خاطفي هو منقذي (الجزء الثاني)

p 12

هلو قلبوشاتي🦋
خاطفي_هو_منقذي.

إلمْا جاسَة المَرضّ ما يَعرفْ العِلَة.
♡♡♡♡♡♡♡♡♡♡♡♡♡
سارة: بعد سفرة الي رحنالهه بلشت بتحقيقات و مراقبة اسد علمود اعرف معلومات عنة و شلون طلع شلون كدر يوصل لعنوان تاليا و يامان لهذا سبب رسمت خطة علمود نقبض على هذا حقير اتصلت على يامان و تاليا و حجيتلهم خطة يامان انطة موافقتة بس هم ضل خايف على تاليا.
يامان: سارة خطتج قوية بس اني ماعوف تاليا وحدها.
سارة: يامان خوية كلنا راح نكون هناك ولا يهمك.
تاليا: هسه عوفوني من هل كلام بعد يومين حفلة قبعة و اني ما محضرة شي.
سارة: ههههه نايمة و رجليج بل شمس.
تاليا: شنو.
سارة: من جنا بسليمانية يامان اخذ رأينا احنا بنات و حجز كل شي من بيجات و يمكن اليوم يوصلن.
تاليا: انداريت على يامان يبتسم
-صدك انت حجزت كل طلبات.
يامان: بنيتي و اريد ادللهه.
تاليا: سديت اتصال من سارة حضنتة كل قوتي، شكرا شكرااا ما تعرف شكد ساعدتني.
يامان: مهم يعجبج ملابس و القبعة و عباه.
تاليا: اكيد حلوات مادام انت جايبهن.
يامان: ياعمري هسه بس يوصلن شوفيهن و اذا ما عجبج غيري و طلبي غيرة.
تاليا: ماغير شي لأن يعجبني ذوقك.
يامان: فديت مريتي.
تاليا: ضليت العب وية تايا و يامان طلع كال عندي شغلة و ارجع جنت كاعدة و سمعت دكة باب باوعت على كامرا عود فتحت باب هاي أوامر يامان شفت شاب بل باب مبين مندوب طلعت فتحت باب وصلي طلبية مبين يامان دافعلة انطاني طلبية و راح سديت باب و طبيت جوة كعدت على تخم و تايا تلعب كدامي فتحت كارتونة جان داخلهه مغطينة بورد وخرت ورود و طلعت اول شي قبعة مكتوب اسمي عليها مطرزة و مكتوب احلى خريجة اليوم هواي فرحت بيهه بعدها طلعت عباه كمت لبستهه جان على مقاسي اخر شي طلعت قاط رسمي لون اسود يجنن وية حجاب بيجي و كعب بيجي بعمري ما فرحت هلكد رحت للغرفة لبست قاط و بعدهه لبست عباه و قبعة اشوف نفسي بل مراية طالعة اجنن اخذت كم صورة و دزيتهن ليامان شافهن بنفس وقت كتبلي.
يامان: طالعة تخبلين.
تاليا: ذوقك بعد فد فد زوجي.
يامان: هههه تلبسيهن بهنا بوية.
تاليا: يلا ارجع بسرعة اريد ابوسك و اشكرك.
يامان: هههه جاي بل طريق مسافة و اني يمج.
تاليا: ماشي منتظرتك ممح باي.
يامان: باي يروحي.
تاليا: نزعت الملابس و علكتهن بل كنتور و العباه و القبعة ضميتهن على صفحة نزلت جوة تايا تلعب بل ايباد باوعت للساعة خلص وقت ايباد رحت اخذت منها و خليتها تجي وراية للمطبخ اني احضر العشة و هي تساعدني لحد ما سمعت صوت باب صالة ينفتح عرفتة يامان ضليت اكمل الي بيدي و تايا مكعدتهه على كاونتر يمي.
يامان: تالووو حبيبي.
تاليا: اني هنا بل مطبخ حبيبي تعال.
