الكل مُدرك لما يفعل، وفِّر اللوم
ايناس ... اهى اهى واحنه دنمشي نازلين للسوك ضربتنه سياره
ابو ايناس ... بابا خاما صارلج شيء
ام ايناس ...ماما شوفيني شصارلج ليش متكدرين تمشين رجلينج بيهن شي خليني اشوف
ايناس ... مابيه شي بس من طحت رجليه اللتوت
ماريد بعد اطلع ويه هذا لوحدنه ماما لاتعوفيني رحت حضنت ماما وبقيت ابجي
مهدي ... عمو اعتذر ماكدرت اصون الامانه وبجيت
ابو ايناس .. عمو الحمدالله على كل حال مصارلكم شي هذا قدر والله لطف بيكم
ايناس ... رفعت راسي وباوعت صارت عينه بعيني
خزرته ورحت كوه امشي صعدت الدرج وصار عليه شطوله لدرج
مهدي .. من بعد ماباوعتلي بهاي النظره استحقرت روحي حيل
استأذنت منهم وطلعت رحت للمضمد لفلي يدي وكصتي ورحت للبيت اول ماشافتني امي لطمت صدرها شبيك يمه شصاير
مهدي .. يمه مابيه حادث بسيط اني وايناس
ام مهدي ... خرب حضكم خاما لبنيه تاذت
مهدي ... باوعت الامي بحزن كلتلها لا وراح اروح انام لاتكعديني
صعدت لغرفتي نزعت ملابسي وطبيت للحمام سبحت وأتذكر كل صرخه منها وخراميش البصدري منها ضربت الحايط بوكس
لقيت المنشفه وطلعت كعدت ع طرف الجربايه اتصلت بيها مترد بقيت اتصل لحد ما نرفض الاتصال شمرت الموبايل وذبيت نفسي ع جربايه واشكد احاول انام ماكدرت
ايناس ... بعد ماصعدت اخذت ملابس ودخلت للحمام وسبحت
وجان الدم مغطي رجليه كعدت ابجي بالكاع ليش من دون البنات هيج حضي ليش الوحيده اني تصيرلي هاي المشاكل
بجيت لحد ما تعبت كمت فتحت الدوش عليه ذبيت ماي ارتاحيت شويه نشفت ولبست وطلعت رحت الغرفتي شفت موبايلي ديرن
رحت شفت مهدي انطيته رفض وسويته كتم ورحت نمت
لحد ماصارت ساعه 7 المغرب
مرت احمد ... لج ايناس كعدي اكلي لكمه وصلي المغرب
ايناس ... ايي راح اكعد هسه اجي وراج
راحت مرت احمد وكعدت اني افرك بعيوني
ههه شصلي بعد الله يتقبل صلاتي وبجيت خليت يديه ع عيوني
يارب نظره منك إليه ربي شنو ذنبي شنو السويته الك وجنت اسمع الاذان مال الجامع وزدت بجي
بعدين كمت اتوضيت وصليت وطلبت من ربي يسامحني ولو اني ماغلطانه بشي بس خفت لا اكون مذنبه بيوم وهذا عقاب من يمه
كملت صلاة
لفيت السجاده ونزلت ع كيف جان اكو الم بداخل ماعرفته شنو بس كلت اكيد من الصار
رحت للمطبخ شفت مرت اخويه داتحضر بالعشه
سألتني اشلون صرتي انوسه
ايناس ... ابتسمت الحمدالله احسن وين ماما لعد
مرت احمد ... داصلي وعمو طلع معزوم ابيت صديقه
اشويه ودخل اخويه صفاء
ههههه هاي شنو ما متي بعدج العار ميموت
ايناس ... ايي متشوف نفسك بعدك مميت لان عار
مصطفى... هههههههه والله عبالي شو شكو كالو مسؤين حادث كلت هسه الكاهه متكسره وبلاتين متروسه
ايناس ... 😒لا والله مااكسرت أن شاءالله ع جايات لخاطر عيونك اتكسر
مصطفى.. 🙂هيه هاي الخايسه هم عوبه وهم السانها طويل
ايناس .. اهووو خلي اروح الغرفتي احسن
مرت احمد ... هههه ولج تعالي
ايناس ... ماارجع دزيلي اكلي فوك رحمه الابوج
صعدت وفتحت تليفوني شفت اتصالات هواي ورسائل من مهدي مالي نفس افتحهن دخلت ع يوتيوب وجنت اتابع مسلسل ابنة السفير
مهدي ... بعد ماتصلت وماردت حاولت انام ماكدرت ضليت اكلب بتليفوني وكل شويه اتصل بيها ومترد
لحد ماصارت ساعه 5 لبست ملابسي وطلعت خابرت اصدقائي وكلتلهم اليوم نسهر بالشقه
وفعلا ورا ساعتين اجوي وجاي بين عشى وجاي بين شرب وحبشكلات وخابرين البنات يجن
اتعشينه وكملنه وخلينه المزه والكرزات والشرب وبلشت اشرب
رائد ... هوووب هوووب شبيك اليوم
مهدي ... مابيه مو باجر نلتحق خليني اريح راسي
اجني لبنات وكعدن وفتحو ااغاني وجانت اغنيه حسام يمك عشت لحظات ماتنسي هيهات تركن جرح واهات ليهسه بيه
دخنت جكاره وانعاد الشريط كله كدامي شلون اغتصبها واذيتها
مااحس الا يد تلعب بشعر صدري وباوعتلها شفتها ايناس
ايي ايناس بقيت صافن بعيونها دمعت عيوني واني لازم يدها شويه ونتبهت هاي وحده من هذين الراقصات دفعتها وكمت
راىد.. وين مهدي وين رايح شصاير وياك احجيلي مو ع طبعك
مهدي .. عوفني لخاطر ربك لاتسألني شي خليني اروح
راىد ... بهذا وضعك مااعوفك تروح
تعال جوه نام وهسه امشيهن لبنات
مهدي ... دخلت لجوه وفعلا مشوهن لبنات
وكعدو يمي يسألوني وحاولو يعرفون بس بيا وجه اللهم اغتصبت خطيبتي كلتلهم ضايج متعارك ويه الوالده ومشيتها عليهم دخلت جوه بنفس الغرفه الغتصبت بيها ايناس وجان الجرجف كله دم ضربت راسي اني شلون نسيته شلته وخليته بجيس وره الباب وخليت واحد جديد وكعدت ع طرف الجربايه أدخن والدخان أحسه يطلع من قلبي
طلعت الموبايل واتصلت عليها رن ورفضته
ايناس ... داباوع المسلسل واتصل عليه مهدي رفضته
رجع اتصل همين رفضته ومره صاله ورابعه وخامسه رديت شتريد مني
مهدي ... ايناس تعبان والله سامحيني اني سويت هيج حتى تبقين إليه وانتي زوجتي اني عاقد عليج يعني لا عيب ولا حرام
ايناس ... ههه لا عيب ولا حرام موو يعني مو عيب من تغتصب وحده مو حرام من تاذيلك ابنيه أهلها ثقو بيك ودزوها وياك
