مشتّاكلك گَد الوجُوه المالِهن
داعي بحَياتَي..
.
.
.
.
.
.
ايناس ... بقيت ابجي ومقهوره وماماكله شيء
صعدت ام مهدي عليه دكت الباب كلت اتفضل ودخلت
ام مهدي ... يمه ليش ما نزلت لاتريكتي لا تغديتي واحجيلي شصاير بينكم ع شنو تعاركتو
ايناس ... عمه ماكو شي هوه عصبي واني شويه راددت بالكلام وضاج مني
ام مهدي يمه ديري بالج ع بيتج ورجلج وتحملي ومهدي يحبج هسه راح لدوام بس يرجع اكيد ناسي الموضوع وحاولي تراضينه بعد مااوصيج
ايناس ... إن شاءالله خير
عافني ونزلت اكلب بتليفون وماكو بالنت هوه ابد ماسجل دخول بالنت ولا اتصل ع خط بقيت ع نار كاعده
سجاد .. روحي اتلوب اريد اوصل الايناس بس ماكو كل حيله
علاقتي بنرجس ماشيه صح ماريد احساسها بشي
مهدي ... طول لطريق وبالي يم ايناس واشتاقيت ونويت ماارجع بعد واصلا عندي انذار بالدوام واجازتي بس 3ايام ف قررت ماانزل بيهم
مر يومين
ايناس... كاعده ع نار ماتصل ابد بيه
نزلت ع عمتي كعدت يمها ردت اسألها عن مهدي
رن تليفونها
جاوبت
الووو ها يمه هلا بيك ليش ماتصلت بينه
بالنه يمك
مهدي ... عندي واجبات ومشغول كلش بس ردت اسمع صوتج يمه واطمىن عنكم
اشلونكم زينين
ام مهدي .. زينين يمه دير بالك ع روحك وخابرني لاتكطع بيه ترا كلبي يوكع من الخوف من تتأخر
مهدي .. ماشي يمه ماشي ردت اسألها عن ايناس بس كلت لا اترخصت منها وسديت الخط
ايناس ... بقيت منتظره عبالي راح يكول اريد احجي وياهه اشو عمتي حجت وسدته وجنت مركزه بالكلمات تجاوبه بيهن ايد ماسأل عني متت موت ماتحملت نزلت دموعي عفتهم وصعدت بقيت ابجي بصوت عالي اشتاقيت حيل اله اريده 😭😭💔
رحت ع ملابسه بقيت اشم بقمصانه اخذت واحد حضنته ونمت ع جربايه لحد ماغفيت
ماكعدت الا وساعه ب11بليل جنت ميته جوع نزلت جوه لكيت مسؤين عشه دجاج وبرياني صبيت حتى بدون ماا احمي وصعدت فوك اكلت وغسلت وتوضيت فرشت السجاده وصليت واني ابجي دعيت الله يرجع علاقتنه مثل الأول كملت لميت السجاده وفتحت التلفزيون ع مسلسل فضيله خانم وبناتها
بقيت اتفرج حلقه وره حلقه لحد ساعه 4لفجر كمت طفيت التلفزيون وهم توضيت وصليت وكملت رحت للجربايه حضنت قميصه وبقيت اتذكر كل سوالفه وحركاته بجيت غمضت عيوني احس فص عيني راح يوكع بعد ماحسيت بشي منا لصبح نزلت صبحت عليهم لكيتهم يتريكون كعدت اكل وياهم وهم سوالف وضحك بينهم بس اني قلبي ابد مامرتاح بدون مهدي الشوق ذابحني ذبح كملو كاكو الكل طش لميت المواعين بعدين غسلتهم
كملت المطبخ رجعت ع كراج غسلته والحديقه كنستها لحد ما كملت كلشي برا دخلت ع بيت نضفته من فوك لحد لجوه نزلت لكيت عمتي داسؤي كبه تلف بيها اني همين حبيت اشارك لفيت وياهه وهيه تسولفلي ع ايام قبل واني بالي مو يمها
