نوره:اي حبني الين ماتعرف شعوري اتجاهك
عبدالعزيز:بتحبيني اكيد اصلا مالك غيري
نوره:تعقب والله لو انك اخر واحد ماحبيتك
عبدالعزيز:نشوف نشوف
وشغل اغنية اليسا
"قرب مني تعال بحضني واملي حياتي هوى ياويلي ياناري قلي ازاي اداري بشوقي ولهفة قلبي بقربك حتى واحنا سوا تنوررر سنيني وبيكبر حنيني"وكان يردد بعد كل كلمه ويناظرها وتنتظره بكل حب وقالت:شكلك تحب
عبدالعزيز:اذا عرفتي من احب قولي لي
نوره:من بنات عماتك احس
عبدالعزيز:قلبي مايمّيل لغير بنت عوض
نوره:هههه وبنت عوض ماتحبك
عبدالعزيز:اجل تحب من
نوره:وحيده حالها حال نفسها ماتحب ولا تنحب
عبدالعزيز:وانا سعيد عشانها ماتنحب ولا تحب عشان تحبني
نوره:ماحبك بس
عبدالعزيز:الا متى وانتي كذاا عناد ذا ولا وش
نوره:اللي تشوفه
عبدالعزيز:طالعه على عناد مين انتي
نوره:محد يشبهني ولا انا اشبه احد انا غيرر
عبدالعزيز:انتي غير والافضل بعد
نوره:ميزني او اعتزلني
عبدالعزيز:قسم بالله المدح مايوصفك وانتي اميزك عن الكل مافيه غيرك ولا فيه مثلك شبيه انتي نادّره ي بنت عوض
نوره:كلمة بنت عوض تكفّي
عبدالعزيز:وعبدالعزيز ؟
نوره:الله يصلحه
عبدالعزيز:ضحك قسم بالله انك ملاك مو بشر
نوره:اتفق معك شفف كيف مهووس
عبدالعزيز:لعبتي فيني
نوره:الحب يبلش وانت انبلشت
عبدالعزيز:يعني انتي بلشه؟
نوره:ماقلت
عبدالعزيز:الا قلتي لانك انتي الحب انتي معشوقتي
نوره:اص
عبدالعزيز:قربنا نوصل شرايك اسمعك ابيات
نوره:لا ماحب اسمع
عبدالعزيز:بسمعك غصب
وناظر الطريق وقال:
"والله انك في عيوني لو تكابر"
"من عرفتك و انت في عيني كبير"
"لك مكانك وسط قلبي وأنت خابر"
"مرتكي بين المشاعر والضمير "
نوره:من دون نفس قالت صح لسانك
عبدالعزيز:هههههه شفيك معصبه
نوره:اكرهك اكرهكك
عبدالعزيز:شسويت ماسويت شي
نوره:لاتضحك اكرمنا بسكوتك
عبدالعزيز:ابشري خلاص بسكت
نوره اللي بس تكابر وماتحب تصارح شعورها اتجاه اي شخص سواء عبدالعزيز او غيره وهي ماهي من السوالف الحب والعشق تحب ذاتها وعبدالعزيز اللي تعب منها ومن عنادها وتكابر لكن الحب اعمى راضي وينتظر يجي الوقت المناسب ويخطبها من ابوها وتصير زوجته وام عياله بس ذا كله خيال
حاير ب افكاره وسمع جواله يدق وشاف انه ابوه كانت الساعه 10:26 الليل رد
ساير:وينك تاخرت شايف كم الساعه
عبدالعزيز:انا ماشي المزرعه شوي واوصل
ساير:عسى ماشر ليه تروح لايكون مزرعة عبدالله
عبدالعزيز:ايه ياجد
ساير:وش تبي منهم ماتستحي على وجهك يكفي انهم قالو لاتجون مو فاضيين هم
عبدالعزيز:يايبه رايحين انا وثامر عشان نعلمهم عن الحادث
ساير:حادث وشو احد مسوي حادث منهم؟؟
عبدالعزيز:ايه وتوفو .....
