اربع ايام مرن بشكل طبيعي، اگعد الصبح اروح للمعسكر ابقى مثل المطي جوة الشمس اراقب، يخلص الشغل ارجع للفندق اكل وانام، اكعد العصر تخابرني الحجية واضطر ارد، تسالني عن احوالي واجاوبها واسألها كذلك، ومرات تاخبرني خالتي ايآت تسأل عن الوضع وتشوف الأخبار وتعاتب لان مااتصل عليها الا هي تتصل..بس اتجاهل الموضوع.
اليوم چان خميس وبقى بس يومين على اول لعبة بالتصفيات.
التدريب اشتد وساعاته كثرت، دكتور رياض صار يجي بالوقت ويرجع ورا نهاية التدريب ولافوت تدريب صار گلش ملتزم.
چنت كاعدة يمه على الكراسي والساعة چانت الساعة بـ9:22 الصبح، دكتور رياض چان مركز بحركة اللاعبين بجدية ومايحجي هادئ وبس مركز
وكل هذا لان اليوم اكو فصح طبي شامل للفريق كله حتى يتأكدون من سلامتهم قبل المباراة وماادري وين رح يكون الموقع لان هذا الشي يختص بغير كادر،
الكادر الي اني بي يختص بالاصابات الي تحصل اثناء التدريب وبداية التصفيات مارح اكون موجودة لاانا ولا الكادر الوياي بكبره لان مؤسسة فيفا لكرة القدم هي المسؤولة عن تعيين افضل كادر طبي لهاي الحالات وبالنسبة للفحصل يسووه كادر ثاني مختص بهاي الاشياء.
ودكتور رياض مركز وية حركتهم لاننا مسؤولين عن اعطار تقرير شامل عن تحركات اللاعبين واذا اكو خطأ بحركتهم او اي شي وكذلك المدرب اله الحصة الاكبر بهذا التقرير.
استمر التدريب من 7ص - 3ظ وبين كل ساعة استراحة عشر دقائق.
من خلص التدريب اخذت چنطتي واستأذنت وطلعت.
اخذت تكسي ورجعت گبل للفندق، بدلت وغسلت وفتحت اللابتوب مالتي وبديت اكتب التقرير حتى ارسلة بالأيميل للمختصين، انا چان علي تقرير الاحتياط ودكتور رياض علي تقرير التشكيلة الأساسية للعبة.
استغرقت ساعة ونص انا بس اكتب بالتقرير وراها سديت اللابتوب وبدلت ملابس طلعة اريد اطلع اتغدة برة لان كلش جعت،
اثناء ما انا ابدل رن التلفون وطلعت الحجية رديت عليها بسرعة سلمت علي وسألت عن وضعي وانا كذلك وراها سديت الخط
كملت تبديل ولبست بنطلون عريض اسود وبدي عريض نيلي وحذاء ازرگ.
طلعت واخت تكسي وكتلة ياخذني لمطعم فلان.
رحت كعدت بالمطعم وچان كلش ازدحام كله شباب والطاولة الكعدت بيها بقسم العوائل وهم ازدحام كلش، وكل هذا الأزدحام علمود لعبة بين ريال مدريد وبرشلونة،
بقيت كاعدة اريد يجي احد حتى اطلب ماكو اصلا العاملين كلهم مشغولين يشوفون اللعبة.
خليت وطلعت، امداهم من ناس.
مشيت شوي ولگيت سنتر چبير طبيتلة واشتريتلي اكل..كيك عصير چبس وبريد وچبن.
حاسبت وطلعت ارجع للفندق مشي اغير جو.
الشوارع چانت فارغة، مريت من يم حديقة بصفها كوفي، بيها شاشة وعارضين اللعبة ويمها كلش ازدحام هم.
رغم اني اشجع الريال بس مالي اي خلگ اشوف اللعبة، اعصابي تتلف.
رجعت للفندق وهم چانو العاملين الي بيه مشغلين على شاشتة اللعبة..اهوو هاي شني مااخلص انا!.
