الـديره الي غشاها الغيم من علوى اشفق على شوفها واحب طاريهـا

11

رهايف وهي تمسح دموعها:طيب بس لاتسحب علي تكفى
نجم :ابشري
وراح للبر وقف عند خيمه العم عساف
وقف العم عساف:هاذي سياره نجم وقف وهو ولده هذال
••••••••
العم عساف:عمره 57 عاش اغلب حياته في الصحراء لاسباب وماقد طب المدينه له فتره
العمه ساره:اهلها تبرو منها عمرها 43 ماجبت الا هذال و وطن طيبه مافي اطيب منها ودها تزور اهلها بس الظروف حكمت عليها
هذال:عمره28 عاش كل حياته تقريبا بصحراء كمل لثانويه ثم سحب ودخل العسكريه ويروح مرات ويرجع لهم
وطن:البنت فرفرشه بشكل تحاول قدر المستطاع ان تقنع اهلها يخرجون من الصحراء ويروحون المدن زي هذال كملت الثانوي وتبغى تكمل جامعتها عمرها 19
هاذا تعريف لعم عساف واهله
•••••••••••
نزل نجم من السياره سلم على راسه :كيفك ياعم عساك بخير
العم عساف:بخير بشوفتك ياوليدي انت وش علومك وشخبارك وبدوء يسولفون ودخل معهم هذال
عند وطن والعمه ساره
وطن تصبر من شبهه شباك في الخيمه:يمه من ذا اول مره اشوف
العمه ساره:لايشوفونك وانا ماعرف منهو اسالي ابوك
عند رهايف
رهايف:صح اني احب البر والسوالف ذي بس مدري كيف بعيش طول حياتي يارب يكونون جالسين فتره هنا ثم ينقلون لمدينتهم
وعند نجم جلس وقال السالفه لعم عساف وقال انا متاكده انها مضلومه وابي اتاكد اكثر ياعم مااقدر احطها في شقه ولا فندق لن الاهل حالفين لو شوفها ذبحوها وانا لحقت عليها باخر لحظه وابيها تعيش عندك اذا ماعليك خلاف واعتبرها مثل بنتك وبتساعد وبتشيلك
العم عساف:هي غاليه مثل ماانت غالي علي يابو ملفي وابشر فيني هي بمانتي ومحد بيضرها وبتعيش عند وطن وخالتها ساره
نجم قام باس راس العم عساف:شكرا ياعم وانا بناديها على بال ماتكلم العمه ساره وتعلمها
العم عساف وقف وهو هذال:ابشر روح نادها الا هي وشسمها
نجم:رهايف ياعم
هذال:هي اختك صح؟
نجم :اي الله يحفظها
العم عساف:صبر هي ماعندها مشكله انها تعيش عندنا صح
نجم: لا ابداء يبو هذال تحب البرء وذي الاشياء
وراح نجم لرهايف والعم عساف وهذال لعمه ساره وطن
عند اهل عساف(بختصر)
العم عساف:سلام
وطن والعمه ساره:وعليكم السلام
وطن:يبه من الي برا
العم عساف:بقول قصه صبر وكيف عرفته بس مو الحين المهم هو عنده اخته جايبها معنا وكمل قال لهم السوالف
وطن وهي تنطط:الله حماسس بيكون عندي شخص اكلمههه
العمه ساره صفقتها:اهجدي لاتفضحينا
العم عساف:وشرايك هاه انا عن نفسي موافقه انتم وش قرراكم وتساعدكم في الخيمه والطبخ
العمه ساره:عن نفسي موافقه وحياء الله
وطن:يبه هي وش اسمها تتوقع تقبل تعيش بذا المكان؟
العم عساف:اي سالت ابو ملفي انا وقال هي تحب البر وذي الاشياء يعني مافي خلاف وانت هاه يهذال وشرايك
هذال:منعندي موافق يبه والشور شورك يابيه وهي اختي من الحين مثل ما وطن اختي ولا يمكن اعتبرها شين ثاني
العم عساف:والنعم فيك يوليدي
عند نجم ورهايف
رهايف:هاه رفضو ولا لا
نجم:لا الحمدالله وافقو ومثل ماقلت لك دقي علي مثل ماتبين والجوال معك
رهايف:وجامعتي طيب
نجم:كمليها عن بعد
رهايف:ناسيه كل شي هناك وفوق ذا يمكن النت هنا خايس
نجم:لا معليك بيزين الوضع وانا بكلم الدكاتره الي يدرسونك ولا تشيلين هم
رهايف: طيب قول لهم انا برمي كل اغراض معد ابي ذكرى وماعندي اخت غير ريف ومروج واخذ اغراضي وجيب لي وكثرر من القمصان وباقي الاغراض حطها في مكان محد يدري عنه لا تتبرع فيها ياويلك
نجم:ابشري يلاه تعالي نروح لهم لا نطول عليهم اكثر من كذا
ونزلت رهايف وهي حاطه الشال على راسها ولابسه برقها لن قبل مايوصلون لعم عساف اشترى لها نجم اغراض عبايه وبرقع ومن ذي الاشياء
وطلعو العم عساف والعمه ساره وهذال وكلعاده وطن تناظر من الخيمه
