خاطفي هو منقذي (الجزء الثاني)

البارت الثالث

هلو قلبوشاتي🦋
#خاطفي_هو_منقذي.

لا شَيء يُؤلْمُ أَكثْر من خَيبَة أَمَل تَأتيْكَ
مِنَ شَخّص ظَنَنْتَ أنَه لَنّ يُؤذِكَ أَبَداً.🥀
♡♡♡♡♡♡♡♡♡♡
فاطمة: عبرت شارع بدون ما اتنبه للإشارة سيارة اجتي مقابيلي من دوخة الي بية و خوفي اغمى علية و وكعت بعد ماعرف شنو صار.
عمر: جنت راجع من اجتماعي وية ظابط سارة امشي بطريقي ماشوف غير بنية عبرت شارع والإشارة خضرة همزين سرعتي مو هواي كدرت اتحكم بيهه بس الي صدمني البنية اغمى عليهه بدون اي شي حتة سيارة ما طختهه فتحت حزام و نزلت من سيارة الناس التمو كلهم وخرتهم علمود اشوفهه شبيهه اتقربت شفت الشال صاير على وجهه وخرتة شفت بنية زغيرة كل عمرة يمكن ١٢ سنة شلتها و الناس يصيحون هو الي دعمها ما سمعتلهم شلتها و صعدتها بل سيارة خليتها ورة و سقت كل سرعتي للمستشفى وصلت خلال دقايق لأن جنت قريب من مستشفى فتحت باب سيارة و شلتها لقسم طوارئ شفت دكتورة هناك
-من رخصتج دكتورة حالة طارئة ممكن تشوفيها.
دكتورة: تمام خليها هنا ممكن تكولي شبيها شلون فاقدة وعي.
عمر: دكتورة جنت امشي و هي ما منتبهه للإشارة مرور عبرت بس والله ما دعمتها هي كبل اغمى عليهه.
دكتورة: هسه اسحب دم و اسويلهه بعض فحوصات ولا يهمك.
عمر: مشكورة دكتورة، ضليت انتضر بل باب شكلولهه مغذي و سحبو منها دم اجو انطونيا اروح اودي للمختبر علمود فحوصات رحت بسرعة انطيت الدم و ابو مختبر كلي انتضر نص ساعة و تطلع نتائج رجعت على غرفتها اريد اشوف اذا عدها تلفون لو رقم احد من أقاربها اتقربت منها ماكو بيدهه غير الوفة قابضة بأيدهه عليهن كل قوتها ضليت كاعد يمهه لحد مامر نص ساعة رحت استلم فحوصات استلمتها و وديتها للدكتورة تشوفهن
-ها دكتورة بشري!؟
دكتورة: لا لا هاي حالتها خطرة ابني ولك قطرة دم ما بيهه فيتاميناتهه صفر مناعتهه ما اشوفهه.
عمر: شنو حل دكتورة اذا تحتاج دم اني اتبرع عادي.
دكتورة: ضروري هسه نشكللهه بطل دم و راح اكتب كم فيتامين و علاجات تقوي مناعتهه لازم تشتريهن هسة.
عمر: صار دكتورة اتبرع و اجيبهن مهم ديرو بالكم عليهه.
دكتورة: شي اكيد بعيونة.
عمر: مشكور دكتورة، طلعت من غرفة رحت لأبو تحليل حللت دمي و دمها اذا مطابقات و كالو يراد وقت اني هم ما ضيعت وقت اخذت راجيتة و اشتريت علاج الي تحتاجة وجان اكو سوبرماركت بطابق جوة اشتريت عصائر و كيك اخاف تكعد جوعانة رجعت لأبو تحليل كال دمك مطابق رفعت قميصي و كلت اسحب بعد اخوك.
-بس بطل واحد اكثر ما يصير لأن مسؤلية.
عمر: تمام خوية اسحب بطل هسه.
-تدلل.
عمر: بلش يسحب دم و اني من تعب عيوني كامت تغوش دنيا حارة بشلعان كلب لحد ما كملت و اخذت دم للممرضة شكلتة و صارت ساعة ٧و نص مغرب هي بعدها ما فتحت عينهه نعست ضليت كاعد على كرسي يمهه ماعرف شلون غفيت.
