خاطفي هو منقذي (الجزء الثاني)

البارت الثامن

هلو قلبوشاتي🦋
خاطفي_هو_منقذي.

الرُوحْ عاشَتّ حافِيةَ..بِوادَم كزْازّ.
♡♡♡♡♡♡♡♡♡♡♡♡♡

فاطمة: صارو يضربون باب مو يدكونة من سمعت أصواتهم قطرة دم ماضل عندي.
-افتحي باب يا زانية افتحي سجنتي ابوج عبالج تخلصين اليوم العب بيج لعب الا اخليج تتوسلين بية افتحييييي....
فاطمة: عمر راد يروح يفتح ماعرف شلون لزمت ايدة بصوت ناصي و دموعي تنزل على خدي اتوسلت بي ما يفتح
-لا تروح حباب لا تفتح.
عمر: بس اشوف منو ليش هيج يغلطون.
فاطمة: لا تروح بداعت امك انت مو تحب امك فدوة لا تروح.
عمر: ماشي ماشي اهدي لا تبجين امشي دخلي جوة.
فاطمة: تعال وياي لا تضل وحدك هنا فدوة ماريد مشاكل.
عمر: تمام تمام هاي اجيت امشي.
فاطمة: دخلنا جوة شفت غسان و حنين مفزوعين و يبجون واحد حاضن ثاني رحت عليهم ركض حضنتهم و ابجي وياهم.
-شش ياروحي انتو ماكو شي هسه يروحون لا تخافون.
حنين: لاح يتلونة(راح يكتلونة).
عمر: شحدهم يلمسون شعرة منكم.
فاطمة: يلا ياروحي انتو كافي نامو اني هنا ماعوفكم.
غسان: فاطمة راح يموتوج.
فاطمة: لا لا ما يصير شي انت ارجع نام.
عمر:فاطمة تعاي للمطبخ.
فاطمة: كمت ويا كل جسمي يرجف.
عمر: منو هذولة احجيلي.
فاطمة: انت ساعدتني و تعبت اني اشكرك بس اترجاك لا تجي بعد اترجاك ماريد يصير شي مالي خلك مشاكل.
عمر: لا تجننيني شلون تريدين اعوفج.
فاطمة: بصراخ عوفنيييي ماريد احد عفونييييي تعبااااانة مابية حيل كتل.
عمر: شفتهه انهارت و كعدت بل كاع تبجي تضرب على وجهه الكانونة فلتت و طلع منها دم ركضت لزمتها من ايديها و حضنها اول مرة بحياتي احضن شخص و احس نفس احساس امان الي جنت احسة وية امي
-ششش كافي اهدي اهدي فاطمة هاي انتي القوية شلون هيج تسوين.
فاطمة: اني تعبت اكون قوية تعبت بعد مابية عوفني حباب لا تتورط وية هذولة ترة ما يرحمون.
عمر: ماعوفج انسي.
فاطمة: عوفني.
عمر: ششش ماعوفج.
فاطمة: عوفنييي عوفنيييي.
عمر: شلووووون تريدينننن اعوفججج واني روحيييي بيججج.
فاطمة: رخت اعصابي و عيوني ذبلت من سمعت الي كالة باوعت علي و دموعي تنزل بعدني بحضنة.
عمر: "لا تباوعين هيج هو اني ضايع"
فاطمة: عوفني انت مو بوعيك ما تعرف شنو تحجي وخر منييي.
عمر: لج احبج شلون اعوفججج شلووون لا تخبلينيييي.
فاطمة: ببجي كلتلة، لا تحبني ماستاهل لا تحبني اني مو بنية أحلامك انت ما تعرف شي عني.
عمر: ما يهمني فاطمة ما يهمني.
فاطمة: راح تكرهني اذا عرفت.
عمر: ششش جيبي ايدج خل اشوفهه يا مسودنة شوفي شسويتي.
فاطمة: اخذ ايدي شدهه بشال و كال.
عمر: كومي بدلو ما تبقون هنا.
فاطمة: ماردت اروح بس اخواني كسرو خاطري بدلت لحنين و اني بدلت جوة درج عمر طلع برة لبست حجابي و طلعت.
عمر: قفلي باب و طلعي.
فاطمة: قفلت باب و صعدنا بل سيارة حنين ضلت حاضنتني و غسان كعد ورة عمر حرك سيارة و مشة دنيا ليل و ماكو احد بل شارع ضليت صافنة على شارع وافكر يمتة ارتاح و يخلص كل هذا شي يمتة يخلص اختبار ياربي بعد تفكير طويل وصلنا كدام بيت حلو و مرتب.
عمر: نزلو وصلنا.
فاطمة: بس ردت اكمل كلامي ما خلاني.
عمر: فاطمة كلت نزلو.
فاطمة: نزلت بدون ما احجي حنين نايمة بحضني شايلتهه عمر راح قبلنا فتح باب و رجع اخذ حنين مني.
عمر: انطينياهه.
فاطمة: انطيتة حنين و دخل قبلنا شغل الأضوية و خلة حنين على قنفة.
عمر: اكو هاي غرفة روحو اخذو راحتكم اني انام هنا.