يامان: رحت شفتهن بل مطبخ شلت تايا العب وياهه اشمرهه فوك للسما و ارجعها بيدي هي تضحك و على ضحكها اضحك
-يمة بنيتي يمة فديت ضحكتج ابوية انتي.
تاليا: اغار.
يامان: ههههه انتي هم بنتي.
تاليا: اي حبني اني اكثر.
تايا: نووو مامي نووو.
تاليا: اجيتي و اخذتي مكاني بابا مالتي.
تايا: نوو دادي مالي.
تاليا: نووو الي هو.
تايا: دادي انت مالي؟
يامان: اي ياروحي كلي الج يا عمر يامان انتي.
تاليا: روحو والله زعلت.
يامان: ههههه تعاي اشاقة تعاي ولجن ثنينجن بناتي ماكدر اعيش بدونجن انتن عيوني ثنتين.
تاليا: حضنا وراهه رتبت العشة على ميز بلشنا نتعشى و نسولف لحد ما كملنا شلت مواعين غسلتهن نيمت تايا و رحت للغرفة يامان ضل يشتغل على لابتوب و اني من كثر تعب ذبيت نفسي و نمت.
............
زينب: العطلة خلصتها نوم و اغلب اوقات فراغي اضل افكر بعلي ليش ماعرف بس ورة يومين من راح دخلت للأنستا شلت حضر منة دخلت لحسابة ناشر ستوري اترددت افتح اتأفأفت و ذبيت تلفون على صفحة رحت اساعد ماما بل مطبخ و حضرنا الغدا جنت واكفة انتظر التمن يتهدر و افكر شنو ناشر لحد ما وكعت عيوني على تلفون امي رحت اخذتة و فتحت انستا كتبت حسابة و دخلت عليه شفت ستوري الي ناشرة حزين و مخلي عليه اغنية
(مانام حالف لا مانام ) رحت على منشوراتة اخر شي ناشر فيديو الى بيدة جكارة يدخنها دخلت للتعليقات شفت اصدقائة معلقيلة منور و كذا بس واحد اسمة عمر كاتبلة تهون بعد اخوك و هو راد عليه الله كريم طلعت من حسابة و مسحتة من يم امي رجعت للمطبخ اكمل تحضير ورة ساعة رجعو بابا و اخواني من شغل فرشت فرشة و رتبتها صبينا الغدا و اكلنا و كملنا لميت السفرة وحدي لأن نسوان اخوتي من اني موجودة يلكنهه فرصة ما يشتغلن نقلت مواعين للمطبخ غسلتهن و كملت رجعت للغرفة من ضوجة ماعرفت شسوي رحت طلعت صبغ اضافر صبغت اضافري كعدت ساعة اصور بيهن و نشرت ستوري كتبت ضوجة خليت الأسك علمود اي شخص يشوف يسولف عفت موبايل رحت دزيت واحد من ولد اخواني للدكان يشتريلي راح و رجع بيدة علاكة نساتل و جبس و حبشكلات انطيتة الف اله و رجعت للغرفة كعدت اكل و ارد على ناس الي رادين كرايب و صديقات اما وحدة من نسوان اخوتي كاتبة لون صبغ مو حلو جاوبتهه محد طلب رأيج وراهه تاليا كاتبة حضرتي للتخرج جاوبتهه لا بعدني مشتاقة اطلع احضر وياج و سويتلهه تاك شفت عبدالله كاتب احنا شعلينا انتي ضايجة كتبتلة محد ضرب على ايدك تشوف ستوري سويتلة تاك باوعت للمشاهدات اريد اشوف منو بعد شايف ستوري صعدت فوك لكيت اسمة اي هذا هو علي مشاهد ستوري بس ما حاجي شي ضجت كلش طفيت جهاز و طلعت رحت دكيت باب غرفة بابا و ماما سمعت بابا كال تفضل دخلت.
-مرحبا يابة.
ابو زينب: هلا بنتي تفضلي.
