وصلت لبلاصة لي قال ليا وكانت عامرة نفافخ حمور و الورد حمر فطريق و شي رموز بقيت تبعاهم حتى وصلت لواحد طابلة كان محطوط عليها فطور كيشهي حتى خرج سي انور وبقيت مصدومة من شنو كيوقع
ملاك : السيي امين شنو
قرب لعندي حتى وليت كنشم غير ريحت العطر ديالو لي كانت كدوخ حط لي على فمي
امين : ششش بلا ديك سي غير أمين براكة
قلبي بدا كيضرب جهد حيت ما فهمت والو فشنو كيطرا
شد يدي و حط يدو الخرى فوقها
أمين : أنا من اللحضة لولا لي شفتك فيها عجبتني و قلبي رتاح ليك و دنيا راه عاودات ليا كلشي من ديك الشي لي دوزتي و بغيتش نزيد نضيع الوقت كتر حيت نتي حب من اول نضرة ز بغيت نختاصر هادي شي ليوم جبد خاتم من جيبو وانا غير مصدومة كانشوف وحابسة دموع حيت قلبي ايطير با الفرحة
أمين ذ: تقبلي تكوني مراتي على سنة الله ورسوله كنواعدك غنعودك على ديك شي كامل لي داز و ماحدك معايا تا حد ما يقدر يقيس شعرة وحدة منك
بقيت كنشوف و بلا ما نحس عنقتو و قلت ليه موافقة
حتى سمعت صوت ديال تصفيق درت لقيتها دنيا
دنيا : شنو يسحابيلك غنخليك دوزي هاد النهار زوين بلا بيا
ملاك : ياك العفريتة هاد شي كامل نتي خطتي ليه
أمين : لا هيا ما دارت والو غير عوناتني وانا لي طلبت منها منقول ليك والو حيت بغيتها تبقا مفاجئة
دازت سيمانة مور هاد النهار
و ها حنا اليوم كنوجدو لعرسنا
داز كولشي مزيان و حتى دنيا تخطبات لعادل لي كنت دابزت معاه الا عقلتوا ههه
من بعد عامين ديال زواج زادت عندنا بنيتا و سميناها اسيل وهكا سلات قصتي مع احسن شخص فحياتي لي عوضني على ديك شي كامل لي دوزت و الحنان لي فقدت من نهار ماتت ماما 🥺🥺❤️
نتمنى تكون عباتكم النهاية 😍😍🍓🍓
أنت تقرأ
بغاني مديري .
Adventureقصة با الدارجة المغربية من بنت كتعاني من فقدان لأم و تعذيب باها و مراتو ليها الى أميرة ديال اشهر سيد الأعمال في المغرب
