(عشقتك يا صعبة المنال وتولع بك قلبي من صغر سني )

(البارت ١٠)

(بسم الله الرحمن الرحيم)

{"وَلَسَوْفَ يُعْطِيكَ رَبّكَ فَتَرْضَىٰ"}

‏"لك عيوني والمحبه والغلا
ولك قلبي يانبض قلبي أنا
أهواك وعشقك كبر السماء
واهيم في عينك واذوب أنا"

الاسأله مع السلامه وتصبحون على خير
الكل ودعو بعض وراحو ينامون كل واحد في غرفتهم.
الصباح اليوم ثاني كل عاده الجدان والأباء معهم زوجاتهم
الجده وصال : قومي يابنتي قومي البنات يفطرون ونعين من الله خير ورانا درب
مها : أبشري يمه راحت... فوق تحديد غرفة البنات
أم رعد : يلا اصحوا افطروا وبعدين نتوكل على الله قاموا وهم يالله يفتحون عيونهم
مها (أم رعد) : هذا هم نازلين وراي
غرفة العيال الجد محمد وهو يضرب الباب بعصاته : قومو ياعيالي وراكم درب رجعه يلا عينوا من خير
صحى سعود علي صوت ابوه : خلاص يبه انت روح وإحنا دقائق ونكون عندكم
الجد لف راجع ادرجه : طيب لا تبطون
طلع ينال من الحمام (الله يكرمك) الي شعره يتقطر من مويه توه حس سعود ان هو ماكان نايم سأله :
أنت مانمت
طالعه ينال وهو يقول : إله نمت ساعتين وبعده دقوا علي المركز وصحيت
سعود : ليه عسى ما شر
ينال : شر ما يجيك بس هم محتاجيني ضروري
سعود: بتروح الحين
ينال : لا نحرك مره وحده والعصر أكون موجود
سكت سعود لما شاف أنه بيطلع
والتفت على الي نايمين وصحاهم بعد العشر كانو موجودين على السفره يفطرو
بعد الفطور الجد عزيز وجهه كلامه للحريم : كلكم جاهزين ومانسيتوا حاجه
الجده نوره : لا تطمن يأبو سليمان مانسينا شي
خالد : أجل يلا توكلنا على الله وهاتو شناطكم وهو وجه حكيه للبنات هزو رأسهم وارحو ينزلون الشنط
وحطو كل أغراضهم في السيارت شافها وهي تناظر فيه أول ما جت عيونه في عيونها شالت عيونها وجلست في سيارة اخوها ظل يطالع فيها وفي نفسه يقول "‏رعاك الله يا مالك شعور القلب و احساسه
و رعاك الله يا حافظ غلاك بداخل انفاسي
عليم الله يامن لك ثمان كنها الماسه
بأنك ماخذن عقلي وتفكيري وهوجاسي" صدا وجلس في سيارته وعيون غصب عنه يتاملها ودعوا بعضهم البعض وركبوا يستعدون يرجعون لبيوتهم استعدادً لزواج بدر و أميره... بدر معه ابوه وامه واخته ،  وسعود معه امه وأبوه ،  والأباء معاهم زوجاتهم والبعض معه عياله والبعض لا البنات مع إخوانهم وتحركو ورا بعض وصلوا لبيوتهم بعد ثلاث ساعات ماصدقوا على الله كل واحط رأسه ينام بعد الخط الطويل والمتعب بنسبا لهم... بعد رجوعهم رجع الكل لروتينه المعتاد بإضافة تجهيزاتهم لزواج
مر شهر مابين تجهيزاتهم من سوق لسوق  انهلكو من تعب والي انهلك من كثر تفكير وفي الي بشغله واستعد الكل لليوم الي ينتظروها بفارغ الصبر... اليوم الموعود يوم فرحة بدر الي أخير راح يجتمع مع حبيبته تحت سقف واحد
جدانهم واباهم والأمهات في القاعه يشيكون على القاعه البنات كلهم اجتمعوا عند عروستنا أميره يتجهزون عندها ومنها يخففون من توترها الي جننت الكل خلصوا البنات كلهم وهو ينتظرون والعيال يمرون ويخذوهم للقاعه
