خاطفي هو منقذي (الجزء الثاني)

البارت الثاني

هلو قلبوشاتي🦋
#خاطفي_هو_منقذي.

عندما يكسرك خاطرك من أحببتن سوف يصيبك بجرح، قد يُشفى يوماً، ولن ستبقى الندبة إلى الأبد.
♡♡♡♡♡♡♡♡♡♡♡♡

سمر: ركضت شفتة ينزل بسرعة من درج و بيدة تلفوني اريد بس افتهم جر ايدي و يحجي بصياح.
جواد: اي شي اسألج تجاوبيني صراحة و الا تشوفين شي ما يعجبج.
سمر: جواد بس فهمني شبيك ليش تصيح غير افتهم.
جواد: لاااا تغيرين موضوععععع اي شي اسأل تجااااوبيين.
سمر: ماشي ماشي بس على كيفك يامان يخاف.
جواد: شلون مات طفل الي حملتي بي ٣ أشهر؟
سمر: صرت ارجف و حسيت رجلي بعد ما تحملني كعدت على كرسي و صرت اعرك امسح جبيني و ايدي ترجف ماكدرت اجاوب.
جواد: سمررررر احجيييي لا تخلييينيييي افقد اعصابيييي باقية.
سمر: رفعت راسي و باوعتلة نزلت دموعي من باوعت بعيونة كمت اريد اروح لغرفتي لزمني و جرني حيل لطخني بل حايط احس ضهري انقسم نصين غمضت عيوني بألم و طلعت شهكة عالية مني بس ما اهتم ضل يسأل.
جواد: مريم و سوسن هنة الي خلوج تسقطين الولد احجيييي لا تسكتين.
سمر: كافيييي تصيححح كافييي اني هم اعرف اصيححح، ايييي هنة الي خلولي حبوب بل عصير و اني خطاررررر بيت اخوك شدراني هيج حقيرات يوصل بيهن يقتلون روح بريئة شربت عصير و صار عندي ألم و مات طفل.
جواد: ليش ماحجيتي ليش تضمين علية ولجججج انتي يمتة ضامة شي علية بسسس فهميني انتي اهلج جانو يعذبوج تجين تشكيلي ليش هسه تضمين ليششش.
سمر: شكولك شتريد احجي اكول مرت اخوك مريم و اختها الي قتلو طفلنا الي ما انولد و تخرب بيت اخوك و تخرب علاقتك بأخوك.
جواد: خل يخرررررب خر*** خل يخرب ليششش تضمين عليةةةة ليشش.
سمر: شفتة كام يضرب حايط بأيدة كوة لزمتة و شفت يامان طلع من غرفتة يبجي كلتلة يرجع لغرفتة و قفلت باب علي رجعت للصالة شفتة كاعد على كرسي و راسة بين ايدة تقربت كعدت مقابيلة على ركبي لزمت ايدة ابجي و احجي
-افهمني مو سهلة علية واني راح قطعة من روحي بس جواد انت هواي ضحيتلي هواي حبيتني انت صرت كل شي الي وكفت بوجه كل علمودي شلون تريدني ما اردلك هذا شي اني اعرف غايتهن يخربن بيتي و يخربن علاقة الأخوة بينك و بين بسام شلون تريدني احجي و تخرب علاقتك بأخوك و اني اعرف هوة مثل ابنك لأن اتربة على ايدك لزمت وجهه شفت دموع بعيونة شفت الكسرة بعيونة اتقربت بست خدة صدكني ربك ما راح يسكت عن ظلم اني الي سويتة علمودك انت و بسام فدوة لا تزعل مني.
جواد: مادام تعلمتي تضمين علية راح تضمين اشياء ثانية هم.
سمر: جواد حبيبي بس اسمعني، ردت احجي كام من مكانة و ذب تلفوني على ميز و طلع من بيت طلعت ورا اصيحة ما يسمع خفت لا يسوي شي و تخرب علاقتة ببسام رجعت للبيت اركض و اخذت تلفون اول شخص اتصلت علي تاليا.
.......
تاليا: جنت كاعدة ادرس و شفت سمر تتصل رديت عليهه من سمعت صوتها كعدت على حيلي.
سمر: تاليا فدوة تاليا خلي يامان يلحك على جواد.
تاليا: شبيج سمر فهميني شكوو؟
يامان: شكو حبيبي؟
سمر: يامان خوية يامان الحك جواد رايح يتعارك وية اخو بسام فدوة خوية روح شوفة خايفة علي.
يامان: ماشي ماشي خوية اهدي.
تاليا: اهدي سمر احنا جايين بس اهدي.
سمر: فدوة بسرعة احجي و ابجي.
تاليا: تمام تمام اهدي مسافة طريق و احنا يمكم، سديت اتصال و لبست جبة و لفيت شالي و اخذت تايا بل بجامة قفلت بيبان و طلعنا طول طريق يامان يتصل على جواد ما يرد
-ها حبيبي ما رد؟
يامان: لا يرفض ابن كلب اني اعرف شلون ارجعة للبيت،دزيتلة رسالة بأن سمر تخربطت ارجع للبيت راح ناخذها للمستشفى شافهه.
تاليا: شدزيتلة يامان.
يامان: كلتلة ارجع للبيت سمر تخربطت ناخذها للمستشفى.
تاليا: اسم الله.
يامان: حبيبي مو وقت فهاوتج اتصلي على سمر خلي تسوي شي.
تاليا: شي مثل شنو؟
يامان: خلي تمثل مغمى عليهه ماعرف اي شي جان.
تاليا: اتصلت على سمر.
