الـديره الي غشاها الغيم من علوى اشفق على شوفها واحب طاريهـا

10

ابو نجم وهو صفق رهايف كف:هلا ابوي وتف عليها الله يلعن الساعه الي جابك ربك فيها الكلبه جبتي لنا الفضايح سود الله وجهك
رهايف بدموع:وشسويت انا
•••••••••••
ابو نجم:وشسويت وشسويت جبتي العار لعائله
رهايف ساكته وهي تبكي ومو فاهمه وش قاعد يقولون وجوء الجد مطلق وعياله الباقيين تقدم الجد مطلق وهو يسحب رهايف من شعرها ويدخلها الغرفه
الجد مطلق:راجح جب السوط يتربى الي مايتربى حسافه تربيه وليدي فيك
راح ابو عبدالله يجيب الي طلبه منه الجد
وجابه وجاء واخذه الجد مطلق وبداء يضرب رهايف فيها ورهايف تصارخ وتقول ماسويت شي ليه الضرب
وقامت ام نجم على اصوات صراخ بنتها وركضت تلحق بنتها وصلت لغرفه رهايف وتدق الباب
ام نجم:فكو الباب فكو بنتي فيها شي
ابو عادل فك لها الباب تقدمت ام نجم تحضن بنتها
ام نجم:وش سوت علشان تسوون فيها كذا هاه ملفي ذي بنتك للمعلوميه تضربونها وهي مافعلت شي
ابو نجم:الي تقولين هي بنتي سببت لي العار تكلم ولد وتطلع معه لو احد من الناس شافوها وش بيقولون عني هاه الي مثلها مفروض ينذبحون
الجد مطلق رم عليها السوط وقال :دقو على نجم يذبحها في البر واذا سالوكم الناس وين رهايف قولو سافرت تكمل دراستها هناك ولف على رهايف وتفل عليها
عند نجم وهو عيال عمه كان طالع برا مع عيال ال سلطان دق عليه العم عادل
نجم:يلاه بعمي الاهل فيهم شي؟
ابو عادل:يوليدي تعال دقايق ثم كمل جلستك مع العيال
نجم:ابشر جايكم
عايض:على وين يالحب
نجم بتسامه:الاهل يبوني بشوف وش يبوني فيه واجيكم
خالد:ننتظرك
نجم سوا لهم كذا 👍🏻وراح
وصل نجم لبيت ال مطلق
استقبله ابو نجم
تقدم نجم وهو يبوس راس ابوه :يهلا يبه في شي
ابو نجم:امش خذ اختك واذبحها جابت لنا العار
نجم وهو مصدوم:وش السالفه
ابو نجم:امش امش بس
وصعدو فوق ودخلو الغرفه على رهايف وهي لبسه عبايتها
نجم:وش السالفه ليه اسوي كذا ؟
وقالو له السالفه وهنا نجم مثل انه معصب
نجم وهو يمثل العصبيه:امشي هاذي المفروض تنذبح الحين وسحبها وركبها السياره
نجم:السالفه صدق
رهايف وهي مستمره على البكاء:لا والله انها كذب وانت عارفني اني ماسوي ذي الاشياء اموت ولا اسويها
نجم باس راسها:اعذريني بوديك لخيمه شايب اعرفه هنا وبعطيك جوال لاتتصلين علي لين ما انا اتصل عليك تمام
رهايف وهي تمسح دموعها:طيب بس لاتسحب علي تكفى
نجم :ابشري
وراح للبر وقف عند خيمه العم عساف
وقف العم عساف:هاذي سياره نجم وقف وهو ولده هذال

ارحبو تراحيب المطر اشتقت لكم وقاعده اكتب بارت وانا في اصعب حالاتي اعذروني ماكتبت بارت طويل نتاسف بس الحالات وكذا لاتنسون النجمه ⭐ مالي وجه اقول كم كلمه كتبت بس هي في اربعه ميه