خذلان الحياه

بارت 18

#خذلان _الحياه

بقلم مروج

~~~~~~~~~~~~~~~~~~~~~~~~~~~
المُواقفَ تُعطيكَ الاجَابات بكُل وضَوح
.
فَلا تتظاهَر بالعُمى
~~~~~~~~~~~~~~~~~~~~~~~~~~~
زهراء :: مر تقريبا 3 شهور من نهد ما كالو لكوثر تجهض ياسمين و الدكاتره ما رضوا واليوم تحديدا 2009/5/20 يوم عادي ما بي شي مثل كل مره امي كل ما تشوفني دكلي

جاسميه ::ادري كل البنات حلوات وضعاف ويخبلن بس حضي شمالج ما تضعفين

هوه صدك اني سمينه بس مو لازم هيج دكلي ما حجيت شي جاي امشي بل ممر و اجوني اخواني يضحكون وكتلهم

زهراء :: اكلكم عادي تاخذوني للسوك اشتري شغلات

حسن :: شنو تشترين؟

زهراء ::ما ادري اروح هناك واشوف شنو اشتري

موسى ::يله حسن خلي ناخدها

حسن ::لعد يله لبسي

رحت حتى ابدل وهمه يسولفون

موسى :: اي كمل شلون صادقتها

حسن ::هوه جاي امشي وشفتها وعجبتني وهيه تخبل ايه من الجمال بيضه وعيونها كبار وشفتها صغيره وخشمها صغير

موسى ::كمل

حسن ::استغليت الفرصه لان ما تصير مرتين وانطيتها رقمي

موسى ::واخذته؟

حسن ::اي والبارحه بل ليل خابرتني

موسى ::زين شسمها

حسن ::بتول

خلصت تبديل وكتلهم

زهراء ::يله هلي نروح

طلعنه من البيت وماطول احنه نمشي همه يضحكون عليه

حسن ::ولج لازم مشيتج مثل البنات الرقيقات مو مشيه جبار

موسى ::لا وشوف وجهج اني ما عندي لحيه مثلج

حسن ::لا شوفها شلون شكلها مختلفه جذريا عن بقيه البنات يمكن انتي ارجلهن

موسى ::خوب شوف حواجبها ما تحفين؟

صارت الطلعه السوده والكشره ‏علي لو ادري ما طالعه ضليت مدنكه ودموعي يطيحن بل كاع اهلي ما خلو اسم الثقه بنفسي جرذوها مني ضليت اتوعد ل ياسمن بس تجي اخلي الكل مستغرب من نرجسيتها اخليها صدك نرجسيه اذا ما طلعتها نرجسيا ما اطل اني زهراء بت جاسميه

كوثر ::تقريبا الساعه بـ 4 ونص حسيت بوجع قوي ضليت لازمه بطني ما ادري بس الوجع مو مثل دائما الوجع قوي حسيت شي وكع علي رحت من كوه امشي ل دنيا واني ميته او ما شافتي كالت