سمر: ها تالي فدوة كولي يامان وصل على جواد.
تاليا: مو وقت هذا كلام اريد منج تمثلين بأن انتي غايبة عن وعي بسرعة ترة هسه يوصل جواد ماريد ينكشف جذبنا احنا براس فرع وصلنا.
سمر: ماشي ماشي باي سديت اتصال و احتاريت وين اوكع نفسي اخر شي رحت للمطبخ و تمددت مديت ايدي على اساس مغمى علية كلها ثواني و سمعت صوت سيارتين وكفت بل باب من خوفي غمضت.
تاليا: وصلنا لبيت جواد ردنا ننزل و اجت سيارة جواد مقابيلنة وكف سيارة بسرعة نزل منها بدون ما يطفي سيارة او يسد باب سيارة كبل ركض جوة احنا هم ركضنا ورا صار يصيح على اسم سمر.
جواد: سمررر وينج سمر.
سمر: اسمع صوتة و دموعي تنزل كوة صبرت روحي حسيتة من دخل للمطبخ ركض خلى راسي بحضنة و يطبطب على وجهي يبجي.
جواد: سمر حبيبي كومي اسف والله اسف بنيتي اصحي لخاطري فتحي عيونج والله اسف.
سمر: ماكدرت الزم نفسي شهكاتي فضحني فتحت عيوني شفتة كبالي و مخليني بحضنة حضنتة كل قوتي كأن اعاتبة بل حضنة بس هو ضل جامد بس يمسد على شعري.
تاليا: شفتهم بهل وضع عفناهم رحت لغرفة يامان زغير شفتة مقفول فتحت باب و اخذت تايا وياي لكيتة كاعد بل زاوية و يبجي اتقربت منة امسح دموعة
-ليش تبجي حبيبي ماكو شي ماما و بابا زعلو و هسه تصالحو مثلك انت و تايا من تزعلون.
تايا: يث يامان ماتو ثي(يس يامان ماكو شي).
يامان: اريد ماما.
تاليا: هسه تجي ماما بين ما تجي انت و تايا لعبو شنو رأيكم.
تايا: اوتي تئال نلئب.(اوكي تعال نلعب)
تاليا: عفتهم يلعبون و طلعت من غرفة شفت يامان كاعد وية جواد يحجون رحت للمطبخ سمر تحضر جاي تقربت منهه لكيتهه تبجي
-سمر انتي بخير.
-بخير ياروحي ما بقة شي هسه يحضر الجاي انتي روحي اكعدي.
تاليا: ذبيت الي بأيدهه و درتهه علية باوعتلي و حضنتها انفجرت من بجي كأن شايلة حمل الدنيا كلها على صوت بجيها اجو يامان و جواد اشرتلهم يروحون.
يامان: حبيبي احنا طالعين نتمشى شوية.
تاليا: ماشي، همة طلعو و اني و سمر كعدنا بل صالة سألتها
-احجيلي سمر شصاير بينكم.
سمر: حجيتلج على سالفة سقوط حملي اليوم جواد شاف رسايل سوسن وعرف كلشي جن جنونة.
تاليا: سمر انتي من حجيتيلي اني شكلتلج مو كلت لا تضمين علي هذا شي غلط خل يعرف و يروح يربي هل حقيرة.
سمر: تاليا والله علمودة هو و اخو سكتت ماريد تخرب علاقتهم بسببي ولج فكري بيهه اذا احجي تخرب علاقة أخوة و علاقة ابوية و خالة دعاء شلون تريدوني اخرب بيوت و علاقات.
تاليا: اني وياج بأن انتي ما تريدين تخرب علاقة الأخوة بس اذا هل سوسن و مريم نسكت عنهن راح يسون اكثر من هذا ولج قتلو طفل بطنج انتي كاعد تفتهمين لولا خلي جواد يخليلهن حدود علمود لا يتجرأً يأذنج.
سمر: ماعرف ماعرف تاليا اني ضايعة تعبت والله تعبت كل يوم نفس كلام و نفس معانات خلصت طاقتي شنو ذنبي مطلقة يعني كفرت زوجي راضي شكو يدخلون بحياتنة ليش ما يفكرون بمشاعر مقابل.
تاليا: ضلت تبجي و تشهك لحد ما نيمتهه على رجلي و امسد على شعرها صارت ساعة ١٢ بليل و انفتح باب صالة عرفتهم يامان و جواد غطيت شعر سمر و همة دخلو اشرتلهم ما يسون صوت جواد اتقرب علينا.
جواد: شلون صارت؟
تاليا: خل نروح للمطبخ لا تكعد نحجي هناك.
جواد: ماشي.
تاليا: خليت راسهه على كوشة مال قنفة و رحت للمطبخ شفت يامان و جواد كاعدين تقربت على جواد و ضربتة بوكس ببطنة.
جواد: اخخخ شبيج ام صماخ.
تاليا: علمود تتعلم ثاني مرة تتفاهم وية اختي مو تكسر ضهرها.
جواد: شنو شبيها؟
تاليا: راد يروحلهه ما خلتة.
جواد: تاليا بس اشوفهه.
تاليا: عوفهه نايمة ولك كوة نيمتهه تبجي و تشهك من ألم ضهرها.
جواد: تذكرت من دفعتهه ضربت بوكس بل حايط.
يامان: عدت على خير جواد الي حجيتة وياك خليها ترجية بأذنك مو تنسا.
تاليا: ليش هيجي جواد انت كتلت نفسك و كوة انطوك سمر هاي تاليتها نايمة و تهذي بأسمك اني وياك هي غلطت لأن ضمت عليك بس فكر بيهه هي ضمت هذا شي علمود لا تخرب علاقتك انت و اخوك.