سميه : واي ما أستوعبت لحد الان ان أميره تكون زوجة اخوي
رغد : ياشيخه كلنا محد فينا مصدق ان هي اصلا تزوجت خلاص
نايا : خلاص بنات شوي وتصيح وهي تناظر في أميره
أميره ما بين شعور الخوف والفرح ان حلمها تحقق وبتصير زوجة بدر رسميا دمعت عيونها تشوف البنات كلهم حولها محد تركها صارو اعز من اخوتها
منال : ليه ي زوجة عمي الحلوه عيونك مليان دموع
ميرا : لو درا بدير انك بتصيحين بيجي وياخذك ولا عاد نشوف زولك حتى وهي تضحك من تعابير ملامحها ضربتها أميره بعلبة المنديل الي جنبها وهي تحاول تخفف من توترها
ميرا : اح وش ذا اول مره اشوف عروسه تضرب بس هين مردوده
رغد : هي انتي خلي مرت خالي في حالها لا تنكسل الزواج  وبدر بيفجرا القاعه في فوق روسنا
اميره : طلعوا هذولي ثنتين قبل ما انا افجر فيهم
ميرا : هدى هدى ريلاكس شهيق وزفيرا
وعد وهي تزيد في توتر أميره : ليه بتولدينها انتي
هناي : خلاص وجع انتي وهي مانتوا شافين البنت بتموت من توتر
رغد : ليه هي رايحه الحرب ترا كلها زواج يعني عادي لا هي اول وحده ولا هي اخر وحده
قبل ما تكمل كلامها دق جوال أيلان ردت : هلا عمي سعود
سعود: انزلوا إحنا برا
أيلان : تمام ثواني وإحنا عندكم وقفلت
أيلان : يله بنات بسرعه قبل لا نتأخر
نزلوا تحت لقوا سيارة سعود و سيارة أوس
والباقي مع بدر ونص ثاني مع اهاليهم
تقسموا لسيارتين سعود معه أيلان، أميره، نايا، هناي، وهتان.. سيارة أوس اخواته منال، ميرا، سميه، رغد، وعد وحركوا متوجهين للقاعه ونزلوا دخلوا بسرعه وهم ما عندهم وقت راحت كل وحده تلبس فستانها وأميره استلمتها المصوره بعد ما خلصوا توجهوا الي قسم رئيسي الي فيه معازيم الي كل ما احد شافهم ذكر ربه عليهم وجلسوا على طاولتهم
سميه : بنات ليه كل أنظار علينا لا يكون في حاجه غلط
ميرا : يشيخه يتاملونا يمكن نلحق أميره وهي تضحك على تعبيرهم
منال : سلامات اذا انتي تبغين الله يوفقك لا تجمعينا معك
رغد وهي تشوف حرمه تأشر للي جنبها علي سميه
رغد : سميه وميمي وجع
سميه ومنال في نفس الوقت : يوجعك سلامات
رغد : لان أكلتوا علينا الجو
منال : وش قصدك؟
رغد : من جمالكم يا عيني شوفوا الحريم كيف يطالعون فيكم اليله ما تطلعون الا وأنتم مخطوبين
سميه وهي تمزح : ياريت طفشت من مقابلات وجيهكم الي يجيب ضيم
منال فتحت عيونها على آخر : فال الله ولا فالك ما ابغى
وعد : والله محد قلكم تزدون حلا تطلعون احلا منا
نايا وهي تكلم منال : طيب ويشفيه لو انخطبتي
منال تنهدت وهي ماهي عارفه كيف تشرح لها :  ماني جاهزه
نايا وهي مهي مقتنعه بعذرها : يصير خير بعدين نتافهم قريتوا اذكاركم البنات،طالعو فيها اي الحمدلله
توجهت حكيها لي منال : وانتي؟
منال وهي تحس بتوتر من عيون الحريم : اي لا مدري والله نسيت  قربت نايا منها وهي تقرأ عليها واستحيت منها وبدون سابق إنذار جاء صورة ينال في خيالها هزت راسهم بمحاولة تشتته..، نايا : وشفيك
