احلى صدفه يوم شفتك ومن بعدك حبيت الصدف

البارت 14 >

(يوم شفتك احلى صدفه ومن بعدك حبيت الصدف)
                                   14

نروح للسعوديه ..

بـــــيــٰت ســـــلـــمـــان

قعدت بتول على نغمات جوالها قامت تشوف منو الي مرسل لها تتفاجا انه رقم غريب
وكان محتواه
( شفتك ذاك اليوم بالكوفي و ماشلتك من بالي وضليت وراك لين عرفت اسمك وجبت رقمك )
بتلو انصدمت وكتبت له ( انت ماعندك خوات ماتستحي على وجهك ) ردعليه( شفيك ترا الموضوع تسلايه لا اكثر ) رد بتول ( حسبي الله عىل هل اشكال المقرفه اكبر بلوك بيجيك الحين )
نواف عجبته ردت فعلها وحس انه صدق مالها بهل سوالف
اي لاتنصدمون نواف كان يختبرها.. نرجع لبتول
قامت متنرفزه توجهت للحمام تاخذ شاور لان عمتهم اليوم عازمتهم هي وبنات عمها  ببيتها

الكل وصل بيت ام مناير ..
وضحك ووناسه طبعاً ايمان صج فيها خبث لكن قلبها طييب بس هي مقهوره من حالها وحال بنتها الي واقف محد طل بوجهها

ومر الوقت وجاء محمد ياخذ بتول ولولو بس لزمت عليه العمه ينزل يتقهوى دخلو مهره ومثايل داخل
دخل محمد تقهوى ولولو الا تاخذه توريه المراجيح الي برا بمزرعة عمتها بس الصدمه انه مهره كانت قاعده هناك بالمزرعه ولولو بس شافته راحت تركض عليها تحظنها ومهره شدت عليها زود
وقالت : مو عساس الحين بتروحون بيتكم
ومانتبهت لمحمد
لولو : اي هاذا محمد جبته يشوف المراجيح
رفعت راسها بسرعه وبخوف ولقته قدامها وضله غطاه   وفزت وكانت بتروح بعدين رجعت
وقالت : تدري انه ماكرهت احد بحياتي مثلك يال غدار
مسك يدها وشدها له وقال بهمس
: وانا بعمري ماشفت وحده تخون الي كان بيصير زوجها خلال ساعات
فتحت عيونها بصدمه وقالت خاينه !!!!
اي وخيانتك ماتنغفر والصور واللوعه الي شفتها ماتنغفر زياده
مهره زادت صدمتها : انت شقاعد تقول واي صوره ؟
محمد ضغط على يدها وصر على اسنانه
وقال : لاتسوين نفسك غبيه يالخاينه بس احمدي ربك اني سترت عليك المفروض تشكريني على الي سويته ياقضره
مهره الظغط زاد عليها وايده عورتها وماقدرت تتحمل الاتهامات وقامت تبكي : انا لي مفروض ازعل عليك فشلتني قدام العالم وغدرت فيني قبل كل هاذا وقلبت علي السالفه الحين وجاي تقول عذرك المفروض انك ماتصدق وانت اكثر واحد تعرفني
محمد : مأصدقها
وطلع ايفونه من جيبه وراها المحادثات والصور وكانت محادثات غرام لها مع واحد وتشوفه كاتب اسمها بالمحادثه وكانه يعرفها والصور لها طالعه جدتً  وتحلف بأن الي مركب الموضوع متفنن ومتمرس تدل لدرجة انا مو هي نفسه كان صدقت بنفسها الشينه ودموعها قاعد تطيح بكثرة منو هاذا يلي يبي يشوه سمعتها ..

مناير : من بعيد تطالعهم بسماته وتقول بصوت اقرب للهمس اكيد قالها عن الخيانه المفبركه مسكينه يامهره طاحت براسك  يلا خليني اروح العب دور الحبيبه واقهرها زود