فاطمة: لا لا انت ارتاح بغرفتك احنا ننام هنا تسلم لا تعب نفسك.
عمر: فاطمة لا تعاندين نامو بل غرفة يلا تأخر وقت اريد انام باجر عندي شغل.
فاطمة: تمام شكرا، رحت شلت حنين و اخذتهه وياي للغرفة جان اكو سرير شفت غسان شال غطة و تمدد اني هم خليت حنين بصفة فتحت حجاب و تمددت بصفهم كلها دقايق غسان نام اني بقيت وحدي افكر بكلام عمر
-معقولة يحبني! زين شلون حبني؟ اني شنو شعوري؟
انجبي فاطمة انجبي تدورين حب و ما تعرفين انتي منو نامي يلا نامي، كوة قنعت عيوني تنام و نمت لحد ثاني يوم صبح كعدت على صوت فتحت كنتور طلعت راسي من جوة بطانية شفت عمر كاعد يطلع ملابسة بسرعة غطيت راسي من عرفت طلع كمت من فراش لميت شعري و لبست حجاب طلعت للصالة شفتة يكوي ملابسة.
-احم صباح الخير.
عمر: صباح نور ليش كعدتي بس لا اني كعدتج.
فاطمة: هاا لا لا اني كعدت.
عمر: تمام محتاجة شي.
فاطمة: اي قصدي لا ..قصدي اريد احضرلك ريوك شنو تحب.
عمر: بإبتسامة، لا تعبين نفسج ماتريك لأن متأخر على شغل.
فاطمة: اها تمام بس سوأل.
عمر: جواب.
فاطمة: اليوم من ترجع من شغل ترجعنا لبيتنا.
عمر: تؤ... انسي راح تضلون هنا.
فاطمة: لا تسلم اريد ارجع لبيتي ممكن من ترجع من دوامك ترجعنا او اني اروح هسه.
عمر: فاطمة لا تعاندين.
فاطمة: ارجع لبيتي هذا قراري اخير.
عمر: فاطمة اسمعيني..
فاطمة: لا تحاول لأن راح ارجع.
عمر: تمام لا تطلعين هسه من ارجع من دوام اني اوصلكم.
فاطمة: تمام تسلم يحفظك العباس.
عمر: رجعي نامي اني طالع اي شي تحتاجو خابريني.
فاطمة: ان شاء الله، رجعت للغرفة على فراشي تمددت ضليت اباوع للغرفة و ترتيبهه كلها دقايق و سمعت صوت باب انسد اكيد طلع للشغل ماعرفت شسوي كبل رجعت نمت.
................
تاليا: كعدت صبح متأخرة على دوام بدلت بسرعة ماخليت مكياج بس تنت لفيت حجابي و نزلت شفت يامان كاعد يلبس تايا حذائهه رحت للمطبخ ردت اسوي ريوك بس لكيتة جاهز انداريت على يامان.
يامان: اني حضرتة حبيبي اتريكي بسرعة.
تاليا: سويت لفة و شلت باقي بل ثلاجة جان عدنا عصير طلعت وحدة منهن و اركض كل شي اسوي اركض رحت جبت جنطي و لابتوبي يامان و تايا طلعو قبلي و اني طلعت سديت باب و قفلتة صعدت بل سيارة لفة بحلكي لازمتها و اسد باب يامان فطس من ضحك علية.
يامان: يمة فدوة للمتأخرة.
تاليا: يامانيي لا تضحك عندي محاضرة مهمة و لازم اكمل مشروع وية عبدالله بارحة ماكدرت اخابرة هو حرك سيارة و سألني.
يامان: يمتة تخلصون و تتخرجون.
تاليا: يمكن بعد اسبوعين تخرج.
يامان: اي الحمدالله علمود نخلص من عبدالله.
تاليا: ترة عبدالله مجرد زميل.
يامان: ما يهمني نعال مهم كملي ريوكج.
تاليا: تايا ماما هاج عصير حبيبتي.
تايا: نووو ثانكس(لا شكرا).
تاليا: فديت بنتي اجنبية اخخخ لو يسمعج جواد يركع نفسة بمية حايط.
يامان: هههههه والله ما تبطلون سوالفكم انتي و ويا.
تاليا: اخوي هذا اخوي ضلعي.
يامان: يلا وصلنا ياحلوة.
تاليا: ردت انزل جر ايدي.
يامان: دير بالج على نفسج لا تطلعين مهما جان ضروري و بعد شوية راح ادز علي خلي يضل وياكم اذا احتاجيتو شي و هو الي يوصلكم.
تاليا: ماشي حبيبي لا تخاف،تقرب باس راسي و اني نزلت سديت باب و تايا سوتلي بيدهه باي باي اني هم رديتلهه همه راحو و اني دخلت للكلية شفت مجموعتنا ملتمين كلهم سوة مشيت يمهم و سلمت.
-سلام عليكم يا قوم.
الكل: وعليكم سلام هلا نورتي.
تاليا: شلونكم شنو كاعد تحضرون لتقديم باجر.
زينب: اي والله ولج صعب صعب.
تاليا: سهل سهل.
عبدالله: اكيدددد غير انتي اوائل سهل عندج.
تاليا: اسكت عني بعدها بكلبي انت اخذت ١٠ و اني ٩.