منال : هااا مافيني شي عن إذنكم بروح عند امي وراحت نايا في نفسها(وحظك ياخوي فيها هي تعرف ان هي نفسها الي يحبها من طفولته وعاشقها ما قلت لا حد حتى لأخوها ما اعترفت قررت تحتفظ بسر لنفسها
صورتها من غير ما تنتبه هي ورسلتها عند أخوها
فستانها أسود توب مزين بكرستال أسود طويل وله ذيل وفيه فتحه من قدام مكياجها طلبت انه يكون ناعم يبرز ملامحها فقط حرفيا طالعه أميرة زمانها
مشت عند امها الي واقفه تستقبل المعازيم مع الباقين وهي تحس بتوتر فضيع أول ما امها شافتها قامت تذكر ربها قربت من أمها كلمتها وراحت عند البنات الي سحبوها معاهم ترقص أم ينال شفتها عند أمها وهي تذكر ربها عليها كل ما أحد سألها تقول لهم أنها زوجة ولدها وانتشر أن بنت سليمان حرم ينال بس المصيبه ضنو ان ميرا تكون زوجته بحكم أنها الكبيره ولابسه فستان أسود توب مخصر على جسمها وله ذيل من وره  جاء وقت زفة العرسان انزفت أميره بطلتها ساحره و قامت تدق علي عمها ينزف.. عند الرجال الفرحه ما هي شاليته واقف عند باب الحريم ومعه ابوه وجد محمد وعمه و سعود ام البقيه انسحبوا لا يسببون زحمه دق جواله وعرف ان وقت زفته ودخل بهدؤ وعلي ثغره أبتسامه يمشي على النغام الموسيقى شافها بفستانها الأبيض وطلتها الي ساحره قلبه وصل عندها بأس جبينها ومسك يدها وهو يقول : مبروك يا قلبي الله يقدرني اني اسعدك واكون نعم الزوج زاد دقات قلبها وهي تقول بهمس : الله يبارك فيك
تقدموا جدنها يباركون لها ويوصون بدر عليها وهو يرد بعيوني تقرب أبوها وعيونه مليان دموع :مبروك أميرتي سامحيني إذا بيوم قصرت عليك بشي انتي عيوني الثنتين انتبهي لنفسك وعلي زوجك وذا بيوم من الايام صار لك شي تذكري وراك سند لااقلب الدنيا فوق راس الي يقرب منك ي اميرتي نزلت دموعه وحضنها تمسكت بثوب أبوها وهي تبكي وتقول : ما عمر صار منك قصور بابا الله يخليك لي ولا يحرمني منك وجه نظره لبدر : بدر انا عطيتك أميرتي لا اوصيك عليها ان ضرها شي ضرني
رد : أميرتك صارت أميرتي ويشهد علي الله اني لا أحطها بعيوني لا تشيل همها وان شاء الله ما بعمرها تطلع من بيتي وهي زعلانه
أبو أميره : هذ العشم فيك يا ولدي وربت على كتفه وطلعوا ومشوا العرسان لغرفتهم وهم خلاص يخرجوا يمشون الفندق شاف واقفه وعيونها مليان دموع وقرب منها : اف مين مزعل عيون عمها
هي فرحانه بس تحس بس مزعلها ماتدري ليه : ما فيني شي مبروك والله يوفقك
بدر عارف ان فيها شي : ماعليه بعدين نتفاهم تمام يلا فمان الله هزت براسها وطلع وأميره شاف ان كل عيال اعمامها واقفين
تكلم رعد : بدر لا نوصيك عليها امانه في رقبتك
وكمل حكيها لأميره : مبروك والله يجمع بينكم على خير أميره إحنا قبل لا تكون عيال أعمامك إحنا اخوانك وسندك بعد الله ثم أبوك وانتي في وجهنا أن صار لك شي اتركي كل شي وماعليك من الباقي إحنا عرفين ان بدر رجال ما عليه قاصر وبيحطك بعيونه والله يسعدكم ويحفظكم