فاطمة: حلمت بحنين و غسان يبجون و اني ايد تجرني تريد تبعدني عنهم حنين ضلت تصرخ وراية و تبجي شفت واحد من هذولة لازميني ضربها راشدي و دفعهه تخبلت و صيحت بكل صوتي حنين.
ممرضة: يا بنية تسمعيني اذا تسمعين فتحي عيونج انتي تحلمين يا بنية.
عمر: فزيت على صوت ممرضة و هي تحاجي البنية كلتلهه.
-شكو خوية شبيهه.
ممرضة: ماكو شي يمكن كاعد تحلم لازم اكعدهه لا تأذي نفسها.
عمر: ها تمام تمام كعديهه.
ممرضة: يا بنية انتي تحلمين فتحي عيونج.
فاطمة: حسيت بوجع بإيدية و وجع براسي اريد افتح عيوني ماكدر احسهن نار نار كوة فتحت عيني و اجة ضوة قوي بعيوني فتحت عيوني شوية شوية جنت اشوف مغوش ثنين على راسي.
ممرضة: كاعد تشوفيني؟
فاطمة: كولشي مغوش وين اني؟
ممرضة:شي عادي هسه يصفة كل شي.
فاطمة: فتحت عيوني و صار شوي واضح شفت ممرضة وية شاب لابس زي عسكري واكفين على راسي ردت اكوم راسي وجعني دخت.
عمر:لا تتحركين من مكانج موزين عليج.
فاطمة: منو انت؟ وين اني؟ شنو الي صار؟
عمر: اني اسمي عمر انتي هسه بل مستشفى، الي صار انتي عبرتي شارع و إشارة خضرة بس همزين اتحكمت بسرعتي و وكفت سيارة بس انتي اغمى عليج واني جبتج للمستشفى.
فاطمة: شكرا بس ممكن تكلي ساعة بشكد.
عمر: ساعة ب٨ و نص ليل.
فاطمة: عزااا كل هذا وقت اني هنا نايمة.
عمر: ترة دم ماعندج و مناعتج صفر شنو انتي ما تاكلين.
فاطمة: ها .. لا بس يمكن تعبت من شغل.
عمر:شنو تشتغلين بعدين تعاي كوليلي انتي شكد عمرج؟
فاطمة: ما يحتاج تعرف خوية شكرا لأنك وصلتني للمستشفى تعبتك وياي بس لازم اطلع اخواتي ينتظروني بل بيت .
عمر: ماشي يخلص مغذي و الدم واني اوصلج بيدي.
فاطمة: لااا لاا تعب نفسك مشكورة على كل شي.
عمر: لا ماكو تعب اني اوصلج.
فاطمة: ماحجيت شي بس هزيت راسي رجعت غمضت عيوني.
عمر: انتظرنا بين ما يخلص مغذي هي رجعت غمضت عيونها من جبتها لحد هسه ما مركز بيهه بس هسه ركزت على ايديهه محروكات بل شمس و على بنطرونهه مزرف لو شال مشكك اخر شي ركزت بوجهه صاير اصفر هالات سود جوة عيونها شفايفها يابسات سوأل واحد يردد بدماغي وين اهلهه عنها، ورة ربع ساعة خلص مغذي و دم صحت للممرضة تشيل كانونة اجتي تشيلهن و هاي فزت
-اسم الله ماكو شي بس خلص مغذي و ممرضة تريد تشيل كانونة.
فاطمة: سكتت اباوع على ممرضة شلون تشيل كانونة و بالي يم اخواني اتأخر عليهم كملت ممرضة و ردت اكوم الدنيا تفتر بية اجة هذا ولد يساعدني بس ماقبلت يلزمني مشيت وحدي و هو يمشي كدامي لحد ماوصلنا للسيارة كلي بهدوء.
عمر: صعدي.
فاطمة: صعدت سيارة و كلبي يرجف خايفة صعد هو هم مشت سيارة شوية و سألني.
عمر: وين بيتكم؟
فاطمة: كلتلة العنوان لحد راس شارع ماريد يعرف بيتنا.
عمر: مشيت لمكان الي دلتني علي ما بيهه بيوت هواي وكفت سيارة من طلبت مني.
فاطمة: اوكف هنا خوية مشكورة منك يحفظك العباس و أهل بيت.
عمر: بل خدمة و اي شي احتاجيتي هذا رقمي لا تترددين اتصلي.
