(عشقتك يا صعبة المنال وتولع بك قلبي من صغر سني )

(البارت ١٢)

(بسم الله الرحمن الرحيم)

{"وَلَسَوْفَ يُعْطِيكَ رَبّكَ فَتَرْضَىٰ"}

"أنت يا اللي مـن عَـرفـتـك و أنا ما غير !
أشـتـاق لـك واهـيـم  و أكتـب لك قصيده

مـو مـهـم تكون لـي المُهم إنـك بخير
يا شعـوري يا قصيدي  يا قديمه يا جديده

أيـه احـبّـك و صـار حُـبـك لـي مصير
أنت بس عطني غَـلاك و خِذ كل اللي تريده .."

تقدمو الباقين يسلمو وجلسوا والحريم توجهوا لداخل قاموا يسقبلوهم  تقدمت الجده وصال ترحب فيهم الجده وصال : يا هلا ومسهلا تو ما نور الدار
الجده نوره : منوره بأهله يختك ،كيفكم عساكم بخير
الجده وصال : الله يسعدك ويبقيك بخير كلنا بخير وانتي بشريني عنك شخبارك
الجده نوره : بخير دامك بخير، وجلست وقامت كل وحده تاخذ اخبار ثانيه وجلسوا يسالفون
=قسم الرجال=
جلس يحن علي راس أبوه ان يخطبها اليوم : يبه تكفى كلمهم واخطبها لي اليوم
أبوه : اصبر علامك مستعجل نشوف الوقت المناسب
: يبه أنا مدري متى يجي الوقت المناسب كلمهم الحين ولا ترا انا بنفسي اروح واخطبها
يأس من عناد ولده :  اركد ي ولدي وان شاء الله بعد يومين نتقدم رسمية بس انت أصبر
تنهد : طيب يبه بعد يومين ان ما خطبتها بتصرف من راسي هذاني قلت لك
أبوه حط يده على كتفه : ابشر من عيوني وان شاء الله إنها لك
تقدم وباس رأسه راح أبوه وهو مشى عند الشباب
الجد محمد : ها عزيز نروح المزرعه هذا الأيام ما يتعوض
الجد عزيز : اي والله قلت الي بخاطري جلستها ترد الروح متى نروح
الجد محمد : ها ياعيال وش قولكم
خالد : ابد متى ما بغيتوا نحرك
عبدالله : اي يبه فرصه دامه مافي دوامات
بدر : ي سلام وتخلوني
فيصل بسخريه : وش رايك يعني موب انت مسافر خلاص كنسل وتعال
بدر الي تذكر أن ما بقى على طيرته شي : اي صح لا بسلامتكم يلا مع السلامه انا تأخرت ودعهم وراح عند الحريم ينادي زوجته،  الجده نوره : تعال ي يمه مافي احد غريب،  تنحنح ودخل سلم عليهم وودعهم وخرج مع زوجته الي ما رضت تفك حضن أمها متوجه للمطار ،  أمه : استودعتكم الله مسحت دمعت عيونها
الجده وصال : هوينها يختي هذا هو مافيه الا العافيه رايح يستانس مع مرته
الجده نوره : قلب الأم يختي ما عمره بعد عني
أم أوس : ماعليه ي عمه بعد أسبوعين وهو قدامك لا تشلين هم أميره فيه
أم ينال : يلا ي جماعة الخير تفضلوا على العشاء
وقاموا يتعشون ، الجده نوره : ليه هالكلافه ماله داعي وانا اختك
الجده وصال : كلافة وش مافي كلافه ولا هم يحزنون تفضلوا اجلسوا بالعافيه ومسكت ميرا جلستها جنبها : خليكي هنا يمه وتعشى وراك ضعفانه ماتكلين حلاة البنت بجسمها ماهو جلد على عظم : ابشري يمه وهي مستغربه منها وتناظر البنات اللي ماسكين نفسهم من ضحك واكلتها لين قالت بس : يمه تكفين خلاص ماقدر شبعت كثر الله خيرك
الجده وصال : يمه ماكلتي شي ليه لا تقول لي ان هاذا أكلك كلي يمه، قبل ما تقول شي قامت اختها : الحمدلله كثر الله خيركم وجعله سفره دايم ورحت بسرعه قبل لا يمسكونها هي توجهت للمغاسل تغسل يدها خلصت وقبل ما تطلع شافت ظل شخص وحول منتشر دخان وبان لها أن في شخص قاعد يدخن قربت تبغى تستنشق ريحة دخان تموت في ريحته وهي واقفه الإ شخص يلف لورا وشاف إنها هي اللي وراه، تصنمت لما التفت عليها وشافها آخر شخص تمنت إنه تشوفه ورجعت للخلف تكلم هو : كيفك
: بخير، ماتدري كيف الكلمه طلع منها ولفت بترجع بس رجعت تجمدت في مكانها وهي تسمع الي يقوله : ‏مرحبا بالي ملك قلبي وشرايينه ترحيبةٍ ما خذاها من الناس غيرك.. ، واتركها مايدري كيف خانه لسانه  وفضحه مايدري وش يسوي وفضل إنه يروح..