أميره وعيونها مليانه دموع ما عمرهم احتاجتهم ومالقتهم دايمآ كانو معاها سند والي تبيه تم من ورا الخشوم بصوت هادي يادوب ينسمع : الله يسعدكم ماعمركم قصرتوا بشى كنتم اخوان قول وفعل جعلني مانحرم منكم والله يحقق مرادكم واحلامكم ماتقصرون يا أخواني ربي يحفظكم
بدر : الله يسعدكم وعقبالكم ويلا مع السلامه اخرتوني الكل يضحك عليه وهو ولا همه راح وارحو الباقين يزفونه لين الفندق... دخل أول ما جدته قالت لها تعال ما في أحد عند غرفة العروس الي بابها مفتوح وشاف انعكسها وهي تمسح دموعها ماعاد بقى فيه عقل من شافها بفستانها الأسود وقال ‏بهمس" فداك قلبٍ ماكذب يوم يغليك
وتفداك عين همها بس شوفك"
ما حس في نفسه والا هي عند الباب وتناظر فيه مصدومه وفي نفس الوقت طار عقلها من هيبته وكشخته كل واحد فيهم سرح في عيون ثاني بسرعه صحت على نفسها ودخلت وقفلت الباب في وجه ما صحى الا وهي قفله الباب غرفه وحس على نفسه وراح عند جدته وهو داخل طلعت حرمه كبيره في وجهه سلم عليها وهي تقول له : انت زوج بنت سليمان بسم عليها يولدي تطير العقل الله يخليكم لبعض يارب وانتبه لها هز برأسه ومو عارف وش الهرجه بس الي عرفه أن هي بنص سالفه قال  : ابشري ي الخاله ماقصرتي
الحرمه : والله اني بغيتها لحفيدي خالد بس جدتك نوره قالت إنها تكون مرت ظابط قلت الله يسعدهم والله انها بخاطري مير مافي نصيب تستاهلون كل خير
ينال عصب لما عرف أنها كانت بتروح منه حس بنار الغيره تشب صدره لما تذكر كشختها رد : الله يسعدك يا خاله يعوضك الله وراحت وهو مشى عند جدته الي قالت له يشيل أغراض لسياره وراح
طلع الأغلب من قاعه هي وقفت تصور نفسها قدام المرايا سمعت صوت امها تناديها : ايلانو بسرعه
ردت وهي تلف حجابها : هذاني جيت يمه رفعت رأسها ولقته متنح فيها تمنت تنشق الأرض وتبلعها نزلت راسها بفشله... قال بهدؤ : اطلعي بسرعه قبل لا يجون العمال وبعد من الباب علشان تطلع غمض عيونه استنشق ريحة عطرها لما مرت من عنده يحمد ربه أنه جاء يشيك على القاعه قبل لا يروحون وشافها وعرف مين تكون أيلان بنت عمه خالد شيك على كل شيء وخرج بعد ما تطمن وفي نفسه،،طيب يا أيلان موعدنا بعد شهر،، وحرك سيارته متوجه لبيته وباله معاها...
في الفندق عند العرسان دخلوا لجناحهم مسك يدها : عسى ربي يخلينا لبعض ولا يحرمني منك وان شاء الله ما تلقين مني غير سمي وأبشري واكون لك الأب والأخ والحبيب و ونعم زوج وارتاحي بروح اطلب لنا عشاء تمام
هزت براسها وهي تحس معه بشعور الأمان وارتحت راحت للغرفة تغير حاولت تنزل سحاب الفستان ولا قدرت وفجأه حسيت بيد تسحب سحاب لفت عليه
بدر : جيت اشوف اذا تحتاجي شي
أميره بهمس : شكراً
هز رأسه وخرج تأخذ راحتها
لبسة بجامه لونها وردي فاتح ومشطت شعرها وحطت كريم و رطبت شايفها واخر شي عطرت نفسها وجلست تهدي نفسها وبعدها طلعت له لقت أن توه أستلم العشاء وحطه شافها واقفه نادها : تعالي
وراحت جلست عنده وبدوا يتعشون وخلصوا قامت تغسل يدها ورجعت قام بدر قرب ومسك يدها وحضنها وشالها دخل لغرفته..
