احلى صدفه يوم شفتك ومن بعدك حبيت الصدف

البارت 21

(يوم شفتك احلى صدفه ومن بعدك حبيت الصدف)

21

بيوم العشاء ..
الكل كان متحمس لهاليوم اللي واخيرا جاء ..
تجمعو ببيت ابو راكان والكل فرحان ومبسوط وكانه يوم العيد ..
والتجهيزات كانت على قدم وساق ..
بوقت العشاء ..
طرحو العشاء وبعد ماخلصو دق تركي على بتول وقال لها : بتول تعالي عند المجلس بعطيك النت تعطينه حق امي ..
بتول : يالله جايه
وراحت صوب مجلس الرجال ..
لقتها عند باب المجلس عرفت ان اخوها اكيد حط لها اياها وانشغل
خذتها وتوها بتمشي ولا تشوف نواف ولد عمها حبت تستلعن عليه : اوه المغازلجي هنا
سحبها نواف بقوه ودخلها المقلط وصكر الباب وحكرها على الجدار بقوه وقال : يا ناس شوفو من يتكلم لا عفيفه صراحه ..
غمضت عيونها بتول ولعنت نفسها لما قررت تستهبل معاه وقالت وهي مقهوره منه لانه وبصريح العباره قاعد يشكك بشرفها : انطم انتم منو عشان تشكك بشرفي يالوصخ ..
نواف وحب يلعب فيها وقرب خشمها من خشمه وقال : وش رايك العب فيك بدال لا العب مع الغريب ..
بتول انقهرت ودفته بعيد عنها وقالت : بعد عني انت ناوي العلاقات تنقطع بعد ماردت ..
نواف : لا وش دعوه تنقطع انا بقويها اصلا ..
بتول : نعم
نواف : نعم الله عليك بخطبك وبتوافقين
بتول : تخسي لو بقيت اخر رجال ماخذيتك ماخليت بنت ماكلمتها
نواف : وليش انا ضامنك احمدي ربك اني بستر عليك على الاقل انا شايل عيبي مو نفسك
بتول انقهرت ومشت وخلته ..

وراح لمجلس الرجال وبصوت جهوري
تكلم نواف : عمي سلمان انا طالب يد بنتك بتول على سنه الله ورسوله ..
سلمان بصوت عالي : والله انها لو ذبيحه ماعشتك ياليناخي تم هي لك
تكلم حمود : خذ راي البنت يا سلمان ولا تستعجل بالرد
سلمان : حنا ما ناخذ راي البنات وانا قلت تمت يعني تمت
حمود : اجل على بركه الله
وقامو يباركون لنواف ..
ونواف قال : ياعمي انا ودي املك الاسبوع الجاي ..
رد سلمان : خير البر عاجله ..

بمجلس الحريم ..
وصل الخبر لهم وانصدمت بتول وراحت للحمام تبكي وهي مو مستوعبه اللي صار وتعرف ابوها انه شديد بس ماتوقعت انه بيقطها بهالطريقه وحتى ماياخذ رايها شنو بيقول نواف الحين اكيد بيزيد الشك بقلبه واصلا هو ماخذاني الا عشان يكسرني حقير ..
طلعت وباركوله وصدموها زياده ان الملكه بعد اسبوع وكانت متوقعه كل شي من ابوها لان تعرفه اشد المعرفه ..

عند تركي ..
كان منهار بس وده بشوفه حبيبته اشتاق لها ولعن الساعه اللي تركها حس نفسه انه مو قد المسؤوليه ومستحيل ترد له وهو يعرفها كرامتها فوق كل شي والدليل انها مل استعانت فيه بعد ماطلعت من بيته اخر مره وهي حلت امورها بنفسه وتحملت بروحها وانصدم انها مانزلت البيبي وطار من الوناسه وحس انه مفتخر فيها انها ماكانت جبانه بقده وكانت حنونه لدرجه خلته ينقد على روحه وقلبه متشفق عليها ينطر السنه العالم بس تنظق اسمها ..
مثايل كانت بعكسه حاقده عليه بشكل كبير وحالفه ماترد له وقلبها طاير مع اللي قاعد يكبر بين احشاءها وطبعا راحت شافت وطلع ولد وقررت تسميه حمود على اسم ابوها ..
ولا فكرت تاخذ رايه لان محته من حياتها من لما تخلى عنها وعرفت نيته الوصخه

محمد وقلبه عند المهره وكل يوم يراوده حلم انه تجيه وتقول انا بريئه لاتظلمني ويقوم يفز بس يقول هذره وما يعطيه اي اهتمام ..
المهره وشاكه بايمان بنت عمتها ورا هالموضوع خل نرجع لورا شوي ..

