الـديره الي غشاها الغيم من علوى اشفق على شوفها واحب طاريهـا

5

جاء اليوم الثالث 
مشعل:نقسم الاشغال بينا علشان نخلص بسرعه
فهد:افضل والله
وتقسمو العيال الاشغال بينهم والي يسوي الشاي وابي يطبخ الكبده والمقلق والي يحط النواشف والا اخره..
ابو نجم :يلاه يولد انت وياه اخلصو
عايض :باقي شويات ونخلص يعم
ابو فرج:الله يسعدكم يارب
العيال:ويسعدك ياعم
<عند خيمه الحريم او بالصح خيمه الاكل لحريم>
الجد ريحانه:الله يسعدهن على العيال ان شالو عنا تعب
ام عادل: اي والله صدقتي الله يوفقهم وين ماراحو
فوز:نحنا اذا اشتغلنا مغر تدعون علينا ام هم بس تدعون لهم وش الفرق بينا وبينهم
ضي :ماكذبتي صادقه اختي وش الفرق
الجده الهنوف:متى يحبيتي دعينا عليكم وبعدين هم اذا طبخو يطبخون بنفس رايقه مو زيك يبنات مسفر مكشرين ومايتهاوشون ويسكتون واذا تكلمو يتكلمون بنفس طيبه مو مثلك طق ومطاقق احتريمن نفسكم ويا عزيزه ادبي بناتس لا يشفن شي ثاني
ام فرج:ابشري يخاله
امل:الحمدالله بروح اقوم افضل لي 
الجده الهنوف:ابرك الساعات تقلعي ولا اشوف وجهك
امل وفوز وضي راحو
وجاء الليل والعائله كلهم كانو جالسين من جدان ومن جدات ومن اباء ومن امهات ومن بنات ومن اولاد كلهم كلهم مجتمعين بس كانو منفصلين عن بعض
ولبسين حجابهن
••••••••••
الجد سلطان:والله اخيرا اجتمعنا مع بعض
الجده جابر:اي والله نشوف ذا الحلوين كلهم
ابو فرج:الا وين بناتي
نوف:في الخيمه يعمي
ابو عادل :افا ليش
الجده الهنوف:الا مايحترم نفسه ماله جلسه عندنا
ابو رعد:وش مسوين هم!
رهايف:بس جدتي ريحانه وجدتي رهيفه مدحت العيال لن يطبخون ............... وكملت السالفه *عاد انتم تعرفون ليش اكتب يعني🤨*
رهايف:وعلى قولت جدتي هنوفه الي مايحترم نفسه ومايحترم جداتي ماله جلسه عندنا
ابو فرج مسح على لحيته:اي ان بروح اشوفهم واقول لهم يعتذرون لكم يخاله ولاتزعلين
الجده الهنوف:الله يخليك يوليدي بس ماسوء لي شي سوء لخواتي
همس بين عايض ونجم
عايض:اوفف والله خاله الهنوف تعطي والله تبالي
نجم: محد قدها جدتيي
عايض:ايي يسلم عينها يشيخه
الجد مطلق:وش تسريون فيه انت وياه
انخرشو عايض ونجم وقال عايض:سلامتك يعمي مافي شي
الجد مطلق:اي اي الله يسلمك
وخالد فرط ضحك يفحط في الضحكه
ناصر:وراى ماتسكت انت
خالد:اخخخ وسكت ثم قال مافي احترام لعم والله
ابو ياسر:صير عم زي الخلق باول بعدين تكلم
وفطسو ضحكك كلهم
ابو ياسر:تسمح لي يبو عبدالله اتكلم بموضوع قدامهم ولا نروح لمكان 
ابو عبدالله: ان الموضوع ماهو خاص ولا في خجل تكلم
ابو ياسر:هاه في خجل لبنيات
ابو عبدالله:ايي عرفت بس اي وحده
ابو ياسر:والله الود ودي اني اخذ رحاب لعبدالرحمن
انحرجت رحاب وقامت رهايف تقول لهم ندخل
قام خالد يضحك ويغمز لعبدالرحمنن
خالد: الا يكلب تتزوج قبل عمك ماش ادري ماتحرموني وماتقدرون مشاعري
عبدالرحمن :يشيخ طيررر
الجد سلطان :معليك من الكلاب ذولا وشرايك يبو عبدالله
ابو عبدالله:من ناحيتي انا موافق بس الشور شور البنت
ابو ياسر:خذ راحتك ونحنا مو مستعجلين
ابو عبدالله:ابشر وان شاء الله كل خير