زينب: احم يابة عندي طلب زغير.
ابو زينب: كولي بعد ابوج عيوني الج.
زينب: فدوة لعيونك يابة اريد مصرف علمود اجهز لحفلة قبعة و عباه لازم اطلب من بيجات.
ابو زينب: تدللين انتي طلبي الي يعجبج وشكد ما يكون اني ادفع.
زينب: تقربت بست راسة، ربي لا يحرمني منك و ان شاء الله تضل تاج و خيمة على راسنا.
ابو زينب: ولا يحرمني منج بنيتي و رفعت راسي.
زينب: طلعت من غرفة رجعت جبت تلفوني كعدت بل صالة فتحتة علمود اطلب من بيجات شفت علي مراسلني هواي لزمت نفسي ما ارد عليه بس ماكدرت دخلت للمراسلة شفت كاتب
-ليش شلتي حضر؟
جاوبتة..
زينب: لأن اني ما احضر اي شخص حتى لو اكرهه و يكرهني مو هذا اسلوبي و تربيتي.
رد علية بنفس لحظة كأن جان ينتظرني.
-تمام.
زينب: بس كتب هاي كلمة و بعد ما راسل اني هم عفتة دخلت لكم بيج عجبني شغلاتهم طلبت من عدهم كالو باجر يوصل راسلت تاليا شوية و ذبيت جهاز و تمددت اباوع على تلفزيون.
...........
جواد: تميممممم زوجتييي خارج بيت شلونك ولك مشتاقلك يا خايس يا ابن خايس يا سابح و طامس بل خيسة.
تميم: خوش ترحيب خلف الله عليك بخير انت شلونك.
جواد: والله ضايج صارلي شكد لا مخبث و لا مسوي مصيبة لا مخرب بيت احد يعني هاي يمتة وضعية والله هاي مو عيشة.
تميم: اكولك امشي ندور على احد نضحك عليه.
جواد: امشي بعد اخوك امشي
مشينا لمكان صلاة شفت علي كاعد يلعب بل موبايل و عمر يصلي.
-تميم هل تفكر بما افكر.
تميم: The Bluetooth headset content.
جواد: قصدك تم ربط أفكارنا بسبب بلوتوث.
تميم: اي بعد اخوك بلش و اني وياك.
جواد: علي وين تربة الي تصلي عليهه.
علي: ليش؟
جواد: خطية تميم نسة تربتة كلت انت تنطي تربة حتى يصلي.
علي: لعد انت وين تربتك ليش ما تنطي.
جواد: استغفرالله اني طير من طيور جنة ادخل للجنة بدون صلاة.
علي: توبة ربي صح صح هاك خوية تربة بس عوفني.
جواد: اي مشكورين اخذت تربة منة و خليتة كدام عمر هو يصلي.
-تميم منو احنا.
تميم: أحفاد علي.
علي: ولكم حرام عليكم.
جواد: اخرس.
علي: شفتهم يخلون تربة كدام عمر من يسجد يوخرة و همة يرجعونة نوب شغلو بل موبايل و يرددون ورا كدامة.
جواد: علي علي علي علي يا علي.
تميم: علي اية و علي راية علي غاية و علي نور علي سور و علي همة.
جواد: علي الليث مجرب علي جتال مرحب.
عمر: كملت صلاتي و سلمت باوعت على جواد و تميم كلت
فديت علي و فديت عباس.
علي: كلنا فتحنا عيونة و حلكنة على كلامة ابتسمنا كمت من مكاني رحت حضنتة
-يحفظك العباس يا عضيدي.
عمر: هاي كلمة غالية علية.
جواد: تميم اكرصني اكيد اني احلم.
تميم: لا والله اني احلم.
علي: ههههه ولكم اخوكم واكع بعشك شيعية شتحجون انتو.
جواد: كول والعباس.
عمر: والعباس.
تميم: لا هذا مادام يحلف بل عباس اكيد طايح على وجهه.
جواد: منو هي ولك احجيلنا.
