الكاتبة : غرام 🫧
🌿بسم الله الرحمن الرحيم 🌿
﴿ إِنَّ اللَّهَ وَمَلائِكَتَهُ يُصَلّونَ عَلَى النَّبِيِّ ﴾
•~•~•~•~•~•~•~•~•~•~•
« فاطمة الزهراء »
رحت للمطبخ اريد اسلم على سارة حتى اروح دورتها مالكيتها اكو ممر بين المطبخ و الطرمة واكو صوت تقربت أكثر للممر وشفت سارة تبجي ويمها عباس وسمعت شي خلاني صافنة ومصدومة
عباس: هاي شبيج سوسو عادي شنو الجديد مو كل مرة يصير هيج
سارة: كافي الى متى ترة تعبت من شغلكم بلا لا سامح الله وصار بيك و اخواني شي منو راح يفيدني
عباس: لا لا تخافين هل مره جان اغتيالهم غبي مو مثل ذيجنه
سارة: اي من اتصاوبتوا انت و مصطفى غير اجيت اموت الا شوية
عباس: لا اسم الله عليج وهسة يلة روحي يم فاطمة ترة اني ما جنت ناوي احجيلج بس انت لحيتي و تعرفين اخوانج ما يحجولج شي واكعه براسي
سارة: اوي هسة شطلبت منك لا تصير نحس
عباس: يلا هاهية ما اصير نحس ادللي سوساية
سارة: يلا ابن عمتي جاو
عباس: عدلي حلكج لا تعوجي ولج
سارة: انت شوعليك
عباس: راح الطج على بوزج اذا ما تحجين عدل
سارة: كافي ترة لحيت يله مع السلامه
عباس: اي هيج احجي بعد لا تعوجين حلكج
سارة: يصير خير عباس
من شفتها راجعه للمطبخ سويت روحي توني دخلت
فاطمة الزهراء: ها سارة يلة احنه رايحين
سارة: يا ليش ابقوا بعد
فاطمة الزهراء: لا سارة بعد كافي اريد ارجع يم ماما سوسن وبابا مشتاقتلهم هواي وهم ما متعودة ابتعد عنهم هلكد
سارة: يلا عادي براحتج فطومة
فاطمة الزهراء: إلى اللقاء
سارة: الله وياج
ودعتها ورحت يم بابا حتى نطلع ودعت اخواني وطلعنه وصلنة للبيت دخلت للصالة و كعدت يم ماما وعمة هديل اسولفلهم شنو سويت من جنت يمهم و اني احجي عن اخواني و ماما لسانها ما وكف دعاء
أنت تقرأ
تلاش الاخوة
Ficção Geralأسـم الروايـــة: تـلاش الاخـوة بطلة الروايـة «فاطمة الزهراء» وأختهـا التوأم «سارة» فقدتـا في صغرهمـا ونشأتـا في كنف عائلـة ليست بعائلتهمـا الحقيقيـة مـرت السنوات وكانت حياتهمـا هادئــة حتى ذلك اليوم الذي التقت فيـه الطرقـات واجتمعت الأخوة بعد غياب...
