ضبـاب بجـام مـا طـالت عشـرتي ويـاك💔
مرت احمد ... لج ايناس اليوم عقد سجاد ونرجس لا مو بس هيج عرسكم راح يصير بنفس اليوم
ايناس ... بقيت ساكته واعصر بيديه بعدين كلتلها ها خوش الله يهنيهم
مرت احمد ... يلا بدلي خلي نروح ع بيت عمج ابو نرجس
ايناس ... مااكدر تعبانه والله انتو روحو
مرت احمد ... كومي ولج هسه عمو يكلي الدنيا كال الكل يجي
ايناس .. تمام
سبحت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وحذاء اسود كعب
وفتحت شعري ومخليت مكياج بس مورد ومسكاره
لبست الجبه فوكاهن ونزلت لكيتهم كلهم مخلصين ومنتظريني
وصلنه صفاء بسيارته اول مدخلت شفت نرجس لابسه وكاشخه قلبي كام يوجعني بس سيطرت ع نفسي سلمت ع حجيه وع ام نرجس وباقي بنات عمامي ونسوانهم وصلت لنرجس اجت تركض هيه حضنتني وكالت بهمس لج ايناس واخيرآ سجاد راح يلبسني الحلقه واكون اله
ايناس .. ههه حبيبتي الف مبروك باوستها ورحت الغرفه الجوه بجيت بسرعه مسحت دموعي خفت لا احد يشوف وكعدت ع جربايه افرك بعيوني الي موتتني تحركني حرك سمعت صوت هلاهل برا طلعت كلينس مسحت عيوني المسكاره لطختني
وطلعت شفت سجاد طوله وجماله ولازم يدها وكاعد يمها يضحك بس عيونه مو يمها عيونه ادور عليه
صرت كباله من شافني راحت ضحكته وحواجبه نعقدت ونضرات عيونه صارت مثل السيف
اني سويت نفسي مو مهتمه طكيتها بهلهوله وصرت اهوس افرح الابن العم تعتاز أيامه والبنات كلهن يهوسن وياي ورجعت كلت اخونه خوش اخو يستاهل الهوسه
وهاي الرادها وهاي التمناها أهنأ هوه فلت يد نرجس ودنك وشفت عيونه تريد تطلع من شده الغضب
ابتسمت بستهزاء وصرت ع صفحه
انوب اجه بابا كال راح يدخل الشيخ لبسني شي ع روسجن لبست شالي ونزلته ع اكتافي
صرنه ع صفحه
دخل الشيخ وصار الهدوء وعقد وكامو يردون وراه
لحد ما كالت نرجس اقبل وهوه كال كالها ورفع عينه عليه
اني دمعت عيوني مسحتهن
وابتسمت
بعدين هلهلت الحجيه
وطلع شيخ وجابت الحلقات لبسها ولبسته
وطلع
بقيت اباوعله هه اشكد جنت مخدوعه بيك جنت لعبه أبين اديك امداني رحت كعدت ع قنفه ونرجس فرحانه بس نضران ام سجاد الها ماطمنتني ع خير
كلت بقلبي يلا هوه بس خلاصي من امك هاي اكبر معجزه إليه
قدمن الكيك والعصير عفتهن ورحت كلت الماما يلا ترا تعبانه كالت عيب نطلع غير ننتضر ابوج اخذت تليفونها ورحت للمطبخ اتصلت ع صفاء كتله تعال للمطبخ
اجه
ها خرا
اكل خرا
وديني للبيت تعبانه
صفاء .. مااشتغل عند جدج
ايناس .. صفاء والله تعبانه هيه براس شارع دويني ورجع
صفاء ... يلا بسرعه
ايناس .. ثواني اجيب الجبه والجنطه واكول لماما
رحت جبت غراضي وكلت الماما راح اروح ومرت احمد كالت اني همين ارجع وياج كلتلها خوش طلعنه
صار بوجهي سجاد سويت نفسي داضحك ويه بنت اخويه ومرته عود فرحانه وكذا ومهامني شي
هوه مات قهر ماشال عينه عبرت منه كلش يمكن إصبعين بيناتنه باوعتله بطرف عيني وكتله الف مبروك ومرت احمد همين باركتله وطلعنه
صعدنه بسياره وصلنه صفاء للباب ورجع
نزعت ملابسي
وكلت افتح تليفوني اشوف شبي مابي
لكيت رساىل من مهدي ولكيت رقم مااعرفه مراسلني دازلي واتمناك
واتوازه اويه روحي اعليك
واتعناك
واوصل .. وارجع بلياك❣️
عرفته سجاد
دزيتله هاي حــيـل صــعبهہ !!؟
تــگتـشـف نفســـگ چــنت عـــبرت وگــت💔
وحضرته
فتحت مسجات مهدي وكاتب ردي ع اتصالي
وكاتب كومه غزل وسلام
اتصلت ع
الوو
مهدي ... الوو يروحي ليش مقفول جهازج
ايناس ... من وراك شتريد مني
مهدي ... اشتاقيتلج اريدج ليش هذا الكطع
ايناس .. عوفني ارتاح
مهدي ... اوووف اريد اغفى ع صدرج وارتاح من ضيم دنياي
ايناس ... يلا تعبانه حنام
مهدي ... اوكفي شلبستي اليوم خاما مشلتح
ايناس .. لا يأبه لبست عبايه اسلاميه وشال شعندي البس مشلتح 😂
مهدي ... ها خوش عفيه بمريتي يلا نامي
ايناس ... تمام باي
رجعت غلقت التليفون
ونمت
سجاد .. ايناس دمرتني دمار بكل عين وقحه تباركلي جنها ماتعرف محد بالقلب بس هيه كملت حفله خطوبتي وبوجهي رحت لنوره وأخذت شرب وياي شربت لحد ما طفيت
.
.
.
.
.
انتهى البارت الئ القاء شتكولون ايناس راح تحبه المهدي لو لا اكتبولي بتعليقات