فاطمة: برجفة اخذت رقم رغم ماعندي موبايل بس حتى يمشي لا يشوفنا واحد و تصير سالفة سديت باب سيارة هو راح و اني مشيت لبيتنا بتعب فتحت باب دخلت للحوش شفت غسان و حنين واحد حاضن ثاني و نايمين رحت جبت فراش و نمت بصفهم.
................
تاليا: كعدت صبح شفت يامان ماموجود رحت للحمام لكيتة يعدل شواربة و يزين لحيتة
-صباح الخير يا زوجي الحلو.
-صباح نور بوية.
تاليا: اشو هذا طنشني رجع يزين ضليت افتر و شفت شي مثل رغوة ابيض هاي كل مرة يخليهه و يزين شلتها اضغط عليهه ما يطلع رغوة قوية باوعلي يضحك.
يامان: محتاجة شي حبيبي.
تاليا: ها لا لا مامحتاجة.
يامان: لعد شعندج هنا تريدين ازين شواربج.
تاليا: مو صوجك صوجي اني واكفة يمك ردت اطلع جرني من ايدي رجعني على حايط و صار كدامي يضحك و بعدها رغوة على وجهه.
يامان: شو اشوف، لا لا الحمدالله ماكو.
تاليا: شنو ماكو؟
يامان: شواربج هههه ماعندج شوارب هههه.
تاليا: اشووو دوخررر والله صوجي يامان وخر ايد اطلع.
يامان: ههههه ولج بس اوكفي اشاقة شبيج.
تاليا: ماحب هيج شقة.
يامان: لعد شلون تحبين.
تاليا: يحجي و يغمز ضربتة على صدرة عيب استحي شوية.
يامان: اخخخ بوية ليش هيج ولج غير زوجج.
تاليا: زوجي صاير مستهتر ياحيف.
يامان: سمعة موزينة لعد خل نكملها فد مرة.
تاليا: شنو قصدك...ردت اكمل كلامي ماخلاني اتقرب و طبع شفايفة على شفايفي مثل كل مرة خلاني استسلم بسبب حنيتة و لمساتة حنونة فصل بوسة و ابتعد يتنفس خلة جبينا على جبيني و مغمض.
يامان: اخخخ يا طعم شفايفج كل مرة اضوكهن طعم احتاريت شنو من طعم بس الي اعرفة طعم مميز.
تاليا: ياماني.
يامان: لجمة گلبة.
تاليا: احبك.
يامان: هايم بيج بوية.
تاليا: يامان راح نتأخر على بيت جواد.
يامان: ترة صاير هواي متحمل و كاض نفسي لأن عندج امتحانات هسه ما الج اي عذر.
تاليا: خجلت و نزلت راسي العب بأضافيري، احم اي ان شاء الله.
يامان: هههه امشي بوية امشي مابية حيل تتخربطين و تعال يا يامان احتار.
تاليا: باوعتلة ابتسمت بخجل و مشيت للغرفة طلعت ملابس الية و ليامان مثل بعض و رحت لغرفة تايا كعدتهه من نوم و طلعتلهه ملابس نفس لون ملابسنا غسلت وجهه و لبستها ملابسها بديت اسويلهه تسريحة شعر للبنات اتعلمتها من يوتوب شلت شعرها من كملت ركضت قبلي على ابوها تشوفة تسريحة و لبسها رحت وراهه.
تايا: دادي.... دادي ثوف ثوف ئلو نايث(شوف شوف حلو نايس).
يامان: الله شنو هاي بابا تخبلين يمة فديت شعرات بنيتي شنو هل لبس حلو.
تاليا: ضل شايلهه لو يبوسها لو يباوع للبسهه بدلة وردي فاتح قصير من غيرتي دفعتهم برة
-يلا انت و بنتك اتغزلو برة اني هم اريد ابدل سديت باب و سمعت يحجي بصوت عالي.
يامان: ههههه اويلي على غيرة اويلي.
تاليا: ضحكت و رحت غسلت وجهي بدلت و بديت اتمكيج لأن فستان وردي فاتح بأبيض خليت مكياج خفيف و لفيت شال ابيض اختاريتة كملت و دخل يامان يباوعلي ضل صافن.
يامان: على كيفجن على كلبي انتي و بنتج ترة كلبي رجيج ما اتحمل.