فلاش باك ..
بيوم كانت عند عمتها هي ومثايل يغيرون جو بذات بعد ماعمتها عرفت عن مثايل ف لازم تاخذ الاخبار وعزمتهم ببيتها وكانت مناير فوق بغرفتها وعمتها قالت لهم انها وراها اختبار قاعد تدرس صعدت فوق لقتها قاعد تكلم واحد وتقول ..
مناير : شفيك خلاص نقذت الموقف ورحت له سيده اقطع النقاش اللي بينهم عشان لا تركز زياده بالصور
الطرف الاخر : اسمعي ترا اذا طاح علي محمد ولد خالك بيمحيني من الوجود ديري بالك والله لاعلمه عليك ..
مناير : اذا انت تخاف نفسك مره انا اخاف على نفسي اكثر من مليون مره تفهم ..
الطرف الاخر : طيب انتبهي
مناير : ماعليك انا لو بس افتك منها ومايتلاقون الامور تمام ..
الطرف الاخر : انتي وشطارتك ماقدرتي تطيحينه بغرامك
مناير : هو غثيث مادري شلون بجيب راسه
الطرف الاخر : درس برا طول هالسنين وله حول السنه جاي وهم للحين ماقدرتي له
مناير : طيب اسكت الحين تراك قاعد تنرفزني سويت كل شي حتى بوسه بسته وهم ماتخرك فيه شي ..
الطرف الاخر : مشكلتك ماتعرفين نقاط ضعف الرجال يالله يبيلك قعده مطوله ..
مناير : خلاص بصكر ترا العله عندنا ..
وصكرت منه ووقفت المهره مدهوشه وجامده مكانه من هول اللي سمعته وتداركت الوضع بسرعه وهي تنزل تقول بنفسها ( معقول وصلت فيها الحقاره انها تشكك فيني عند خطيبي صج انها واطيه وهذا وهي بنت عمتي انا اوريك )

نرجع للواقع :
عند غاده وسياف ..
قاعد سياف على كرسي هزاز ومقعد غاده بحضنه وقاعدين يسولفون شنو صار وهي متحمسه تسولف له عن اللي صار وهو مندمج معاها ومتحطم بنفس الوقت وفجاءه طرت بباله فكره انه تقوم ترقص له مثل مره وهو يراقصها ..
سياف : غاده وش رايك ترقصين لي
غاده : استحي
سياف : افا يا ذا العلم تستحين من رجلك ..
غاده : لا مو كذا بس يعني اتوتر ماراح اعرف ارقص براحتي ..
سياف : عشاني يالله
غاده قامت وهي متوتره وبدت تتفنن وتتمايل باحتراف ..
قام لها وجاب طرحه وشدها على خصرها ومسكها من خصرها وتمايل معاها وضحكهم عالي ملى الجناح واخر شي طاحو على الكنبه اثنينهم وجاء سياف فوق غاده وهو يناظرها : غاده انا ابي منك عيال يشيلون اسمي
غاده انهارت وتوترت حيل بس على طول بعدت التوتر وحاولت تبعده عنها وتقوم وقالت : الله كريم يا زوجي
وهي تقولها بلهجه استعباط
ردها سياف بقوه وهو يقول : انا ما استهبل يا غاده من صدقي اقولك ابي عيال واذا اضطريت اخذك ونشوف ليش تاخرتي ..
غاده بسرعه : لا حبيبي يعني شنو بيكون فيه عادي طبيعي اتاخر امي تاخرت سنتين على ماجابت راكان ..
سياف قام عنها وقال : خلال الشهرين الجاين اذا ما حملتي اعملي حسابك نروح المستشفى ونكشف ومشى لداخل وترك غاده متوتره وهي تقول بينها وبين نفسها ( يمه لو صايدني بروح وطي ) .

صوتواا🥹