جنت كلش مستغربة من المرة الجاية لان ولا مرة من اول ما اجيت يم الحجية ولحد هسة جاي ألنا ناس مانعرفهم وهي بس مرة جبيرة بالعمر جانت تجي للحجية تصير صديقتها وتوفت قبل سنتين.
دخلت لغرفتي عفت غراضي على الچرباية وبسرعة بدلت ملابسي وغسلت وجهي وشديت شعري ظفيرة راخية.
رحت يمهم جانت الحجية تحجي وياها ومن شافتني اجيت كلتلي اجي اكعد يمهم وانا رحت كعدت يمهم
المرة مبين عليها من عائلة راقية وهيج لان كلش مرتبة ومنطقتنة مومال هيج ناس.
سعاد: بنيتي انا رح اتركم وحدكم تحجون واروح اسويلكم ضيافة، لان المرة جاية علمودج.
تعجبت من حجيها وكتلها اي براسي هنوب هي راحت وانا بقيت صافنة على المرة وهي حجت وياي
-: شلونچ زَينب؟
زينب: زينة الحمدلله وانتِ؟
-: صرت زينة ورة ماشفتج
زينب: خالة انتِ شلون تعرفيني؟
سألتها بأستغراب وهي شوي سكتت وراها حجت كالت
-: شوفي ياخالة انا مااعرف شلون احجيلج السالفة وكلش متوترة.
زينب: على راحتج خالة بس اهم شي تفهميني شلون عرفتيني؟
-: تتذكرين جدچ؟
استغربت حيل من حجيها بس كتلها اي لان جدي وبيبيتي بعدني اذكرهم.
زينب: اي ليش؟
-: ماادري لو چنتي تعرفين لو لا..بس جدچ بالبداية قبل لا يزوج بيبيتج سرى جان متزوج مرة الي هي امي..وراها تزوج بيبيتج..بقن ثنينهن يمه لحد ما حملت بيبيتج سرى وجابت خالتج مها ورها بسنتين امي حملت بية وجابتني بعدها بخمس سنين اجت امچ وامي وراها بست اشهر توفت الله يرحمها، يعني انا اعتبر خالتچ الوسطانية.
زينب: بس محد گلي من قبل انو عندي خالة غير خالتي مها .
حجيت بهدوء لان ماصدكت حجيها.
-: لان خالتچ مها ورا ماتزوجت بسلام سنين انا تعرفت على ولد بالجامعة الي هو زوجي حبينة بعض وراد يتزوجني وجدچ وافق بس من درا انو هو يريد يسافر خارج العراق وياخذني وياه ماقبل وكال اذا ترحين وياه اتبرة منچ..بس انا جنت صغيرة وكتها توي 20 وهو 21 وبعدنة مانفتهم شي من الدنيا..فاانا عصيت ابوي وسافرت وجان تواصلي الوحيد والي اعرف منه كل اخباركم خالتج مها لان امج جانت صغيرة عمرها 15 فماافتهمت الموضوع عدل وجدج من حجالها عني بصورة سيئة هي كرهتني وماسألت عني بعد.
بلعت ريگي وبقيت صافنة بالگاع وحسيت عقلي صار هلكبرة من الصدمة..بس حاولت ابين انو انا مامنصدمة هواي وسألتها.
زينب: وهسة ليش رجعتي للعراق؟.
اخذت حسرة وكالت
-: من توفوا اهلج خالتج مها ماكلتلي وبقيت هاي السنين كلها انا ما ادري انو اختي متوفية هي وعائلتها...خالتج كلتلي عن الموضوع قبل شهرين تقريباً وكالت انو هي ماتدري عنج شي فاانا كلت لناس اعرفهم بالعراق يدورون عليج يعرفون عن موضوعج لان وكتها ماكدرت ارجع للعراق وادور عليج بروحي بسبب الشغل .
أنت تقرأ
أحبيني
Fantasyعذراً عزيزي المشاهد 🖐🏻:- هُنالك بعض الملاحظات التي يجب عليك ان تعرفها قبل ان تبدأ بالقراءة واعطاء الرأي: ∆القصة خيالية! اكرر خيالية! لاتمس للواقع بِصلة عدى ان بعض الشخصيات حقيقية! . ∆لا تبدأ بالسبِ او الشتم لان هذا سَينُزل من قِيمتكَ لا اكثر. ∆...
