عند آل محمد بالمزرعه:
ابو عوض:ي ام عوض بكره بذبح ذبيحه وبخلي الجماعه كلها تجي
ام عوض:التفتت وقالت وشهي المناسبه
ابو عوض:مافي مناسبه بس من زمان عنهم وقلت خلني اذبح واجمعهم بالمزرعه عندي كلهم
ام عوض:تبشر الحين ابنادي العيال يبنون بيت الشعر
ابو عوض:اي زين قواكم الله
راحت ام عوض دخلت داخل المشب ولقت فيه نجلاء وجوري
ام عوض:ي جوري قومي نادي لي البنات
جوري:تأففتت زين بناديهم
راحت جوري للبنات وامهاتهم اللي كانو بالممر ويسولفون
جت والتفتت لهم جدتي ناديه تبيكم بالمشب وراحت لغرفتها
نوره:يمه لايكون صاير شي ذي شفيها معصبه بعد
ريوف:اقول قومو خل نشوفها بدال السوالف
خلود:يلا
راحو للمشب ماعاد وعد بقت بالممر
نوره:هلا جدتي
ام عوض:الناس اذا جت تسلم ي نوير
نوره:ههههه ماعليش جده السلام عليكم
ام عوض:ماعليه بس ابيكم تنامون بدري عشان بكره عندنا عزيمه وبنعزم كل من يعز علينا ومن نعز عليه
خلود:عمه شلون بتعزمون وحنا بالمزرعه مافيه احد بالمزرعه عشان نعزمه
ام عوض:لا بخلي واحد من العيال يقول لهم
ريوف:يمه كيف يقول لهم ومافيه جوالات
ام عوض:انتي غبيه نسيتي ان كل مانبي نعزم نخلي واحد من العيال يروح لهم ويقول لهم
ريوف:اهاه مادري نسيت
نجلاء:قامت وقالت تعالو المطبخ ساعدوني بطلع الكاسات وكل شي نحتاجه للعزيمه
راحو كلهم ومابقى بالمشب الا ناديه
اتجهت للخيمه اللي فيها العيال
ام عوض:اسمعو بنذبح ذبيحه ونعزم اللي نعرفهم حبايبنا
عوض:ابشري يمه
ام عوض:لاتنسون تقومون تبنون بيت الشعر وتجهزون فيه كل شي
سعود:ماعليك يالغاليه بنسوي كل شي
ام عوض:كلكم ساعدو بعض ماشوف احد قاعد هنا
هزو راسهم ب تفهم وراحت عنهم
بالمطبخ :
ريوف:ياربي ش هالعزيمه اللي جت فجأه
وعد:انطمي لاتسمعك عمتي وتذبحك بدال الذبيحه
نوره:تكفون تخيلت الموقف ههههههههههه
ريوف:نوره كليزق تقولين كذا وتضحكين ومأكاني عمتك
نوره:محشومه ي عمه ... وقبلت راسها
ريوف:نمون نمون
وجت ساره:وش هالضحك اللي واصل الين عندي ماتستحون على وجيهكم
ريوف:جت جت النفسيه
نوره:مارضى على امي اللي يغلط عليها كأنه غلط علي
ساره:ابتسمت لنوره وقالت مافيه غيرك نفسيه والله
ريوف:واضح من النفسيه وقسم بالله
ساره:على اقل انا نفسيه بس انا مت.... كانت تبي تقول انا متزوجه
نجلاء قاطعت ساره عيب تراكم خوات شفيكم قلبتو
ساره:ماحط عقلي بعقل ذي اروح لغرفتي احسن لي
ريوف:روحه بلا رده
نوره:تنهدت بزعل عمه ماعليك من امي انتي تعرفينها لاتزعلين
ريوف:ضحكت وقالت انا متى زعلت من وحده نفسيه تقط كلمه ولا تدري وش هي
ابتسمت نوره بتسليك وفيها قهر من امها
عند العيال:
صقر:يلا ي عيال قومو
قامو العيال كلهم وراحو يجيبون بيت الشعر ويبنونه
جاهم ابو عوض: ابي واحد يروح لجماعتنا ويبلغهم عن العزيمه
سعود:يبه ليه كل الجماعه زحمه كذا
ابو عوض:اجل من بعزم كلهم جماعتنا
عوض:يبه انا اقول اعزم آل مساعد وبس الباقيين نفسيه
جابر:صادق اي والله
ابو عوض:زين بس ابيكم تقولون ل ساير يقول ل زيد عن العزيمه ويجون
عبدالله:ي جد يجون كلهم ولا بس ساير و زيد
ابو عوض:بالله عليك ي السمي وعيالهم
عوض:خلاص يبه ماعليك منه تعرفه مدمغ من تبي يروح يقول لهم
ابو عوض:عبدالله وثامر والباقيين هنا عشان يتاكدون من كلشي
سعود:ابشر من بكره الصبح يروحون ويبلغونهم
ابو عوض:ابتسم وراح وهم بدو يسوون بيت الشعر
خالد:عمي سعود عطنا بيت على السريع
عوض:وقته الحين؟
سعود:ماعليك وضحك،تبي حب ولا تبي تهوجس؟
خالد:لا حب حب ليه اهوجس وراي التعبب
سعود:ابشر .... يقول
حلفت ماحب غيرك من البشر مخلوق
ي مالكٍ قلبي ترى القلب يغليك
عطيتك عهد مني مصدوق وموثوق
ماحد غيرك في حياتي يساويك
خالد:الله صحح لسانكك
سعود:صح ....قاطعه عوض
والله انكم فاضيين اخلصو ورانا عزيمه
خالد:سم
بالمطبخ
جتهم جوري وساعدتهم
نوره:اخيرا خلصت غسلتهم وحطيتهم بصينيه
نجلاء:طيب والحين نوديهم لبيت الشعر ولا نخليهم لبكره؟
نوره:مدري بروح اسال جدتي
راحت نوره:جده نوديهم لبيت الشعر ولا نخليهم
ام عوض:لا ودوهم عشان بكره مايبقى عليكم الا القهوه والشاي
نوره:سمي
اتجهت نوره للبنات
نوره:تقول ودوهم عشان مايبقى الا الشاي والقهوه بكره
ريوف:يلا انا بسكر التمر واخذه وانتي ي نوره جيبي الصينيه
جوري:اخيرا خلصنا انا بروح انام
وراحت جوري تنام وراحو ريوف ونوره بيت الشعر اللي كان فيه العيال وبس وابأئهم وعبدالله راحو ينامون
دخلت نوره اول وحده وشافتهم ووقفت مصدومه لان ناديه ماقالت ان فيه العيال وتحسب البيت فاضي ولما شافت عبدالله وابوها مو موجودين ارتاحت عشان مايهاوشونها
محمد:اخوو العيالل
نوره:يمه ماكنت اعرف ان فيه احد هنا
ريوف جت وماهمها شي لانهم عيال اخوانها
ريوف:شتسوون هنا
ثامر:مانسوي شي نسولف واصلا كنا نبني البيت والحين بنقوم ننام
راحو العيال ونوره اللي واقفه مصدومه ولما راحو نزلت الصينيه على الطاوله والتفتت لريوف وقالت:يمه من ذول
ريوف:عيال صقر شفيك انتي ترا مافي احد من عمامي عنده عيال غير صقر وابوك عنده عبدالله
نوره:اصص نسيت من الصدمه انا ولا عمري شفتهم اصلا
ريوف ضحكت وقالت يلا امشي عشان ننام
راحو ونامو ومابقى احد صاحي كلهم نامو
وجاء اليوم الثاني واللي هو يوم العزيمه الصباح
صحى ابو عوض:ولقى كل العيال نايمين وهو موصي عبدالله وثامر
يروحون ل زيد وساير راح يصحيهم
يتبع....