تاليا: اممم مو اشوف شلون تبوس تايا و تحبها اكثر مني.
يامان: تريدين ابوسج انتي هم اي تتدلين خادم اني.
تاليا: راد يتقرب صيحت لاا ياماننن لاا مكياج تعبانة علي ونبي ازعل عليك ضل يركض وراية و طبت تايا على صوتنا شافتنا نركض كامت تضحك و تصفك.
يامان: انتي مو تريدين ابوسج اي تعالي.
تاليا: لااا ماريد توبة توبة.
يامان: ههههه خل ابدل لعد.
تاليا: تقرب من جرباية شاف ملابس الي مطلعتلة رفعهن وكال.
يامان: هاي شنو؟
تاليا: ملابسك حبيبي.
يامان: تريديني البس هاي؟
تاليا: اي تنسيق والله اذا تكول ما البسه ازعل.
يامان: ولج نقيب و هالله هالله البس قميص وردي و بنطرون ابيض.
تاليا: اي معلية لعد شكو مشتريهن.
يامان: اي مشتريهن من نكون بعطلة و نطلع لسفرات.
تاليا: اليوم عطلة معلية اني و تايا لابسين نفس لون اذا ما تلبس ماروح.
يامان: أمري لله بوية البسهن.
تاليا: يلا احنا ننتظرك جوة، نزلت جوة اني و تايا ننتظرة طلعت نستلة ناكلهه لأن ما تريكنا صرت اني اوكل تايا لا توصخ نفسها بين ما ناكل نزل يامان لابس و متكشخ رافع شعره و أكمام قميص و فاتح دكمتين من قميص.
يامان: ها شلوني؟
تاليا: كمت من مكاني و صرت مقابيلة حجيت
-حلو بس دكمة وحدة كافية تفتحها الثانية ما يحتاج تفتحهه سيادة نقيب يامان.
يامان: ههههه صار.
تاليا: يلا نمشي.
يامان: اي يلا انتو اصعدو اني اقفل بيبان و اجي.
تاليا: اني و تايا طلعنا برة و صعدنا بل سيارة ورة لحظات اجة يامان صعد و انطاني مفتاح بيت و انطلقنا لبيت جواد.
...............
سمر: من بارحة حالفة على جواد الا اندمة و هسه صار وقت جان نايم و دخلت للغرفة اكعدة لفيت شعري و رفعت دشداشتي رحت للبردات فتحتهن و شغلت بانكة عل سريع فتحت شبابيك سويت احم احم احضر صوتي للصياح.
-جوااااد ياااا جوااااد.
جواد: ها اسم الله شكو شصار منو مات وين أمي.
سمر: كوة لازمة ضحكتي تحمحمت و كلتلة، كوم عيني كوم اليوم مو عازم شلة كلها لازم نتساعد.
جواد: الله يطيح حض تميم و يامان هو هيج يكعدون بشر.
سمر: البشر ما اعتقد هيج بس حيوانات كلت هيج و طكيتها ركضة ماحس غير كمز يركض وراية.
جواد: شنو قصدج بنت كلب شو تعاي اذا ما أعيد تربيتج اليوم.
سمر: جواد والله اشاقة ولك هيووو يبن ناس خلص والله توبة.
جواد: اي هيج من اول هل مرة سماح ثاني مرة راشدي و يلوك لهل وجه.
سمر: يا قاسي.
جواد: ترة اجيج والله.
سمر: هسه ما كعدتك تصيح و تهدد تعال ساعدني.
جواد: شتريدين اطبخ بدالج اني مو يامان طلي.
سمر: لا ياعيني انت بس قبل يومين اكو واحد وعدني يغسل فرشات متذكر لو لا.
جواد: احم يا صدك منو هذا شخص ماتذكر.
سمر: جوادوو مو تغلس وعدتني ازعل والله.
جواد: مابية حيل سمر عوفيني.
سمر: ماشي بس تذكر كسرت وعدك و كلمتك راح احاسبك بطريقتي وانت تعرف كلشي ولا حسابي.
جواد: اي اعرفهن اعرفهن حافظ سوالفج امشي شوفينياهن أمري لله اغسلهن شسوي.
