الكاتبة: غرام 🫧
🩵بسم الله الرحمن الرحيم 🩵
لا بيك جيه وتجي
ولا بيه حيل انساك
ضلينه بس بالحلم
نتلاكه انا وياكَ
*_____________________________________*
«سارة»
كاعدة بالصالة فاتحة التلفزيون وأتابع مسلسل تركي رجعوا اخواني من الشغل و فرحانين دخل الحسن كعد يمي فرحان و طاير من الفرح
سارة: شكو شنو صاير احجوا
الحسن: لكيتها لكيتها وأخيراً والله خلص صبري لحد ما لكيتها الحمد لله وشكر ربي رحم بحالي الحمد لله وشكر
سارة: شنو يمعود المن لكيت
كرار: اختج تؤمج انت عندج اخت بيوم الولادة ضاعت وهسه لكيناها
نهلة: هلا المن لكيتوا
الحسن: بنتج تؤم سارة
نهلة: يمة كلبي عود صدك يمة بنتي يمة حبيبتي والله كلبي طاك عليها وينة جيبوها الي وينها
ياسر: يمة على كيفج راح تنجلطين هاي شبيج كومي سارة جيبي ماي
الحسن: يمة صلي على محمد استهدي بالرحمن كافي راح تموتين كلبج
نهلة: اللهم صل على محمد وال محمد دخيلج يا ام الحسنين يلة وليدي احجي شلون لكيتها شلونها مرتاحة متعذبة احجي طفي نار الشابة بكليبي
كرار: لا يمة ارتاحي لكيناها عايشة ومرتاحة حالها حال سارة رب العالمين دازلها عائلة اعتبروها بنتهم ومامقصرين وياها بشي حتى دراسة تدرس
ياسر: يمة الا اكلج رحنة وشفناها وحاجيناها واتقبلت الموضوع
الحسن: يمة البنية واعية و فاهمة ومترباية واحسن تربية وخجولة طول ما احنة كاعدين يمهم ونحجي وياها منزلة عينها تخجل ترفعها وتخليها بعينه
نهلة: يمة بنتي الله يحفظها و يستر عليها لك ماما اريد اشوفنها
ياسر: يمة ادري انت مشتاقتلها بس مانكدر نجبرها على شي هي ما مستعدتله
كرار: اذا نجبرها راح تنفر من عدنة
علي: ها منو الي تنفر منكم
الحسن: هلا يابة شلونك
علي: هلا بيك بوية الحمد لله هسة احجي شصاير
أنت تقرأ
تلاش الاخوة
General Fictionأسـم الروايـــة: تـلاش الاخـوة بطلة الروايـة «فاطمة الزهراء» وأختهـا التوأم «سارة» فقدتـا في صغرهمـا ونشأتـا في كنف عائلـة ليست بعائلتهمـا الحقيقيـة مـرت السنوات وكانت حياتهمـا هادئــة حتى ذلك اليوم الذي التقت فيـه الطرقـات واجتمعت الأخوة بعد غياب...