عمر: بنية شفتهه صدفة .... حجيتلهم كل شي اي هو هذا مختصر عن موضوع اريد اتزوجها و اتقدملها بس هي تريد تدرس.
جواد: اي لعد اخطبها و بين ما تكمل تزوجها لو أقنعها تتزوجون و تكمل دراستها يمك.
عمر: ان شاء الله بس ادعولي والله احبهه و كلبي متعلق بيهه.
علي: كون تصير من نصيبك بجاه العباس و أهل بيت.
جواد: من هسه الزفة علية ولك ماقصر وية اخوي.
عمر: ربي ما يحرمني منكم صرتو الية اخوان و نعم اخوان.
علي: وياك اني للموت صديق عمري.
يامان: هاي شو مجتمعين هنا مو من عوايدكم تجتمعون بمكان صلاة.
جواد: والله حبيت انصحهم و ارشدهم على طريق صحيح.
يامان: انت ترشدهم؟
جواد: اي استغفرالله شباب يلا استغفرو كل ما تشوفون يامان.
يامان: ابن نعال ليش شنو شايفني كدامك شيطان.
تميم: استغفرالله استغفرالله.
علي: هههههه اتركهم خوية هذولة صارلهم كم يوم محد كاتلهم جلدهم يحكهم.
يامان: يبشرون هسه احكلهم حكة معدلة.
جواد: استغفرالله العظيم واتوب اليه استغفرالله.
يامان: كوم لك كوم لو تبقة طول عمرك تستغفر تاليتك وية ابو لهب تشربون جاي.
تميم: جواد اخذني وياك مو تنساني.
جواد: استغفرالله تدلل خوية كوم احنا مكانة مو يم هذولة كفار استغفرالله العظيم واتوب اليه.
يامان: شفتهم طلعو سوة واحد يمشي ورة لاخ و يستفرون و انداريت شفت عمر و علي ميتين من ضحك.
-يلا ولكم انتو هم كافي كومو لشغلكم.
عمر: سيدي اريد اذن منك ساعة اروح و ارجع.
يامان: كثرانة طلعاتك عمر.
عمر: اذا مو ضرورية ما طلبها وداعتك.
يامان: امشي حبيبي بس ارجع من وكت.
عمر: صار سيدي ممنون منك.
يامان: طلع عمر و كلت لعلي
- شنو سالفة اشو دومة مشغول مرات ضايج و مرات فرحان.
علي: شحجيلك سيدي بل ضيم حالة.
يامان: احجيلي شكو.
علي: سيدي ابو يريد منة نص راتبة كل شهر و عمر هل شهر ما دفعلة لهذا صاير مشاكل بينهم.
يامان: زين هو مو ابو ولا يحبة أمة الي ربتة ليش بعدة متعب نفسة اذا هيج مأذي.
علي: مو سيدي أمة وصتة يسمع كلام ابو واحنا كلنا نعرف شكد جان يحب أمة و ما يردها بحجاية لهذا سبب ضال متعلعل فوك هذا كلة يحب بنية بس من طرف واحد هي هم فوك علتة معلعلتة اكثر.
يامان: منو هاي بنية و من وين عرفها؟
علي: شافهه صدفة متخربطة و ماخذهه للمستشفى بعدين ..... حجيتلة كلشي صار و شلون تعرفو.
يامان: والله خطية صراحة اتمنى بنية توافق و يتزوجون.
علي: امين سيدي امين.
يامان: علي شنو صار بقضية الأقسام.
علي: سيدي حسب بحثنا اني و ظابط سارة كدرنا نوصل لشخص واحد فقط اسمة حاج عبد القادر هواي حاولنا نوصل للمعلوماتة شخصية بس بعدنا على بحث وية ظابط سارة ان شاء الله اي معلومة جديدة نخبرك.
يامان: كفو منكم شغل حلو يلا لعد اني هسه رايح وانت هم ارجع على شغلك.
علي: صار سيدي.