سمر: فديت زوجي يلا امشي، شوفتهن الفرشات ثنين جوة درج جانن مو كبار زغار شالهن و طلعهن بل حوش يغسلهن جانت ساعة ١٠و نص خليتة هو يغسل و اني احضر الغدا من شباك مطبخ اباوع علي يغسل بيهن اضحك يبووو فديت زوجي اندك تلفونة اخذتة اله جاوب.
جواد: ها يا عار شلونك.
تميم: على ربك انت شلونك اشو اليوم ماكو.
جواد: والله مرتي مدللتني اليوم كاعد اشرب قهوة صباحية.
تميم: اي عيني قهوة صباحية و فيكات لعد شبي حضي محد تتزوجني و تسويلي قهوة.
جواد: لأن طايح حضك.
تميم: مشكور بس من زمان اعرف هاي معلومة.
جواد: همزين تعرف.
تميم: ديلا كمل قهوتك اني اولي.
جواد: اكول تعال منتظرك على غدا اليوم كلهم ببيتي معزومين مادام طابخين.
تميم: ماريد دكة ناقصة مثل بارحة مشكور ماجي.
جواد: ولك والله عدا شقة اليوم غداك يمي.
تميم: ان شاء الله ياخوية اكمل شغل و اجيك.
جواد: ديلا سد اتصال اني ماكدر بيدي قهوة.
تميم: احرك كلبي بعد احركة مع سلامة.
جواد: هههه الله وياك.
سمر: سد اتصال و كعدت على كرسي مقابيلة بيدي كلاص شربت اشربة.
جواد: عاجبج هذا وضع مو الفلم حلو كاعدة كبالي.
سمر: احس منظرك ناقصة شي.
جواد: اي ناقصة دشداشة و ربطج الي تشديهه.
سمر: اي والله صح دشداشة ما بيهه مجال قصيرة بس الربطة اروح اجيبهه.
جواد: ولج سميرررةة اليوم اشنقج وحق ابو راس حار.
سمر: ضليت احضر و ارتب بل مواعين و الأكل لحد ما صارت ساعة ١١و نص سمعت صوت دكة باب رحت افتح شفت كلهم جايين سوة حتة صديق جواد وياهم كلتلهم تفضلو تفضلو.
يامان: زاد فضلج خوية.
سيف: شلونج خوة.
سمر: بخير الحمد لله.
هود: شلونج خيتي.
سمر: الحمدالله خوية تفضل.
تاليا: احنا بنات سلمنا على سمر و دخلنا للحوش شفنا جواد شاد راسة بربطة و رافع بجامتة و بيدة فرجة يغسل فرشات.
يامان: ولك شنو هل جمال ضلعييي.
سيف: صدك طالع تخبل.
هود: لوك جميل جدا.
تميم: وين قهوتك خوية اخاف بردت.
جواد: امشو من وجهي لا ابو ابوكم اشعلة ترة واصلة وياية للستار.
سارة: ههههه والله و كفو سمر ذيبة نفذت كلامهه.
تاليا: جواد عجبني الأوتفت كولش.
بشرة: هههههه.
سمر: بنات توت توت جواد يغسل فرشات بسكوت.
ولجننن توت توت كلمن يشوفة يضحك و يفوت.
الكل: ههههههه.
جواد: هو منو كلكم اغسل فراش جنت طالع اتشمس لا اكثر.
تميم: اني مازوج اعذروني.
يامان: هههههه ليش زواج حلو.
تميم: ماحب القهوة اني بس اشرب جاي.
جواد: انجب ابن *** هو بسببك اني بهل حالة لو راجع من وكت للبيت و ما سامع كلامك جان ماصار الي صار.
تاليا: الي بيسمع كلمت مرتو شو بنئلو.
بنات كلهن: شاطر شاطر.
جواد: التسات تسس انتن تس تنكطن سممم.
يامان: طبو جوة بوية خلي الحرمة تكمل شغلهه.
الكل: هههههه.
جواد: ولا يكعد بينكي ولك اخر وكت تاليا لبستك وردي ادري موطة انت خوية ازبري امشي جوة امشي.
تاليا: مقهور من جمال زوجي اصلن هذا يسمونة تنسيق الأوتفت بس انت شنو عرفك.
جواد: ولي من خلقتي.
سمر: ضلو بل حوش كاعدين وديتلهم كراسي لحد ما كمل جواد ضلو يحششون و يضحكون اخر شي جواد ما تحمل جر الصوندة و رشرش الكل الصياح والعياط صار بفلس انفضحنا كدام منطقة.