الصباح حست بثقل على كتفها ويدها فتحت عيونها  لقت أنه هو تذكرت إنها خلاص تزوجت والي جنبها بدر زوجها قامت بهدؤ ودخلت الحمام (الله يرمكم) تأخذ شور قبل ما يصحى وطلعت ولبست فستان يصلحها وجلست تتمكيج ولما انتهت مسكت العطر تتعطر وحست بيدين يضمها على خصرها رفعت عينها المرايا لقته يطالع فيها باعجاب وباس خدها : صباح الورد والياسمين
ردت بخجل : صباح النور حبيبي
بدر: جاهزه نروح عند اهلي بعدين اهلك
هزت براسها : ايوه جاهزه
بأس جبينها ودخل يتحمم راحت تجهز ملابسه وبعدها دقائق خرج وشاف أغراضه جهزته وهي مو موجوده لبس وخرج لقاها جاهزه تنتظره
شافته أنه خلاص لابس وجاهز جسلت تبخره وتبخر نفسها خلصت لبست العباية وخرجوا من الجناح نازلين متوجهين لبيت الجد عزيز
بيت الجد الي الكل متجمع فيه من صباح ربي  يتتضرون بدر وأميره كلهم جالسين في صاله كبيره يتقهون وفجأهم أوس بطلبه : يبه جدي ابغى اتزوج
أبوه : تزوج مين ماسكك
الجد عزيز : يولدي وش بلاك من صباح ربي صادق انت
أوس : اي جدي من صدق أتكلم
الجد عزيز : خلاص قول لأمك تدور لك على بنت الحلال
أم أوس: أبشر يمه فالبنت الي تتمنها
أوس : ي يمه جعلني فدا راسك البنت موجوده
جدته : منهي نعرفها؟
أوس : اي بنت عمي خالد
ميرا : تقصد أيلان؟
أوس ومنهي غيرها الي خذا قلبي : اي هي ها يمه يبه وش رايكم فيها
أمه : ونعم فيها يمه زين ما أخترت شيخه البنات
أبوه : ونعم فيهم عيال عمي محمد واحفاده ان شاء الله نشوف بعدين وربك يكتب اللي فيه الخير
هزا براسه واخيرا ي أيلاني بتصيرين لي قام علي صوت سياره عمها : وهذا هو بدر وصل قاموا وراه يستقبلون بدر نزلوا من السياره وسلم على أهله وباس راسهم وسوت زيه بظبط
الجد عزيز بأبتسامه حنونه : حي الله ببنتي الغاليه
أميره وهي شويه وتموت من خجلها : هلا بك عمي
الجده نوره : هلأ بالغاليه مرت غالي تعالي استريحي يمه تقدموا منها وهم يرحبون فيها بينهم
حست بالراحه بينهم وأنهم أهلها جلسوا وتقهوه وبعده بدر قام... الجد عزيز : أصبر ي ولدي نمشي معك عمك محمد عازمنا على الغداء ... بدر : طيب استعجلوا لا هنتوا وراي سفر نروح عند عمي وبعدها نروح المطار
الجد عزيز :  الله يسهل عليكم انت روح واحنا وراك
قرب منهم بأس رأسهم : أبشر يبه يلا فمان الله
خرج يسبقهم لبيت الجد محمد بحكم ان كلهم بيوتهم قريبه من بعض وبيت الجد هو البيت رئيسي
___________________________
وصل نزل من السياره ماسك يد أميره فزا أبو أميره يرحب فيهم لما شافهم جاين : حي الله بنور العين حي الله بولدي كيفكم عساكم بخير... بدر قرب منه يسلم عليه : الله يحيك ويبقيك ي عمي بخير نحمد الله ونشكره وبعد يسلم علي الجد محمد يسمح مجال أنه يشوف بنته الي ماصدق وشافها وشاف السعاده في ملامحها ما سألها لانه عرف اجبته من ملامحها بعد ما سلمت عليهم توجهت لأمها بطرف الآخر
قرب يسلم على الموجودين سأله الجد محمد : وينه أبوك علامه تأخر انا معلمته ان يجي باكر... بدر: والله ياعمي قال اني اسبقه وهم جاين شاف سيارتهم داخله ورا بعض هذا هم ي عمي وصلوا نزلوا كلهم تقدم الجد محمد يسلم علي الجد عزيز : حي الله رفيق الدرب، وضمه الجد عزيز : ي حيك وأنا أخوك
تقدمو الباقين يسلمو وجلسوا والحريم توجهوا لداخل قاموا يسقبلوهم  تقدمت الجده وصال ترحب فيهم الجده وصال : يا هلا ومسهلا تو ما نور الدار
الجده نوره : منوره بأهله يختك ،كيفكم عساكم بخير
الجده وصال : الله يسعدك ويبقيك بخير كلنا بخير وانتي بشريني عنك شخبارك
الجده نوره : بخير دامك بخير، وجلست وقامت كل وحده تاخذ اخبار ثانيه وجلسوا يسالفون