عبدالله: ههههههه والله حلوة هاي.
زينب: تالو امشي نراجع فهميني فدوة.
تاليا: اي تعاي لأن وية هل خبصة ما تفتهمين.
زينب: مشينا شوية و كعدنا على مسطبة
-شلون صرتي ايدج شلونها.
تاليا: اني بخير حبيبتي لا تخافين.
زينب: دوم يارب.
تاليا: شبيج زينب اشوفج مو على بعضج احجيلي صاير شي وياج.
زينب: تالو اهلي يريدون بعد تخرج اتزوج محمد ابن عمي و هذا يحب وحدة و مخليها براسة زين شلون افهمهم ما يصير.
تاليا: انتي تحبين محمد.
زينب: استغفرالله والله مثل اخوي.
تاليا: لعد كولي لأهلج ماتزوجة لأن يحب غيري و ببالة بنية.
زينب: مشكلة حجيتلهم و قافلين يكولون عادي انتي مرتة اولة بعدين خل يتزوج الي يحبها.
تاليا: شنو هل تفكير شنو هل عقلية ولج شلون يكسرون بنتهم.
زينب: هذا الي محيرني ماعرف شسوي.
تاليا: تفرج وداعتج بس اصبري الله يسهلها عليج مو همه الله يشوفج شنو مكتوبلج مو همه الي يكتبولج.
زينب: ان شاءالله.
تاليا: يلا كومي عدنا محاضرة.
زينب: امشي هسه دكتور ياكل راسنة.
تاليا: دخلنا لمحاضرة اولة بشلعان الكلب خلصت طلعنا حتة نشتم هوا و ناخذ استراحة دك رقم غريب علية خفت اجاوب بس بعدين قويت نفسي جاوبت
-الو منوو؟
علي: مرحبا انتي مدام تاليا.
تاليا: اي تفضل.
علي: اني علي دزني سيدي يامان.
تاليا: اها تذكرتك اهلا خوية انت وين هسه.
علي: والله ماعرف صراحة لأن خبصة و كلها نسوان.
تاليا: ههههه تمام عرفت انت وين ضل مكانك اني اجيت.
زينب: منو هذا؟
تاليا: سديت منة و جاوبت زينب، ولج هذا علي الي ساعدج وقت سالفة أقسام يامان علمود سلامتي دزة يراقب.
زينب: ها افتهمت.
تاليا: مشيت للحديقة الي كل بنات يحبون يصورون بي شفت علي واكف منزل راسة تقدمت و سلمت علي.
-سلام عليكم.
علي: وعليكم السلام مدام شلونج ان شاء الله بخير.
تاليا: كولي تاليا مو مدام ثاني شي اني بخير انت شلونك.
علي: الحمدالله.
تاليا: اعرفك هاي صديقتي مقربة و اختي زينب، زينب هذا صديق يامان و هسه صار اخوي.
علي: اتشرفت بيج.
زينب: زاد شرفك.
علي: شنو؟
زينب: قصدي الي شرف اسفة اكول تاليا اني رايحة عندي كم سوأل لدكتور اكملهن و ارجع من رخصتكم.
تاليا: اخذي راحتج عمري بس بل رجعة ترجعين ويانة.
زينب: ما يحتاج.
تاليا: لا تعاندين يلا روحي كملي شغلج.
زينب: تمام باي.
تاليا: بايات.
علي: احم مدام تاليا محتاجة شي جوعانة اشتريلج شي.
تاليا: احنا مو كلنا بدون مدام.
علي: لعد شكول.
تاليا: كول اختي تاليا هيج احلى.
علي: على راسي والله مهم اجيبلج شي.
تاليا: لا والله تسلم هسه بس زينب تكمل نجتمع وية مجموعة علمود البحث.
علي: تمام اني هنا بأي وقت تحتاجيني.
تاليا: شكرا.
زينب: رحت كملت اسألتي و عدلت التقرير مال بحث خابرت على تاليا كالت تعالي احنا ننتظرج بل سنتر جنت امشي للسنتر و سمعت صوت وراية يصيحلي.
-زينب...زينبببب.
زينب: التفتت شفتة محمد و ويا بنية بعمري تقريباً انصدمت يمتة اجة هذا.
-محمد انت شوكت اجيت؟
محمد: بارحة اجيت مهم عوفينا من هاي سالفة تعاي كوليلي شنو سويتي وية اهلج اقتنعو يبطلون من هاي زواج لو لا. 
زينب: منو هاي بنية؟
هدى: اني حبيبتة.
زينب: محمد صدك تحجي.
محمد: ايي هسه كوليلي شسويتي.
زينب: اهلي ما يقتنعون محمد شسوي كلتلهم يحب غيري بحياتة بنية حرام اصير طرف ثالث بس مصرين يكولون خل يتزوجج بعدها ياخذ الي يريدة.
هدى: على جثتي شنو هي لعبة.
محمد: اهدي حبيبتي، زين زينب انتي لا توافقين.
زينب: هو منو كلك اني موافقة اني اصلاً ما اشوفك غير اخ الي شلون تريدني اقبل بيك لا ونوب اخرب حياتك.
هدى: باع حية شلون تمثل على اساس هي زينة.