.........
عمر: طلعت من مكافحة رحت اشتريت مسواك و دجاج و أغراض للبيت و اخذت علاكة نساتل و جباسة و حبشكلات للجهال صعدت سيارة رحت عليهم دكيت باب فتحلي غسان.
غسان: عمرررر اجةة عمررر.
عمر: هههه ياروح عمر انتو شفت حنين تركض من باب مطبخ نزلت على ركبي حضنتهم.
حنين: عمل مثتاقتلت( عمر مشتاقتلك).
عمر: يمة فدوة لليشتاقلي تعالو شوفو شنو جبتلكم وين اختكم قزمة.
غسان: بل شغل شوية و تجي تطبخلنا غدا.
عمر: اووف من راسهه يابس.
حنين: ماما ئبابة(ماما حبابة).
عمر: اي ماما حبابة يلا تعالو اكعدو جبتلكم حلويات و جباسة كل واحد يختار شي لأن مايصير كلة سنونكم تروح بعدين.
حنين: اني مثاثة(اني مصاصة).
غسان: اني جبس.
عمر: اني كيك يلا والباقي نشيلة لا تجي اختكم تفضحنا.
غسان: ههههه.
عمر: انتو كعدو هنا اني اروح اشيل غراض و اطبخلكم.
حنين: ايي.
عمر: رحت للمطبخ رتبت غراض بل ثلاجة و ضميتلهم حلويات طلعت صدر دجاج قطعتة و طبختة وية تمن احمر خليتهم يتهدرون طلعت خيار و طماطة اقطع بيهم و كل وحدة حجم بس يلا شسوي كملتة و خليت شوية ملح طلعت خضراوات اخذتهن بصينية رحت يم جهال يباوعون تلفزيون كعدت الكط خضرة سمعت صوت باب يندك ركض غسان يفتحة وراهه دخل غسان و ورا فاطمة شفتهه صايرة حمرة من شمس ما انتبهت علية راحت تغسل وجهه من رجعت رادت تذب حجاب شافتني فتحت عيونهه و رجعت حجاب.
فاطمة: انت هنا يمتة اجيت.
عمر: قبل ساعة هيج شي.
فاطمة: احم ها هلا بيك شلونك.
عمر: بخير اذا انتي بخير.
فاطمة: دومك احم هسه اروح اطبخ غدا ثواني.
عمر: اكعدي ارتاحي اني طبخت.
فاطمة: انت؟
عمر: اي اني كل شي جاهز سويت زلاطة هم بس اكمل خضراوات و ناكل.
فاطمة: ليش تعبت نفسك جان اني طبخت.
عمر: ماكو فرق يلا انتي طبي سبحي و ارتاحي.
فاطمة: احم تمام.
عمر: جنت الكط خضراوات و كاعد أشاهد بزونة و فارة وية جهال اتصل علية علي.
-ها علاوي.
علي: وينك يمعود اتأخرت يامان يسأل عليك.
عمر: والله كاعد الكط خضرة و اباوع بزونة و فارة.
علي: ههههه مرت اخوية مسيطرة من هسه.
عمر: انجب لك روح يلا بس اتغدا و اجي.
علي: خلص لا تجي اني بمكانك كمل تلكيط حبيبي ههههه.
عمر: تدلل مرتي.
علي: بعد نسيتني فطوم يمك.
عمر: لا تدلعهه لا اطلعلك من موبايل.
علي: ههههههه يلا ولي ابو خضراوات.
عمر: باي.
علي: بايات.
عمر: كملت خضراوات رحت غسلتهن زين و رتبتهن بماعون ردت افرش سفرة طبت للمطبخ.
فاطمة: عوفهه اني افرش انت روح ارتاح.
عمر: اجت فرشت بل صالة و تجيب بل مواعين و كلاصات رتبتهن و صبتلنا الغدا كعدنا ناكل شفتهه تعبانة من كثر تعب ما تكدر تاكل عفتهه كلت من نكمل احجي وياهه صرت اوكل حنين بيدي من كملنا ساعدتهه بلم مواعين رادت تطلع من مطبخ لزمت ايدهه.