=قسم الرجال=
جلس يحن علي راس أبوه ان يخطبها اليوم : يبه تكفى كلمهم واخطبها لي اليوم
أبوه : اصبر علامك مستعجل نشوف الوقت المناسب
: يبه أنا مدري متى يجي الوقت المناسب كلمهم الحين ولا ترا انا بنفسي اروح واخطبها
يأس من عناد ولده :  اركد ي ولدي وان شاء الله بعد يومين نتقدم رسمية بس انت أصبر
تنهد : طيب يبه بعد يومين ان ما خطبتها بتصرف من راسي هذاني قلت لك
أبوه حط يده على كتفه : ابشر من عيوني وان شاء الله إنها لك
تقدم وباس رأسه راح أبوه وهو مشى عند الشباب
الجد محمد : ها عزيز نروح المزرعه هذا الأيام ما يتعوض
الجد عزيز : اي والله قلت الي بخاطري جلستها ترد الروح متى نروح
الجد محمد : ها ياعيال وش قولكم
خالد : ابد متى ما بغيتوا نحرك
عبدالله : اي يبه فرصه دامه مافي دوامات
بدر : ي سلام وتخلوني
فيصل بسخريه : وش رايك يعني موب انت مسافر خلاص كنسل وتعال
بدر الي تذكر أن ما بقى على طيرته شي : اي صح لا بسلامتكم يلا مع السلامه انا تأخرت ودعهم وراح عند الحريم ينادي زوجته،  الجده نوره : تعال ي يمه مافي احد غريب،  تنحنح ودخل سلم عليهم وودعهم وخرج مع زوجته الي ما رضت تفك حضن أمها متوجه للمطار ،  أمه : استودعتكم الله مسحت دمعت عيونها
الجده وصال : هوينها يختي هذا هو مافيه الا العافيه رايح يستانس مع مرته
الجده نوره : قلب الأم يختي ما عمره بعد عني
أم أوس : ماعليه ي عمه بعد أسبوعين وهو قدامك لا تشلين هم أميره فيه
أم ينال : يلا ي جماعة الخير تفضلوا على العشاء
وقاموا يتعشون ، الجده نوره : ليه هالكلافه ماله داعي وانا اختك
الجده وصال : كلافة وش مافي كلافه ولا هم يحزنون تفضلوا اجلسوا بالعافيه ومسكت ميرا جلستها جنبها : خليكي هنا يمه وتعشى وراك ضعفانه ماتكلين حلاة البنت بجسمها ماهو جلد على عظم : ابشري يمه وهي مستغربه منها وتناظر البنات اللي ماسكين نفسهم من ضحك واكلتها لين قالت بس : يمه تكفين خلاص ماقدر شبعت كثر الله خيرك
الجده وصال : يمه ماكلتي شي ليه لا تقول لي ان هاذا أكلك كلي يمه، قبل ما تقول شي قامت اختها : الحمدلله كثر الله خيركم وجعله سفره دايم ورحت بسرعه قبل لا يمسكونها هي توجهت للمغاسل تغسل يدها خلصت وقبل ما تطلع شافت ظل شخص وحول منتشر دخان وبان لها أن في شخص قاعد يدخن قربت تبغى تستنشق ريحة دخان تموت في ريحته وهي واقفه الإ شخص يلف لورا وشاف إنها هي اللي وراه، تصنمت لما التفت عليها وشافها آخر شخص تمنت إنه تشوفه ورجعت للخلف تكلم هو : كيفك
: بخير، ماتدري كيف الكلمه طلع منها ولفت بترجع بس رجعت تجمدت في مكانها وهي تسمع الي يقوله : ‏مرحبا بالي ملك قلبي وشرايينه ترحيبةٍ ما خذاها من الناس غيرك.. ، واتركها مايدري كيف خانه لسانه  وفضحه مايدري وش يسوي وفضل إنه يروح..

لفت تبغى تبرير تبغى تتأكد أنه يهلوس او اي شي بس ما تبغى الي يكون في باله، بس ما لقت غير الجدار اللي كان مستند عليه وهو ماله وجود للحظه شكت في نفسها تهوجس مو هو لفت بترجع وفي بالها، أنا اتوهم شكلي وهي في عالمها صادفتها عمتها وهي مستغربه من وقفتها و تهرجه مع نفسها
سميه : هيي بنت وش فيك كل هذا الوقت تغسلين هههييي لقت أن عمتها تكلمها : هلا وش بغتي
سميه وهي تقول الحمدلله وشكر شكلها انهبلت : مافي شي ي قلبي بس كنت اقول ان كلهم في الحديقه عند ابوي وخالي،، هزت براسها وهي رايحه لعندهم

اعتذر عن الأخطاء الإملائية ودمت بالود
لا احلل القراءه من دون لايك
واكتبوا لي توقعاتكم
واستودعتكم الله
الكاتبه (أميرة الورد)