اشتقت لك وانا على البعد مجبور
ودي اغمض وافتح العين والقاك
يا حبيب قلبي بعد فرقاك مقهور
وش حيلة اللي يترجى يسمع صوتك
اضحك مع الناس ولاني بمسرور
سارح بفكري واشتكي ضيم فرقاك
...................................................................
رجع البيت وهو كله أمل وتفائل خصوصا بعد ما شارك اللي بخاطره لأخووه دخل للبيت وهو يتلفت يمين يسار يدور عليها بعينه ولقاها جالسة تاكل ريوقها تقدم لها وسلم عليها وحب راسها ناظرت له وهي ما تقوى على نايف اقرب واحد من اولادها له رفعت راسها وقال: هااا انشاءالله عقلت؟؟
نايف تنهد وقال: يمه انا باقي على كلامي و معطي الرجال كلمه...
عائشة: ما توقعت تطلع عن شوري لكن شسوي لك..من يومي عارفتنك انك ما تقوى على قلبك..
نايف ابتسم برضا وقال: يمه مو بس قلبي يبييها حتى روحي تبييها.. الله يخليك وافقي وريحي قلبي..
عائشة بتفكيير: زيين يانايف بشووف آخرتها معاك...
ضحك نايف وقال: يعني موافقة؟؟!
عائشة من بين حزنها الا انها ابتسمت من شافت نايف يضحك ولكن لازالت مقرره انه تبعد ريم بأي طريقه عن نايف: اييه يمه موافقة.. وانا والله ما اقوى على زعلك..
نايف بمزح: اييه واضح من امس وانا افتر في الشوارع ولا سألتي عنييي..
عائشة: اييه تدور الزله انت ععاد... المهم متى بتررووح تخطبها؟؟
نايف ابتسم لما طرت له فكرة انه الريم بتكون ملكه وبتنكتب انها حرم نايف قال: بعد يومين على الكثير انشاءالله بنرووح..
عائشة: ولا يكوون بتاخذ زوجة ابووك؟؟
نايف: مدري يمه بشوفها اذا تجي تراها خطبة وبنفس الوقت عقد قران...
عائشة: بس انت مو خايف من هالبعد اللي بيننا وبينهم.. اقصد يعني سلومهم وعاداتهم غير عننا..
نايف تذكر كلام سعود وقال: يمه انا يوم اني حبيتها حبيتها كيف هي على طبيعتها ولاني ملاقي عيبوها واخليها غصب تلتزم بعاداتنا ان حبت هي اهلا وسهلا وان ما حبت براحتها يكفيني انها محجبة وتستحي وقليل في ذا الزمن اللي يستحون وانا من يوم شفتها دق قلبي لها...
عائشة: زيين اجل على بركة المولى..
وقام نايف من فرحته يدقدق على سعوود يبشره ما جاه الرد من سعود وحاول كذا ممره ولكن توقع انه مشغوول دخل للمحادثةوارسل له:" من تكون فاضي دق علي ابييك بموضوع"
وارتاح نفسيا من هم موافقة امه كان متوقع بترفض زياده وبتهاوش وانه بيضطر ياخذ ريم غصبا عنها ولكن حمد ربه انها جات على كذا راح لدوامه وهو حرفيا رايق بالرغم انه كان ما وه يقابل احد ولكن عرف انه اي شيء يخصها ممكن يقلب مزاجه بدقيقة.. دخل الدوام والكل مستغرب حاله من امس لين اليووم دخلت حنين مكتبه وشافته يدندن اغنية راشد الماجد:" والله وتحقق منايا شوفوا حبيبي معايا"
أنت تقرأ
انا فيك حيل طماع.. ابيك كلك حتى كلامك❤
Romantizmحسابي في منصة اكس: 8rill_on حبيتك وربي الشاهد على كلامي.. م ظنيت اني ف يوم ممكن اخسرك حبيتك بكل م فيني ولكن بلحظه كل شيء بيننا يبدأ ينهدم من سواها وكيف كانت الايام بتكشفها لي انتي لي وانا لك وعمرنا م بنكون لغيرنا احبك حب والله يعلم به انا فيك حييي...