ساير:قاطعه من اللي توفو ليه ماقلت لي من اول والله انك مو رجال ولا تستاهل كلمة رجال ولايكون انت مسوي هالمصيبه
عبدالعزيز:لا والله انا وثامر شفناهم ورحنا وشفنا اللي مسووين الحادث ساره زوجة عوض وولدها عبدالله
ساير:لا اله الا الله الله يرحمهم انا وابوك وجدتك الحين جايين المزرعه ولاحد يدري بجيتنا
عبدالعزيز:ابشر وساير سكر الخط وعبدالعزيز توتر وكيف جده يخاف عليهم وكانه فيهم ومنهم ولكن فعلاً الصديق نعمه
عند ساير
راح لناديه لقاها عند تركي
ساير:اسمعو جهزو اغراضكم بنمشي المزرعه
ناديه:مزرعة عبدالله
ساير:ايه مزرعة عبدالله نبي نروح اول ناس نعزيهم
تركي:ليه يبه شصاير من مات
ساير:زوجة عوض وولدهم
ناديه:ان لله وان اليه راجعون وبنتهم بخير ؟
ساير:ايه ماعليها
تركي:انا رايح ادق على عبدالعزيز اخليه يجي
ساير:لا عبدالعزيز عندهم وهو اللي قالي
تركي:خلاص اجل انا رايح اجيب مفتاح السياره وانتظركم
ساير:قواك الله
وراحو وجهزو اغراضهم واتجهو للمزرعه
ساير:ابدق على زيد يجي المزرعه وكلنا معه واقفين
ناديه:اي والله ساندوه هو يحتاجكم الحين واذا احتجتوه مايقصر معاكم
ساير دق على زيد
ساير:اخبارك ي ابو عقاب
زيد:بخير وانت اخبارك ي ابو تركي
ساير:الحمدلله نحمد الله على النعمه تعال مزرعة عبدالله
زيد:زين بس وش العلم الحين وقت المنام
ساير:نبي نوقف معه لانصير رخوم يحتاجنا الحين زوجة ولده توفت بحادث وحفيده توفى ....
زيد:افا صار كل ذا متى
ساير:مايهم متى صار يلا تعال
وسكر المكالمه من دون مايرد عليه زيد
وعند زيد
راح لحصه لقاها هي وعيالها يسولفون وقالهم السالفه وكلهم راحو عشان يتجهزون ويمشون
سالم:يبه مايصير نروح كلنا روح انت وامي وحنا نروح وقت العزا مو احسن
زيد:لا مو احسن كلكم تمشون الحين انتم وبناتكم وحريمكم
سالم:ابشر
عقاب:تأمر يالغالي سم
وراحو كلهم وقالو لحريمهم وبناتهم وراحو المزرعه وعقاب اللي راح بسيارته ومعه ابوه وامه وزوجته وبناته وسالم بسيارته مع زوجته وعيالهم
وعند عبدالعزيز وثامر كانو يمشون ورا بعض عشان يأصلون بوقت واحد ووصلو بعد ساعه
نزلو من سيارتهم ونجلاء ونوره راحو قسم الحريم
وعند عبدالعزيز وثامر راحو لبيت الشعر اللي فيه الجد عبدالله وعياله واحفاده حواليه
عبدالعزيز:السلام عليكم
كلهم وعليكم السلام
عبدالله:هلا هلا ب الغالي
عبدالعزيز:جاء عنده وقبّل راسه ويده
ثامر:وانا مالي ترحيب مأكاني موجود
عبدالله:ضحك وقال تعال تعال عندي
ثامر:امزح شدعوه عادي وراح عند جده وقبّله وقعد يمينه
عبدالله:وين ساره وعبدالله وحفيدتي ماجو معكم
ثامر:نوره بخير الحمدلله وراحت عند الحريم
عوض:بعصبيه اجل زوجتي وولدي وينهم؟
ثامر يناظر عبدالعزيز ومتوتر وماعرفو شلون يصارحونهم
الين ماسمعو صوت سياره توقف عند المزرعه وعبدالعزيز عرف ان جده ساير و
يتبع ....