يامان: كافي حبيبتي اكيد هسه عرف غلطة و هي عرفت غلطها.
جواد: يلا امشو ولو اريد مرتي.
تاليا: تفضل احجي وية حايط.
يامان: امشي بوية امشي هو صوجنا اجينا.
جواد: فديتكم ضلوعي ما انسة وكفتكم.
تاليا: اذا بس اسمع اختي نازل دمعة منهه اخذهه منك وحك العباس ابو فاضل.
جواد: انجبي حوبي.
تاليا: ابو صماخ.
جواد: ولا تكعد قزمة.
تاليا: رحت لغرفة جهال شفتهم نايمين و واحد حاضن ثاني اتقربت جريت تايا على كيفي شلتها طفيت ضوة سديت باب و طلعت.
يامان: يلا مع سلامة جواد لا تنسى الي حجينا.
جواد: ان شاء الله مشكور اخواني.
يامان: عد عيناك.
تاليا: سلمت على جواد و صعدنا سيارة خليت تايا بحضني نايمة و راسي على جامة اباوع للشوارع.
يامان: بشنو تفكرين بوية.
تاليا: افكر ليش الي يحبون ما يكدرون يعيشون براحة.
يامان: هو هاي حياة بوية مو كلها تكون حلوة اكو حلو و اكو مرها لازم نجربهن الحب مو سهل ابد مو سهل لازم نتعب بي و نضحي علمود نثبت ماكو من حبنا.
تاليا: اتمنى بعمري ماشوف عركة صايرة بيني و بينك.
يامان: اطمأني بوية لا تفكرين هيج.
تاليا: خليت راسي على كتفة و صار يسوق بإيد وحدة و ثانية حضني و يبوس راسي ماعرف شلون نعست و غفيت على متونة.
يامان: حست من نفسها ثكل يعني نامت وصلت للبيت رجعت راسهه على كشن مال سيارة فتحت باب من يمهه اخذت تايا و طببتها جوة و رجعت حضنتها و شلتها طبيت جوة سديت باب و صعدت للغرفة نزلتها بفراش شغلت السبلت درجة وسط و طفيت اضوية نزلت قفلت بيبان و رحت لغرفة تايا غطيتها و رجعت لغرفتي نزعت تيشيرت تمددت و جريتهه لحضني نيمتهه و نمت واني اشم عطرها.
............
جواد: من راحو يامان و تاليا رحت للصالة شفتهه على نفس نومتهه تقربت منها و كعدت بل كاع و هي على قنفة وخرت شال من راسهه و اتلمس خدهه و رموشهه تقربت طبعت بوسة خفيفة على خدها حتى لا تحس وكمت شلتها على كيفي ردت اخذهه للغرفة فزت متوجعة.
سمر: جواد نزلني ضهري.
جواد: نزلتها لزمت ضهرها بألم درتهه و ردت ارفع دشداشة اشوف ضهرها شصاير بي ما تقبل، سمر خلي اشوف شبيج.
سمر: ماكو شي لا يضل بالك ،تركتة و مشت للغرفة شوية و دخل وراية يمشي بسرعة تقرب مني رفع دشداشة اريد امنعة لزم ايدية بأيد وحدة و ثانية رفع دشداشة غمضت عيوني كل قوتي من حسيت يتلمس مكان الي يوجعني.
جواد: اني الي سويت هيج لازم اتعاقب لازم اتعاقب اي اني مديت ايدي عليج و اذيتج.
سمر: ضل يضرب ايدة بل حايط و يكول اني اذيتج لازم اتعاقب اريد الزمة ماكدر اسيطر اخر شي وكفت كدامة و ضهري على حايط راد يضرب ايدة بل حايط وكفهه من شاف عيوني لزمت وجهه و احجي
-ترة ماتوجع من ألم ضهري بكد ما كاعد اتأذة بتصرفاتك كافي الله يخليك شبيك اليوم.
جواد: جنت حالف ما امد ايدي عليج ولج صرت مثل اهلج و مديت ايدي لازم ايدي تتعاقب.
سمر: باوعت عيونة شلون تبجي و يلوم نفسة حضنة ضليت امسد على ضهرة ماحسيت غير شالني صح ضهري وجعني بس ماحجيت تحملت خلاني على جرباية طلع عصارة نيمني على بطني رفع دشداشتي و صار يخلي عصارة و يمرر اصابيعة على مكان وجع ماعرف شلون غفيت.
...........
بشرة: كعدت الصبح على صوت منبه جنت موقتتة كمت صليت صبح و كعدت سيف علمود يصلي اني هم رحت للصالة شغلت تلفزيون و فتحت اذكار صباح بصوت هادء و حلو كمت الملم بل بيت لأن ايمن خابص بيت خبص عزلت صالة و رحت على استقبال انضف سديت باب علمود لا يكعدون على صوت مكنسة كهربائية بلشت انضف و امسح لحد ما صارت ٦ صبح نزل سيف من فوك.
سيف: حبيبتي طالع اني محتاجة شي اجيبة وياي.
بشرة: ياروحي والله عدنا دجاج بس مجمد ليش ما نجيب مذبوح و جديد يطلع أطيب.
سيف: تدللين اكتبي الي تحتاجي برسالة اروح اجيبهن و بعدها اروح لشغلي.
بشرة: ماشي ياروحي، كتبت كل شي احتاجة و دزيتة الة راد يطلع ماخليتة
-وين حبيبي بعدك ما متريك.
