الـديره الي غشاها الغيم من علوى اشفق على شوفها واحب طاريهـا

8

اللهم صلي وسلم على نبينا محمد

دق الجد مطلق على الجد سلطان وقال له ان بعد يومين مسوي عزيمه بمناسبه رجوع حفيدته رهايف ويعلم الاهل وانه بيجون ناس كثار
••••••••••
يوم العزيمه ثلاث يوم على رجعت رهايف لاحضان عائلتها

عند رهايف
كانت نايمه ودخلت عليها الجده هنوف
جده الهنوف:يرهوفه ابك قمي ورانا مشاوير ذي الليليه
رهايف وهي تفرك عيونها :طيب يمه بقوم الحين
جده الهنوف وهي خارجه:استعجلي
ورهايف قامت تميز الباب تشوف راحت ولا ولا وتاكدت انها راحت ورجعت نامت وبعد ربع ساعه
ريتال دخلت وهي تقول:ورعه ابك لين الحين راقده قومي يبنت قومي وهي تقعد تهزهزها
رهايف قامت وصفقت ريتال بيدها وهي تقول بهدوء :طيب خلاص بقومي وربي
ريتال:يلاه على الحمام قدامي(اكرمكم الله)
وقامت رهايف بعد مناقشات بينهها وبين ريتال
ودخلت الحمام(اكرمكم الله) وخلصت السكين كير حقها وطلعت ولبست لها تيشرت اسود مع بنطول كاروهات ورفعت شعرها بشكل ذيل حصان وخصل من شعرها نازله  ونزلت تاكل ودخلت المطبخ وشافت رحاب ومروج جالسين لن اصلا دوبهم قايمين
رهايف:هايي وش تاكلون
رحاب قامت ومسكت طرف قميصها من الجنب وانحت رجولها وقالت:اهلا انسه رهايف نحنا ناكل مثل ماترى عينكي هل تردين اطبخ لك عزيزتي وغمزت لها
رهايف وهي فارطه ضحك:اخخخخ الله يسعدس ياحظ دحيم فيس والله ماني شغل بقلط معكم ماتاكلون بدوني
مروج:وقسم مهبل
رحاب:طالعه منها
رهايف:اوه ماي ستسرز موجوده حي الله مروج
مروج وهي تاكل:على تبن واكلي بس
رهايف ضحكت ثم جلست  وجلسو يسالفون بواضيع وضحك وهزار وش يلبسون وش مايلبسون ويحاولون يغيرون جوء رهايف

ليله العزيمه

الكل متروقش لن العزيمه بيحضرونها ناس كثير
ام نجم:هاه كلشي جاهز
ام عبدالله:اي كلن شي جاهز بس باقي هل البنيات
ام عادل:الله يعين انا بروح اشوفهم
طلعت ام عادل ومن هينا دق الجرس ودخلو حريم وبنات ال سلطان

عند البنات
حاطي راشد وهم يغنون معه
شعوري لك مثل نقش يخلد
في مدى الاجيال واحبك حب تاريخي
ويذهلك ان تخيلته تشوف
احساسي ذا كله وكل مافيه
القصيد انقال في صدري
عشره اضعافه الكلام مابعد قلته
دخلت ام عادل وهي تغمز:هاه من تحبون حب تاريخ علموني مابقول لاحد
وقامو يضحكون
ريتال وهي تقول:يمه تدرين من احب
ام عادل نزلت اخذت الجزمه وهي تقول: اي من تعيس الحظ ذا
ريتال وهي تجلس وتحط يدها على خدها :اخخ يمه بس المشكله انه متزوج بس يمه زوجتهه صاروخخ ارض جوء
ام عادل واخذت كرسي:اي من ولده هو
ريتال :صبر يمه اوريس صورته اوففف بس
ام عادل:حتى صورته معس ياويلي ويلاه
ريتال وهي توريها الصوره:اسمه زايد بن مطلق ال'''''' اخخ بس
ام عادل صفقتها بجزمه:يهب قولي ابوس من اول
وقعدو البنات وريتال يضحكون
ام عادل:ان شاء الله متى تخلصون
رهايف:الي يتروش والي يتمكيج والي يسوي شعره والي تستشور خشتها والي والي مطولين
ام عادل:اجل انا بروح واستعجلن طيب
وراحت وقابلت على الدرج بنات ال سلطان وسلمت عليهم ونزلت وهم طلعو عند البنات
ام الرجال كلهم جاهزين بس متقروشين علشان القهوه وكذا ولا هم منزمان مخلصين
وعند الحريم خالصين كلهم وجالسين يستنون المعزموين
والبنات كلعاده مناقره على الاستشوار والمكياج وين كعبي وشرايكم بفستاني وكذا
وبعد ساعه بكثير خلصو البنات والضيوف بدوء يجون
بقول لكم لون لبس البنات
•••••••
رهايف احمر
مروج سماوي
الماس بني
سحاب بينك
غروب اسود
شروق ابيض
رسيل اصفر بس مو فاقع لا هادي
ترف بنفسجي بس مو فاقع بعد
نوف كلحي هادي
نسرين برتقالي بس مو فاقع بعدد
ريما ذهبي بس الذهبي الهادي
حلا جامسوت ابيض
ريتال بيج
•••••••••
ونزلو يسلمون على الناس
وجلسو ويتقهون وجلسو البنات معهم
ام فهد جلست جنبها نسرين
ام فهد:الا ينسرين انتِ كم عمرك؟
نسرين:24 يعمه
ام فهد:اي ولدي فهد عمره 34 يلبق لس بوريك صورته
نسرين:شكرا يعمه مااب
والى تقاطعها ام محمد لن كانت قريبه منهم:بنتي نسرين محجوزه لولدي محمد
ام فهد:صدق والله ماكنت ادري
ام محمد:لا عادي عادي وتركتهم ام فهد
ونسرين مصدومه متى صرت محجوز له!!!!
ام محمد:والله يبنتي محمد ولدي يبيك وان ماكنتي موافقه مافي مشكله بس قلت كذا لام فهد علشان ماتاخذك
نسرين هزتت راسها وهي مستحيه وام محمد طبطه عليهم
وجلسو الحريم يسالفون ويتقهون 

وعند الرجال
نايف:يليل يزقاقهه انا ودي انحاش
خالد:معاك في شر ولا قدى
برق:اي والله امشو بس لاازم احد يجلس يقهويهم
عبدالله+ياسر+رعد=بنجلس نحنا روحو انتم
صقر:لبى كبدكك
وطلعو العيال ي🚬🚬 ويسولف ورجعو لعشاء
وعند الحريم قلطو الضيوف لعشاء

وكذا خلصناا اسفه اني قطعت عليكم كم ايام واعذروني وحتى البارت السابع في الانستا مانزلت ولاتنسون النجمه 689 كلمه✨✨