بغاني مديري .

اول لقاء

رجعات دنيا لدار و قالت ليا احسن خبر سمعتو ف حياتي بلي تقبلت ف خدمة و اخيرا بعد هاد المعاناة كاملة
دنيا خودي ليك لي بغيتي من حوايجي خاصك تمشي كلاص ههه حيت الشريكة مشهورة
الصراحة عندها الحق حيت حوايجي أنا كانو عبارة عن كساوس
فقت ف صباح ف 6 نوجد راسي خديت سروال و قميجة كانت دنيا مزال ناعسة حيت هي  نيفو ديالها طالع ف شركة كتمشي تال 11 و ترجع ف 3 أنا كان عندي  الوقت من 8 ل 6 د العشية حتى يمشي بحالو المدير

خرجت خديت طوبيس  ولكن المحطة لي نزلت فيها كانت بعيدة شويا على الشريكة
وصلت لباب الشريكة ف 7:30 قبل الوقت الحمد لله بقيت تما حتى وصلات 7:50 ديك ساعة تفتح باب الشريكة  طلبات مني الكاتبة نسنا حتى يجي المدير ديك ساعة هو غيطلبني عندو لبيرو ديك شي لي درت
منكدبش عليكم كان قلبي ايسكت ب الخلعة حيت اول مرة نتقدم فيها لخدمة و خصوصا ف شريكة بحال هادي
تسنيت حتى جات الكاتبة قاتلي تبعيني. بقينا دايزين ف ممرات طويلة  حتى وصلنا السنسور ضغطات على الطابق 5 فين كاين المكتب د المدير
بعد ما خرجنا كان الكلوار لي فيه البيرو مصبوغ كامل با الكحل عكس البلايص لآخرين لي ف شريكة بقيت تا بعها حتى وصلنا لبيرو بابو كبير شويا  ديك ساعة طلبات مني ندق وهي مشات
(صراحة طريق كاملا و انا كنتخيل ايكون المدير شي شارف ههه)
سمعت صوت غليض حسيت ب قلبي ايوقف ب قوة ما كيضرب
أمين : دخول
ملاك( تصدمت صاراحة كان شاب باين فيه ف تلاتينات من عمرو طويل كون ما مكان الحيط عالي كون ضرب راسو فيه هههه العضلات ديالو بارزين من الكوستيم لي لا بس 
ملاك: السلام أنا ملاك دفعت دوصي ديالي نخدم كا مساعدة للمدير. و طلبوا مني نجي اليوم ف 8 هدرت و انا كترعد وكان باين من صوتي انني مخلوعة
بقا ساكت كيطلع و يهبط فيا من رجلي حتال راسي ف بنضارت غريبة خلاتني نتوتر كتر من لي أنا عليه
أمين : المهيم سمعي الشروط لي انوقليك مزيان وياك تنساي وحدة فيهم
1. ممنوع نشوفك واقفة مجمعة مع شي واحد  ف وقت الخدمة تفوتي باب الشريكة نتي حرة
2. 8 د صباح لقاك ف البيرو ديالك غير ندخل جيبي ليا قهوة كنشربها قاسحة بلا سكار باش تكوني عارفا مكنرحمش ف تعطال من غير مبرر قوي
3. الخدمة تكون متقونة منبغي تا غلاط
عندك ساعة ديال الراحة من 1 ل 2 نتي ختاري بغيتي دوزيها ف الشريكة ف الكافتيريا بغيتي خرجي برا غير هو 2 تكوني ف البيرو ديالك
الا قبلتي يمكن ليك تبداي الخدمة دبا
ملاك : بقيت غير كنشوف مصدومة  وبلا ما نحس قلت ليه  معاهدة ديال الحرب العالميه الثانيه و ما كانوش فيها هاد الشروط
شاف وحسيت بيه من ديك النضرة اينقز يقتلني ههه
ملاك: عفاك سمح ليا محسيتش كيفاش هدرت هكا سمح ليا عفاك
امين :حتى الا ما عجبكش الحال الباب لي دخلك يخرجك
ملاك : لا لا انا موافقة على كولشي حيت محتاجة هاد الخدمة بزاف
أمين : يلاه بلا كترت الهدرة اليوم معندكش خدمة ديرها اتوريك غيثة البريو ديالك و تعرفك على الشريكة و الخدمة ديالنا كي دايرة يمكن لي تمشي
شكرتو و خرجت انطير ب الفرحة وخا حسا بلي انعاني معا هاد المدير
وراتني غيثة البيرو ديالي كان بيرو صغير فيه مكتب و بيسي  وسرجم كيطل على الشاريع
وهكا دوزت نهاري لول

نتما يعجبكم البارت
هادي اول قصة ليا