جواد: ولد جلاب مضحكة كدامكم اني اليوم اجدادكم انعلها.
هود: ولك اني شعلية جواد ما جايب ملابس يمعود.
جواد: انجب مو تضحك وياهم.
تميم: اني شلون بية اضل اجدي ملابس ولك كبر عقلك يمعوددد.
يامان: اشو دتعال مخوفني بمي.
تاليا: ضلو واحد يرش على ثاني و كلهم لزمو جواد وكعو على فرشات يرشون مي علي والجهال عاجبهم وضع واكفين يصفكون و يضحكون.
سارة: شفت كلبو على هود وكعو صارو يرشون علي ما تحملت رحت عليهم اوخر بيهم
-يمة ولكم زوجي وخروو.
جواد: دباوع عيارة.
هود: هههه انجب لك، سروشي ماكو شي حبيبي نشاقة.
سارة: ولك يرشون مي بخشمك.
هود: ههههه كومي حبيبي ماكو شي لا تتمرضين.
جواد: ايععع صدك ايععع.
سارة: ابو صماخ.
جواد: تسسس.
سمر: بعد كل هل عركات الشباب طلبو ملابس من جواد علمود نكعد نتغدا.
جواد: ما انطيكم ملابس اخليكم مصلخين.
سيف: اجيك والله ابن دعاء حلوة امشي شلون نكعتنا تنطينا ملابسك.
سمر: انتو شكو تسألو تطلبو ماعدكم رجلين امشو للغرفة اختارو الي يعجبكم.
يامان: هم صدك حجيها امشو شباب.
جواد: سميرررررة عقابج كاعد يكبر مرتي.
سمر: ياروحي انت عادي.
البنات: هههههه مسيطرة الأخت.
سمر: شباب راحو يبدلون و نزلو سيف كلي.
سيف: جواد بل حمام يريد ملابس كاعد يصيحج خيتي.
سمر: ماشي خوية، صعدت فوك طلعت ملابس الة و رحت وكفت باب حمام
-جوادي هاي ملابسك على جرباية و هاك هاي منشفة، فتح باب جنت اعدل بل منشفة و جرني للحمام.
جواد: و اخيراً لزمتج.
سمر: جواد مو وقتها حبيبي كلهم جوة ينتظرون غدا عيب.
جواد: اممم ماشي اعاقبج بليل بس اريد بوسة.
سمر: والله بليل ولك عيب ينتظروني.
جواد: امشي لا تحجين وياي ولي يلا اثاري همه اهم مني.
سمر: دفعني برة حمام و قفل باب شكد حاولت احجي ويا ماكو اخر شي نزلت جوة فرشنا سفرة وية بنات نقلنا الأكل و رتبنا نزل جواد بس ما يباوعلي كعد وية شباب بدينا ناكل و نسولف انتبهت جواد يحجي وية كل و يشاقة من يوصل يمي يسكت و يطنكر عفتة براحتة من كملنا شلنا السفرة اني و سارة بلشنا نغسل مواعين و بشرة تسوي جاي و تاليا كاعدة يم خالة أمنة.
أمنة: يمة شلونج يامان شلونة وياج.
تاليا: بخير ماما و يامان كولش زين وياية بس ماما اني مشكلة عندي.
امنة: شنو يمة خيرج؟
تاليا: ماما صح هو هسه زوجي و ابو بنتي بس مرات من يتقربلي اخاف مو بيدي هذا شي اكثر من مرة ينعاد اعرف هو ما يحجي لأن ما يريد يحسسني بشي و اخجل من تصرفاتي بس يمة يأذيني اني.
امنة: ادري يمة مو سهلة عليج بس كل ما يتقرب اتذكري و خليها ببالج هذا الي قريب منج زوجج و يحبج شاريج من صدك من يوم تزوجتي لهذا يوم ما سمعت بيوم غلطان بحقج حتى لو انتي غلطانة يذب لوم على نفسة.
تاليا: والله يا ماما احاول بس تصرفاتي بدون ارادتي.
امنة: شكد صار ما متقربلج.
تاليا: شهر لأن جنت ادرس للأمتحانات بعدها صار عندي امتحانات واليوم طلب هذا شي بس بطريقة غير مباشرة.