فاطمة: هل ايام كلش كاعد اتعب بل شغل بحيث من ارجع للبيت حتى اكل مابية حيل اكلة شفت عمر يمنا صراحة انقذني من كال اني طبخت ماجنت ادري هو يعرف يطبخ من كملنا الأكل لميت مواعين كلت عيب هو يشتغل رحت وديت مواعين على مغسلة علمود اغسلهن ردت ارجع الم سفرة حسيت عمر لزم ايدي انداريت علي و كلبي يدك الف
-محتاج شي؟
عمر: فاطمة لا تشتغلين بعد اذا محتاجة كوليلي بس لا تطلعين شوفي وجهج محترك بل شمس ما بيج حيل تحجين من تعب.
فاطمة: جريت ايدي منة و حجيت، لازم اشتغل مو بيدي مجبورة اشتغل.
عمر: شنو الي جابرج مصرف بيت اني اتحملة دراسة اخوانج اني هم اتحملة احتياجاتكم اني اوفرهه.
فاطمة: انت تعرف شي و اني اعرف شي ثاني اترجاك لا تضغط علية.
عمر: ماضغط عليج بس اذا تمرضتي لو صار عليج شي ما اسامحج فاطمة لأن انتي روحي واذا اذيتي روحج يعني اذيتيني.
فاطمة: طالت نظراتنا للحظات بعدها حسيت على نفسي و هزيت راسي ، ماشي.
عمر: اني رايح اذا احتاجيتو شي اتصلي علية.
فاطمة: ان شاء الله شكرا تعبناك.
عمر: مع سلامة.
فاطمة: يحفظك العباس الله وياك.
عمر: انداريت و ابتسمت من سمعت منهه كلمة يحفظك العباس بوست جهال و طلعت.
............
تاليا: ورة هوسة و تحضيرات كل هاي ايام اجة اليوم الي راح اختم تعبي بسعادة و فرحة اليوم تخرجي اول شي سويتة كعدت من صلات فجر حضرت ملابسي و كويتهن و كويت العباه بنفس وقت طلعت قاط رسمي ليامان جان لونة حليبي على بيجي علمود يتناسق وية ملابسي بس ما طلعتلة قميص خليت تيشيرت ابيض كويتهن و رتبتلة كعدت بل ساعتين اتمكيج و يامان بعدة نايم من كملت مكياج بدلت ملابسي و لفيت حجابي لبست اكسسوارات و ساعة سبحت سبح بل عطر صارت ساعة ٧ رحت كعدت يامان
-يامان حبيبي كوم حضرتلك حمام طب اسبح.
يامان: ساعة بشكد؟
تاليا: صارت ٧ حبيبي لازم ب ٨ و نص اني هناك.
يامان: كمت حياتي كمت بين ما تبدلين لتايا اني مكمل.
تاليا: تمام حبيبي كلشي حاضر واذا ردت شي صيحلي.
يامان: اريد بوسة.
تاليا: هههه اسفين لو كاعد من وكت جان حصلت بعد خليت مكياج.
يامان: اي عادي رجعي حطي.
تاليا: ياااامااان مو وقتها كوم يلا.
يامان: أمري لله خل نرجع من تخرج بليل اتفاهم وياج عود ياويلج تتنعوصين و تكولين تعبانة.
تاليا: ههههه يلا اني اروح ابدل لتايا.
يامان:اي غيري موضوع غيري والله وراج وراج وين تروحين مني.
