الـديره الي غشاها الغيم من علوى اشفق على شوفها واحب طاريهـا

7

اللهم صلي وسلم على نبينا محمد
بعد مرور يومين
نجم دق على ابوه:يبه انا وعبدالرحمن وعايض في القصيم  متوقعين ان  رهايف هناك
ابو نجم:دورو زين يوليدي لاتخلون مكان ماتدورن فيه
نجم:منعيوني يبه الحين اعذرني بسكر لن بروح لمكان
ابو نجم:الله يحفظكم وسكر
واتجهو لمكان المحدد الي اتضح انه في بران القصيم
عند رهايف
جاء بدر وهو يرفع يده بطريقه تهديد:ياويلك يسواد ليلك تعلمين احد انك تعرفين اسماءنا او تقولين وش سوء مهند لك ياويلك
رهايف وهي تتافف:طيب تقلع خلاص ماراح اقول شي بس بيدوركم الشرطه لن خاطفين بنت ملفي
بدر طنشها وراح
في وسط الرياض في بيوت ال مطلق بعد مارجعو من الخيوم
ام نجم وهي تبكي:بنيتي لها ثلاث ايام مخطوفه ولا احد لقها اخخخ
ام عادل تهديها:اهدي يخويتي ان شاء الله انها لقوها
وقعدو الحريم يهدوء ام نجم الي مكسور خاطرها
والرجال محتاسين ويفكرون وين يمكن تروح
ودخل ابو نجم عليهم وقال:السلام عليكم
وردو كلهم السلام
الجد مطلق:هاه يوليدي لقيت خبر عن رهوفه
ابو نجم :اي يبه نجم وعبدالرحمن وعايض يقولون رايحين يدورون في القصيم شاكين في مكان انها موجود
ابو عبدالله:وهو وشدراهم ان في القصيم
ابو نجم وهو يجلس:يقولون في احد قال لهم ان هناك وان شاء الله يكون صادق
ابو عادل وهو يمسك لحيته:اي اي زين
وعند رجال الشرطه
لؤي جاء ودق التحيه
نجم وعبدالرحمن قالو استرح بس عايض ماقالن لن مايشتغل في الشرطه بس محامي وهو ماسك قضيتها
لؤي:شافو الرجال من الهليكوبتر كوخ بسيط بين الجبال يمكن نلقى المفقوده
نجم:اي وش تنتظرون
وراحو وسبقهم عايض
عند رهايف
كانت تسمع اصوات اشخاص بس ماتقدر تتكلم مربوط فمها بحبل وفوقه لصق وتحاول بقدر المكان ان ماتنزل دموعها
ونرجع لعند عايض
وصل لكوخ قبل الامن
ولقى الباب مقفول وبداء يدفه ويدق
عايض:رهايف موجوده هنا
وزي ماقلت رهايف ماتقدر تتكلم وكانت جالسه في الارض لا على سرير ولا كرسي على الارض وسجاده تحتها شافت حجر وزحفت زحفت لين وصلت له وبعجوبه مسكت الحجر ورمت بس ماوصل عند الباب بس طلع صوت
وهنا عايض تاكد ان رهايف موجود بس مايقدر كسر الباب لن بتكون اثاره موجوده وبيخرب كل شي اذا فتحو قضيه وطالع تحت وشاف مزهريه *الي نحط فيها الورد* وشاف تحت شي ومسكها ولقى المفتاح واخذه وفتح الباب واول مافتح الباب نجم وعبدالرحمن جوء
نجم:هاه لقيتها
عايض:لا دوبي بدخل امشو نشوف مع بعض
ودخلو
وشافو رهايف مربوط في كل جهه والمكان مافي الا نور خفيف ويلاه يلاه ينور
نجم ركض وحضن اخته وعوض وعبدالرحمن صدو وطلعو رهايف من شافت اخوها انهرمت بكاء
نجم وهو يهديها:خلاص ماصار شي الحين نطلع ونروح البيت
رهايف وهي تبتسم لاخوها مع شويه دموع:مبي اجلس هنا نطلع باسرع وقت
نجم وهو يقوم ويقوم رهايف معه:منعيوني وطلعو من الكوخ *رهايف لابسه عبايتها وحاطه الحجاب على راسها *
وطلعو وركبها في السياره ومشو وكان معه عايض وعبدالرحمن جوء بسياره وحده ونسحب على الاحداث
الساعه6:15 المغرب
عند بيت ال مطلق
كان الحريم والرجال جالسين متجمعين ويسولفون بهدوء مجمعهم نايف لن خبره نجم ان لقوء رهايف وجايين وقال لاتعلم احد
في وسط سوالفهم فتح الباب وقمزت ام نجم والجده الهنوف
ام نجم :هاه يوليدي لقيتو رهوفه
نجم:مدري يمه
ام نجم بشبه صراخ:كيف ماتدري مو انت رايح القصيم تدورن عليها
رهايف وهي تدخل من وراى الباب:تراترانررتتر
ريف ومروج وابو نجم راحو لها بشبه ركض وحضنوها وام نجم مو مستوعبه رهايف وهي تبعد عن ابوها واخواتها:هاه يمه مااشتقتي لي شكلي برجع خلاص
ام نجم ركضت لها وهي تبكي:بنتي يمه سوءء لك شي اوجوعك وحضنتها الله يقلعهم ولا يوق..
وقفتها رهايف وهي تبكي وتحضنها والعائله كلها قامت تبكي
ونروح لعند عايض وعبدالرحمن من بعد ماطاعهم نجم
عبدالرحمن:اي الحمدالله ان لقيتها
عايض:اي والله
عبدالرحمن غمز وقال:امش امش نبشر الاهل بس
عايض ضحك ومشى معه
الجد رهيفه:هاه لقيتو رهوفه
عايض تقدم وهو يبوس جدته:اي يمه لقينها وعانها عند اهلها الحين
الجد سلطان:اي هاذي الاخبار السنعه الا وين لقيتوها
وقعدو عبدالرحمن وعايض يقولون السالفه لزوجات عمانه وعمانه وجدته وجده والبنات والعيال
غروب:يعمريي هي عانت كثيرر
ابو ثنيان:الله يصبر اهلها
دق الجد مطلق على الجد سلطان وقال له ان بعد يومين مسوي عزيمه بمناسبه رجوع حفيدته رهايف ويعلم الاهل وانه بيجون ناس كثار

احممم خلصت البارت رايكم
احس شعور حلو اني لقيت روايتي في قوقل شعور ماينوصف الصراحه وانا كاتبه الروايه قبل شهر مدري شهرين ولاتنسون يحبايبي النجمه واعتذر اني نزلت البارت متاخر676كلمه✨✨