امنة: يا بنتي حرام عليج ترة هو يحبج اني افتهمج بأن مو بيدج هل تردد و الخوف بس خليج قوية و اتغلبي عليهن انتي الحمدلله اتغلبتي على أشياء هواي اكبر من عمرج ضلت على هاي قوي كلبج و صيري قوية.
تاليا: ان شاء الله يمة ادعيلي فدوة.
امنة: والله ذاكرتج بكل دعاء.
تاليا: فديتج ياروحي، ضليت يمهه نحجي اخر شي خليت راسي على رجليهه تمسد على راسي و اكتافي و يامان كاعد مقابيلي يبتسملي رديتلة ابتسامة.
بشرة: خوية تميم عرفنا عليك اشو ما عرفنا عليك غير مجدي.
جواد: هههههههه.
تميم: خلف الله عليج خوية.
بشرة: اي شعرفني.
تميم: خيتي اني من بصرة بس شغلي ببغداد مأجر بيت هنا وقت شغلي و من انزل ارجع لأهلي ازورهم.
سمر: كم خوات عندك.
تميم: عندي خوات ثنين و اني وحيد اهلي.
بشرة: يعني المدلل.
تميم: اي والله.
بشرة: لعد اذا رجعت لبغداد هل مرة جيب اهلك نتعرف عليهم.
تميم: اي ان شاء الله هنا بس خواتي و امي.
سارة: لعد ابوك؟
تميم: متوفي من احنا زغار.
الكل: الله يرحمة.
بشرة: اسفة سألتك هواي بس شكد عمرك؟
تميم: لا عادي عمري ٣١ سنة.
بشرة: عمر كلة خوية.
جواد: تميم خاف من هذني ترة تسات هسه ما تشوف غير مسوياتلك سحر يم ام عباس و يبلوك ببنية.
تميم: ههههه لا خواتي صارن.
البنات: اخونا غالي.
يامان: شفت تاليا نامت على رجل خالة أمنة و منا هذولة كاعدين رحت عليهه كلت لخالة أمنة
-خالة بس شوية لأن اشيلها تنام بل غرفة.
أمنة: اي ابني أخذها.
جواد: شباب غمضو مابينا حيل مشاهد رومانسية.
هود: اختي هاي ولك.
يامان: انجبو ثنينكم مرتي هاي.
الكل: ههههههه.
يامان: شلتها و كلت لسمر على غرفة كالت أخذها لغرفتي اتشكرت منها و صعدتها فوك خليتها على جرباية شغلت سبلت درجة وسط طفيت اضوية بست راسهه و طلعت من غرفة نزلت جوة يمهم.
جواد: يسوري شخبارك وية أمونة اشوفك عايش سعيد.
عمو ياسر: اي طكنا عين و خلي نطلك.
سيف: هههههه والله عمو عينة وحدة بوحدة ديربالك.
جواد: خل اتصل على هذا ثاني عمارووو من اتزوج ما عاد يسأل علينة مكضيهه كل أسبوعين شهر عسل.
سارة: عمي و امي لا تحجي عليهم.
جواد: واكسر راسج بعد ام صماخ.
هود: رجال و كد كلمتك مد ايدك عليهه.
جواد: ولا يكعد طرزان.
سمر: شباب كعدو يلعبون محيبس اني و البنات صعدنا لغرفتي وية خالة أمنة كعدنا تاليا و بلشنا نسولف.
بشرة: تاليا اشو انتي صايرة خمولة و بس تنامين اخاف حامل.
تاليا: من وين يمعودة صار شهر ما صاير شي بينة و هذاك اسبوع زارتني عروسة.
سارة: يمكن من سهر ليالي على ملازم كاعد تعوضينا هسه.
تاليا: اي والله.
بشرة: شبيج سمر اشو ضايجة.
سمر: ماكو شي.
تاليا: احجي ولج خوما هذا ابو صماخ مسوي شي والله حالفة اخذج وياي.
سمر: حجيتلهم الي صار اليوم ، اي و هسه هو زعلان مني بربجن هذا شي هم ينزعل علي.
سارة: خايبة والله بطرانة ضايجة على هيج شي.
سمر: لعد شسوي.
سارة: انتي اتكشخي اليوم و لبسي و فتحي شعرج تمايلي كدامة هو مثل شاطر يرجعلج.
بشرة: شوف شوف ادبسز تحجيهه كدام خالة أمنة.
