...🖤👌
ايناس ... ياربي شسوي شسوي
مهدي ... طلعت اني وروحي ضلت يمها ونويت اليوم أعقد عليها خابرت عمي ابو ايناس وكتله جايك بموضوع
رحت دكيت الباب وطلعلي ودخلنه جوه وجابولي الجاي والماي
ابو ايناس .. كول بويه محتاج شي
مهدي ... عمو اني كلش احبك واعزك وجايك بطلب واتمنى ماتفشلني
ابو ايناس ... كول بويه واعتبر الشي تريده جرالك
مهدي ...رايد بنتك ايناس ع سنه الله ورسوله
ابو ايناس ... بس عمك ابو سجاد بعده مطالعه لسنه مالته
مهدي ... اعرف عمو بس عقد يكون بينه والزواج وره السنه
ابو ايناس ... اعتبرها صارت الك
مهدي .. اليوم نعقد
ايو ايناس ... وليش مستعجل خليها كم يوم احجي وياهه
مهدي ... عمو اريد اليوم نعقد ولازم التحق بعد يومين وتعرفني ماعندي وقت الدوام ماخذ كل وقتي وايناس احطها بين عيوني والله
ابو ايناس ... وين الكه مثلك اني انت الرزن المعدل انطيها الك واني مغمض وادري بيك ادير بالك عليها
مهدي ... اشكرك عمو أن شاء الله اكون عند حسن ظنك
اترخصت وطلعت وتفقنه ب8العقد
يصير خير ايناس
نرجس ... اوف سجاد مااجه واني روحي اتلوب اني مسجله رقمه يمي بس ابد مامحاجيته ف كلت ادزله رساله
كتبت هلو
وره دقائق رد
سجاد .. اهلا منو
نرجس .. اني بنت عمك
سجاد هلا ولله منو بيهن
نرجس ... اني نرجس
سجاد .. هلا نرجس اشلونج
نرجس ....هلا بيك
سجاد ... خاما صاير شي
نرجس ... ايي صاير واريد احجي وياك بموضوع
سجاد ... اتفضلي
نرجس... اريد اشوفك واحاجيك تكدر تجي لبيت جدو
سجاد. .. والله قلقتيني وخوفتيني
نرجس ... لا تخاف أن شاءالله خير
سجاد ... تمام نص ساعه واني يمج
سجاد خفت حيل أن شاءالله مايكون موضوع يخص علاقتي بأيناس
رحت اول مدخلت سلمت ع حجيه وبست يدها
وكعدت يمها
ودزيت رساله النرجس
هلا نرجس وينج اني وصلت
نرجس .. تعال وره البيت
سجاد ... تمام جايج
نرجس .... اول مااجه وشفته قلبي كام يوجعني حيل
سجاد... هلاو احجي شصاير
نرجس ... اني مادري شلون افاتحك بالموضوع
سجاد .. احجي
نرجس ... رحت اركض حضنته وبسته من حلكه وكتله احبك
وهوه بقى جامد ومثل المصدوم
ايناس ... رحت اجيب الماسكات نمسح لسطح من وره البيت وشفت نرجس واكفه ويمها سجاد تفاجئت هذوله شعدهم وبعدين تقربت عليه وباسته وهوه عنده عادي وفوكاهه تكله احبك وهوه واكف عادي ميحجي شي نزلت دموعي ورحت اركض لبست الجبه مالتي والجنطه وكلت الابن عمي الصغير تعال عبرني هوه احنه بس الحائط بيناتنه بسرعه
عبرت
سجاد ... هاي شداتخربط ونوب باستني كتلها انتي متستحين انتي ابنيه بابا شنو هل تصرفات
نرجس ... اسفه والله مااعرف شلون صار هيج بس احبك والله
اني كلش خجلانه منك اعرف راح اتكول هاي مو ادميه بس مو بيدي حبك تعبني وكما ابجي
سجاد .. امشي طبي جوه وديري بالج احد يعرف باليصار
نرجس ... تمام
ايناس ... دخلت اركض لغرفتي طشرت المكياج بالكاع ونهاريت بالبجي منا مهدي السواه ومنا نرجس وسجاد طلع اكو شي بينهم
يعني اني انضحك عليه بقيت ابجي لحد ماتعبت وغفيت بالكاع
ابو ايناس ... فاتتحت الموضوع ويه ام ايناس وماعدها مشكله وفرحت احنه نحب مهدي هوه احسن واحد بولد عمامه رزن وصاحب غيره وضابط ومعدل وراح يحافظ ع ايناس بدون شك
ام ايناس ... رحت صعدت الايناس افتحها بالموضوع حتى لاتنصدم
انوسه ماما كعدي اريد احاجيج
ايناس ... اممممم
ام ايناس ... ماما اجوج خطابه
ايناس .. فزيت ماما الله يخليج مااريد وكمت ابجي
ام ايناس ... بالاول اعرفي منو
ايناس ... وعيت ع نفسي ا.. اي.. ايي ماما كولي
ام ايناس .. مهدي رايدج ع سنه الله
واحنه وافقنه واليوم العقد مال شيخ بليل
ايناس ... ماما تحجين صدك واني شنو مالي رأيي ماما ليش هيج تسوين بيه ليش
ام ايناس ... مو هسه الزواج منا لبعد 7اشهر من تطلع السنه مال عمج ابو سجاد
ايناس ... من جابت طاري اسم سجاد اتذكرت شصار الضهر حقدت ع سجاد حيل وهوه هاي ثاني مره يسويها بيه يخوني قررت اقبل بمهدي واحرك قلبه
.
.
.
.
.
.
.
.
.
.
.
.
.
.
.
.
لهنا وخلص البارت
