بغاني مديري .

عداوة ؟!

فقت على صوت المنبه كانت 5 د صباح نضت من بلاصتي بزز حيت بقيت ساهرة ليلة كاملة فطرت و لبست قميجة بيضة  و سروال جينز واسع حيت من صغري معنديش مع المزير
وصلت سنيت طوبيس شويا وجا مع طلعت بقيت كنشوف واش كاين ديك شماتة ديال البارح رتحت فاش ملقيتوش
داز 40 دقيقة كنت وصلت
دخلت لشريكة صاوبت قهوة لسي أمين و سنيت حتى وصلات 8 وديتها ليه لبيرو
أمين : دخول
ملاك : صباح الخير السي أمين هيا القهوة ديالك
أمين : حطيها و خودي هاد الملفات شوفي شنو عندي ليوم و حجزي لضياف الفرنسين فشي اوطيل يكون زوين و فاش سالي و خودي هاد التفقيات لي قاعة الإجتماعات متنساي والو من هاد شي لي قلت ليك بغيت كولشي يكون هوا هداك
ملاك كتقيد بزربة ديك شي لي قال ليها فمدكرة
وخا السي أمين كون هاني
خرجت من البيرو  و ستغربت حيت مهدرش على الموضوع ديال البارح نهائيا بحالا موقع والو غير أنا لي خديت أمل على والو 🙂💔
قلت مع راسي ماشي موشكيل واحد بحالو علاش ايخليي شحال من بنت ف المستوى ديالو و يشوف فيا أنا
مشيت قاديت ديك شي كامل و رجعت عندو لبيرو نعملوا
ملاك : درت داك شي لي طلبتي من با الحرف ضيوف وصلوا و كيرتاحو ف الفندق من دبا ساعة ايكونو ف الشركة باش يحضرو جتماع
أمين : ليوما ايكون اول جتماع ليك   غدخلي ساكتة نتي غير سمعي و قيدي ديك شي لي مهيم منبغيكش شركي الهدرة معا شي حد الصفقة ديال اليوم مهمة بزاف 
ملاك: وخا سي امين أنا ف البيرو ديالي على ما يوصل الوقت ديال جتماع
أمين : خليك هنا  حتى نزلو بجوج لتحت
ناض وجاب واحد الملف كبير فيه بزاف ديال الوراق و حطو قدامي
أمين : خودي هاد الوراق فيهم صفقات ديال الأعوام لي داز قرايهوم باش تزيدي تاخدي فكرة على المجال
وصلات 1 وخرجنا بجوج من البيرو طلعنا ف السنسور وكنت بزز باش كنبان حداه حيت طولي ديالي متوسط نضرا مع الطول ديالو هو و زيد عليه العضلات  لي زادت عطاة هيبة للشخصية ديالو  بقيت كنشوف ف تعابير د وجهو ف المرايا  لقيتو بحال ديما معبس تمنيت غير شي نهار لقاه ضاحك
دخلنا لقاعة الاجتماع كانو الضيوف الفرنسين مزال ما وصلوا كانت كالسة غيثة و واحد السيد حتى هو نفس الطول ديال السي أمين ولكن هو زوين عليه ههه  كان حتى مدير صغير ف الشركة عندو فيها 20٪من لاسهم سميتو عادل
سلم عليهم و كلس كان سكات حتى شافت فيا غيثة
غيثة :  قالت ليا دنيا بلي نتي ملاك جيت من البادية  شنو لاسباب لي خلاتك تخلي عائلتك وجي
توترت معرفتش شنو نقول حيت هدا اكتر سؤال كنتما ما نسمعوش
ملاك: ااا غ غير الخدمة وصافي  نتي عارفا تما غير سالي القراية ما عندك ماديري من غير الدار وصافي
عادل : من ايمتا وليتي ا السي أمين كتوضف ناس البادية ف شريكتك ههههه
ملاك زيرت و معرفتش ما نكول حسيت با الحݣرة فديك لحظة و منقدر نقول والو حيت الى كلت كلمة وحدة انخسر خدمتي
أمين  جر الكرفاط و العروق ديال يديه بداو كيبرزو هادي عادتو فاش كيتعصب : ملي تكون ف شريكتي حترام راسك و حترام الموضفين ديالي متنساش راسك من جيت عادل
يلاه عادل اينطق تحل الباب و دخلو الفرنسين تسلامو و بداو ف تفاقيات و جتماع كامل مقدرتش نركز حيت كنت غير كنعلي راسي كنلقى عادل كيشوف فيا ب نضرات غريبة
سلا جتماع و دازت تفاقية كيما كان باغي السي أمين وكان باين فيه فرحان مشا بلا ما يكولي حتى كلمة حيت كانت 6 سلا وقت الخدمة حتى حسيت بشي حد كيهمس ف ودني
عادل : باقي مسالتش هدرتي معاك العروبية
ملاك: كيفاش شنو نتا باش تهدر معايا بهاد الطريقة حتارم راسك شويا
ديك ساعة جات غيثة
غيثة : مالك سيري بحالك متديش عليه هدا طبع المرضى النفسيين
خرجت من الشريكة وانا معصبة حيت معرفتش كيفاش انتحمل هاد لإهانات كاملين ونسكت رجعت لدار عيانة ما كليت والو نيشان لبست بيجامة ونعست  بلا منعمر المنبه حيت غدا عطلة ديال لاحد
سلات البارت نتلاقاو ف بارت جديد زوينات ديرو تصويت باش نكمل القصة 🥺🥺🍓🍓🍓