سارة: ليش تحسسيني خالة أمنة رجال بينة.
امنة: ههههه.
سمر: هسه شسوي.
سارة: انطيتج حل.
تاليا: اني هم هذا اشوفة مناسب ركصيلة شوي خية هزي خصرج.
سارة: اويلي خالتي ساجدة.
بشرة: ههههه.
سارة: فديت زوجي بس هو ما يتزعل علية مشبعني رومانسية مال ابوسة من حلكة على كلامة حلو.
امنة: لا هسه من صدك جيبولي نعالي وين نعالي خلي اربي هاي ادبسز من جديد.
سارة: اووي أمونة هسه شحجيت هو غير زوجي.
تاليا: عوفيهه ماما هاي مستخفة.
أمنة: فد مرة ادبسز.
سارة: هسه على اساس انتي مقصرة وية يسوري.
امنة: شو هدوني عليهه.
سارة: كامت تريد تضربني نزلت جوة اركض و اضحك و هيه وراية تنزل رحت ورة هود احتمي.
هود: هههه شكو ولج ليش تركضين.
امنة: تعاي هنا يا ادبسز الا اربيج من جديد اليوم.
سارة: هودددد يمعود انقذني.
هود: ظابطة و هالله هالله تخافين من نعال.
سارة: ولك هذا نعال لاستيك يوجع اكثر من طلقة مسدس.
جواد: شاهد والله لأن مجربهه بأيد دعاء.
هود: هههه خالة احسبيهه علية عوفيها هل مرة لخاطري.
امنة: اي بس ربيها.
هود: من عيوني ههههه.
سارة: ما انسالكياهه حبيبي صدك شكرا.
هود: هههههه والله مسودنة.
سمر: الكل بقو للعصر بعدها راحو اني هم بعدهم لميت البيت و ضليت انضف لحد ليل بعدها رحت سبحت يامان و نيمتة صعدت لغرفتي لكيتة منتجي على تاج جرباية و بيدة لابتوب يشتغل ما باوعلي عود زعلان عشتو اخذت ملابس و دخلت للحمام سبحت استخدمت مقشرات و معطرات للجسم بعدين آخر شي رطبت بشرتي و لفيت شعري و لبست ثوب قصير جنت مشتريتة من سليمانية اني و جواد عجبة هاي اول مرة البسة طلعت من حمام رفع عيونة باوعلي انصدم سويت نفسي ما شوفة رحت للميز شغلت سشوار بلشت انشف شعري و من كملت طفيت سشوار و جنت متقصدة اسوي حركة اذب شعري للكعاع و بعدها ارفع راسي اتقربت من مراية خليت تنت شوية و تعطرت بريحتي شمرت بوسة لنفسي بل مراية رحت لفراشي شلت غطة قبل ما اتمدد شغلت سبلت بارد و طفيت اضوية جنت حاسة كاعد يراقب كل تحركاتي اتمددت كلها لحظات و ايد انمدت على خصري.
-جواد.
-روحة.
-ها هسه صرت روحك لعد منو جان زعلان.
-غبي اني لا تلوميني.
-وخر اريد انام.
-تؤ ماكو نوم.
سمر: انداريت علي شفت عيونة الهيمانة و نظراتة الي كلهه حب و حنية لزمت وجهه و تقربت طبعت بوسة بين عيونة و كلتلة بهمس
-اسفة اليوم زعلتك بس كلهم جانو ينتظرون عيب يبقون جوعانين.
جواد: ششش مهم تعويض.
سمر: هههه ملكك.
جواد: احلى املاكي.
سمر: ببوساتة و لمساتة وكلماتة حنونة خلاني اروح لعالمنا خاص و سلمتة روحي.
.................
تاليا: جنا بل طريق نرجع للبيت و اتصلت زينب علية تبجي.
زينب: تالياااا فدوووة ساعدييينيي تالياااا.
تاليا: شنو صاير زينب اهدي و فهميني حبيبتي شبيج؟
زينب: تاليا خلوني أخذها كوة تاليا ما اتحمل.
تاليا: زينب بس لا الي باليييي زينبببب جاوبييي.
زينب: را..ح..امو...تت...تاليا.
تاليا: زينببببب.............

انتظروني ببارت قادم لا تنسون تصويت و تعليق لطفاً