تلاش الاخوة

بارت _١_

الكاتبة : غرام 🫧

بسم الله الرحمن الرحيم ☺️

إن شاء الله بداية خير علينه كلنه

ليلة دافئة و حنينة في أحد البيوت العراقية مليئلة بالحب و الحنان و المشاعر الفياضة فاطمة الزهراء بنت من عائلة متكونة من الاب و الام و اخوان اثنين وكانت محبوبة من العائلة كلها من طرف العمام و من طرف الخوال

فاطمة الزهراء: جنت كاعدة يم اهلي بليل و سمعت نغمة تليفوني قصيدة باسم الكربلائي مو بس اخو أكثر قصيده احبها شفت الاسم هديل جاوبتها

هديل: هلو ضلعة شلونج شخبارج ما تسئلين على عمتج بس اني اخابر واسئل

فاطمة الزهراء: هاي شبيج هدولة شبيج جاية حامية علينه على كيفج بعد جبدي منو الي جان يحجي وياج من ساعة ١٠:٠٠ الصبح لحد ساعة٥:٠٠ العصر

هديل : بنت اخوية فطومتي الحلوة

فاطمة الزهراء: لا والله والعباس انتِ الحلوة مو اني وإذا على كولتج اني الحلوة لان طالعة عليج هدول

هديل : اويلي من السانج ام السان محد يكدر الها

فاطمة الزهراء: طالعة عليج هدول كلهم يكولون فاطمة الزهراء بنت هديل مو بنت سوسن

سوسن : هذا ياهو هيج كال

فاطمة الزهراء: لا يمة محد كال بس جاي أصبغ بهدولة

هديل: ولج ام حلك هاي عليمن

فاطمة الزهراء: مو عليج عميمة هاي على سوسني

سوسن : ولج احترمي اكلتينة حاصل فاصل و لا تكول هاي امها و عمتها جاي تحجي وياهن

فاطمة الزهراء: هاي شبيجن صدك تحجن هاج أخذي التليفون واحجي وياها اني ادري بسوالفجن تريدن تشحتني حتى تاخذن راحتجن

هديل: زين عرفتي يله انطيني امج اسولف وياها شسوي بيج انت صورة جرجوبة

فاطمة الزهراء: خوش يا عميمة خوش

انطيت التليفون الماما وصعدت فوك ادري هنه جاي يشاقن ويايه اعرف سوالفهن طبعاً امي محبوبه من جهت عماتي كلش يحبنها يحسبنها وحده منهن ولا يفرقن بينها و بينهن

صعدت فوك كملت شغلي شوية وسمعت ماما تصيحني نزلت عليها

سوسن: يمه فطيمة عمتج هديل راح تجي هي ورجلها

فاطمة الزهراء: اي يمة هلا بيهم بكل وقت زين سؤال انتِ بيج شي شو احسج متوترة

جاوبتني بصوت يرجف

سوسن : لا يمة مابيه شي

فاطمة الزهراء: خوش يمه هو اني راح اعرف شبيجن انتِ و عمة هديل لان وضعجن مو طبيعي بس تخابرن وتبسبسن

سوسن: لا يمة اطمئني ماكو شي

فاطمة الزهراء: يصير خير يمه

سوسن: خير يمه خير ان شاء الله