ليموت أحدنا
إما أنا ، أو أفكاري. 💔
ايناس ... تعشينه سوه احنه وأهله خلصنه راحن اخواته يغسلن المواعين وجابن نسكافيه وكرزات وفتيفور وجنه نتابع مسلسل فضيله خانم وبناتها
ومهدي كل شويه يباوعلي ويغمز عود نصعد فوك واني اغلس
اخر شي كام كال راح اصعد أسبح وانام كومي ايناس حضريلي لحمام
صعد واني شلت الكلاصات ردت اغسلهن وعمتي كالت لا البنات يغسلنهن روحي لمهيدي
شوفي رجلج تحمريله لبسيله
ايناس .. هههههه صار عمه صاعده
واني دااصعد ع درج واسمعه يصيح اتقربت سمعته يكول بنت نعال كلتلج مااكدر اجي لاتلحين
فتحت لباب وهوه كال يلا باي
وغلقه سويت نفسي ماسمعت هوه جان كلش مرتبك كتله ها حبيبي احضرلك لحمام
مهدي ... ايي عمري
ايناس ... اتجهت للكنتور واني لغيره شاعله ابو ابويه
طلعتله اتراك رصاصي وداخليات
حطيتهن بالحمام وطلعت
كتله الحمام جاهز
مهدي ... ماشي عمري
دخل يسبح
رحت اركض لجهازه لكيت بيه رمز وبصمه
افف رجعته لمكانه بقيت افكر شلون الكه طريقه افتحه بهل أثناءطلع من الحمام
مهدي ... ها حبيبي جاهزه
ايناس ... لشنو
مهدي ...🤤😉شنو متردين حليب
ايناس ... ممكن تترك هلمور وتجي تكعد يمي اريد اسولف وياك شويه
مهدي ... تمام قلبي بديت انشف بشعري واني كاعد يمها كلتلها احجي
ايناس ... قبل مانزوج هم جان عندك علاقات
مهدي .... ش شنو هذا السؤال
ايناس .. سؤال عادي حابه اعرف
مهدي .. طبيعي يكون عندي قبل لزواج علاقات
ايناس ... وبعد الزواج
مهدي .. انتي شبيج ليش هلنكد هذا كله
ايناس .. جاوبني حتى اسد الموضوع
مهدي .. عصبتني كمت جريت الباكيت ودخنت جكاره وكلتلها كافي تسألين هيج اسأله حتى لو عندي مالج علاقه انتي
ايناس ... يعني شنو مال علاقه مو زوجتك اني وليش هيج مصعب الجواب هلدرجه سؤالي صعب حتى صرت اتبلعم ومترد
مهدي ... جريت النفاضه وضربتها بلكاع لج انتي شنو رب مال نكد اخذت التليفونات مالتي والجداحه والباكيت ونزلت جوه