زينب: عفواً وليش امثل.
محمد: على كيفجن سكتو يلا.
زينب: اي اسكت من تحترم نفسها شنو تكول امثل.
هدى: والله انتي حية بس اني اعرفج.
زينب: محمد لخاطرك راح اسكت اترجاك هاي مهزلة مال عائلتين الغيهه يا اخي اني ماريدك ولا اريد اخرب علاقتك بحبيبتك فكو ياخة مني ردت امشي ماحس غير ايد سحبتني و راشدي فر راسي فر و صوفرت اذني.
محمد: من احجي وياج ثاني مرة و اكمل كلامي تبقين واكفة تسمعين و من اكول كملت تمشين ثاني شي صوتج لا يعلى علية ترة هنا اكسرج افتهمتي لو لا.
زينب: نزلت دموعي و اني بعدني مارفعت راسي من خجل الطلاب كلها تباوع سمعت صوت اجة وراية.
علي: شلون تمد ايدك عليهه.
محمد: منو انت؟
علي: هسه اشوفك منو اني ركعتة بوكس و الكل يصيح، عرفت اني منو.
هدى: كسر بيدك ان شاء الله.
تاليا: انجبي لج منو انتي؟
زينب: كمت على حيلي و تاليا انصدمت.
تاليا: زينب شفتج كاعد تنزف.
زينب: تاليا فدوة خل نمشي تاليا.
تاليا: تمام اهدي ياروحي اهدي راح نروح.
علي: ثاني مرة اذا اشوفك متقرب من هذني ايدك اكسرهه و اعلكهه بركبتك.
تاليا: علي خلي نمشي خوية.
علي: تمام خيتي امشو.
تاليا: طلعنا من كلية صعدنا بسيارة علي مشة شوية و وكف يم أسواق نزل هو.
علي: خيتي تاليا بس اشتري مي و ارجع لا تنزلن.
تاليا: تمام، قفل باب سيارة و راح شفت زينب بس تشهك و دموعها تنزل انكسر كلبي عليهه
-زنوبي منو هاي ليش محمد رفع ايدة عليج؟
زينب: هاي بنية حبيبتة تاليا شسوي اذا اهلي قافلين والله اني هم ما راضية على هل زواج تعبت والله تعب.
تاليا: اششش ياروحي انتي تهون والله.
زينب: ولج ابوية تاليا ابوية يريد يكسر بنتة يريد ابن عمي يتزوجني بعدها يتزوج علية
"الكسرة مو من غريب الكسرة من ابوية".
تاليا: سودة علية ياروحي كافي مو حتى عيونج راحت، حضنتها ورة دقايق رجع علي بيدة علاكة مشتري مي و كيك و عصير فتح بطل مي و انطانيا.
علي: خوية نزلي غسلي وجهه.
تاليا: زينبي نزلي ياروحي بس غسلي وجهج.
زينب: نزلت و بعدني خجلانة غسلت وجهي و حلكي شفت نزل دم ماكدرت اسيطر على نفسي انهاريت بل بجي كعدت على رصيف و تاليا ضلت حاضنتني.
تاليا: كافي ياروحي كافي ياعمري انتي والله ربج ما يعوفج راح يعاقبهم على كل دمعة نزلت منج، حلكهه بعد ينزف كلت لعلي ينطيني كلنس.
علي: هاج خوية.
تاليا: شكرا، حطيت كلنس على حلكهه و هي بعدهه بس تشهك كوة صعدتهه بل سيارة.
-علي خوية امشي لبيتي مانروح للأقسام.
زينب: لا عادي مابيهه شي ارجع.
تاليا: معليج، علي لا تسمع منها وصلني للبيت اذا ماكو زحمة.
علي: صار خوة.
تاليا: طول طريق زينب دموعها ما وكفت والله جنت حالفة عليهم بس خل اوصل للبيت حسيت وية كل شهكة من زينب علي يباوعلهه من مراية فتحت مي شربتها شوية و بعد تعب هذا اليوم وصلنا للبيت شكد حاولت وية علي ينزل ما قبل وصلنا و راح فتحت باب بيت و دخلنا للبيت.
-زنوبي تعاي يروحي طبي سبحي هسه اجيبلج شي من عندي لبسي.
زينب: ما يحتاج ابقة شوية و اروح.
تاليا: زينب ازعل عليج والله كومي سمعي كلامي مو تعتبريني اختج جبيرة لعد كومي.
زينب: تمام تسلمين حبيبتي.
تاليا: ولو ياروحي هذا الحمام و كلشي موجود اروح اجيب ملابس و ارجع.
زينب: ماشي.
تاليا: رحت طلعت دشداشة جديدة بعدني ما لابستهه و طلعتلها شال اتصل علية يامان رديت علي.
-ها حبيبي.
يامان: انتي بخير حبيبتي سمعت شي من علي.
تاليا: اي عمري اني بخير لا تخاف بس زينب عدها مشاكل عائلية و هذا ابن عمهه اليوم مد ايدة عليهه بل دوام و ضربهه فجبتها عندي بين ما تهدة.
يامان: زين سويتي حياتي بالج على نفسج.
تاليا: صار حبيبي احبك ممح.
يامان: تسوين اغرائات خل ارجع اني اعلمج.