- مو جوعان حبيبي إذا جعت اكل شي بل دوام لا تعبين نفسج.
-لا يروحي لا تعب ولا شي تعال اكعد كلهه ثواني و احضر ريوك.
-بعد بيتي فدوة لحنيتج لعد اساعدج بل تحضير.
بشرة: طلعت بيض و طماطة و قوري مال جاي.
سيف: اني اقطع طماطة انطيني.
بشرة: هو اخذ طماطة يقطع بيهه و اني خدرت جاي و طلعت جبن و قطعت خيار و طماطة و زيتون حضرت سفرة و رحت شفتة مكمل كليت طماطة و طكيت بيض فوكا هو واكف وراية حاضني و يباوع شلون اشتغل كلها ثواني و اتحضر ريوك.
-حبيبي انت بلش بل ريوك اني اروح اكعد زينة عدهه مدرسة.
سيف: ماشي حبيبي كوليلهه اليوم ابوج يوصلج.
بشرة: تمام، رحت لغرفة جهال كعدت زينة و خليت ايمن نايم ماريد يكعد و يخبص البيت.
-زينة ماما كومي حبيبتي وراج دوام ابوج يكول اني اوصلها.
زينة: صباح خير ماما.
بشرة: صباح نور ياروحي يلا كومي استعجلي راح تتأخرين.
زينة: ماشي ماما راح اروح اغسل و ابدل.
بشرة: منتظرتج، نزلت جوة اخذت تلفوني راسلت بل كروب.
-يا جماعة الخير اليوم الكل معزوم عندي مو تنسون، دزيت رسالة و كعدت اتريك وية سيف ورة دقايق نزلت زينة مثل كل يوم ما تريد تتريك بس تشرب مي سويتلهه لفة و كوة خليتها بل جنطة ما تقبل.
سيف: يلا بابا إذا جاهزة اوصلج.
زينة: اي بابا يلا نمشي.
بشرة: ديربالج على نفسج حبيبتي إذا احتاجيتي شي اتصلي من تلفون مديرة لا تطلعين قبل لا يوصل ابو خط.
زينة: لك فديت الي تخاف علية ولا يهمج ماما كل كلامج حافضتة شو تعاي ممممح احبج باي مامي.
بشرة: باستني و طلعت اجة سيف كال.
سيف: يلا انصحيني اني هم اريد اطلع اني هم اريد ابوسج.
بشرة: هههه دروح ياعيني روح هي طفلة انت شبيك.
سيف: زعلت منج.
بشرة: حبيبي سيوفي ديربالك على نفسك لا تسوق بسرعة وارجع من وكت للبيت.
سيف: ولا يهمج مرتي شو تعاي محححح اوف اوف شهل عسل من صبح.
بشرة: صار يسوي نفس زينة و راح ضليت اضحك على تصرفاتة همة راحو واني سديت باب رجعت للبيت كملت ترتيب بيت ورة ساعات سمعت صوت تلفون رحت شفت تاليا كاعد تخابر بل كروب رديت عليهه.
-ها تالو كملتي دوامج لو لا.
تاليا: اي كملت بس يامان مشغول يمكن اجيج بتكسي.
بشرة: لا حبيبتي هسه يرجع سيف إذا ماعندة شغل اكولة يجي ياخذج.
تاليا: لا بشرة كلهم مشغولين بقضية لو اتصل على هود يجي يجيبني عليج لو اجي بتكسي.
بشرة: تمام يروحي بالج على نفسج.
تاليا: ردت انهي اتصال و صعد جواد و سمر و يامان.
جواد: ها ولجن شعدجن داكات من صبح.
بشرة: امشي جيب مرتك و ابنك اليوم معزومين عندي خوما ناسين.
جواد: اعذرينا احنة مانكدر نجي سمر شوية تعبانة.
بشرة: شبيها اسم الله شصاير.
سمر: ماكو شي حياتي يشاقة هسه نبدل و نجيج.
بشرة: ولا تبطل سوالفك جوادو يلا يلا باب كاعد يندك يمكن سيف اني رايحة باي.
تاليا: اني هم رايحة يامان راح اروح بتكسي مو يضل بالك.
يامان: لا هياتني وصلت اطلعي.
تاليا: يلا باي شباب، سديت اتصال و طلعت شفت يامان كاعد ينتظرني باب كلية صعدت سيارة.
-هلو حبيبي.
-هلا بوية شلون جان امتحانج.
-جان صعب بس جاوبت الحمدلله.
-الحمدالله بوية ان شاء الله تطلعين اولة.
-امين الله يسمع منك، طلعت موبايلي اتصلت على ماما أمنة اشوفهم وين وصلو جاوبتني.
-الو ماما وينكم.
-الو يمة بعد ساعة و احنا يمكم نجي على بيت بشرة مو.
-اي ماما كلنا نلتم هناك.
-زين ان شاء الله ماضل شي و نوصل.
-توصلين بسلامة سلميلي على عمو ياسر مع سلامة.
-يوصل بنيتي مع سلامة.
تاليا: يامان وصلني بيت بشرة و هو راح كال يرجع وية سيف على غدا دكيت باب و فتحتليا بشرة.
-بشورررتييي مشتاقتلج شلونج.
-هلا بل خاينة الي ما تذكرني بس بل سنة مرة.
-اي ياعيني مو تعرفين دوام و امتحانات شبيج.
-اي اليوم جان اخر يوم امتحان اريد اشوف بعد شنو عذرج.
-هههه هسه شنو اضل واكفة بل باب.
-امشي دخلي امشي الا أكرف بيت عليج اليوم ام صماخ على كولة جواد.
