اعتذر عن التأخير ❤️
وراحو العيال وشالوهم ونامو
وعند عبدالعزيز اللي نام بالخيمّه كان يفكر فيها بتفاصيلها بجمالها بجرائتها بكل شي فيها وحاول ينام ماقدر من كثر تفكيره فيها وقال بقلبه الحب أعمى الحب حياه لكن وش ابي بالحياه مادام حب من طرف واحد
وجاء الصباح الساعه ٧:٤٣
قامو كلهم
عبدالله:راح للخيمه اللي نايمين فيها العيال
للحين ماقعدتو قوومو
فز محمد وقال سم
عبدالله:يلا اقعدهم وخلهم يصلون وانت صل
محمد:هز راسه بتفهم وراح عنه عبدالله
وجلس يصحيهم وكلهم قامو ماغير عبدالعزيز حاولو فيه ماقدرو عليه وتركوه وراحو يصلون
عند الحريم
قامو كلهم وصلو
ناديه:نادت نوره
نوره:تركض سمي جده
ناديه:وين البنات
نوره:ينظفون المطبخ ويغسلون مواعين امس
ناديه:بعصبيه قلتي امس وليه الحين يغسلنهن
نوره:وقفت تناظرها
ناديه:روحي للخيمه الحين الرجال كلهم راحو المسجد (المسجد قريب من مزرعتهم بس بعيد مو ذاك القرب)شيلي كلشي موجود فيه واذا كثير عليك نادي اي احد من حريم عمامك
نوره:ابشري
وراحت نوره
ولفت انتباها عبدالعزيز النايم وشعره على عيونه الكثيف وازررة ثوبه مفتوحه واستغربت لانه هو الموجود والباقين بالمسجد وهو نايم وراحت لعنده وقالت بهمس عزوز وفتح عيونه وشافها قدامه وكيف قريبه منه وقال بسم الله وين انا
نوره:ههههه وش وين انت ليه مأنت رأيح المسجد معهم
عبدالعزيز:ها مادري ماصحوني يمكن
نوره:شكل نومك ثقيل وصحوك اكيد بس انت ماقمت
عبدالعزيز:والله البلشه خلني ارجع انام اجل
نوره:مسكت ذارعه بعد ماحط راسه على المخده وقالت لا قوم برتب الخيمه عشان الناس اللي بتجي
عبدالعزيز:حس باحساس غريب بعد مامسكت ذارعه وحس يده تنبض , اها تمام انا بقوم اتوضى واصلي هنا ماقدر الحق واروح المسجد
نوره:استحت وقالت والله اسفه بالغلط متعوده اسويها
عبدالعزيز:شفيك ماصار شي
نوره:هههههه تم
عبدالعزيز:مانسيت امس ترا!
نوره:وش صار
عبدالعزيز:تستغبين ؟
نوره:لا والله وش صارر
عبدالعزيز:لما ضربتيني بالشطافه
نوره:اووه انا نسيت وانت لا
عبدالعزيز:لا مانسيت
نوره:شبتسوي مثلاً
عبدالعزيز:بضربك
نوره:اقولل اذلف بس
عبدالعزيز:تراني صادق مامزح!
نوره:ماتقدر تضربني
عبدالعزيز:اي والله ماقدر بس خفيف عادي؟
نوره:بدلع لا حتى لو خفيفف
عبدالعزيز:خلاص ابشري بسامحك
نوره:غصب يلا قم لاضربك مره ثانيه
عبدالعزيز:مو هينه والله قايم قايم
نوره:ضحكت وقالت خواف
وراح عبدالعزيز يتوضى عشان الصلاة ونوره بدت تنظف الخيمه وتشيل الفرش الباقيه
عند نجلاء وخلود بالمطبخ
نجلاء تجهز القهوه والشاهي للرجاجيل والحريم
وخلود تجهز التمر
نجلاء:ماتحسين نوره ماتأثرت حيل بموت امها واخوها
خلود:اي والله تاكدي حتى مأكانه صاير شي
نجلاء:يمكن تخطت موتهم
خلود:مو طبيعيه انتي كيف تتخطى موتهم وهم من اهلها!
نجلاء:مدري بس يمكن مكتفيه ب أحد
خلود:شفيك على البنت !
نجلاء:مافيني شي بس مستغربه ابي اسالها بس تجي
خلود:ليه تسالينها لاتسالين مالك شغل بها
نجلاء:طيب لاتعصبين خلص
وجت عندهم ناديه وريوف
ناديه:بلا سوالف يلا اخلصن قبل الرجاجيل تجي من المسجد
ريوف:يمه وين نوره
ناديه:خليتها تروح ترتب الخيمه
ريوف:طيب بروح لها اشوف اذا خلصت
ناديه:لاتحاولين تهربين من الشغل روحي ساعديها بس
ريوف:اكيد ابشري
راحت ريوف لنوره
ريوف:ننووورهههه
نوره:يمه والتفتت وشافت ريوف خرعتينييي
ريوف:توجهت لها وحضنتها ماعليش حبي
نوره:وخرتها اقول يلا ساعديني بدال ماتحضنين جابك الله
ريوف:شسوي بعد ماغير اكرف احتاج حنان
نوره:ابشري بس ساعديني
ريوف:تأففت وبدت تساعدها
وجت الساعه ١١:٠٠
جو الناس وجماعتهم يعّزون
واللي رايح واللي جاي
وعدى اليوم على خير وراحو جميع
حوالي الساعه 6 المغرب فالمشب
ناديه: العيد كم باقي له
حصه:ناظرت شيخه (زوجة سالم) كم باقي على العيد ي ام راشد
شيخه:اربع ايام مابقى شي
ناديه:يويلي ماجهزنا شي
ريوف:يمه نبي العيد بالرياض ملينا من المزرعه
نوره:اي والله صادقه جده نبي العيد ذا بالرياض
ناديه:ان شاء الله اكلم عبدالله والعيال بعد ماتخلص ايام العزا
ريوف:بحماس طيب
يتبع ....
حطو نجمه وبأذن الله البارت الجاي اقولكم متى نزوله بالانستا
لاتلوموني والله عندي اشغال وانتم عارفين بكره السبت ويوم عرفه ف يعني مايمدي اكتب شي واشغال عيد اوعدكم بس اخلص اشغالي اكأفأكم ببارتات ورا بعض
جّود آلخلف 🇸🇦.