تاليا: ههههه باي يا حلو.
يامان: بايات يروحي.
تاليا: سديتة من يامان و اخذت ملابس لزينب.
-زنوبة هنا ملابس بدلي و اني نازلة اسوي شي على غدا.
زينب: تمام يروحي تسلمين.
تاليا: نزلت جوة فتحت ثلاجة اشوف شنو موجود علمود اطبخ شفت جزر اخذت وحدة غسلتها و ضليت اكرط بيهه رجعت للثلاجة ضليت حايرة شنو اطبخ سمعت صوت تلفوني و رحت جبتة شفت جواد يتصل.
-الو هااا ابو صماخ شلونك شنو هل غيبة.
جواد: جنت كاعد وية يامان و سيف و تميم و علي و عمر شلة كلها و جوعان كلت لازم أخبث اتصلت على تاليا و فتحت سبيكر
بس هاي صخلة ما تعرف تسلم.
- رجلج ابو صماخ بنت الحلو.
تاليا: جنت اكرط جزر و جاوبتة، اسمع جوادووو كلشي ولا زوجي تروحلة فدوة افتهمت.
يامان: يا بعد عيني و نظرها اروحلج فدوة ذيبة.
تاليا: جوادو منو يمك ولك اشو اسمع أصوات.
جواد: كلها هنا و انتي سبيكر.
تاليا: عزاااا عزاااا.
جواد: سممم اسمعيني ولج ام صماخ جوعان و اريد غدا ل٦ أشخاص لأن هذولة أصدقائي هم اجيبهم وياي.
تميم: اي والله جوعانين.
تاليا: لعد اذا هيج كلكم معزومين على صينية خروف بس بشرط.
تميم: اي ولكك اكرصني اخاف احلم هاي كالت خروف.
جواد: خروف صدك تحجين هاي من يمتة تعلمتي.
تاليا: الشرط يا حلو الشرط اسمعوووو.
تميم: كلنا حاضرين ننفذ شرط اخذيها من شاربي.
تاليا: لعد ابشرك راح تزينة.
سيف: غير تحجين شنو شرط.
تاليا: كل واحد يدفعلي ٥٠الف.
جواد: مع احترامي الج بس انجبي.
تميم: شاربي يمعودين.
يامان: ما تكدرولهه هاي ذيبة يامان.
تاليا: ضليت اكرط بل جزر و صاح بية جواد.
جواد: كرطي بعد  كرطي براسي شكاعد تعلسين.
تاليا: جزر.
يامان: عوافي ياروحي.
تاليا: فدفد بيبي فدفد.
تميم: جواد اني هم اريد وحدة تكومني و تكعدني بيبي.
جواد: حبيبي هذا مال مثقفين مو مالنا اني و وياك.
يامان: حبيبتي لا تسوين غدا اني راح اجيب وياي.
تاليا: ماشي يروحي بس تعالو هنا.
يامان: ان شاء الله.
تاليا: سديت اتصال من يامان و صعدت فوك شفت زينب نايمة غطيتها و طلعت من غرفة.
..........
يامان: شباب كلكم معزومين عندي.
عمر: سيدي مشكور و ما تقصر بس اني عندي شغل اكملة ماكدر اجي.
يامان: انت شغلاتك كثرانة عمر خوما صاير شي؟
عمر: لا سيدي من يصير وقت احجيلكم هسه لازم اروح.
يامان: براحتك حبيبي.
عمر: نرفع زحمة شباب مع سلامة.
الكل: الله وياك.
عمر: طلعت من دوام صعدت سيارتي ارجع للبيت بل طريق نزلت كدام مطعم اجيب غدا سمعت صوت تلفوني يدك رفعتة شفت "يحفظك العباس" يتصل رديت عليهه
-الو
فاطمة: الو شلونك.
عمر: بخير الحمد لله وانتو شلونكم.
فاطمة: الحمدالله اكول يمتة ترجع للغدا.
عمر: هسه راجع بس خلي اجيب غدا وياي.
فاطمة: لا لا اني طابخة لا تجيب شي وياك.
عمر: تمام مسافة طريق و يمكم.
فاطمة: سديت اتصال و ضليت ارتب الأكل على ميز حنين و غسان فرحانين بل بيت من فتحو عينهم صبح لحد الأن بس يلعبون و يركضون بل بيت رحت صيحت بيهم عود كعدو رتبت الي خربو من بيت و رحت للغرفة عزلت سرير و رتبتة كلها دقايق و اسمع صوت سيارة طلعت من غرفة شفت حنين و غسان ركضو فتحو باب يصيحون بأسمة.
حنين: عمل عمل(عمر عمر).
عمر: يا روحة لعمر فديت بنات اني هيج مشتاقتلي.
حنين: اي.
عمر: راح اكلج هسه اذا هيج تحجين.
حنين: ههه تاتلني ثلون(تاكلني شلون).
عمر: صرت اعض خدودها ، هيج اكلج اخخ شكد طيبة.
حنين: ههه لا ماما.
عمر: رفعت عيوني باوعتلهه واكفة باب مطبخ.
فاطمة: الله يساعدك.
عمر: ويساعدج انتو بلشو اكل اني ابدل و اجي.
