جذابين ما حبونه
لكضيان الوكت خلونه
.
.
.
.
.
ايناس .... شفت مهدي بهيبته وطوله كالعاده كاشخ وجماله طاغي
لابس ستره زيتوني وقميص بيجي وبنطلون اسود وحذاء اسود وساعه سوده والنضاره معلكها بالقميص اول مادخل باوع عليه أنصدم بقى صافن وعيونه دمعت جنه ماعجبه شكلي درت وجهي عنه
مهدي ... دخلت وشفت ايناس شصاير بيها ذبلانه ضعفانه عيونها منفخه كلت بقلبي طبعآ متريدني واكيد خلصت الليل كله تبجي لا فوكاهه لابسه اسود
شفت خاله ام ايناس متحضره كلتلها خاله ميحتاج ترحون كالت لا اروح اشلون اعوفكم لوحدكم
كلتلها يلا خير أن شاءالله
صعدنه وايناس صعدت ليوره عوجت حلكي كلت بقلبي هاي مصدكه راح اهتم الها
طلعت تليفوني وخابرت سجاد كتله جايك كال لا اروح بسيارتي كتله ع راحتك
كلت لخاله تعالي كعدي ليكدام خاله
ام ايناس ... ايي يمه لعد ليش امك مااجت
مهدي ... هههه خاله شعدنه عزيمه هسه يطردونه
ام ايناس ... هههه لا ليش خاله عادي
مهدي .. والله خاله بعد مااعرف مامزوج قبل 😂
ام ايناس ... هههه ليش لا الشرع محلل 4بس احنه عقولنه ماتستوعب
مهدي .. كلت خلي احرك كلب ايناس كلتلها خاله يعني مزعلين مني اذا ازوج الثانيه وغمزتلها
ام ايناس ... ههههه لا يمه شعليه اني الله محللها اني شنو واحرم .
ايناس ... باوعت بالمرايه وشفته يباوع ورفع حاجبه وكال
مهدي ... خوش لان بنفسي ازوج اثنين 3
ايناس ... درت وجهي وضليت اباوع من الجامه وطنشت كلامه ادري ديغثني عباله اغار هي يالله منو بحالك
وصلنه للمحكمه وشفت سياره سجاد طبكت ونزل هوه ونرجس
جانو لابسين نفس الشي قمصان ابيض وبناطير كابوي وستر اسود وحذيتهم اسود
شفته نزل باوعلي عكد حاجبه وفر حلكه ولزم يد نرجس ويضحكون مااعرف شنو يحجون
متت قهر متعرفون شنو مشاعري بهذيج لحضه
مثل اهلي جنت ،،
شتسوي ما اكرهك،💔
.
اقترب. من يمنه وسلمو علينه
ودخلو وماما همين دخلت ردت اروح
مهدي ... باوعتلها بخزره وكالتلها وين تعالي جريت يدها لزمتها حيل عصرتها اشكد جنت مشتاق الزمها يدها ناعمه وعطرها كفخني وقربها يخرب كل مشاعري ضليت لازم يدها اخخ اشكد مشتاق باوعتلها بطرف عيني جانت مدنكه والحزن مبين بعيونها كلتلها ليش متردين ع الاتصالات