وتعشو وراحو رقدو الاباء والامهات والجدان والجدات بختصار مابقى الا العيال والبنات
خلف:الا وش جدولكم
غيم:ماحدنا شي انتم عندكم
ياسر:الا تعرف تقولون شعر!
مروج:بس انهار ورهايف وريتال وشروق
عايض:يلاه ابهرونا
رهايف :يلاه انا بداء
بشروني عنك مايدرون عني
مادروا باللي شغل فكري وظني
اتسمع للحكي بك واتحفظ
خايف دقان قلبي يفضحني
كل ماسموك باسمك فز قلبي
والضماير والمدامع شاغلني
ياحبيبي يوم جنبت  الحبايب
عفت لاجلك كل من قلبي
فتني
والردود اختفلت من بين عشتي بنت وافي-تسلمين-عشتي يخويتي-صح لسانك
عايض:يلاه الحين دوري بس بتكون قصيره شوي
شعر الغزل جيت كلي
باسباب منهو هويته
ياطير ماشفت خلي
ماشفته ولا لقيته
ايتلني شوق تلي
ياليتني جار بيته
وايضا اختلفت الردود
خالد:بقول
جالس معكم مهوجس وسجيت وسريت
رحت كلي مابقر الا عيوني واجسدي
ضارب لي وادي  لضربته ماصحيت
لين يندهلي بساط الجليس الاحمدي
وادين منشاه نجد ومصبه في الكوين
فيه اغرب واتمادى واغدي
واتذكر من عليها قصيدي بيت بيت
يرد ميراد الضوامي على جال المدي
انهار:عاد يلاه دوري
لو ان النوايا في وجيه البشر تنشاف
عمى نور وجهي كل من شاف نياتي
مصير البنادم واضح ومايبي عراف
تحت بند"كل اللي تودونه بياتي
ريتال :احممم
الشوق ماهو بالحكي يالعاشق الهايم
وش قيمه الشوق دون الوصل فهمني
لا غبت  عنك تقول اشتاق لك دايم
ولا صرت موجود ما شوفك تكلمني
دام الغلا الي فيك بالحيل عايم
تعال كلمني وانا موجود واسالني
وش احوالك وش الدنيا معك دايم
ولا تبي وقت حاجاتك تواصلني
شروق:ابداء
المسجد اللي بينك وبينه افراق
وراك ماتسمع نداه وتجيله
قدام لا تبلى وتكبر وتنعاق
وتصير عندك جيته مستحيله
يابن الحلال اترك قليلين الاوفاق
واتبع طريق اهل الوفاء والفضيله
عشر دقايق كلها خير وارزاق 
وتكسب رضاء ربك وذنبك تزيله
تكفى تغانمها ترا الوقت سراق
قدام لا تردم عليك النثيله
وسكوتتت بعدها
نجم :ياجعل جرحك فيني وفوقها زود
ترا انا معك مهما الدنيا عليك تضيق
وصدقيني مهما كان همك كبير وعود
انا سندك وظهرك دايم يا اعز صديقه 
انت لو تعرف مكانك وكيف عنك اذود
ماكانك حزنت يا الفارق عن المخاليق
خلف:اوفف طلع عندنا ناس فنانين
عبدالعزيز:فيني نوم بروح ارقد
عايض:كلنا بنام
ورقدو كلكم ورهايف جالسه لحاله في البيت وانقفل الكهرباء بسرعه وشغلت كشاف الجوال ودخلو ثلاث اشخاص لبسين اسود باسود وقربون من رهايف وكانت بتصارخ بس غطوها بمنديل مخدر وطاحت واخذوها 
وفي الصباح
محد حس ان رهايف انخذت
وقامو كل البيت
الجد مطلق:يا ريتال روحي قومي رهايف
ريتال:ابشر ياجد
وراحت لخيمه ودرتها مالقتها وتوقعت انها نايمه في البيت ودخلت ودورت كل الغرف الي في البيت ومالقتها نزلت تركض
ريتال وجت تركض وانفاسها متقطعه:عمي جدي رهايف مو فيه لا بخيمه ولا في البيت
ابو نجم:هاه كيف

اوب اوب كيفي وانا منزله بارت امس واليوم🤭🤭
اشغال العيال
شسمه ال سلطان كلهم يشتغلون بشركه جدهم سلطان
ام ال مطلق كل واحد له شغله مختلف وفيهم الي يشتغل بشركه جدهم
والشعر كله منقوله مو انا قلتها
والنجمه بعد لاتنسونها 892 كلمه ✨