فاطمة: يلا غسان حنين بسرعة غسلو ايديكم و تعالو، هو راح و اني غسلت ايد حنين و كعدتهم انصحهم يكونون عاقلين عيب.
غسان: فاطمة راح نعيش هنا؟
فاطمة: لا ناكل ونرجع لبيتنا.
غسان: ليشش.
فاطمة: ردت اجاوب دخل عمر سكتت.
عمر: ها يا حلوين ليش ما بلشتو.
حنين: ننتدلك(ننتظرك).
عمر: فديت الي ينتظرني يلا ناكل اني جوعان.
فاطمة: صبيتلهم الأكل جنت طابخة برياني و فاصوليا.
عمر: اممم طيب عاشت ايدج.
فاطمة: عوافي.
غسان: عمر انت عندك ام و اب وينهم ليش عايش وحدك.
فاطمة: غسان كمل اكلك انت ساكت.
عمر: امي بل جنة و ابوية بعيد عني لأن اني اشتغل هنا.
فاطمة: كملنا غداء غسلت مواعين و كلت لغسان و حنين يجهزون نفسهم نروح
-حنين... غسان يلا لمو غراضكم.
عمر: لا تعاندين ضلو هنا.
فاطمة: اني اعرف شي و انت تعرف شي.
عمر: شنو شي الي ماعرفة.
فاطمة: الله يخليك لا تسألني لأن ماكدر اجاوب عوفني اروح تعبناك ويانة انت ما مجبور تساعدنة.
عمر: بس يا فا....
فاطمة: توصلني لو اروح وحدي.
عمر: ماشي انتظركم بل سيارة.
فاطمة: لبست حنين حذائهه و طلعنا سديت باب صالة بعدها باب حوش صعدنا بل سيارة بل طريق وكف يم صيدلة و كلي نزلي.
فاطمة: ليش؟
عمر: عندج ابر لازم تشكلين كانونة.
فاطمة: نزلت بهدوء رحنا للصيدلية شكلي كانونة و رجعنا للبيت جان دنيا ضهر بعد ماكو بيوت هواي يمنا بس كم بيت شفت جوارينة النسوان طالعات يغسلن باب حوشهم من نزلنا من سيارة كامن يحجن.
-والله صدك طلعت موخوش كل يوم مطببتة للبيت والبارحة ماكو.
-اي اكيد أخذها يتونس هي هذا شغلها.
-ابوهه جان يكول زانية بس احنا ما صدكنا.
عمر: بدال هل قال و قيل و حجي فارغ جنتو تساعدوهه مو احسن جان جيتو تسألوهه ها بنيتي شبيج شكو شنو صاير بس شاطرات تذبن سمجن.
فاطمة: دموعي ما سيطر عليهن طببت اخواني جوة و عمر راد يطب أشرت بيدي اوكف لا تدخل.
عمر: فاطمة عندج ابرة.
فاطمة:ببجي روح منا لا ترجع بعد شكرا لأن ساعدتني هاي فترة بس خلص عوفنيي عليك عباس ابو فاضل عوفني كافي علية ضيمي مابية ضيم كلام ناس شهكت ببجي و سديت باب كعدت ورة باب ابجي.
عمر: فاطمة بس خل افهمج لا تبجين خلص والله ما تشوفين شكلي بس افتحي اضربلج ابرة اخاف تتخربطين.
فاطمة: رووووححح منااا روووححح ركضت جوة سديت باب غرفة و شفت غسان و حنين يبجون على بجيي طبيت للحمام فتحت مي اذب على نفسي بس اريد نار بداخلي تطفة ماكو بجيت لحد ما حسيت بعد صوتي ما يطلع لفيت نفسي و طلعت رحت جوة درج بدلت و بدون ما نشف شعري تمددت بمكاني اجو حنين و غسان حضنوني من كثر تعب و خمول الي عندي غمضت عيوني و نمت.
.............
سمر: خابرني جواد الضهر و كال.
-هلو حبي اليوم لا تنتظريني على غدا معزوم بيت يامان اني و الشباب.
-جواد وحق عباس ابو فاضل اذا ما رجعت للبيت و تاخذني وياك انومك بل شارع.
جواد: بس حبيبي وياي تميم و علي شلون اجي.
سمر: اي وصلهم و تعال علية.
جواد: ولج مرتين اجي و اروح تقبليها.
سمر:اي اقبلها لعد جدر الدولمة المن طبختها من بارحة ماكل راسي عليهه.
جواد: نسيت مو ببالي طابخة دولمة.
سمر: معلية جواد تجي تاخذني لو اخذ تكسي و اجيكم.
جواد: لاااااا كلشي ولا شرفي مرتي تصعد تكاسي اطم روحي احسلي حظري نفسج مسافة طريق و اجيج.
سمر: اي هيج من اول ناس ما تجي الا بل عين حمرة.
جواد: خل اوصلج و اشوفج عين حمرة.
سمر: اي يلا باي هسه.
جواد: بايات عيني.
سمر: رحت بدلت ليامان زغير و اني هم لبست فستان و لفيت شالي نزلت جوة خليت جدر دولمة بوصلة علمود تبقة حارة طلعت خبز من جدر اليوم خابزتة حضرت كل شي و اندك هورن عرفتة زوجي مسودن طلعت فتحت باب فتح جامة يضحك و يغمزلي.