-يا أيتها شريرة.
-هههههه.
تاليا: دخلنا جوة شفت ايمن يفتر و يلعب بل بيت عمرة سنة توة يمشي و يوكع شلتة ابوس بي، يمة فدوة صاير حلو كبران وليدي.
بشرة: هههه الله يرزقج بولد ان شاء الله.
تاليا: مو هسه ادعيلي من اكمل دراسة و اتخرج تكبر تايا شوية و الله كريم.
بشرة: امشي لعد سيف جايب خضراوات تعاي ساعديني بيهن.
تاليا: مو خوش عزيمة هاي تخلي خطارج يشتغل.
بشرة: انجبي حوبي و اشتغلي.
تاليا: حسبي الله عليك يا جواد.
بشرة: لو هنا يكولج انيييي شعلية ام صماخ.
تاليا: خل يولي بارحة متعاركين هو و سمر بليل سمر دكت علية تبجي كوة لحكناهه كسرت خاطري.
بشرة: ليش شصاير يا ستار.
تاليا: خايبة على هذيج سالفة سمر حجتلنياهه مال تسقيط الطفل عود بارحة جواد عرف وجن جنونة بدون ما يدري لاطخهه بل حايط خطية لو تشوفينها بارحة بس تون من ضهرها.
بشرة: صح غلط تضم هيج شي بس جواد ما لازم هيج يتعامل.
تاليا: هسه تجي و نفتهم شصار بينهم.
بشرة:اي ان شاء الله.
.........
يامان: وصلت للشغل شفت سيف و علي يشتغلون سلمت عليهم.
-شلونكم شباب.
علي و سيف: بخير شخبارك.
يامان: الحمدالله، لعد وينهم البقية.
سيف: جواد و تميم تلكاهم يحششون على سجناء و عمر راح يجتمع وية سارة برة علمود كم معلومة.
يامان: شنو آخر تطورات بل خطة.
علي: حالات كاعد تزداد سيدي.
يامان: لازم نتحرك بأسرع وقت بس خل يردون جواب من الأعلى.
سيف: ان شاء الله خير خطة قوية.
يامان: ان شاء الله لعد اني رايح على هل مسربتين انتو الله يساعدكم.
علي: هههه الله وياك سيدي.
يامان: رحت على ممر مكافحة شفت جواد و تميم يضحكون وية سجناء.
تميم: هسه هذا زعطوط متهم بجريمة مخدرات ادري حبيبي انت يمتة فطموك من رضاعة علمود تلحك للمخدرات.
جواد: ولك بارحة طلبو حفاضات اخاف لهذا بس اذا مو زحمة شكد الرقم.
تميم: النية بوية نية.
جواد: اي هو قصدي رقم الحفاضة وين راح بالك يا وصخ.
سجين: انتو تضحكون علية.
تميم: لا والله نضحك على حايط هههههههه.
جواد: لا جنت احجي وية شواطين هههاااييي.
يامان: جوااااد ..تميمممم.
تميم: احم نعم سيدي.
جواد: نعم حوبي.
تميم: اسكت يمعود راح يشوينا.
يامان: امشو كدامي للمكتب.
جواد: تأمر انت تأمر امشي تميمو.
يامان: مشو كدامي تميم مبين خايف بس هذا مهيلك ولا كأن اني اكبر منا و رئيسة بل شغل وصلنا للغرفة رحت لمكاني و كلتلهم
-كم مرة كايللكم كلام وية سجناء ماريد.
جواد: اصبور حوبي خلي احسوب.
يامان: جوااااد.
جواد: عيون جواد روح جواد كول يا نبضات كلبي.
تميم: ولك اسكت هو اني طاكني جفاف.
يامان: وحق من انزل القرأن اذا تنعاد هاي تصرفات اشوي على اذاناتكم بصل سرسرية افتهمتو لولا.
تميم: اي سيدي تدلل.
جواد: اي اي شبيك معصب خليك ريلاكس ادري واحد مكمل شغلة لا تخلونة يرجع للبيت ولا يتونس و يضحك على هل قشامر شسوي جنت ضايج.
يامان: شنو شايف اهنا مكان للتسلية.
جواد: لا بس عجبني اتسلة.
يامان: ما تنعاد افتهمت.
جواد: اي صاااار عينيي صاررر.
سيف: ممكن ادخل.
يامان: تفضل حبيبي.
جواد: حبتك حية شوف شلون يعاملني و يعاملة.
يامان: جواد امشي من خلقتي.
جواد: والله مااا كاعد هنا.
سيف: هههه يامان اجيت اكولك اليوم غداكم عدنا هسه خابرت ام زينة تكول ارجعو من وكت شتكول مادام شغل ماكو نطلع بعد ساعة.
يامان: اي ان شاء الله.
جواد: اي يصير اني اسبقكم والله مكمل شغلي.
يامان: امشي من وجهي روح.
جواد: فديت وجهك يلا مع سلامة باي باي.
سيف: ما تصيرلة جارة.
تميم: ابد.
سيف: انت مو احسن منة.
تميم: ممنون منك كلامك شهادة.
جواد: طلعت من مكتب يامان و تذكرت عفت تميم رجعت شفتهم بعدهم يحجون رحت جريت ايد تميم وكلت
-والله يا سيدي اسفين بس احنا اجينا من وكت و حقنا نطلع قبلكم باي حبيبي اشوفك على غدا.
تميم: ههههه لو هيج صاحب لو ما ينراد.
يامان: طيح الله حظكم.
