى يمر اليومين بخيرهم وشرهم ويتقابلوا... ناس تنتظر تبدأ صباحها بخطة ممكن تكون انها لصالحه وممكن لأ ناس متشوقة تعرف وش بيصير في يومها وناس بادية صباحها كأنها من فترره ما تشوف الصباح...

عند الوسن وسامي...

اتجه سامي لناحية الوسن يقومها لصلاة الفجر...

سامي وهو يهز الوسن: وسسن وسسسن... قوومي مأذن الفجر..

الوسن فتحت عينها بتثاقل حصلت سامي قدامها رجعت سكرت عينها وفتحتها مره: خلاص قممت..

سامي: رايح المسجد انا تبغيي شيء؟؟

ابتسمت الوسن له وهو من زمان ما شافها بهذا الرواق من صباح قالت: سلامتك حبيبي...

عرف سامي في ذي اللحظة انه اللي صار امس جاب نتيجه معها واتجه للمسجد وقلبه متطمن عليييها ويستودعها ربه...

بعد ساعات من شروق الشمس على الرياض الحبيبة...

عبدالرحمن: يمه نايف قالي الفجر انك بتروحين لبيت عمتي نهاد..

عائشة: وقالك مسود الوجه ذا والله له وجه بعد!!

عبدالرحمن استغرب وقال: خير اللهم احعله خير على ذا الصباح ووشش صاير؟؟

في ذي الاثناء نزل نايف من فوق واشرت عائشة لعبدالرحمن انه يسكت...

سلم على امه واخوه وجلس...

نايف: ها يمه رحتي لعمتي؟؟

عائشة تنهدت وقالت: عبدالرحمن قم شغل السيارة وانا بروح البس عباتي وودني بيتك عمتك..

نايف عرف انها ماخذه في خاطرها قال لها: يمهه ليين متى انتي وذا الززعل ترا في الاول والاخير انتي غلطتي ورحتي خطبتي البنت..

عائشة: خلاص زيين زيين لا تبدأ موالك من الصباح...

ابتسم نايف وطلع ياخذ حنين معه للدوام واتجهوا للشركة على طوول.. في السيارة..

حنين: وش فييك وجهك قالب من الصباح؟؟

نايف: خلييها على الله وانا اخووك..

حنين: امي عائشة قايلة شيء؟؟

نايف: ومن غييرها يا حنيين ومن غييرها... تحسسني اني صغير ومو عارف وين اروح ووين اجي..تخيلي رايحه خاطبة لي ميعاد بنت عمه نهاد وكل ذا من ورااي...

حنين انصدمت ما توقعت عائشة تسوي كذا وقالت: مستحييل لاا وش ذا؟؟

نايف: اييه شفتي ورحت كلمتها امس بالليل ولا ما تبي تقولي بعد يعني تبي تحطني قدام الامر الواققع..