وجلست رهايف وجلسو الباقين وجلسو يتناقشون على الموضوع ثم بعد فتره قام نجم وقال :استاذنكم انا الحين واشوفك على خير واختي بامنتكم وبمروكم بكره باذن الله
وقفو كلهم
العم عساف:انتبه على نفسك وركز على الطريق
العمه ساره:الله يحفظك يوليدي
نجم:الله يحفظكم ويوفقكم واستاذنكم مره ثانيه ومشى لسياره ولحقته رهايف وهي الدمع على الحافه وحضنته رهايف وقالت:بشتاق لك وقول لمروج وريف اني اموت فيهم واستوعتك الله يارب
نجم:فتره وتدعي رهوف وانتبهي على نفسك ياعيني ومشى وحرك ورهايف بكت ونجم قعد يدمع (انا على وشك البكاء عاد انتم مدري عنكم) ورهايف لفت ومشت لعندهم قامت العمه ساره:امشي ياعيني ندخل الخيمه
رهايف بشهقه:طيب
ودخلو الخيمه قامت وطن وحضنت رهايف
وطن:انا وطن اصير بنتهم تصدقين ياخي مدري ليه حبيتك احسك كتكوته ومسحت دموعها وقالت يلاه ربي جابكك ليي ياحظيي وقسم
رهايف قعدت تضحك:ياحلوك والله
وطن:يلاه لاتزعل يحلو ببتعودين على ذي الحياه مثل ما انا تعودت خلاص
رهايف:هههههههههه بتعود ماعليك واهم شي في بنوته هنا
وطن بغمزه:نرتبط؟
رهايف:هههههههههههه تمم
عند نجم قعد يمشي لين وصل لبيت الجد مطلق يهزز رجوله ينتظر نجم يجي وصل نجم وفتح الباب وقفو كلمهم  وما اقول لكم ان الكل قام في البيت والعيال رجعو 
ابو نجم:هاه ذبحتها الكلبه ذي
نجم:اي وقبرتها بعد معد عندي اخت غير مروج وريف وباخذ ملابسها بكره انا وبرميها
وام نجم قاعده تبكي وقاعدين يهدونها
الجده الهنوف:لا تبكين يام نجم ماتستاهلين بنت كذا  والحمدالله راحت قبل ماتجيب لنا العار
الجد مطلق:مثل ماقلت لا تقولون لاحد واذا سالكم قولو سافرت تكمل دراستها وبذات ال جابر لاحد يقول لهم ينشرون الاخبار بس ال سلطان وانسوها ابرك لكم ويلاه روحو نامو وقامو الكل يطلع يرقد
بس محد رقد يتذكرون رهايف وافعالهم لها وضحكهم وبكاهم سواء وطقطقتهم على بعض واستبهالهم وكل سنينهم مع بعض وعلى نهايه السنين راح رهايف منهم معد صار في شي اسمه رهايف وريف تدور اختها الكبيره الي تهتم فيها وتعتبرها امها الثانيه ولا ننسى عند رهايف ماقدرت تنام كل ماجلست على جهه تذكرت اهلها وتذكرت ضرب الجد وابوها لها ولا ننسى ابو وام رهايف صح انها قسى عليها وقالو لولدهم يبذبحها مع ذلك قلب الاب يحس انه مسوي غلط ولا ننسى ام رهايف قلبها متقطع على بنتها البكر فرحتها من جابت بنت تتذكر كل مراحل دخول رهايف الروضه ولا الابتدائيه ولا المتوسط ولا الثانوي ولا عن اول تخرج ولا عن الجامعه الي ماكملت حلمها فيه استغفرت الله وترحمت على بنتها ولا ننسى الجد والجده كانت رهايف من افضل احفادهم بس على قوله الجد مطلق جابت لهم العار حتى نجم الي الكل يشوفوه انه ذبح اخته وبس اتخذ قرار افضل من قرارهم وقرر يسكنها عند العم عساف الي ماتعرف عليه ذاك الزود لن يعرف بيطلع الحق واخته بتكون برئيه اهم شي ماقالو لعالم انها توفت لو توفت عند العالم ماتقدر ترجع لنا ولا ننكر العيال صح مايكلمون رهايف كثير بس لها اثر فيهم هي الي تجيب لهم الفعاليات وقلبها رهيف مثل اسمها طيبه ومافي افضل منها وبعد فتره رقد الكل بعد تفكير وصراع بينهم ويمكن بكاء بعد ؟؟ لن رهايفهم او رهوفتهم راحت من حياتهم والحين نعرف ليه سميت روايتي الـديره الي غشاها الغيم من علوى اشفق على شوفها واحب طاريهـا  مع ان رهايف راحت لعم عساف اليوم الا انها اشتاقت لديرتها ذي ديرتها عاشت حياتها كامله فيها فيها كل ذكرياتها فيها وفي سبب ثاني للاسم ولشخص بعد وتعرفونه بعيد

ياهلا وشخباركم وشرايكم بالبارت طبعا كتبت ذا البارت لعيون لين واعذروني اني اتاخر دايم اني انزل لكم بارت ولا تنسون النجمه⭐ 1087 كلمه