تاليا: طلعت من غرفة اضحك على كلامة رحت لغرفة تايا شغلت اضوية كعدتهه على كيفي اول مرة ماكعدت بس من عرفت حفلة بسرعة فتحت عيونهه تربية جواد يمشي بدمهه كومتهه غسلت وجها ما سبحتها لأن بارحة سبحت اخاف تتمرض بس غسلت وجها و طلعتلها فستان ابيض و بيجي اشترتلهيا علمود تنسيق وياي و وية ابوهه بدلتلها و مشط شعرها سويتلها تسريحة طلعت تخبل كملتها و نزلنا جوة حضرت ريوك نزل يامان كعدنا نتريك متحمسة و فرحانة كل ثانية اسأل يامان
-مكياجي عدل، الحجاب خوما خربان يامان هاي ساعة حلوة لولا؟
يامان: هههه اهدي بوية والله طالعة كمر ولج كافي مخليج تطلعين هيج لا تشلين حالي.
تاليا:خلص يعني حلوة.
يامان: تخبلين يا لجمة گلبي.
تاليا: كملنا الريوك وية يامان الي جان كلة غزل لميت مطبخ و غسلت مواعين طلعنا من بيت بوجهنا على مكتبة جنت حاجزة مصور كلت قبل كل شي اخذ صور لا يتخربط مكياج اختاريت جلسة تصوير بل مكتبة اخذت كم لقطة وحدي
يامان جان لازم تايا و يباوعلي يبتسم و عيونة يلمعن  اخر شي كلت للمصور اريد صورة عائلية وية زوجي كللنة على لقطة سويناها و طلعت تجنن بعدين المصور هو طلب صورة الي و ليامان وحدنا كال هدية مني كلت انزع عباه و قبعة خليتها على صفحة علمنا على لقطة اني اعدل ياخة يامان و هو لازم خصري يباوعلي بحب من كملنا تصوير رحنا للجامعة وهاي كل خطوة امشيها جانت وية يامان لأن نمشي على خطة وية سارة يامان لازم تايا و اني من جهه كأن عندة بنات ثنين طبينا جوة شفت زملائي سلمت عليهم و همه يعرفون يامان من بعيد فعرفتهم عليه عن قريب جنت ادور على زينب بس ماكو وينهه اتصلت عليهه كالت بل طريق علي راح يجيبني كلتلهه تمام و سديت اتصال شفت البنات كلهم بيدهم مسكة ورود لعد اني شبية نسيت يحضي صراحة ضجت.
يامان: ليش ضايجة بوية.
تاليا: ها لا ماكو شي.
يامان: تعاي نكعد بين ما يجتمعون.
تاليا: رحنا كعدنا بل سنتر و اكو بنات من مرحلة ثانية و ثالثة اكلو يامان اكل بعيونهن ما يستحن يشوفني اني و كاعدة يذبن حجي لو يتغزلن اكو وحدة نرفزتني مشت وية صديقتها من يمي و كالت
-ياا مزوج و عندة بنية ياريت مامزوج.
تاليا: اييي و شنو اذا ما مزوج شو انتي ما تستحين.
-شبيج عيني منو حجة وياج.
تاليا: كاعد تصجمين زوجي و اسكتلج بنات آخر وكت ماعدجن مستحة ادبسزيات عينج هاي عينج افكسهه اذا اجت على زوجي، يامان جرني منهن بل كوة.
يامان: امشي بوية خلي يولن.
-ديلا على اساس هي منو فد قندرة.
يامان: هاي تاج راسج و راس عشيرتج ماراح اتجاوز لأن انتي بنية.
تاليا: هدني عليهه خلي اخلي قندرة بحلكهه بنت قندرة.
يامان: امشي حبيبي عوفيهه يغارن منج لأن ما يكدرن يوصلن للوصلتي.
تاليا: طلعنا من سنتر لازمة ايد تايا كلت ليامان اروح للحمامات اعدل نفسي.
يامان: تاليا اجي وياج اوكف بل باب ما أمن.
تاليا: بس عيب.
يامان: ما استحي اذا موضوع سلامتج.
تاليا: رحنا للحمامات يامان بقة واكف بل بتب اني عدلت ملابسي و الحجاب و مكياجي طلعت كلي.
يامان: ها بوية شلون صرتي.
تاليا: احس اريد بخاخي حيوانة خلتني اصيح.
يامان: لا تقهرين نفسج امشي نجيب بخاخ من سيارة.
تاليا: مشينا للسيارة طول وقت لازم ايدي و شايل تايا فتح باب سيارة طلع بخاخ من جكمجة انطانياهه اخذت كم نفس منها و ارتاحيت شفت جواد و سمر اجوي.
سمر: خير تالو شبيج حبيبتي انتي بخير.
يامان: ماكو شي اكو كح** استغفرالله خلتها تعصب.
سمر: شكو؟
تاليا: ولج وحدة ساقطة كعدت تتغزل و تتحسر على يامان لأن مزوج و اني شوفتهه حجمها اصلي.
جواد: انا ويلي من نار غيرة.
يامان: لا تقهرهه زايد ابن منعول امشو ندخل يلا.
تاليا: مشينا طبينا جوة كعدنا بل حديقة انتظر زينب.
..........
قبل يوم وصلني اخوية للأقسام جنت محضرة كل اغراضي  شكد حاولت وية اخوية يبقى وياية ليش يرجع للبصرة بس ما سمع مني و رجع ضليت اجهز أغراضي وقتت منبه من ليل علمود اكعد من وقت نمت و كعدت صبح على صوت منبه بسرعة بدلت و عدلت حجابي اتمكيجت اني زينة بل مكياج لبست كعب جنت متأخرة شلت مسكة ورد و و عباه على ايدي و بإيدي ثانية الجنطة و القبعة نزلت جوة للشارع ادور على تكسي كلها ثواني شفت سيارة علي وكفت كدامي باوعتلة و درت وجهي مشيت شوية اجة وراية فتح جامة و يحجي.
علي: زينب اصعدي اني اوصلج.
زينب: تسلم ماريد.
علي: زينب مو وقتها ترة متأخرة.
زينب: مشكورة هسه اصعد تكسي.
علي: ماشي زينب ماشي يلا اشوفج شلون توكفين تكسي و اذا اخليج تروحين بتكسي شاربي ازينة.
زينب: ضليت منتضرة تكسي لحد ما شفت واحد وكفتة اعامل ماحس غير علي وراية.
علي: امشي خوية توكل هاي مرتي زعلانة هسه اصالحهه.
-تقشمرون علية توكفوني بدون سبب.
علي: مو كلنالك اسفين توكل.
زينب: عليي.
علي: عيونة لعلي.
زينب: ينفگسن كون.
علي: امين اذا باوعت لغيرج.
زينب: عوفني.
علي: سويتها مرة غبي اعيدها.
زينب: ضليت واكفة لحد ما اتصلت تاليا كالت تأخرتي من لا جارة مشيت كدامة صعدت سيارة هو اجة يصوفر سكتت و هو حرك سيارة مشة و اني طول طريق ساكتة لحد ما هو كسر صمت و حجة.
علي: اسف زينبي.
زينب: على شنو.
علي: لأن سويت هل تصرف موحلو بس والله عبالي ببالج شخص ثاني و تريدين انتي تختارين شريك حياتج براحتج عبالي ما تحبيني.
زينب: منو كلك احبك.
علي: سوارة الي بيدج زينبي من يوم شلتي فولو كل ستوري تنشرينة لابسة سوارة الي جبتها الج و هسه هم لابستهه.
زينب: هسه اذبهه.
علي: اي يلا ذبيهه.
زينب: ردت انزعهه و اذبهه بس ماكدرت رجعت كتفت ايدية و انداريت على جامة ماريد اشوفة.
علي: ها ليش ما شمرتيهه.
زينب: انتتتت معليككك.
علي: تحبيني.
زينب: اكيد لا.
علي: شكد جذابة.
زينب: وصلنا للجامعة نزلت بسرعة احس وجهي نار كوة لازمة ضحكتي ماعرف احساس فرح مشيت ادخل جوة و هو يمشي وراي يدندن.