الشفره

البارت العاشر

البارت العاشر

بعد حالة الهزيان والتوهان وإنعدام الرؤية بوضوح نام حسين على أرض الغرفة ، وذهب فى ثبات عميق ، وبعد مرور بعض الوقت فتح عينيه ليجد نفسه مستلقى على الأرض ، إعتدل وجلس وهو يمسك رأسه كان يشعر بصداع شديد ، وفجأه انتبه وجرى مسرعاً يبحث بأركان الشقة وهو ينادى ( كاترينا .. كاترينا ) ثم جلس على الأريكة وأمسك هاتفه وإتصل بالزعيم .

-الو أيوه يا زعيم .
*أيوه يا حسين مختفى ليه بقالك فترة .
-أنا حصلى حاجات غريبة أوي يا زعيم .
*فى أيه يا حسين ؟!
-مش هينفع نحكى فى التليفون يا زعيم .
*عندك حق أنا هجيلك يا حسين .
-مستنيك يا زعيم
*************************
رامى : كمال باشا إحنا كده قدرنا نوصل لولاد عمنا الحلوين .
كمال : عن طريق حسين مش كده ؟
رامى : مظبوط يا كمال باشا .
كمال : وحسين ده حصله حاجه ؟
رامى : والله يا باشا لسه مش عارفين بس الواضح إنه محصلش عنف ، بس هو إتعمل عليه لعبة كده بعتوله بنت اوكرانيه وأكيد حاولت تطلع منه بمعلومات وبعدها راحوا ليه شكلهم عملوله قصه وسيناريو وحوار وفيلم هندى كمان ، لكن لسه مش عارفين أيه المعلومات إللى أخدوها منه .
كمال : احنا عارفين إن حسين حاليا مش عارف مكان نور و نور .
رامى : بس ممكن يكون عنده معلومات مفيده يا كمال باشا .
كمال : اممممم هما عاملين زى الأسد الى هيموت من الجوع و بيجرى ورا فريسته ومش شايف حاجه غيرها
رامى : وديما المفترس نفسه قصير.
كمال : الا لو الفريسه خافت وارتبكت وفضلت تبص وراها .
رامى : طيب هل ممكن نتعامل معاهم يا كمال بيه ؟
كمال : طبعا لا معندناش أوامر بكده إحنا دورنا نتابعهم من بعيد ونشتتهم ولو عرفنا نوصل لنور ونور قبلهم هتبقى ضربة معلم
رامى : متقلقش يا كمال باشا مع إنى نفسى أشرب من دمهم ولاد الكلب دول .
كمال : مش إنت لوحدك يا رامى بس انت عارف الامور ليها اعتبارات كتير وسياسة وشغل اكبر من إننا نخلص على كلب من الكلاب دى لكن محدش عارف الظروف هتودينا لفين ، المهم عاوزين نتواصل مع حسين ده لإنهم ممكن يحاولوا يتواصلوا معاه تانى وأكيد لسه تحت مراقبتهم .
رامى : تحت امرك يا كمال باشا .
كمال : بس بحذر يا رامى مش عاوزينهم يحسوا بحاجة .
رامى : تحت أمرك يا كمال باشا ، هستأذن أنا دلوقت .

رن هاتف كمال فنظر فيه ثم نظر ل رامى وهو يقول اتفضل .

-الو أيوه يا سعد .
*ازيك يا كمال بيه .
-الحمد لله يا سعد قولى وصلت لحاجه ؟
*والله يا باشا مش بالظبط اوى بس تقدر تقول قربت اوى .
-يعنى ايه يا سعد ؟
*يعنى عرفت اخر مره اتشافوا فين المشكله انهم جنب كام حى كده بس الاقرب هو حى معين .

-حى ايه ده ؟
*حى اسمه بلاط .
-ومستنى ايه يا سعد ما تدور فيه .
*يا باشا بدور والله ، بس ده حى حيوى ومليان ناس يعنى مش بالسهوله دى .
-انت حبايبك كتير يا سعد وهتوصل .
*سيبها على الله يا باشا هنوصل ان شاء الله .
-ونعم بالله .