بغاني مديري .

اول يوم

وجدت راسي وخرجت من الدار ف 7 نيشان باش نمشي على خاطري  سنيت واحد شويا وجا طوبيس
طريق كاملة واحد السيد راكب حدايا باين فيه خارج طريق كيطلع ويهبط فيها مفهمتش واش كيعرفني ولا شنو
المهم درت راسي ما شفتوش و نزلت  
أنا غادا فطريق وحسا بشي حد تابعني صرت لقيت نفس الشخص هنا خفت شويا وبديت كنزرب ف المشيا ما شفتش ورايا حتى لقيت راسي ف باب الشريكة دخلت كنجري طلعت لبيرو ديالي وجدت لهوة لسي أمين كما طلب وسنيت حتى وصلات 8 وديتها ليه لبيرو دقيت ما جاوبني حد عرفت بلي جا فاش كنت خارجة معا درت باش نخروج حسيت براسي تخبطت فشي حاجة قاصحة هزيت راسي لقيتو هوا شدني باش منطيحش كان شادني فيدي و قريبة لسدرو حتى بديت كنشم غير الريحة ديال العطر ديااالو حسيت ب قلبي كيضرب ب جهد حيت صراحة كان زوين ميمكنش شوفو شي بنت و مطيحش فيه
ملاك :ااا س سمحليا محسيتش بيك فاش دخلتي
أمين : مرة جايا ردي بالك شويا
ملاك : وخا كون هاني انا حطيت ليك القهوة ف البيرو كيما طلبتيها
امين :  خودي هاد الميلفات و عاودي كتبيهم بيدك بغيت نشوف خطك كي داير
وملاك : وخا سي امين
أمين : منبغيش شي غلاط
خرجت بلا ما نكول والو وبقيت كنفكر فيه و علاش كيتعامل بهاد البرود  ݣلست ف البيرو و بيديت الخدمة لي طلب مني
عند أمين :  معرفتش كيفاش ولكن حسيت لأول مرة قلبي ضرب بعد 3 سنين لي دازت  فاش كانت قريبة ليا وما كرهتش نبقا غير كنتأمل فعينها لي بحال شي بحر غارق ولكن مخصنيش نعطيها هتمام حتى بنت ما تستاهل كاملين بحال بحال كيبغيو غير الفلوس
عند ملاك : دوزت 3 د ساعات فديك لوراق و متأكدة بلي ايعجبو خطي حيت من كنت فمدرسة و أساتيد كيشكرو فخطي
مشيت عندو لبيرو وعطيتو لوراق ما دار حتى ردة فعل وجهو بحال ديما معبس
امين: خودي هاد تليفون يبقا عندك ملي نصوني عليه جاوبني نشان منعاودش هدرتي
حركت راسي زعما وخا بلا ما نطق بشي حرف
أمين : فاش نهدر معاك جاوبي معنديش معا هاد الحركات د زيازين
ملاك: مرديتش صراحة حيت هدر معيا بديك طريقة قلت ليه وخا سي امين سمح ليا بصوت مخنوق حيت حسيت براسي انبكي
خرجت من المكتب حيت ساليت ديك الشي طلب مني
بقيت حتا وصلات 6 وخرجت  كانتمشا على رجلي فواحد طريق خاوية حيت شريكة جات فواحد البلاصة خارج المدينة شويا  حتى حسيت بشي حد مواريا مبغيتش ندور قلت بلي ايكون غير شي حد دايز  حتى حسيت بشي حد جرني من كتفي درت لقيت نفس الشخص لي تبعني ف صباح  شدني من يدي بجهد و اليد لاخرى حطها على فما وزير عليا
الرجل : الا غوتي نخسر ليك هاد الكارة زوينة  ولكن لا سكتي و درتي عقلك ما غندير ليك والو اندي ديك شي لي بغيت و نمشي بحالي
ملاك : مقدرتش نحبس راسي حتى بديت كنبكي حيت خايفة يضربني وانا عاد فرحت حيت تهنيت من التعنيف ديال با و مراتو 
شنوووو شنو بغيتي أنا ما عندي تا حاجة من غير فلوس طوبيس
زاد زير عليا وقال ميمكنش بنت بحالك و خدامة ف اشهر شريكة عندها غير فلوس طوبيس
ديك ساعة بغا يدلي ساك و بديت كندير معاه جهدي مبغيتش نتسلم  حتى هز يديه باش يصرفقني  شديت عيني  من الخوف ولكن ما حسيت با والو حليت عيني لقيتو هو شاد ليه يديه  و كيضرب  فيه رده ليه وجهو كامل دم .