ثاني يوم بالشغل جان وكت ظهر والشمس تصگع بغداد هلايام ماادري شني جوها يوم حار وشمس تحرگ ويوم بارد وتگرص برد.
جنت شادة شعري ليورة نازل ولابسة نظارت شمسية وبنطلون ابيض كريمي وبدي ازرگ نص ردن
هلمرة جنت وكافة بنفس مكان وكفتي امس بصف قمرية الكراسي ومتجية عليه اراقب اللاعبين وجنطتي علكاع بصفي.
اليوم المدرب چان شوي صارم وياهم مادري شبيه صاطره العباس وبس يصيح يمكن متنرفز من الشمس لو من صدگ صاطرة العباس.
ضليت اضحك على تفكيري واشوف المدرب شلون ضل يصيح على مهند علي لان نام علكاع ياخذ نفس.
شوية وانطاهم استراحة خمس دقايق وهم ماصدكم نفسهم كل واحد بلعله بطلين ماي.
هلمرة تأخر التدريب للعصر وانا تعبت من الوكفة فضليت اتمشة منا ومنا لحد ماتعبت ورحت اخذت جنطتي وكعدت على المقاعد شفتها فارغة وتعجبت الكادر وين راح ماادري طلع بس انا الموجودة.
رحت سألت المدرب الي مااريد اروح يمه لان شكلة عصبي اليوم بس شسوي جاني الفضل ورحت سألته وطالعين العجايز مسجلين حضور وكل واحد راجع البيتة طاكلة صينيتين قوزي.
ضحكت بأستهزاء ورحت كعدت على المقاعد اراقبهم لحد ماصار المغرب يلة خلصوا تدريب وخطية كلش انقهرت عليهم مبين حيل تعبوا.
سمعت المدرب يصيح:
كاساس: Since training was tough today, how about we go have dinner at a restaurant at my expense؟.
[بما انو اليوم تدريبكم چان شوية قاسي،شرايكم نتعشة برا على حسابي؟]
الكل وافق اكيد منو يرفض هيج عرض، شوية واجة يمي عبالي رح يكلي تكدرين ترحين هسة وانا متونسة بس اريد اهج للبيت تعبت وعود هاي انا كلشي ماسويت اليوم، بس صدمي من كال اني معزومة وياهم!
من الصدمة ابتسمت ووافقت بعدين استوعبت انو راح اتعشة وياهم برة..بس يلة ورطت روحي ورطتها.
رحنة مشي لمطعن قريب من المعسكر الي احنة بي..جان مطعم اكلاته دسمة مال غدة وهيج وكت جان فارغ مابي احد
كل مجموعة من سبع اشخاص كعدت بطاولة انا ردت اكعد بطاولة وحدي لان فشلة بس المدرب سحلني بحجية حتى اكعد وياهم
والله مو مدرب طرگاهة شكد يخوف من يعصب.
كعدت بطاولة جبيرة بصفي المدرب وكدامي زيدان اقبال وجان ويانة ايمن حسين وابراهيم بايش وعلي جاسم وعلي الحمادي ويوسف الأمين الي جان كاعد بصف زيدان.
طلبوا صينيتين كبار شوي يم كل اربعة وحدة.
على ما يجي الطلب يتأخر لان المطعم بهيج وكت مايتوقع يجي زبائن.
كل واحد كاض تلفونه وبعضهخ بس يسولف والمطعم صاير هوسة من سوالفهم، طاولتنة جانت اهدأ وحدة
زيدان اقبال نايم على الطاولة ويوسف الأمين كاض التلفون وبصفة ابراهيم بايش نفس الحال وايمن حسين بصفة يحجي وية علي الحمادي وعلي جاسم الي كاعدين گباله.
أنت تقرأ
أحبيني
Фэнтезиعذراً عزيزي المشاهد 🖐🏻:- هُنالك بعض الملاحظات التي يجب عليك ان تعرفها قبل ان تبدأ بالقراءة واعطاء الرأي: ∆القصة خيالية! اكرر خيالية! لاتمس للواقع بِصلة عدى ان بعض الشخصيات حقيقية! . ∆لا تبدأ بالسبِ او الشتم لان هذا سَينُزل من قِيمتكَ لا اكثر. ∆...