جواد: شلونك ياحلو ممكن رقم.
سمر: لا عيني مو حلوة نحجي احنا بعاد تفضل نضيفك شي و نكعد براحتنا زوجي مو بل بيت.
جواد: بنت منعول هاي هيجي تردين اذا طلبو منج رقم.
سمر: اشاقة يلا يلا تعاي شيل جدر دولمة.
جواد: وينها فديت دولمتج حبيبتي والله هواي لحو علية لهذا كلت اروح للعزيمة تدرين اني غير طبخج ما أكل.
سمر: ادري ادري.
جواد: انتي و ابنج صعدو هسه اجيب جدر و اقفل بيبان.
سمر: صعدت بل سيارة خليت يامان زغير بحضني شفتة جاب جدر و سد باب صعد بل سيارة و مشة كلها مسافة طريق و وصلنا نزلنا اريد ادك باب اشو جواد دفرة برجلة و طب جوة ما يعقل هل رجال ما يعقل طبينا جوة شفت شباب الي وياهم نزلت راسي سلمت و طبيت للمطبخ شفت تاليا و بنية يمها سلمت عليهن.
-سلام عليكم.
تاليا: هلا يروحي وعليكم السلام شنو هل مفاجئة حلوة.
سمر: ياعمري انتي شلونج.
تاليا: بخير الحمد لله.
سمر: تالو ما عرفتينا على هل حلوة.
تاليا: هاي زينب صديقتي و اختي بل جامعة، زينب هاي سمر مرت جواد هاي اعز من اختي.
زينب: اتشرفت بيج حبيبتي.
سمر: الي شرف حياتي.
جواد: اجيتتتتتت و جبتتت دولمةةةة ويايييي.
تاليا: ليش تصيح.
جواد: هيج عاجبني بيت اخوية و اصيح.
زينب: اكول خوة شصار بسالفة جيكلاس اشو مغلس عليهه.
جواد: هاي انتي شسوين هنا شني جنية.
تاليا: اليوم زنوبة تبقة يمي.
جواد: لا لعد ربحنا.
سمر: اكول ابو يامان حلو تفضل حط جدر هنا و اطلع.
جواد: تأمر مرتي شعندي غيرج اشو بوسة مححح شكد طيبة.
تاليا: هههههه.
زينب: ادبسز فكر بل سناكل.
جواد: موتوووو موتووو ليش ما تزوجين.
تميم: ولككك جواد وين صرت يمعود.
جواد: اجيتك ابن عميييي شيال همي.
سيف: خطية تميم اتورط وية هيج صحبة.
تميم: اسكت و خليها.
جواد: اي اجيت شبيكم كول حبيبي تميم شو بدك.
تميم: تعال نفرش سفرة سوة.
جواد: دقيقة خل اجيب شال مرتي لأن ماعرف اشتغل و شعري مفتوح.
سيف: الله يطيح حضك.
علي: ناقصك دشداشة و تكفهه تعرف شلون يكفون دشداشتهن.
جواد: سمرررر اني فقيرررر كاعد يفسدوني.
يامان: شكد جذاب دروبك هذا يا سرسري.
جواد: اخخخ حتى سرسري بحلكك حلوة حبيبي.
تميم: اي وحق عباس ينوكل.
تاليا: عوفووو رجلييي.
يامان: هههههه اجتكم اجتكم.
سيف: تاليا صكارتكم.
جواد: تاكل تبن شحدها.
تاليا: كلبنا دولمة بصينيتين و يامان جان جايب صواني قوزي رتبناهن و جواد و تميم ينقلون بل اكل اخر شي يامان صاحلنة.
يامان: تعالو بوية ماكو واحد غريب كلهم اخوانكم.
تاليا: اي اجينا، يلا بنات امشن.
زينب: تالو انتو اكلو اني ماجي فدوة.
سمر: امشي حبيبتي امشي لا احمسج براشدي.
زينب: بس..
تاليا: امشي لج، كوة جريتهه وياي كعدنة من جهه و همه من جهه بدينا ناكل و نسولف صورت سفرة و دزيتهه بل كروب ورة دقايق وصلني مسبات و اغلاط من بشرة و سارة كالو ليش ما خبرتينا راضيتهم و كملنا اكل حسيت اكو نظرات من علي لزينب بس غلست مهم كمنا نشيل بل مواعين و سفرة و سمر راحت خدرت جاي شكد حاولت وية زينب ما تغسل مواعين ما قبلت أصرت الا تغسلهن.
سمر: توتي وديلهم جاي.
تاليا: ماشي ياروحي شلت صينية بيهه استكانات هواي ثكيلات وصلت لباب مطبخ بعد ماكدر باوعت ليامان كام بسرعة اجة علية.
يامان: ها بوية ها ليش ما صحتيلي.
تاليا: عبالي مو ثكال.
يامان: روحي ارتاحي حبيبي اني اخذهن.
تاليا: بستة بوسة بل هوا عض على شفتة ضحكت و رجعت للمطبخ سمعت صوت موبايلي و جاوبت.
-الو ها خالة شلونج.
ام زينب: هلا بيج خالة بخير انتي شلونج.
تاليا: بخير ياروحي.
ام زينب: عساج دوم حبيبتي، اكول بنيتي زينب يمج؟
تاليا: اي خالة ليش؟
ام زينب: والله ابوهه يكول خلي ترجع و ابن عمها ببغداد يريد يرجعها ما لكاهه بل أقسام لهذا اتصلت عليج.
تاليا: خالة شلون ترجع باجر عدنا تقديم البحث كولي يا الله.
ام زينب: قرار ابوهه بعد.
تاليا: خالة اني اعرف علمود شنو ترجعوهه بس اعذريني ما خليها ترجع و خاصةً وية محمد ابن عمها لأن واحد بدون احترام رفع ايدة على زينب و ضربهه كدام جامعة كلها تقبليها خالة ترة هاي بنتكم ما شلتوهه من شارع.
ام زينب: شبيدي عليهه يا يمة ما بيدي شي كلة بيد ابوهه.
تاليا: اي ترجع بس ورة ما تقدم بحث و تتخرج باقيلهه اسبوعين.
ام زينب: محمد بل طريق جاي عليكم شلون يا يمة.
تاليا: والله خل يجي اني ما طرد ضيوفي يجي يشرب جاي و مي و الله وياه بس انسوهه زينب ترجع.
ام زينب: ماشي يمة اني احجي وية ابوهه.
تاليا: تمام خالة سلميلنا.
ام زينب: الله يسلمج مع سلامة.
تاليا: سديت اتصال من خالة و شفت زينب بس دموعها تنزل حضنتها و هزيت راسي لسمر يعني بعدين افهمج ، كومت زينب بعدها تبجي طلعنا من مطبخ شافونة شباب نزلو راسهم من شافو زينب تبجي الا علي عيونة تراقبهه صعدتها لغرفتي نيمتها بفراشي مسدت على راسهه اطمنها ما راح يصير شي غطيتها طفيت اضوية و طلعت نزلت جوة كلهم يباوعولي من وجوهم مبين عدهم الف سوأل ردت اكعد اندك باب ما كعدت كفيت رداني و عدلت حجابي متحلفة اذا يطلع هل محمد جلب الا امسح بي كاع.
يامان: اني افتح حبيبي.
تاليا: لا خليها علية، طلعت شفت محمد واكف بل باب.
محمد: مرحبا خوية زينب موجودة.
تاليا: شتريد منها ما كفاك الي سويتة اليوم تريد تكملها.
محمد: خوية صيحيلهه و لا تدخلين.
تاليا: زينب ما تجي وياك امشي منا و خلي نفس طيبة عليك.
محمد: هو شنو ما تجي انتي منو تقررين تجي أو لا امشي صيحيلهه لا احرك بيت على راسج.
تاليا: ابن امك و ابوك سويها الا اخليك تخيس بل سجون امشي منا يلا يمتة اجة ابوها لو امها هل وقت زينب تطلع من بيتي و هااا اذكرك على هل راشدي الي اليوم ضربتها تدفع ثمن، راد يطب دفعتة كل قوتي رجع رفع ايدة راد يضربني ماحس غير واحد من وراية فر وجهه ببوكس وكعة بل كاع.
يامان: يا خايسس ايدك اكسرهه تنمد على تاج راسك.
محمد: هو منو انتو صيحولي بنت عمي اريد اخذهه.
تاليا: والله ازين شوارب جواد اذا خليتك تاخذهه.
جواد: شواربيييي شعليههنننن.
تميم: ولك اوكف مرت اخونا طلعت ذيبة ما ينخاف عليهه شوف شلون تهدد.
يامان: ثاني مرة من تريد تضرب مرتي اتذكر وراهه اسود ياكلون لحمك و يشربون دمك و يذبون عظامك للجلاب.
علي: هاي شكو شباب شنو هل أصوات.
جواد: تاليا تريد تزين شواربي.
تميم: هههه ولك اجة واحد سكط يريد هاي بنية الي كعدت اكلت ويانة يكول ابن عمها.
علي: شو وخرو خل انعل والدي.
سيف: يامان .. علي طبو جوة عيب جوارين كلها تباوع.
محمد: ماشي اني اعلمكم.
علي: بعدك تهدد ابن خر*** بعدك شو هدوني بس اعلمة رجولة.
يامان: خلص ادخل علي كافي.
تاليا: هذا حقير راح و شباب كلهم دخلو جوة يامان اجة حضني باس راسي.
يامان: ليش طلعتي وحدج مادام جنتي تعرفين هذا حقير يجي.
تاليا: علمود ابرد نار كلبي بي لو تشوف اليوم شلون ضربهه و خجلها كدام ناس.
يامان: هههه و تريدين تضربينة ولج هو انتي قزمة.
تاليا: ضربتة و دفعتة وكع بل كاع اني مرت نقيب يامان مو هينة.
يامان: والله كفو من مرتي.
تاليا: لا والله مو كفو ايدي كامت توجعني.
يامان: هههه تعاي اشوفهه تعاي.
تاليا: طبينا جوة كعدنا كلهه ثواني و ما نسمع غير صراخ زينب فززنا........

يتبع.....