چانوا مشغلينه بصالة الانتظار وشفت بعض من لواعيبنة كاعدين يشوفونها.
خليتهم ورحت وگفت يم المصعد انتظرة ينزل،
انفتح الباب وطلعي زيدان مستعجل سلم علي وراح كعد يمهم، اهوو حتى هذا تسودن يريد يشوفها .
هزيت ايدي بستهزاز ورحت صعدت لغرفتي.
فتحت الباب وطبيت، خليت العلاكة على الجربايى ورحت غيرت ملابسي ورحت كعدت على الكاع وانتجيت على الچرباية اخذت العلاگة وفتحتها
سويتلي لفات بالبريد والچبن واكلتهن وية العصير، كون اكو چاي بس ماكو مع الاسف.
فتحت الحاسبة وطلعتلي فلم ساعتين ونص، بقيت اشوفة لحد ماخلص، نعست گمت كترت الغرفة ورتبتها ورحت انام.
اريد ابطل من الشغل وياهم صراحةً..صح الراتب زين ومابي شي بس اريد ابطل واروح يم خالتي ايات اشتغل لان الحياة صارت لاتطاق.
روتيني صار ممل، اكلي صار موزين، لانومة عدلة ولاگعدة عدلة، فلوسي رح تخلص من ورا الفندق والمفروض اليوم اجدد الاشتراك لان الاسبوع الحجزتة خلص.
اتصلت بخالتي ايات وكتلها عن الموضوع..وافقت علي وكالت انها رح تحجزلي طيارة لهولندا، بس كتلها تنتظر علما اشوف المختصين يقبلون لو لا.
ــــــــــــــــــــــــــــــ
يوم ثاني الصبح كعدت ورح كلعادة للتدريب، اراقب نفس المطي جوة الشمس،
دكتور رياض چان موجود..رحت سألتة عن الموضوع وشلون اكدر الغي العقد.
هو تعجب بدايةً وسأل ليش وانا شرحتله انو لازم اسافر وهيچ..كلالي انه رح يحجي ويه المختصين بالموضوع ومن يردوله خبر يگلي واخذ رقمي.
شكرته ورحت كعدت بمكاني، بنهاية التدريب اخذت جنطتي وطلعت واكفة انتظر تكسي.
اجة احد وكف يمي درت وجهي لكيته زيدان.
زينب: what?
[شنو؟]
زيدان: Normal people say hello
[الناس الطبيعية تگول هلو]
زينب: I am not a normal person
[انا مو انسانة طبيعية]
زيدان: You look upset
[شو مبينة ضايجة؟]
زينب: I'm really upset
[انا اصلا ضايجة]
زيدان: why
[ليش]
زينب: none of your business
[مالك دخل]
زيدان: What's wrong?
[شكو شصاير؟]
زينب: Nah.I will cancel the work
[ناهه..رح ابطل من الشغل]
زيدان: what?? why!
[شنوو؟؟ ليشش؟]
زينب: I will return to the Netherlands before you..I don't want to stay here anymore
[رح ارجع قبلك لهولندا..ماريد ابقة هنا بعد]
زيدان: Something happened?
[صار شي؟]
زينب: No...I'm just tired of being alone
زيدان:hello? I'm here
باعيتلة بنص عين ورجعت درت وجهي
زيدان: what
زينب: وخر عني
كلتها ووخرت من يمه اوكف بعيد
زيدان: What I did to you
[شسويلتچ]
_______
طبعا هذا البارت اخر بارت كتبته الكاتبة القديمه
وان شاء الله اعوضكم ببارت جديد وطويل
احبكم
أنت تقرأ
أحبيني
Fantasyعذراً عزيزي المشاهد 🖐🏻:- هُنالك بعض الملاحظات التي يجب عليك ان تعرفها قبل ان تبدأ بالقراءة واعطاء الرأي: ∆القصة خيالية! اكرر خيالية! لاتمس للواقع بِصلة عدى ان بعض الشخصيات حقيقية! . ∆لا تبدأ بالسبِ او الشتم لان هذا سَينُزل من قِيمتكَ لا اكثر. ∆...
