خاطفي هو منقذي (الجزء الثاني)

p14

هلو قلبوشاتي🦋
خاطفي_هو_منقذي.

يِمُر بيَة نَدَمْ و ابُوسْ بصُوَرَكْ...
♡♡♡♡♡♡♡♡♡♡♡♡♡
سمر: صار يومين الكل داخل إنذار قلق و خوف تايا لحد الأن ما الها خبر يامان و سارة و جواد الكل كاعدين يدورون عليهه الي كسر خاطري تاليا صارلهه يومين لا اكل و لا شرب ولا نوم لازمة ملابس تايا و تبجي وضع يامان أصعب بعد بس هو يسوي نفسة قوي لا تضعف تاليا اكثر جنت كاعدة احضر الغدا انفتح باب حوش دخلو سارة و جواد و هود يركضون.
جواد: وين يامان وينة.
سمر: فوك يم تاليا يقنعهه تنزل ليش شكو يا ستار؟
جواد: لكينا مكان هل حقير اسد.
سمر: يا الله ان شاء الله ترجع تايا بخير و سلامة.
جواد: يامااااان.
سمر: من خوف هل يومين بس نسمع اسمائنا بسرعة نفز شفت نزل يامان بسرعة و ركض لناحيتنا.
يامان: هاا شكو عرفتو شي؟
سارة: اي لكينا السيارة الي خطفت تايا و عنوانهه.
يامان:لعد شنوووو منتظريننن امشووو.
جواد: يلا بسرعة.
سارة: يلا هود خل نمشي.
هود: سارة انتي ضلي هنا اني اروح.
سارة: بس هود...
هود: حبيبي لا تعاندين ضلي هنا.
سارة: تمام، تفضل يامان هذا عنوان و معلومات باقية ادزلكياهن.
يامان: مشكور خوية تعبتج وياي.
سارة: بل خدمة.
سمر: طلعو شباب بسرعة يركضون اني و سارة صعدنا فوك علمود نقنع تاليا تطلع من غرفة تنزل تغسل و تاكل بس للأسف ماكدرنا نقنعهه ضلت حاضنة ملابس بنتها و تبجي بسكوت ضلينا اني و سارة يمها نخاف لا تأذي نفسها كعدنا نص ساعة تقريباً جنا صافنين على هذا وضع ما نحس غير تاليا كامت من مكانها تدور بل غرفة مثل مجانين.
-تالو حبيبتي على شنو دورين؟
سارة: تاليااا شبيج ليش هيج تتصرفين على شنو تدورين؟
تاليا: وين موبايل يامان وينة؟
سمر: صارت تنخبش بل غرفة ذبت كل شي بل كاع لحد ما لكت موبايل يامان.
سارة: شسوين بي فهمينيييي؟
تاليا: اخابر اسد اخابرة هو يسمع مني راح يرجع تايا.
سمر: تاليااااا غلطططط الي تسويييي غلطط.
سارة: انطيني موبايللل بلا خبااال.
سمر: صفنت للحظات تباوع علينا و بلحظة سريعة طلعت برة و قفلت باب علينة.
-تاليااااا لااا ياروحييي لااا غلط والله هذا شخص خطير مو مثل ما متوقعتة افتحي باب تاليااا.
سارة: تاليااا افتحي باب والله اكسرة افتحيييي.
تاليا: نزلت جوة اني ارجف فتحت موبايل شفت يامان مخلي صورتي و صورة تايا على شاشة ضلت دموعي نزل دخلت لسجل مكالمات اخر مكالمة من رقم غريب اترددت اتصل بس تايا اهم مني اتصلت و انتظرت يجاوب.
-رد الله يخليك رد، مارد علية اتصلت ثاني مرة هم ماكو رد ردت اسد مكالمة اجة صوتة رجعت موبايل لإذني.
اسد: هلا والله نقيب يامان ما توقعت تتصل.
تاليا: وينها بنتييي تايااا وينهااا.
اسد: تاليااا هاي انتي حبيبتي ليش تبجين شبي صوتج.
تاليا: وين بنتيي اريد تايا بنتي الله يخليك رجعلياهه.
اسد: اشش ماريد تبجين تاليا اني كلت ليامان اذا يسلمج الي ارجع تايا سالمة و مابيها شي بس هو ما وافق يسلمج وراح تخلص مهلة يومين الي انطيتة.
تاليا: لا تأذي بنتي فدوة شتريد اني اسوي تريد اسلم نفسي تمام وين انت اني اجي والله اجي بس عوف بنتي ترجع.
اسد: صدك تجين تاليا ترجعيلي يااااا الله ما مصدك راح ترجع حبيبتي ولكمممم حضرو سيارة، تاليا تاليا حبيبتي سمعيني راح انتظرج يم ***** بس لا تفكرين تغدريني تاليا احبج اني.
تاليا: سديت اتصال ماريد اسمع كلامة مقزز صعدت فوك وكفت يم باب.
-سمرر ..سارة سامحوني الله يخليجن كولن ليامان اني احبة بس تايا اهم مني راح اروح ارجعها.
سمر: وينننن راااايحةةة ويننن ولججج يجذب عليججج.
سارة: تاليا بس خل افتهم وين تروحين سمعيني والله نسوي خطة و نرجعها لا تمشين وحدج تاليا يامان ينتهي اذا تعوفي لا تتصرفين هيج.
تاليا: ولكممم بنتييييي يمة بنتييييي تاياااا يمهم صار يومين ماعرف اكلت شربت نامت تبجي لو لا سودة علية يمة بنيتي شلووون تريدوني اكعد و انتضر.
سارة: لا تروحينننن تخسرين لا تروحييين.
تاليا: ماكدر ماااا أكدر لازم اروح مع سلامة.
سمر: سارةةةة راحت تاليا راحتتتت سوي شي.
سارة: وين لابتوب يامان وينة.
سمر: كمنا ندور على لابتوب فتحت كنتور و لكيتة.
-سااارة لكيتة سارةةة.
سارة: الف الحمدالله جيبي و شكلي شاحنة.
سمر: سويت مثل ما كالتلي و كعدت بصفها فتحت لابتوب بس ما تعرف كلمة مرور شكد حاولت ماكو اخر شي كلتلهه.
-سارة اكتبي اسم تاليا و تاريخ زواجهم.
سارة: اي كوليلي تاريخ.
سمر: talya2019/11/15.
كتبت الأسم و التاريخ بسرعة انفتح من كثر فرح كمنا نبجي.
سارة: الف الحمدلله هسه نكدر نشتغل براحتنا بس خل اتصل على جواد.
سمر: شلون تتصلين و احنا موبايلاتنا جوة و باب مقفول.
سارة: يامان فاتح واتساب بل لابتوب أكدر اتصل بي.
سمر: شفتها اتصلت على جواد ضل هواي ما يرد.
جواد: يامان انت مو بصفي شكو تتصل علية يول.
يامان: منو متصل اني ما جايب موبايل اصلاً.
جواد: لعد بنات بس ليش يتصلن من جهازك.
هود: هسه غيرررر يرد مو متنا دجاوب.
جواد: اسكت لا اهفك راشدي.
يامان: رد يمعود اخاف صاير شي.
جواد: اي اي، الووو.
سارة: جواد وين انتو جواد.
جواد: ليش شكو؟
سارة: افتح سبيكر افتحة.
جواد: شكوووو ياستااار.
يامان: شبيكم تاليا بيهه شي احجووو.
سارة: تاليا راحت يامان راحت تشوف اسد.
يامان: شنووووو شلون راحت فهموني ليشش ما منعتوهااا.
سمر: والله ياخوية ما خليناهه تروح بس قفلت باب علينا حتى موبايلاتنا ضلت جوة لهذا اتصلنا من لابتوب.
يامان: وينننن راحتتتت وينننن.
سارة: يامان ترة اسد ما مغير رقم نفس رقم خابرتة جاوب هسه راح احدد مكانهم لأن تاليا اخذت تلفونك وياهه انتو لازم تنقسمون ٣ أقسام يامان انت تروح ورة تاليا جواد انت روح للمكافحة لأن هناك علي و سيف يكدرون يحددون موقع لأن جهاز يامان مراقب هود حبيبي ارجع للبيت افتحلنا باب لازم نتحرككك بسرعة بسرعة.
جواد: ياماننن صدك تحجي تريد تروح وحدك ماخليكككك.
يامان: انزلوووو ثنينكم اروح وحدي.
هود: مااا يصيرررر.
سارة: جواد خابر سيف يدزون ورا دورية.
جواد: حتى لو دورية ماقبل يروح وحدة.
سارة: هسسسسة بسسسس سوو مكالمة جماعية اني بل لابتوب ماكدر اسوي يلاااا بسرعة جيبو سيف و علي عل خط.
جواد: اي تمام.
علي: الوو.
سيف: الوو.
سارة: علييي اريد تروح للغرفة رقم ** هناك اكو لابتوب طلعة بسرعة ابد ماريد فهاوة بعدين افهمكم موضوع.
سيف: امشي هاي غرفتها اكيد عرفت شي على تاليا.
علي: سارة مطلوب كلمة سر.
سارة: اكتب اسمي و اسم هود بل انكليزي و اكتب رقم****************** يلا بسرعة.
جواد: هاي مو رقم ولا كلمة سر هاي سحر ام عباس.
هود: اني اشهد.
سارة: اكتمو صوتهم اريد اركز.
يامان: انلصموووو.
سارة: سيف خوية افتح برنامج*** انفتحلك خرطة على جهه يمين اكو زاوية مكتوب اسماء بيهه اضغط على اسم يامان بسرعةةة.
سيف: اي طلعلي موقع يلا علي بسرعةةةة اتحرك حضر دورية.
سارة: افتحو كامرة اريد اشوف.
علي: الموقع مكان غريب راح ادزلكم موقع شباب.
سارة: يامان: بيت الي بصفكم بي جوارين.
يامان: اي موجودين ليش.
سارة: راح اجيكم بس صبر.
هود: لاااااا تجينننن شلوووون تجينننن.
جواد: هسه على شنو حارك أعصابك غير باب مقفول عليهم.
سارة: باي شباب.
-سمر راح اروح و اجي افتحلج باب ضلي هنا لا تطلعين ان شاء الله ماكو شي شوية و نرجع.
سمر: شلون تطلعين فهمينيييي؟
سارة: هسه تشوفين، رحت فتحت باب بلكونة صعدت على محجر الي مسوينة نوب جيتت على حايط جوارينهم ذبيت نفسي من فوك حايط للحوش مالهم ما شافوني طلعت من باب بيتهم رجعت لباب بيت يامان صعدت من فوك باب و دخلت للبيت اخذت تلفوني و صعدت فوك فتحت باب لسمر.
سمر: ياقردة لعد من اول ليش ما سويتي هيج و منعتي تاليا ما تروح.
سارة: هسه اجتني هل فكرة مهم اني راح اروح.
سمر: سارة فدوة رجعي تاليا فدوة.
سارة: ادعيلنا وان شاء الله خير.
سمر: الله يكون وياج دير بالج على نفسج.
سارة: مع سلامة.
سمر: الله وياج، راحت سارة سديت باب وراهه رحت توضيت كعدت اصلي و ادعي ربي كون ترجع تاليا و بنتها خطية حامل و راحت شنو وضع يامان هسه ربي سهلها عليهم.
تاليا: اخذت تكسي و رحت للعنوان الي كلي من وصلت اتصلت علي.
-الوو اني وصلت وين تايا وين بنتي.
اسد: اهدي اني هم وصلت هسه تشوفين بنتج.
تاليا: انتظرت جان مكان عبارة عن بيوت مهدومة مكان مابي احد الدنيا بيهه برودة جانت تمطر بس مطر خفيف ورة لحظات سمعت صوت وراية تصيحلي ماما هنا انهدمت و احس رجلي ما تحملني التفتت من شفتها تركض علية وكعت بل كاع على ركبي و فتحت ايدي الها و دموعي نزلت.
تايا: مامااا.
تاليا: اجتي حضنتها كل قوتي، ياروح امج يااا روحها يمة بنيتي يمة كلبي راح يوكف يمةةةة.
تايا: مامي نووو cry(مامي لا تبجين).
تاليا: انتي زينة باوعيلي حبيبتي اذوج سولج شي صرت ابوسهه مثل مجانين و اتفحصها اذا متعورة لو مسويلهه شي.
تايا: مامي هو ذين.(ماما هو زين).
تاليا: شفتها تأشر على اسد و تكول زين حضنتها و اباوع لأسد بكل حقد.
اسد: اوووف يا نظراتج اووف.
تاليا: عوف بنتي ترجع لأبوها.
اسد: اعوف بنتج بس انتي تكدرين تبتعدين عنها و تجين وياية.
تاليا: باوعت لتايا و نزلت دموعي شلون راح افاركهه شلون اروح و اعوف يامان.
اسد: لااا تبجينن لااااا تبجيننن اتخبل من تبجييين.
تاليا: هو يصيح و تايا خافت حضنتني حيل، تايا لا تخافين حبيبتي ماكو شي هسه يجي بابا ياخذج للبيت.
اسد: تايا لا تخافين اسف لأن صيحت تعاي يمي حبيبتي تعاي.
تاليا: عوفها ماتجي.
اسد: بس اعتذر منها.
تاليا: ما يحتاج وخر.
اسد: يلا لعد عوفيها هنا من ابتعدنا شوية ادز موقعها ليامان.
تاليا: عوفنا الله يخليك عوفنا شنو تريد منا بس فهمني.
اسد: ما رايد شي غيرج ليش ما تفهميني اني احبج تاليا من اول مرة شفتج حبيتج مو بيدي هواي حاولت اطلعج من بالي و افكر بأن انتي غدرتيني و خنتيني رحتي اتزوجتي هذا حقير يامان بس اني مسامحج تطلكون و اني اتزوجج واعيشج ملكة والله ما نقص عليج شي.
تاليا: شلون تفكررر هيججج شلونن اني عندي طفلة من يامان شلون تريدني اطلك من يامان و اعوف بنتي.
اسد: ناخذها تريدين ناخذ تايا ويانة هسه و نروح شتكولين يلا كومي حبيبتي خلي نروح.
تاليا: عوفنا الله يوفقك عوفنا نروح و عيش حياتك انساني.
اسد: لا تحجين هل كلمة بلشت اعصب يلا كومي.
تاليا: جان لازم ايدي من يم زندي و يجر بية حتى اكوم ما فكرت بأي شي بلحظتها بس غمضت عيني و صرت اردد بكلبي(حسبنا الله سيؤتينا الله من فضله انا إلى الله راغبون) هذا دعاء معجزات طلبت من ربي كون يساعدني ادعي و تنزل دموعي اسمع صوتة يصيحلي بس عبالي اتخيل ضليت مغمضة و حطيت ايدي على بطني و علت شهكاتي.
يامان: تالياااا.
اسد: لا يا حقيررر غدرتيني تاليا ثاني مرة تغدريني.
تاليا: فتحت عيوني باوعت لأسد يجر جر بية وكفت على حيلي و انداريت شفت يامان و جواد و هود وراية من بعيد يركضون يارب ساعدني يارب هاي روح الي بطني ما الهه ذنب.
يامان: عوفهاااا لكككك ياااا نذلللل.
اسد: لا تتقرب والا تموت بنتك.
تايا: ماماا.
تاليا: اشش ياروحي ماكو شي هسه نرجع للبيت.
اسد: اتفاقنا تسلمني تاليا و تاخذ بنتك اذا تلعب بذيلك ياويلك.
يامان: رجعهم احسلك.
جواد: هسه ليش تخليني اجي امسح بيك كاع درجعهم يا عيني.
تاليا: كلها لحظات و سمعنا صوت دورية اجت نزلو شباب كومة لابسين اسود  وياهم سيف و علي.
سيف: سلم نفسك المكان محاصر.
تاليا: حسيت بسلاح انحط ورة ضهري و اتقرب مني يحجي بصوت ناصي.
اسد: امشي وياي ترة هذا سلاح راح يكون موجهه لتايا اذا ما مشيتي.
تاليا: نزلت دموعي رفعت راسي باوعت ليامان رجعت انداريت احجي وية هذا حقير
-راح اجي وياك بس تايا خليها تمشي ترجع لأبوها.
اسد: ماشي يلا.
تاليا: بوست تايا و اني شهكة شكت صدري شلون اعوفها بنتي هاي بستهه و شميت ريحتها حضنتها كل قوتي و وخرت عنها
-ماما تايا روحي على بابا كاعد يصيحلج اني هسه شوية و ارجع عمو يريد يحجي وياي.
تايا: اوكي مامي.
تاليا: شفتهه ركضت على يامان و هو من بعيد فتح ايدة ضمهه بحضنة هنا اني انهاريت من بجي صار عندي وجع ببطني لزمت بطني و اسد جرني امشي و التفت على يامان و تايا.
سارة: سلممم نفسكككك.
تاليا: رفعت راسي فوك شفت سارة بيدهه سلاح موجهتة على اسد هو وكف مكانة بقة جامد يم سيارتة.
اسد: هلا سارة زمان عنج سارة لو بنت العراق.
سارة: والله عرفت تلعبها صح يا اسد طلعت أحقر من ما جنت اضن.
اسد: ههههه ذكية جنت اعرف تكشفين المضموم.
سارة: العب وية كل إلا وياية لا تلعب لأن ما تكدر و هسه مثل شاطر اترك ايدها و امشي.
هود: شلوووون يمشيييي.
سارة: اتركهااا و امشييي.
اسد: ما اجيت اخذها علمود اتركها.
سارة: راح تخسر.
اسد: اخسر حياتي هم عادي لعيونها يلا حبيبي تاليا امشي.
تاليا: عوفنيييي مخبل انتتتت مخبللللل ولككك مزوجةةة بنتي هايييي شوفهه بعينك هذاك زوجيييي شلون اتركهم.
اسد: امشي لا تبجين.
تاليا: راد يصعدني السيارة غصب شفت يامان اجة ركض بسرعة باوعت على اسد طلع سلاحة راد يضرب يامان مانشوف غير جواد صار كدامة و اتصاوب بإيدة نزلت سديت باب سيارة من ألم بطني وكعت بل كاع و حسيت شي حار نزل علية باوعت لثوبي صار كلة دم غوشت عيوني بعد ماعرف شنو صار.
يامان: جواااااااد اخوييي جواااد.
سيف: جواددد اطلبووو إسعاف بسرعة.
هود: تاليااااا ركضت عليهه ما لحكت على هذا حقير اخذ سيارة و راح، تاليا ياروح اخوج تاليا فتحي عيونج.
سارة: نزلت من فوك حايط واحد من بيوت جنت لابسة جاكيت نزعتة و لفيتة على تاليا
-هود جيب سيارة لا يشوفها احد بسرعةةة كاعد تنزف.
هود: ماشي، ركضت لسيارة يامان شغلتها و رحت وكفتها يم سارة و تاليا نزلت شلتها حطيتها بل سيارة و شفت شباب سندو جواد و صعدو بل سيارة مكافحة مشيت لأقرب مستشفى وصلت فتحت باب و نزلت تاليا كلها دم جابو سدية و اخذوها للطوارئ سارة مشت وراها اني ضليت انتظر يامان و شباب كلها لحظات شفتهم وصلو نزلو ساندين جواد و هو يضحك يابة والله العضيم هذا مو طبيعي.
جواد: هسه شبيكم يمعودين هي طلقة جككتني.
يامان: امشييي حسابك بعدينننن ابن نعاللل منوووو كلك تذب نفسك كدامييي.
جواد: اخوي انت اخوي افديك بروحي ولك روحي ترخص لروحك.
سيف: امشي خل يشوفون ايدك كافي لغوة.
هود: يامان.
يامان: وينها تاليا.
هود: بقسم طوارئ.
يامان: ركضت اريد اشوفها ما قبلو ضلينا ننتظر ربع ساعة و طلعت سارة.
-ها خوية بشري.
سارة: الطفل مهدد بل إسقاط و نزيفها كوة وكفو داخلة بحالة صدمة قوية.
هود: شفت يامان كعد على كرسي مهدود حيلة خلى ايدة على راسة رحت عليه حضنتة و اهدي.
-صير قوي ان شاء الله ماكو شي.
يامان: راح يضل وراها بس اني مو رجال و طالع من ضهر رجال إذا ما أخذ حقي منة مربع.
سارة: ضليت ساكتة شلون اكولة ما تكدر تاخذ حقك الي اعرفة ماكدر اكولة ياربي قويني، ضلينا ننتظر لحد العصر جنا كلنا كاعدين اني و هود و يامان و سيف و علي الحمدالله كالو إصابة جواد سطحية ماكو شي يخوف جنا ننتظر تاليا تكعد شفنا سمر و بشرة و عمو عمار و امي يجون اتجاهنا شفت سمر اجتنا ركض و تبجي.
سمر: وين جواد وينة فدوة كولولي وينة.
سارة: اهدي يروحي ماكو شي اصلن إصابة سطحية و دكتور كلة شوية و تكدر تطلع لا تبجين.
سمر: بس اخذوني عليه فدوة.
يامان: تعالي خوية اني اخذج كافي تبجين.
عمار: شلونها تاليا.
هود: بعدها ما كعدت.
عمار: امشو لعد خل نشوف صحة جواد خطية هل ولد.
سارة: مشينا كلنا لغرفة الي بيهه جواد طبينا اشو هذا نازل جذب على هل فقيرة سمر و هي مكضيتها دك مناحة.
جواد: ولج سميررة رادو يكتلوني سميررة جان تأرملتي احووو يمة دعيوةةة احووو.  
سمر: اهئ اهئ سودة علية.
جواد: ولج لو تشوفين بطلين دم راح بطلين احووو يمة دعيوة احووو.
يامان: انجب كافي تنعي شهل جذب.
سارة: سمر فكرتج اذكة من هيج اشو طلعتي غبية.
سمر: ولج شوفي حالة سودة علية.
سارة: ترةةة مابييي شييي كاعد يجذب عليج.
سمر: دشوفي وجهه مصفر خطية اكيد خسر دم هواي.
جواد: اي والله شوفي وجهي.
سمر: سودة علية حتى يمكن ما متغدي اكل مستشفيات ما تحبة.
جواد: لا لا ماشتهي.
سارة: كلنا فاتحين حلكنا على جذبة ما نشوف غير دخل تميم و هو يصيح.
تميم: جااان يوصللل كباببببب ضلعييييي.
جواد: خرب بل حض الي عندي.
سارة: خطية ما يشتهي و طالب كباب لا ابد ما يشتهي.
سمر: جواد كاعد تجذب علية.
جواد: لا ابد هاي كباب سيف طلبة مو اني.
سيف: خوية كلنالج يجذب بس انتي ما صدكتي.
سمر: امشيي والله صوجي اني اخاف عليك مو صوجك.
جواد: اخخخ ولج ليش تضربين اشاقة شبيج.
سمر: ماحب هل شقة.
جواد: ولج سمر دكتور كتبلي علاج كلش حلو كلي كل ما تتوجع اخذ بوسة مسكن.
سمر: كدام كلهم هيج يحجي ماعرف وين انطي وجهي هم زين اجت ممرضة و كالت مريضة رقم ١٨ كعدت يامان و هود ركضو طلعو من غرفة اني هم ردت اطلع جواد كال ساعديني علمود اكوم اروح اشوفهه اكيد خافت علية لهذا صار هيجي بيهه.
سمر: ساعدتَ يكوم شلتلة مغذي و طلعنا مشينا لغرفة تاليا بعدنا بل باب سمعناها تصرخ و تبجي.
تاليا: فتحت عيوني بس شي واحد ينعاد هو من اتصاوب جواد كلت اكيد مات ضليت بس اصرخ و املخ شعري لأن اتذكر منظر دم دخلو يامان و هود لزمو ايدي.
يامان: لااااا بوووويةةة لااااا شكاعد تسويننن.
هود: تالوو حبيبتي اهدي باوعيلي اهدييي لا تسويننن هيج.
تاليا: يمتةةةةةة ارتااااااحححح يمتةةةةة تعبتتتت انييييي تعبتتتت يمتةةة اعيششش حياة هادددئةةةة.
يامان: ساااارة بسرعة صيحي ممرضة بسرعةةةة.
تاليا: مااااااتتت جوااااد مااااات شفتة ضربة كدامميييي شفتةةةة.
يامان: وداعت عيونج مابي شي والله مابي شي هسه اصيحلة.
جواد: اسممم الله علية فال الله ولا فالج بشنو طالبتني حتى تموتيني.
سمر: طبينا جوة شفناها تريد تملخ نفسها وجهه صاير احمر دم يامان و هود لازميها هدئت من شافت جواد كدامها.
تاليا: جج..وا...د.
جواد: اي جواد احلى واحد بل عراق.
تاليا: ايدك.
جواد: تعرفين دنيا باردة كلت ادفيها ما بيهه شي.
تاليا: بسببي.
جواد: مع احترامي بس انجبي.
سمر: تاليا ضلت بي دموعها تنزل كأن اتذكرت شي.
تاليا: تايااا بنتي وينهااا يامان وين بنتي.
سارة: بل بيت يم خالة افتخار لا تخافين.
تاليا: اريد اطلع اريد بنتي.
يامان: مو زين عليج بوية الطفل مهدد بل إسقاط.
تاليا: كللتتتتتت طلعونيييييي.
هود: اهدي حبيبتي ليش هيج تسوين بنفسج.
تاليا: طلعوني اريد اطلع.
سمر: لا جارة طلعنا شباب بدلنا ملابسها و هي ابد ولا حجت ويانة كملناهه و سندتهه كامت من فراش لبستهه شال و فتحت باب غرفة شفنا كلهم ينتظرون يامان من شافنة اجة يسندها انصدمنا من رفضت صارت تمشي وحدها و صافنة صراحة كلنا خفنا من تصرفها مشة يامان وراهه جاب سيارة صعدت بدون ما تحجي سارة و هود و بشرة راحو وياهه اني و جواد و تميم و سيف و علي رحنا بسيارة تميم عمو عمار راح وية زوجتة كلنا توجهنا لبيت سارة.
بشرة: شكد حاولنا نحجي وية تاليا بس ما تجاوب ضلت مخلية راسهه على جامة و صافنة بل طريق بعد طريق كلها سكتة وصلنا لبيت سارة نزلنا من سيارة يامان نزل بسرعة علمود يسند تاليا بس نزلت وحدها و دخلت للبيت من فتحت خالة افتخار الباب حتى على خالة افتخار ما سلمت بس سألت عن تايا و طبت جوة.
تاليا: تايا ماما وينج حبيبتي تعاي اني اجيت.
تايا: مامييي مامييي.
بشرة: شفناها شلون حضنت تايا و صار صوت شهكاتهه عالية و على بجيها و كلامهه نزلت دموعنا.
تاليا: يمةةة جنت عايفتجج يوميننن شلون كدرت اعوفج اني مو خوش ام ابد جنت واعدة نفسي انتبه على بنتي و احبها و اعوضها عن حنان الأم الي ما شفتة اني بس اني شسويت بنتي اني ما وفيت بل وعد ولج يمة سودة علية يومين عفتججج كون تعمى عيوني كون ينكسر ايدية الي فتحت باب بي و طلعتج تلعبين ولج يمة مشتاقة لريحتج ياروح امج انتي.
بشرة: صارت تدعي على نفسها و صوت بجيها و شهكاتهه يمكن حتى جيران سمعو راح يامان يكومهه و يوخر تايا من حضنها ضلت ترجف.
تاليا: بنتييي لا تاخذوووهه بنتييي عوفوني.
يامان: موزين عليج هيج تسوين بنفسج بوية موزين.
تاليا: شلت تايا و رحت للغرفة ضيوف ضليت حاضنتهه و اتذكر شلون خطفوها كدام عيني.
تايا: ماما don't cry please(ماما لا تبكين ارجوكِ).
تاليا: خلص يروحي ما ابجي.
بشرة: يامان تنهد بلا حيلة و كعد بل صالة وية شباب احنا بنات صعدنا ورة تاليا شفناها حاضنة تايا مثل قبل شوية و ما تهدهه بس ترجف اتقرب سألتها.
-تاليا حبيبتي إذا بردانة اجيبلج غطة لو ملابس كاعد ترجفين.
تاليا: ماريد شي بس اطلعو اريد ابقة وية بنتي.
سمر: بنات خلوها ترتاح خل ننزل احنا.
بشرة: نزلنا جوة يامان بس شافني سأل عن تاليا.
يامان: شلون صارت حجيتو وياهه.
بشرة: اخوية هي بعدها بصدمة خلوها ترتاح.
يامان: كلة صوجي اني خليت واحد حقير مثل اسد يوصلها لهل مرحلة.
عمار: كول يا الله ابني ان شاءالله تنحل الحمد الله رجعو بنتك و زوجتك.
جواد: اكولللل فخورةةة اشو انتي ما تحترمين ضيوف جااا غير اني مريض ضربوني طلقة طلقةةةة اهتموا بية شبيكم.
خالة افتخار: ولك ابني على كيفك جاي على نار هسه اطلع كعك هم.
جواد: اي سويلي عصير برتقال فريش لأن اني متصاوب خسرت بطلين دم بطلين.
سيف: بطل جذب لا اكوم اسوي وجهك خريطة.
جواد: اكول وين تميم و علي اشو ماكو.
سمر: والله خجلو يطبون للبيت ضلو برة شكد حاولت وياهم ماكو كعدو بل حديقة.
يامان: شكد عيب راح اطلع اشوفهم اني.
سيف: اكو واحد يكعد بل حديقة بهل برد، ولككك تميممم ...علييي امشووو طبوو جوةة.
علي: لا سيدي والله رايحين اذا ما تحتاجونة.
يامان: امشو طبو جوة ما تروحون بدون عشا امشو يلا ترة انتو اخوانة ماكو فرق.
تميم: يا بعد اخوك مشكورين.
سمر: دخلو تميم و علي جوة كعدو شباب كلهم جوة اني و بشرة و سارة رحنا نحضر العشا وية خالة افتخار جانت مجهزة تمن و مرك بامية و دجاج اني سويت زلاطة و بشرة و سارة يلكطون خضراوات من كملنا شغل ودينا السفرة هود و سيف اخذوها يفرشون اجو للمطبخ ياخذون مواعين و خواشيك رتبنا السفرة و صبينا الأكل صعدت فوك و بيدي صينية اكل شفت تاليا نايمة وية تايا عفتهم و نزلت جوة.
يامان: ليش ما اكلت.
سمر: نايمة وية تايا كلت ما اضوجهم.
يامان: تمام.
سمر: كعدنا احنا نسوان على جهه و بلشنا ناكل جنا على اكل و جواد اجا اتصال.
جواد: الووو ها يمة.
دعاء: ولك يمة صدك الي سمعتة متصاوب.
سمر: ما شفنا غير جواد ذب خاشوكة و صار يبجي بل جذب و ينعي.
جواد: ولججج يمةةة اخخخ يمةةةة يا دعيوة ضربو ابنج طلقاتتت يمةةة دعوةةة ابنج جان راح يموتتتتت يول دعاااءءءء.
دعاء: يمة اسم الله يمة سودة علية صدك تحجي جواد وينك اجيك يمة اجيك.
جواد: يوللل ضلي نايمةةة بحضن رجلججج و اني انااام بل مستشفيااات اويليييي اخخ ياويليييي على ياااويلا.
تميم: اشو النعي صار موال خوية.
جواد: انجب اسكت خل نضحك شوية.
سمر: خالة يجذب عليج مابي شي وداعتج.
جواد: هو شني جذب غير بطلين دم راحن.
يامان: لو ماكل اني طلقة و اشرفلي.
سيف: بعد سنتين يضل يحجي بيها.
دعاء: جوادووو انت ما تبطل سوالللفك طايح حضها.
جواد: تميم اريد نعي عن ضلم ام لأبنها.
تميم: اسف ماكدر هسه تطلع دعيوة من موبايل.
جواد: يمةةةة سمعتي تميم صار ما يحترمج يصيحج بأسمج لا تدوريلة مرة خلي يضل عانس.
دعاء: اني لو احضركم انت و هذا تميم ارتاح.
جواد: اييييي تزوجتييي بعد جواد بيش كيلو.
دعاء: امشي ولي يل ما تستحي.
جواد: اشو هاي سدتها بوجهي.
يامان: تستاهل.
جواد: يا قاسي.
تميم: اكل حبيبي اكل سودة علية وجهك مصفر.
جواد: الله شحلات الأكل من ايدك يا عمري.
سمر: جوادددد.
سيف: ياويلك يا جواد اذا ما تاكل عدل حكومة أدخلت.
جواد: يا روح جواد انتي.
سمر: اكل انت و ساكت.
جواد: صار عيني و ماي عيني.
بشرة: كملنا الأكل و لمينا مواعين  ردت اغسلهن اجت سارة تغسل وياي و سألتني.
سارة: بشرة انتو بأي عمر ابوكم توفة؟
بشرة: ههه شنو هل سوأل مفاجئ.
سارة: هيج خطر على بالي.
بشرة: اني ما شايفة ابوية ولا يامان شايفة كل الي نعرف عنة راح للحرب بوقتها و اختفة مارجع بعد.
سارة: تعرفين اسم ابوج.
بشرة: لا لأن أمي مسجلتنا بأسم خالي من احنا و زغار.
سارة: اممم الله يرحمة.
بشرة: ليش هل أسألة.
سارة: لا هيج حبيت اسأل.
بشرة: كملنا مواعين طلعنا للصالة كعدنا تميم و علي راحو ضلينا بس احنا عائلة كعدنا نسولف بل شي الي صار اليوم ما نحس غير على صياح يامان و تاليا.
يامان: صعدت فوك اشوفها اذا كعدت فتحت باب شفتها كاعدة و حاضنة تايا.
-تاليا حبيبتي عوفي بنية خليها تروح تاكل نامت بدون عشا.
تاليا: لا ماعوفها بعد ماريد يخطفوها خليها يمي.
يامان: تاليا ترة احنا بل بيت ماكو شي اهنا أمان.
تاليا: ما خليهااا ترووح عوفهاا.
يامان: تالياااااااا لا تجننيييي عوفيييي بنيةةةةة.
بشرة: صعدنا فوك شفت تايا تبجي و يامان يجرهه من حضن امها و تاليا ما تقبل.
-ولكم تخبلتو تصيحون كدام بنية تعاي تايا تعاي امي انتي لا تبجين تعاي ننزل يم يامان و زينة و حسين لعبي وياهم كافي يروحي لا تبجين.
تايا: مامييي اهئ اهئ اهئ.
تاليا:تايا ماما روحي تعشي و رجعي للغرفة بسرعة لا تبجين حبيبتي.
بشرة: طلعت تايا من غرفة نزلتها خليتها يم جهال و سيف و جواد و هود مستغربين من أصواتهم.
يامان: فوككك ماااا انيييي ازعلللل و احااااسبجج انتي الييي زعلانةةة ولججج طلعتييي من بيتتتت بدون اذنيييي ركبتي تكسيييي و رحتي لهذااااا حقير لو ما جاي انيييي شنوووو متوقعة رااااح يعوف تايااا تمشييي.
تاليا: سويييييتت هيججج علموددد بنتييي شسويييي اكعد انتضرررر يوميننن ما شايفة بنتيييي يومينننن.
يامان؛ ترااااااا موووو بسسس بنتججج هاييي بنتيييي هممم.
بشرة: صعدت فوك اريد اهديهم بس ماكو كلها صياح.
يامان: جاااان حسبتيلييي حساببب اني رجلجججج بهذا تصرفج اثبتي اني مو رجال ولج ويننن اكووو مرة تطلع بدون إذن زوجهااا فهمووووونييييي.
تاليا: قابل طلعتتتتتتت اشوفففف عشيقيييي غيررر خايفةةةة على بنتييييي و طلعتتتتتت.
بشرة: ما احس غير يامان رفع ايدة راد يضربها بس هود وكف بوجهه.
هود: بنص بيتي و تريد ترفع ايدك تضربها لا هنا اني اطلع مو رجال اختي تنضرب كدام عيني و بنص بيتي.
يامان: ما تسمع الفاضها و صوتها العالي.
هود: انزللل جوةةة انزللل من تهدوننن اصعد اتفاهموووو مو تضربهااا يا فهيم.
بشرة: هود و سيف كوة نزلو يامان جوة اني هم نزلت وياهم ضليت اسكت بل جهال يبجون تايا موتت نفسها اخر شي سيف أخذهم للمحل يشتريلهم سمر ضلت يم تاليا.
سمر: رحت يم تاليا أهديها ضلت تبجي و تشهك نفسها انكطع طلعتلها بخاخ تاخذ نفس و ترجع تبجي ضلت على هذا حال لحد ما لزمت بطنها و شهكت كل صوتها.
تاليا: اخخخ يمةة بطنييي راح اموتتت.
سمر: تاليا شبيج حبيبتي تالياااا لا تخوفيني.
تاليا: ياربييي ارحمنييي يارببب.
سمر: شلت غطة عنها شفت الفراش غركان دممم، تالياااا اهدييي ياعمري هسه اصيحهم.
تاليا: اريد اموت اريد اموووت.
سمر: طلعت من غرفة وكفت على محجر و صحت يامان
-ياااامااان اخويةةة الحك تاليا.
بشرة: كلنا فزينا من مكانة و يامان اول أشخاص صعد درج بايتين بايتين.
يامان: شبيهااا وينها تاليا سمر بسرعة حجاب و عباية بسرعةة.
سمر: ضلت ايدي ترجف بسرعة خليت حجاب على راسهه و لبستها عباية شالهه يامان.
تاليا: اريد امووت عوفني.
يامان: اششش اسكتي بوية اسكتي.
هود: اني اخذكم امشو شغلت سيارة.
سمر: باوعت لجواد يعني اروح وياهم هز راسة اي و خليت حجاب على راسي طلعنا اني و سارة وياهم صعدنا بل سيارة سارة لكدام و اني و يامان و تاليا لورة تاليا صارت بل نص لازمة بطنها و بس تدعي على نفسها.
تاليا: ربي اخذني تعبت.
يامان: هوددددد استعجلللل.
سمر: تاليا لا تحجين هيج فدوة فكري بتايا.
تاليا: أمانة يمج تايا سمر أمانة ي...م..ج.
سمر: كالت اخر كلمة و اغمة عليها.
يامان: تاليا بوية لاااا تغمضينن افتحي عيونج لا تعذبيني.
سمر:بعد ماعرف شكد وصلنا للمستشفى دخلوهه كبل للطوارئ ضلينا ننتظرها لحد ما طلعت دكتورة.
يامان: ها دكتورة بشري.
دكتورة: احنا اسفين فقدنا الطفل والأم دمها قليل.
سمر: ولله لو تاليا تكعد و تعرف مات الطفل الي بطنها تنهار عل اخير.
يامان: اني اتبرع بل دم.
دكتورة: لا لازم تحاولون تزيدونة بل اكل و ان شاء الله ما بيها غير العافية باجر تكدرون تطلعوهه.
هود: تسلمين دكتورة.
سمر: شفنا يامان شلون كعد بل كاع و حرفياً منهار عيونة صارن حمر بس ما يريد يبجي شوية و هو دخل عليهه يشوفها.
هود: امشن وقت تأخر اني اوصلجن و ارجع يم يامان.
سارة: بس هود...
هود: فدوة لا تعاندين تعبان امشو.
سارة: ماردت اجادل مشينا اني و سمر وية هود وصلنا للبيت و هو راح دخلنا جوة كلهم ينتظرونا نحجي.
بشرة: ها بشرو وينهم تاليا و يامان.
سمر: مات طفلها ولج بشرة مات والله راح تنهدم اذا تعرف.
بشرة: يمة سودة بوجهي شلون راح نكوللها هل خبر.
سيف: لا حول ولا قوة الا بالله ربي يعوضهم.
جواد: امين والله ما تستاهل هل بنية ما ارتاحت ابد.
سمر: الله ياخذ هل حقير اسد كلة بسببة صار هيج.
..............
زينب: مر شهرين على عقد قرأني اني و علي و عايشة احلى ايام ردنا نسوي خطوبة بس ابو علي مسافر بشغلة لهذا سبب مأجلينا لحد ما يرجع طبعا كرايبي من عرفو بل شخص الي متقدم الية اتخبلو خصوصاً بنات عمامي و عماتي هل حياية مقهورات، جنت كاعدة بل مطبخ اغسل فواكه لنفسي لأن عندي فلم اريد اتابعة اتصل علية علي رفضتة كلت بس اغسل فواكه اروح لغرفتي اجاوبة كملت غسل فواكه و تنظيفها رتبتها بماعون و اخذت نوتيلا مالتي من ثلاجة وية شوكة خليتهن بصينية و رحت لغرفتي سديت باب و كعدت اتصلت على علي كامرة جان دنيا شتة لابسة هودي و مغطية شعري بل كلاو
علي: هلا والله بإلي ترفض اتصالات.
زينب: والله جنت اغسل فواكه و ارتبهن لهذا رفضت.
علي: يلا عادي سماح هل مرة اي شلونج حبيبي.
زينب: اني بخير الحمد لله انت شلونك شلون اخبار بغداد مشتاقتلها.
علي: مشتاقة لبغداد لو الي يسكن بغداد.
زينب: ابتسمت و كلت ثنينهن.
علي: شلون تخليني اصعد سيارة و اجيها بهل ليل.
زينب: ههههه تسويها اعرفك.
علي: مسودنتني.
زينب: شمسوية اصلاً أفقر مني ماكو.
علي: اي صح صح.
زينب: شخبار علاقة عمر و حبيبتة الي حجيتلي عنهم.
علي: والله بعدها مثل ما هي ماكو اي تقدم حب من طرف واحد بس اني متأكد البنية تحبة بس عدها شي يمنعها تحجي مشاعرهه.
زينب: الله اعلم ربي يسهلها الهم و ينجمعون صدك خطية.
علي: امين يارب.
زينب: اكول حبيبي.
علي: عيون حبيبج.
زينب: اخبار تاليا و يامان شكو لأن اتصل على هل صخلة ماكو.
علي: شسولفج حتى اسولف.
زينب: تربعت و كعدت اكل كدامة و كلتلة اي احجي احجي اسمعك.
علي: على هل كياتة شلون اجمع الكلام و احجي.
زينب: احجييي حبيبي كتلني فضول.
علي: ماشي ماشي القصة و نا بيها بنت تاليا و يامان ........... حجيتلهه كل شي ،اي و هيج صار موضوع بعدهم يراقبون هل نذل.
زينب: كون الله باخذة حمار ابن مطي ابن زمال.
علي: حبيبي اعصابج ترة كلهن نفس شي.
زينب: غثني غثني هل حقير كون الزمة و اكطعة ١٠٠ وصلة.
علي: طلع جبار بداخلهه.
زينب: اسكت انت هم.
علي: هااا سالمينن اشو كلبتي علية هم.
زينب: جنت اكل بنزاكة و شوكة و حركات بس انغثيت ذبيت شوكة و صرت اكل بيدي اخذ تفاحة الوصها بل نوتيلا و اخليها بحلكي ضليت ادعي على عل حقير اسد.
علي: هههههه يمة بطنيييي يمةةةة الف رحمة على روحك اسدد طلعت جبار الي بداخلها قبل زواج ههههههه.
زينب: علي تسكت لا ابلكك من حياتي.
علي: ههههه سكتت خلص ههههههه يمة لاصت النوتيلا صار ثريد مو نوتيلا.
زينب: اي عيني بنات بصرة ياكلون نوتيلا مثل ثريد بيدهم عود اتثقفتلك كلت خطيبي مستقبلي.
علي: ههههههه جعل محد غيرج ياكل ثريد هههه قصدي نوتيلا هههههههه.
زينب: مو صوجك صوجي اني كاعدة اسولف وياك.
علي: هههه لا لا تعاي بعد ما اضحك.
زينب: كول توبة ١٠ مرات والا أرفض زواج.
علي: ههههه توبة عيني توبة.
زينب: بعد ٨ مرات.
علي: صدك تحجين.
زينب: والله اروح على ابوي و اكول مازوج.
علي: ههههه صار
توبة، توبة، توبة، توبة،
توبة،توبة،توبة،توبة.
زينب: عفية زلمتي فديتك.
علي: هههه مجنونة و العباس.
زينب: يلا نعست من وراك ما شفت فلم و خلص نوتيلا.
علي: اي روحي غسلي و تعاي نامي بس اتصال لا تسدي.
زينب: ولك ماحب سوالف الي حبيبتي انام على صوت انفاسج عيعععع.
علي: ههههه شترجة من وحدة كبرانة بين ولد و ماعدهه خوات.
زينب: اي هذا موجود،

علي: يا دوخة راسي انت و احلى دوخة راس يل مبهذل احوالي و اني ميت بيك..
مو رومانسي ما بيك ذر احساس و ابو احساس اني دوم مسميك..

زينب: اني دوخة راس.
علي: ههههه احلى دوخة والعباس.
زينب: خوش خوش خل اغسل و اجيك ابو رومانسيات.
علي: ههههههه يفداج علاوي.
زينب: غسلت ايدي و ضلينا نسولف لحد ما غفيت.
..............
-حجي اجة اسد كاعد بل ديوان.
حاج عبدالقادر: اممم اي ضيفو هسه اجيكم.
-حاضر حجي.

-باشا نورتنا شنو تطلب اخدمك.
اسد: ماريد شي بس اريد اشوف حجي.
حاج عبدالقادر: اي واني اجيت.
اسد: حجي شلونك طيني ايدك ابوسهه.
حاج عبدالقادر: هلا بإبن اخوي.
اسد: بلمهلي حجي شخبارك صحتك أن شاء الله بخير.
حاج عبدالقادر: بخير بخير انت شلونك شكد دزيت عليك بس ما شرفتنا تشتغل من بعيد.
اسد: والله حجي استأجرت بيت علمود شغلة و ان شاء الله محلولة.
حاج عبدالقادر: ان شاء الله اي شنو اخر اخبار بضاعة.
اسد: راح يتوزعون على أقسام من يبلش دوامات بعد اسبوع.
حاج عبدالقادر: اي ان شاء الله بيهه خير و هذاك نقيب شنو جان اسمة.
اسد: يامان.
حاج عبدالقادر: اي هو خوما شاكك بشي.
اسد: كلشي تحت سيطرة محد يعرف.
حاج عبدالقادر: حلوو خوش شغل انت اخذ راحتك اني وقت صلاتي اروح اصلي.
اسد: اخذ راحتك حجي.
-باشا اعذرني بس هذا عمك مو طبيعي اشو سوالفة سوالف و يصلي.
اسد: مرضي الله و شواطين.
-باشا زين اذا يامان كدر يخرب كل شي.
اسد: هههه ما يكدر بس يعرف حقيقة.
-شلون يعرفها و اذا هي مضمومة.
اسد: تؤ تؤ اخخ سارة يا سارة من وين تلكفيها و هي طايرة.....

يتبع...