جواد: طلعت اضحك و اسولف وية تميم كام يغلط ضربتة جلاق و صعدنا بسيارة شفت سمر تتصل رديت عليهه.
-ها بنيتي.
سمر: حبيبي هود و سارة هنا اجو ياخذوني اروح وياهم لو انتظرك.
جواد: روحي حبيبي بس قفلي بيبان زين ديربالج على نفسج.
سمر: ماشي حبيبي مع سلامة.
جواد: سديت اتصال منهه و بعدني احس بل ذنب.
تميم: ها صاحب صحوب وين نولي هسه.
جواد: عازمك اليوم على غدا.
تميم: وعزيمة سيف يمعود عيب.
جواد: انت اهم حبيبي سيف منو اصلا ما اعترف بي شلون عزيمة عازمك على قوزي يلوك لهل حلك.
تميم: مشكور بعد روحي بس شنو اسم مطعم.
جواد: هسه انت شعليك من اسم مطعم مهم يعجبك الأكل.
تميم: مشكور ضلعي.
جواد: مشينا طريق كلة نركص على اغاني من وصلت لفرع بيت سيف تميم نصة صوت.
تميم: ولك جواد هذا مو فرع بيت سيف ليش اجينا هنا.
جواد: محتاج كم شغلة من مرتي اجيبهن و اجي انتظرني.
تميم: تمام خوة.
جواد: نزلت دكيت باب برجلي ماحسيت غير بعيطة اكيد الحياية كاعدات بل حوش اجت بشرة فتحت باب بدون سلام دخلت و سديت باب.
بشرة: ولك هو هيج الي يدك باب خرعتنا.
جواد: ما شاء الله مجتمعات التسات.
سارة: ماكو غيرك تسسس.
جواد: انتي حسابج بعدين انداريت شفت خالة أمنة كاعدة
-هااا أمونة انتي هم هنا لعد كملت اليوم الحش بفلس.
أمنة: ولك اني بعمرك هيج تحجي وياي.
جواد: وين يسوري اريد اشوف استخدم يا خلطة سحر و هيج صارت حياتة جنة.
عمو يسار: والله من يوم الي انت حطيت عينك على حياتنا ماشفت راحة.
جواد: ها انت هنا ولك مشتاقلك يسورتي تعال ابوسك مممح.
عمو يسار: ههههه وخر بس شوية ولك اختنكت.
تاليا: ضل يشاقة وية ماما أمنة و عمو يسار احنا فحطنا من ضحك ما نسمع غير صوت رجال يصيح على جواد.
تميم: جواد وينك مو انصمطت بل سيارة.
بشرة: منو هذا جواد؟
جواد: سمعوني زين هذا رجال شفتة بل طريق يجدي وروح دعيوة انقهرت علي حجيت ويا عرفت اهلة ماكو و زوجتة مريضة لازم يجمعلها فلوس لا ونوب كال صارلي يومين بدون اكل لهذا سبب جبتة وياي كلت يتغدا ويانة خطية.
سمر: ولك رجال غريب.
جواد: شكد ما عدجن ضمير هو انتو طابخين طابخين خل يكعد يزقنب و يروح اني اكعد ويا.
بشرة: نزلت دموعي من كال مرتة مريضة و ماعندة إمكانية كلت، جواد خلي ينزل حسبت اخونة خل يجي يتغدا.
جواد: اي بس بشرة من بعد اذنج اريد تيشيرت و بنطرون لأن ملابسة مشككة خطية.
بشرة: هسه بسرعة اجيبلك.
تاليا: بشرة راحت تجيبلة ملابس و جواد طلع شوية و رجع اخذ ملابس من بشرة و راح على رجال.
تميم: وينك ياخوية.
جواد: شبيك جبتلك ملابسي تفضل البسهن خوما رايد تطلع بزي شغل.
تميم: ليش شكو بيها.
جواد: هو مو المطاعم من يشوفون زي عسكري ما ياخذون فلوس حرام مايصير هسه انت بدل يا عيني.
تميم: صح كلامك بس ابدل هنا.
جواد: ليش محسسني راح تنزع ست*** ن و لب**ك دفضهه ياخوية.
تميم: هههه تمام.
جواد: نزع زي عسكري و لبس ملابس سيف و اني كوة لازم ضحكتي.
تميم: كملت خل نمشي.
جواد: اي بس خل اتصل اتصال.
تميم: جواد ضل دقايق يحجي بل تلفون و اني انتظرة اخر شي اجة و كال.
جواد: خوية مرتي تكول انزلو اتغدو جوة مادام اكو غدا ليش مطاعم.
تميم: لا خوية والله استحي واني ما معزوم.
جواد: هو كاعد يصيحوك يكولون خل يدخل.
تميم: جواد والله عيب.
جواد: اني كلتلك بعد بكيفك راح ترد كلام سيف و يامان هم عيب.
تميم: انزل أمري لله.
تاليا: جنا كاعدين بل حديقة و دخل جواد ويا رجال بعمرة مبين ابن أصول مو مجدي اتعجبنا كلنا بس ما حجينا همة ضلو كاعدين وية عمو ياسر و هود احنا طبينا جوة نفرش سفرة و ننقل بل اكل من كملنا صحنالهم و اتصلت على يامان كال احنا براس فرع وصلنا سديت اتصال بين ما رتبنا مكان كعدة احنا بنات كعدنا على جهه و كل ثانية بشرة تجر حسرات و تريد تبجي على هذا رجال.
بشرة: ولجن شكد خطية هيج ناس كون الله يرزقهم.
سارة: والله اني ما اصدك هذا مجدي و اعتقد شايفتة بمكان.
