عند ثامر:وصل المزرعه وقلط السياره بعيد عن المزرعه وكان يمشي وخايف احد من عمامه يشوفه والخوف اللي بقلبه غير على ساره وعبدالله وخايف يصير شي ومحد يعرف وكمل يمشي الين ماوصل المزرعه وشاف نجلاء طالعه من المزرعه وقال نجلاء بهمس ونجلاء استغربت لما شافت ثامر وتوجهت له وقال تعالي ابيك سريع وراح قريب للسياره ونجلاء قالت شفيك وين نوره ماكانت معك ؟ ثامر ناظرها وقال قدّر الله وما شاء فعل
نجلاء:ثامر شصاررر!!
ثامر اخذ نفس عميق وقال لقيت عبدالله وساره مسويين حادث
نجلاء:وشلون لقيتتههم ووين نوووره
تنهد بضيق وقال لها كل اللي صار
ثامر:يلا دامك عرفتي لازم نروح انا وانتي المستشفى نشوف وش صار
نجلاء:شلون تجي هنا وانت مخلي نوره لحالها بالمستشفى ها قلي لو صار شي بالبنت ابوها يذبحك افهم يذبحك
ثامر:لا مو بلحالها معها عبدالعزيز
نجلاء:وش يضمن لك انه بينتبه لها !! ذا غريب مو من جماعتنا
ثامر:مو غريب اعده اقرب لي من اخواني اثق فيه رجال عبدالعزيز وكلمة رجال قليله بحقه
نجلاء:الله يستر بجيب عبايتي واجيّك
ثامر:يلا انتظرك شوفي ذيك السياره تلقيني هناك لاتضيعين
نجلاء:ايه اشوفها
راحت نجلاء وراح ثامر السياره ويفكر شصار الحين ووش احوالهم
عند نجلاء
راحت ووصلت المزرعه دخلت غرفتها تاخذ العبايه وشافتها ناديه وقالت على وين
ونجلاء توترت وماعرفت شتقول وماعمرها كذبت على احد مو من عوايدها تكذب دايم تكون صادقه بكل كلمه تقولها ولكن لو قالت انها بتروح مع ثامر بتقوم القيامه ويعرفون كل شي واستسلمت وقالت:هلا بعمتي رايحه اتمشى عند الحلال (الحلال النياق والغنم)
ناديه:اجل بروح معك امشي معك شويات ونرجع
نجلاء:لالا
ناديه:شفيك ليه لا
نجلاء:ليل ومايصير تمشين باليل بكره تعالي نمشي
ناديه:زين روحي وانتبهي
نجلاء:ابشري
راحت برا المزرعه وهي متوتره وناديه حست ان فيه شي لكن ماهتمت وراحت عند البنات وراحت نجلاء لسيارة ثامر وبدو يمشون من المزرعه للرياض
عند نوره
كانت جالسه بالارض وعيونها كلها دمووع وماعليها شي على شعرها وشعرها طالع ومنثور ولونه اسوود طويل وتفكر كيف بتتخطى اللي صار وكيف فقدت شخصين بيوم واحد والتفتت بتشوف عبدالعزيز وينه وطاحت عينها عليه شافته حاط يدينه على ساقه وفوق يدينه راسه وجالس على الكرسي وكانت تحسبه نايم وعرفت ان جاي وهو ماهو نايم واكيد تعبان عشان كذا نام وراحت للكرسي اللي جنبه وقالت بهمس حتى وهو نايم حلو الله يقطع بليسه وعبدالعزيز حس بكلمتها وصوتها وارتعش قلبه وصارت نبضات قلبه تزيد كل ماقالت كلمه وحّرف وسمع صوتها اللي من الدموع والصدمات وموت اعز ناسها مبحوح وفجأه حس ظهره جاء عليه شخص وفتح عيونه وناظر بشويش لقاها نايمه وعلى ظهره وابتسم ابتسامه ماعمره ابتسمها وجاه احساس انها صارت تحس معاه بالامان وشايل هم كيف بيكون معاها الفتره ذي وهو بالرياض وهي بتروح المزرعه لكن مابيخليها وبيروح المزرعه عشانها وعشان يحسسها بالامان اكثر وشالها على حضنه ويحط شماغه على شعرها ويناظرها بكل حب وقال:
