خرجت بحال العادة نرعى البقر وفاش كنت راجعة حسيت بلي العدد ديال البقر ناقص منو وحدة تما حسيت بقلبي ايوقف با الخلعة عارفة شنو ايوقع مور هاد شي ايصفيها ليا باب بلا شك
بقيت كتقلب و والو مولفة نرجع لدار ف 1 ولكن دبا وصلات 4 وانا بقا ف نفس البلاصة تقدر ترجع البقرة لهنا ولكن وصلات 5 د العشية والو صافي ندت نمشي بحالي وتمنيت نرجع لدار نلقاها
مع وصلت كنشوف بابا كالس حدا الجردة د الدار غير شافني و هو يوقف ما سولني لا فين تعطلت لا والو نشان جرني من شعري و دخلني لبيتي وهاز فيدو واحد السمطة بدا كيخبط فيا بحال ديما و غواتي كيسمع فدوار كامل وخا عارفا عمر شي واحد غيجي يفكني منو بقا كيضرب فيا و يغوت : صافي ويليتي سلكطي مع ولاد الدوار واش انا مسيفطك تسرحي ولا ت"""ني وخا انا ما درت والو حيت ما عطانيش حتى الفرصة نهدر
بقا كيضرب فيا حتى حسيت براسي صافي هادا اخير نهار ليا فحياتي
ديك ساعة خرج و زدح الباب وراه
مقدرتش حتى نود من بلاصتي لحمي كامل من مزرق و فمي كيسيل بدم وتحت عيني زرق صافي هنا كنت اول مرة ندعي فيها على ابراهيم لي صافي مبقاش يستاهل كلمة با عيب تقال عليه
ندت مسحت الدم من لحمي و حلفت تا تكون هادي اخير ليلة فهاد الحبس
جمعت شويا من حوايجي وشي دهب من ماما كنت مخبياه حيت كون شافوه كان باعوه شحال هادي
صافي فكرت شنو اندير انفيق مع الفجر و نسافر ف الكار ديال الخمسة لدار بيضة عند خالتي لي كانت كتحسبني بحال بنتها اخير مرة شفتها ف الكنازة ديالي مي .
كياجكم البارت نكمل ؟😍😍
أنت تقرأ
بغاني مديري .
مغامرةقصة با الدارجة المغربية من بنت كتعاني من فقدان لأم و تعذيب باها و مراتو ليها الى أميرة ديال اشهر سيد الأعمال في المغرب