سمر: اي اكيد شايفتة اذا هو مجدي و يجدي بل شارع كل ناس تشوفة.
تاليا: اشو اني هم مو مقتنعة هذا مجدي مو مبين علي.
بشرة: ولجن لا تحجن هيج حرام.
تاليا: ما حسينا غير باب يندك رحت اني فتحتة شفت سيف دخل اول و سلم رديت سلام و بعدها دخل يامان بيدة فواكه و ببسي و لبن باس راسي.
يامان: شلونج بوية.
تاليا: بخير الحمد لله الله يساعدك حبيبي.
يامان: و يساعدج حبيبتي.
تاليا: اخذت اغراض من ايدة و هو دخل جوة.
سيف و يامان: سلام عليكم.
الكل: وعليكم السلام.
سيف: هاا اليوم تميم يمنا الله بل خير خوية.
تميم: الله بل نور بعد اخوك.
يامان: كلل هلا بيك تميم.
تميم: بلمهلي حبيبي.
بشرة: ولجن شوفن ازواجنا شكد كريمين كلهم يعرفونا لعد شكد مساعدينا و احنا ما نعرف.
سارة: لا تصيرين فطيرة اني احس اكو غير شي مو طبيعي.
جواد: اكوللل بدال تبسبس كومن جيبن غدا متنا من جوع.
بشرة: اي ان شاء الله تدللون.
تاليا: ردت اكعد يم بنات يامان اشرلي اروح بصفة رحت كعدت بصفة خلة ايدة على متوني خجلت.
يامان: شلون جان امتحانج بوية.
تاليا: الحمدالله كولش زين.
يامان: خلصت امتحاناتج صح.
تاليا: اي.
يامان: بيهه خير.
تاليا: صبينا الأكل و بدينا ناكل عمو ياسر و يامان يسولفون لو سيف وية جواد انتبهت هذا رجال ما رفع عيونة ضل ياكل بخجل للحظات صار الصمت بعدها هذا رجال حجة.
تميم: مشكورين و عاشت ايدكم سفرة دايمة.
بشرة: بل عافية خوية لا تروح ضميت جدرية زغيرة اخذهه وياك اتعشة انت و مرتك.
تميم: مرتي اني!؟؟
جواد: ئووح ئوووح غصيت مي مي يمعودين.
سمر: هاك شبيك على كيفك.
جواد: مشكور حبيبي، اي تميم تعال اني اوصلك.
بشرة: لعد خلي اجيب جدر اكل لا تنسونة اكيد مرتك ميتة من جوع سودة علية.
تميم: اعذريني خوية بس منو مرتي ترة اني مامزوج.
سيف: شكو بشرة مرة شنو ترة الولد ويانة مامزوج.
سارة: اممم مو كلت اكو شي مو طبيعي.
يامان: هسه غير تفهمونة شصاير.
تاليا: جواد اجة من وكت كال بطريقي شفت مجدي و جبتة وياي يتغدا هنا لأن مرتة مريضة و ماعندة فلوس يتغدا.
تميم: جوااااد اليوم موتك على ايدي.
جواد: بس خل نفاهم مجال.
تميم: شو تعال اليوم اشوفك منو مجدي.
جواد: يمااااا ولج دعيوةةةة ولج سمرررر الحكيلي راح يموتني و تتأرملين.
سمر: ضلو يفترون داير ماداير سفرة و يصيح كلتلة اذا متت اتزوج اشو هذا وكف.
جواد: حلكج اشكة بنت كلب تزوجين منووو بعدي.
سمر: رجال هواي.
جواد: تميم شو دقيقة خل اموتها بعدين موتني لأن نسوان مو أمان تتزوج بعدي مادام هل تسات خواتهه اكيد يقرن براسهه و يزوجوها.
تاليا: ضلو يتناكرون اخر شي تعبو و كعدو بل كاع يامان و سيف فحطو من ضحك عليهم شلنا السفرة و خدرنا جايات سوينة كعدة حلوة بل صالة اني علية توزيع جاي و سارة توزيع كرزات و سمر عليهه توزيع كيك اجينا وحدة ورة لخ.
جواد: توت توت هل بنات يخدمنا بسكوت ولك تميم توت توت وحدة ورة وحدة تفوت.
سمر: والله مردودة و كولش قريبة بس انتظر لحد باجر.
يامان: تهديد قوي.
سيف: بعد منو يخلصك.
جواد: ماني خايف من هدول.
تاليا: كملنا توزيع احنا بنات كعدنا بصفحة وحدنا.
جواد: ليش كاعدات هناك تعالو هنا لا تستحن ترة تميم مثل اختجن ماكو واحد غريب.
تميم: ايا ما تستحي ولك عاجبك تنكتل مرة ثانية.
سيف: ههههه تميم شورطتك و صاحبت جواد.
تميم: خوية ساعة سودة.
جواد: تميم انت طالك من حياتي ولي زعلت منك.
يامان: كون تطلكني اني من حياتك جنت ارتاح.
جواد: لا انت زوجتي اولة والأولة مدللة عد زوجهه ما طلكك حبيبي لا تفكر بيهه.
تاليا: يامان زوجي اني.
جواد: بس اني اعرفة قبلج يعني يامان الي.
تاليا: باوعت على يامان بنظرات يعني ليش ساكتلة.
يامان: اني بس تاليا حبيبتي و زوجتي و بنتي ماعندي غيرهه.
تميم: جواد ابد لا تجرب الحكومة قوية هههه.
سيف: كولش.
هود: سارة يلا حبيبي خل نرجع تأخر وقت.
