تلاش الاخوة

بارت _٨_

الكاتبة: غرام 🫧

بسم الله الرحمن الرحيم 🌿

﴿ وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ ﴾

****************

«فاطمة الزهراء »

صعدت فوك استوقفني حديث ماما نهلة و الحسن

نهلة: ردت اموت اليوم من سمعت فاطمة مخطوفه

الحسن: اسم الله عليج يمه والله ما اعوفهم اله اخليهم يندمون على الساعه الي نولدوا بيها

جان يحجي ومنفعل ودمه محروك

نهلة: كول يا الله وليدي تره اني اخاف عليكم لا تسوي شي يدمرك ويدمر اخوتك

الحسن: يمه بس كوليلي شلون شنو اسوي والله كسر ضهري ابويه وحتى ماتشرف اكول ابويه

نهلة: حسبي الله ونعم الوكيل بي وان شاء الله بحضة وبخته إن شاء الله ما ارتاح بدنيته من وره سوايته هاي بس اريد اعرف شلون كلبه انطاه يسوي هيج بنته وبولده

الحسن: يمه لو تشوفين موقفي شنو وآلله ردت الكاع تنشك وتبلعني شنو منظري واني كدام اصدقائي واعدائي اعتقل أبويه لان خطف اختي هي بنته والله انهد حيلي

نهلة: كون من حيلي لحيلك وليدي

الحسن: الله يخليج الي يمه ويطول بعمرج و مايحرمنه من حنيتج و طيبه كلبج يا تاج راسهم كلهم

نهلة: ويحفظكم الي بجاه ام البنين عليها السلام

الحسن: عليها السلام

طول حديثم واني صافنه ويعني معقول اكو هيج " اب " لا مستحيل بابا سامر مو هيج بابا سامر يفديني بروحه ويفدي اخواني بروحه بنص صدمتي فززني صوت مصطفى

مصطفى: مخذوله مو

فاطمة الزهراء: مصدومه

مصطفى: تهون خويه تهون تعالي بغرفتي افهمج الموضوع

لزم ايدي واتوجه لغرفته
كعدني على سريره

مصطفى: من اجانه خبر انت مفقوده كلنه اتخبلنه كلبنه الدنيا عليج رحنه لمدرستج ورحنه حتى بيت صديقاتج

فاطمة الزهراء: بيت منو رحتوا

مصطفى: اني رحت بيت صديقتج بيداء والحسن بيت حنين و ياسر بيت شهد وكرار بيت مريم وعباس بيت صفا