يامان: اليوم ما سمعنا صوتك هود خيرك خوما صاير شي.
هود: لا والله خوية بس شوي تعبان و بارحة ما نايم من ورة شغل.
سيف: الله يساعدك اعذرونا من قصور حبيبي.
هود: ضلعي و حزام ضهري ماكو اي قصور عاشت أيديكم و بيت عامر.
جواد: ابوك مارجع مشتاقلة.
هود: لا بعدة بأربيل ههههه.
جواد: بس عامر و يسوري عايشين صح.
هود: تميم اتشرفت بيت بعد اخوك.
تميم: الي شرف ابو شباب.
هود و سارة:مع سلامة.
الكل: الله وياكم.
تاليا: ضلينا احنا بنات نسولف وية ماما أمنة و شباب وحد.
...........
فاطمة: ضليت اطلع للشغل مثل ما اتفقت وية عمو و وية هذا ولد ابو عربانة طلعت شغل يومين جمعت ١٠٠ الف الحمدالله باجر اخر امتحان الي وراح اخلص عود اشتغل ساعات اضافية جانت دنيا ضهر رجعت من امتحان اليوم امشي سريع علمود اوصل اسوي غدا لأخواني دنيا حارة تسمط سمط كوة وصلت للبيت طبيت جوة شفت حنين و غسان كاعدين على تلفزيون يباوعون افلام كارتون سالي
-هلاو يا حلوين.
غسان: هلاوات فطومي شلون جاوبتي.
فاطمة: ان شاء الله أنجح.
حنين: دوعانة ماما(جوعانة ماما).
فاطمة: تدلل بنيتي هسه رايحة اطبخلكم.
غسان: شنو عدنا فاطمة.
فاطمة: خير من الله.
غسان: هم طماطة بل دهن.
فاطمة: كول الحمدالله.
غسان: اني مو جوعان راح انام.
فاطمة: ماكدرت اتجادل ويا رحت حظرت طماطة بل دهن و حميت خبز خليتة بل صينية شغلت بانكة و ضليت اوكل حنين باوعت على غسان منطيني ضهرة نزلت دموعي ما اكلت اني هم رحت غيرت ملابسي ردت اطلع للشغل اندك باب رحت افتحة شفت ابو ايجار.
-سلام عليكم ياحلوة.
فاطمة: وعليكم السلام خوية.
-اجيت اخذ ايجار.
فاطمة: شوف خوية والله مجمعتهن ١٠٠الف بس بعد فلوس مولدة ما منطية عادي ادفعلك ٧٠ الف و شهر جاي انطيك ١٣٠ لأن والله نضل بلا كهرباء.
-تمام انطيني ٧٠ و ال٣٠ خلي نتونس شنو رأيج.
فاطمة: انت شنو كاعد تحجي شلون تتجرأ.
-شبيج ولج صوتج اريد فلوسي لو تنطين لو اطلعو من بيت.
فاطمة: ردت اكولة اطلع بس انداريت على صوت اخواني اتراجعت عن الي اريد اكولة طبيت جوة جبت ١٠٠الف ذييتهن بوجهه و كلت، اخذ ايجارك واذا تعيد كلامك قذر عيونك افكسهه افتهمت.
-خل الكي مأجرين الا اطلعكم.
فاطمة: اني بس الكة مكان ما ابقى هنا سديت باب بوجهه كعدت ورة باب اخذ نفس بصعوبة اخواني يباوعولي بكسرة اندك باب مرة ثانية عبالي رجع فتحت باب ردت اصيح شفت ابو كهرباء عرفت جاي علمود فلوس مولدة هو كال بعد يومين ارجع
-هلا خوية.
-اجيت علمود فلوس مولدة.
فاطمة: والله ياخوية جنت مجمعة ١٠٠الف علمود انطيك بس قبل ثواني اجة ابو ايجار و اخذهن.
-شنو تضحكين علية انتي.
فاطمة: حشاك خوية بس والله ماعندي انتظر علية هسه طالعة للشغل والله بس اخذ فلوس الا اني اجيك و انطيك فلوسك.
-بطلي جذب خلي اطفي كهرباء عليكم عود تجرين عدل.
فاطمة: ما انتظرني اكمل كلامي بسرعة راح معصب سديت باب ماكدرت اسيطر على نفسي نزلت دموعي و صوت شهكاتي تعالت صرت ابجي بخبال و اضرب نفسي.
غسان: فاطمة فاطمة.
حنين: ماما ماما لا.
فاطمة: اجت حنين حضنتني و بعدها غسان حضنتهم كل قوتي بعدها ابتعدت و استجمعت كل قوتي مسحت دموعي ، حبيباتي افرشو بل حوش اليوم اروح للشغل قفلو باب وراية ماشي ديربالكم على نفسكم.
غسان: خلي اجي وياج.
فاطمة: لا حبيبي لعد منو يدير بالة على حنونة انت ضل هنا و اني ما اتأخر عليكم.
غسان: ديربالج على نفسج.
فاطمة: ان شاء الله، عدلت حجابي و طلعت من بيت طول طريقي واني امشي و ابجي عيوني مغوشة من دموع ضليت امشي سريع ورة شوية وصلت للسوك كعدت اشتغل وية عمو هل يومين شغل ضعيف على حضي ضليت من ضهر للعصر اشتغل كدرت اجمع ٧الف بس سلمت على عمو و رحت اعبر شارع علمود الحك على ولد ابو عربانة اقطع خضرة اله ماحسيت غير عيوني غوشت و ردت اكمل طريقي اجت سيارة من بعيد........

اشوفكم ببارت قادم🍂🕊